泰巷 (將軍澳廣場) (已結業)

泰巷喺將廣都開咗一段時間, 無論早午晚都人頭湧湧, 襯一個放平日假既下午小試下午茶餐.雞絲湯河本身好普通, 間間泰式餐廳都有供應, 佢亦整得好普通, 有炸蔥頭少少香菜點綴, 冇咩味道, 蘿蔔唔淋, 雞絲一般, 湯底一般. 食咗感覺上填肚居多.跟餐熱檸水普普通通, 喺出面餐廳飲檸水普遍有一個問題就係檸檬唔新鮮, 完全冇檸檬清香味, 如果好似我咁唔加糖就會苦澀.泰巷每日都咁多客可能同價錢有關, 附近亦冇同類型餐廳.

次次經過呢間野都見大排長龍，咁岩今次見到隊唔算長，即刻試試點了一個2人餐，頭盤揀左小食拼盤，3款小食都好唔錯～雞腿炸得好脆，但內裡依然juicy ！讚主菜揀左冬陰功海鮮肥牛火山鍋，上菜時，淨係視覺分已經大加味道不錯，但略嫌冬陰功味不夠濃，海鮮不是新鮮，但絕冇雪味怪味腥味，不錯！飯麵類揀左青咖哩雞配酥餅～酥餅不算油～最怕油淋淋而且厚度很好，配咖哩食很match，青咖哩味道很濃，若然加多個白飯會更perfect 總結味道不錯，環境舒服，服務很好，值得排隊一試

早前同女朋友行街經過見到呢間做緊潑水節二人餐，見個menu都好似幾吸引，就排隊入去食。＄168有個湯，一個菜加一個主食，仲有2杯野飲，計落都幾抵，咁我地就叫左個冬蔭椰子雞湯，飛天炒通菜同埋黃咖哩豬頸肉配香酥薄餅。呢個椰子雞湯份量都OK，始終湯吾洗太大碗，費事飲湯就飲飽左。雞肉都嫩滑，不過如果椰子味可以重D就會再香口D！呢個通菜就有驚喜了！首先我係非常中意食通菜的，佢的馬拉盞炒得好惹味，辣到係岩岩好！不過女朋友話食完要飲好多水WO 因為對佢黎講咸左少少黃咖喱吾錯，配薄餅係一流！豬頸肉份量都算多，佢串菠蘿加埋係到雖然有少少奇怪，但係好甜 完全解晒通菜果浸咸味！very good 呢個餐牌都幾搞笑，教你basic泰文 呢餐都幾抵食！不過係限定的二人餐，吾知黎緊幾時又出新的套餐呢？

小曼谷濕炒雜錦河粉一上菜我就嘩左聲！因為真係好大碟一個人係食吾晒！所以下次可以同人share食！吾好睇佢賣相好似好差，但係味道係ok既，個芡汁係幾好味，吾係得豉油味！而且隻蝦都幾爽，吾係死蝦不過如果可以落少d芡就好了，而家濕左少少！

單叫火車頭湯河粉，餸多，但這裡的配料和一般認知的火車頭湯河有不同，有虎蝦、肉丸、牛丸、扎肉、手撕雞、牛肉，反而沒牛柏葉，幸好本人都沒特別迷牛柏葉。也不同一般湯頭，這碗湯頭不走越南風的清甜，走泰國的濃郁香辣，別有一番風味。

口淡淡一個人食飯唔知食咩好，行左兩個圈最後入左泰巷想食下辣野。見到檯檯都有一窩冬蔭公，香到坐隔離都聞到就決定叫佢黎試下！唔洗等耐就有得食，首先個湯酸酸辣辣好開胃，自己本身都中意食辣野真心覺得唔錯！入面既材料都好足，有好多海鮮，有青口，蜆，魷魚仲有原隻鮑魚！唔怪得個湯禁有鮮味！不過得個湯又好似少左D，如果配多個飯就更正喇～撈飯食一流！

