泰巷 (將軍澳廣場) (已結業)

以上餐廳除食品味道差勁外，員工服務態度更是惡劣。 完全沒有香港食肆行業的服務精神。 安排入座不是依照輪候冧巴及人數，而是根據職員心情及攞飛時間， 完全不專業，客人查詢輪候情況更被安排入座職員惡言相向， 真是不知所謂。 如此差勁的食肆， 正是香港旅客減少的真正原因 。幸好，香港 好在將軍澳還有其他服務質素一流的泰國食肆。

本來打算跟家人一同享用泰國菜，一家七口拎左張七人飛，全家餐廳只有兩張多人枱。大約等左半個小時，全家人眼見面前的七人枱已經被服務員清理中，終於可以入去了。點知道原來呢間餐廳係跟拎飛時間入座，意思係指張八人枱需要分成兩張四人枱，總括而言 如果多人數的話是不可能等到入座的。餐廳的顯示牌無作用可言，本來D飛我們等了半個小時已經是下一張了，但一直根據取飛時間入座，其實我們所需等的枱有可能是數十張！這是一件令客人無奈的事。我們家人認為這是公司政策的問題，但後來當我們問到有關入座的問題時，職員的態度簡直不可理喻，職員的無禮程度簡直等同黑社會，我家有老人家，職員在老人家面前太不尊重了，令我們本來食泰國菜的興致完全消去了。我們一家決定以後都不會再光顧這家餐廳，並呼籲身邊的親朋好友以後也別光顧，免得收氣！

我4個人去，等咗半個鐘，等到下一張就到我，中間已經不停叫2人枱，眼見收拾完一張4人枱，但個帶位將佢分咗兩張2人枱比D過咗10個號碼的