Popcorn 連鎖食肆林立，要找一間有特色的餐廳也殊不容易呢。泰巷雖然在荃灣也有分店，但相比薩利亞之類的餐廳，起碼不是到處都可以吃到，看到門口也有條短短的人龍，就試試吧！等了十分鐘左右就入席。研究過餐牌發現大門處有推介過的二人套餐最抵食。268$加一有小食，主菜兩道，還有飲品。餐具造型幾過癮。泰式拼盤。春卷香脆，魚餅用上泰式香料，沾上泰式甜辣醬食幾惹味，炸雞亦炸得恰到好處，只是雞肉雖濕潤，但如果肉汁更豐富就更好。另外有一客泰式三文魚刺身，醬汁有wasabi及一些泰國香料如九層塔，味道無甚特別。菠蘿海鮮炒飯。海鮮不多，有兩隻蝦、蜆、及墨魚，味道不過不失。飯炒得不夠香，但賣相不錯。明爐冬蔭烏頭。用gas爐燒著，使炸過的烏頭保持温度。配以金針菇及粉絲。首先造型也不錯。冬蔭公味道唔岀，而烏頭肉質亦不算嫩滑。但熱辣辣一口吃下，也一樣有心滿意足的感覺。泰式奶茶茶味同一般的明顯不一樣，有點像中東的拉茶，幾好飲。

之前已經在荃灣那間泰巷食過下午茶，環境舒適好坐，是單獨叫飲料不太抵，一般來講，好感不錯。所以見將軍澳廣場新開張，就決定再一次幫襯！一早知這間泰國菜好特吃，主打fusion——黃咖哩吉列豬扒飯。吉列豬扒大大塊，外脆內嫰，麵粉又不太厚，黃咖哩濃郁小辣，愈食愈惹味，難得是，這個泰國午餐$44，價錢合理。

將軍澳...好食嘅泰菜唔易搵...有日shopping完經過將軍澳廣場...離遠見到好多人排隊...走過去望下原來開咗一間泰食店...都幾香～今日終於試咗！晚飯時段，好多人排隊。未能入座嘅客人都拎呢份餐牌睇...唔…有公園阿伯feel😆係有d特色嘅…真調味架...多數食湯麵先用…沙律上有兩隻蝦...size都唔細…蝦味無乜...沙律內含有大量嘅辣椒！根本辣味已經蓋過酸味～～因為實在太辣，最終放棄無食完～油酥餅…油係有嘅，但唔夠酥脆至於個紅咖哩...今次選擇要牛...內有泰式茄子...未煮得夠...咬落去係爽口個汁都幾辣又杰身...椰味重...配飯係正嘅。個魚炸得幾靚..同埋好大條...奇怪嘅事有幾樣～餐牌話係冬陰公味...但唔係好食到冬陰味...食落有微甜…唔係好明點解配料有白蘿蔔、雲耳...其實呢餐泰菜唔算好好食...但將軍澳無乜得揀...間餐廳好少二人枱...假如有幾枱同時一齊點食鱸魚呢類食物嘅話...等候時間會好長...食店唔算大...再加上佢同商場嘅走廊無分隔...感覺上食得唔太自在又好騷擾...雖然食店係商場內...完全無梯級...如果有輪椅/BB車...坐近入口會比較鬆動d

星期六食飯時間經過將軍澳就睇吓有咩食，見到呢間泰巷有set lunch就入咗去食。我哋叫咗兩個set，清湯手撕雞湯河送燒沙嗲雞肉串($58)，湯河略嫌較淡，但手撕雞同埋河粉嘅份量都非常充足。值得一讚嘅係雞肉串中嘅雞肉非常嫩滑，沙嗲醬亦非常惹味。另外我哋叫咗一個布吉香辣班球飯($62)，我哋揀咗黃咖喱，黃咖喱醬加上了少許椰汁，與白飯係最佳嘅配搭。整個餐嘅份量都非常豐富，餐配有前菜，可以選擇餐湯或者沙律，加$3亦配有凍餐飲，確實係豐富嘅午餐。

將軍澳最近開左好幾間新餐廳，Grand Avenue 係其中之一。週末always 都勁多人等位，所以選擇禮拜一去試。禮拜一去當然好快就有位，我地三個人所以就揀左個二人餐（$268）加多個餸。二人餐可選一個小食，一份主菜同飯或麵仲有兩杯嘢飲。當晚就揀左拼盤，菠蘿海鮮飯，同魚，另加一個炒菜。其實人唔係太多人o既情況之下唔應該漏單，但真係漏左。d waiter 仲要叫左幾次三催四請先幫你跟.....漏單係第一錯，我地係叫o既魚係烏頭，點知上o既係炸鱸魚! 錯上錯！得個嬲字.....最後都係味道搭救....本人最欣賞係個炸鱸魚，雖然呢個係上錯o既item，但新鮮炸出黎真係好脆，同因為自己鍾意冬蔭功湯...所以覺得幾好味。Grand Avenue 雖然唔稱得上超好食....但街坊生意，算係o甘啦...

HAPPY FRIDAY~LUNCH走左出去食，經過泰巷同事就話想食泰國野，禁就決定食呢間！叫左個火車頭湯河面，入面有蝦，肉丸，牛丸，扎肉，手撕雞同生牛肉，材料夠哂多！仲要有蘿白伴湯，入哂味入口即溶真心好食。個湯底酸酸辣辣好醒胃，呢排天氣焗促真係要食D辣野出下汗，呢個面令人想繼續食落去，唔單只飽，仲好好食 w=w=～

近排將軍澳廣場開了數間新餐廳，今日去左試呢間泰巷 午餐黎講算多選擇，而且賣相都幾吸引（一路偷睇隔離枱食咩) 黃咖哩肥牛飯肥牛係多既！仲要係吾太肥啖啖肉不過如果可以加少少蔬菜就更perfect! 而家個咖哩裡面淨係得肥牛同洋蔥，可以加d青椒紅椒，顏色都靚d!至於個咖哩，個人覺得椰香味可以再重d,而家少左浸香甜味辣的程度係接受既，而且佢吾多油浮出黎。 不過個白飯幾好食，粒粒分明，好怕食到d爛patpat的飯而家呢個飯用咖哩汁餸飯一流

外觀不像茶餐廳，事實很像茶餐廳，是高價不值的茶餐廳。由於是新開張，都難免要排隊，由於很多人，店員很忙，所以沒有服務可言，不過不用加一服務費，算了吧。冬蔭芝士焗海鮮飯: 很特別的組合，有基本的芝士及冬蔭味，冬蔭屬微辣，芝士汁濃烈，不重奶味，兩者配合剛好50／50，醬汁佈滿整個飯，海鮮亦很新鮮， 包括有墨魚，蝦，及蜆仔，加上炒飯底亦很香口，不錯。可惜分量很少，一碗飯多吧，只足夠細食的女仔吃。金不煥炒泰式河粉：這個真是經典，食完以後都唔會想再食。比個名偏了，以為是泰式金邊粉之類的東西，怎知竟來了碟乾炒年河的東西，牛炒得像牛肉乾，炒到隆咁制，無汁，無肉味，唔知食緊嘜，肉真的很乾。配料有芽菜及生菜，河粉都是炒得很油，吃後真的要投訴了。

星期六的下午茶時段於2點開始，大約1點50分到來取籌排隊, 黑衫的RECEPTION哥哥絕對顯現不耐煩的一面。入座後發現RECEPTION錯給了我午餐牌，一位WAITRESS收了我的餐牌卻沒有給我們換新的。於是我親自前去RECEPTION要取MENU，誰不知他看了我一眼，完全裝看不見。我們點了冬蔭湯粉，上菜了，卻沒有準齊餐具，怎樣揮手也被當透明。差不多用餐完畢，先生起來整理小孩，我還在喝餐飲，一位女侍應竟然不作一聲，整個人攝到我的卡位內執拾台面，真的要這樣趕嗎？門口的人又不多！其實食物是很好的，裝修也夠新，可是那些人呢？怎麼比茶餐廳還差？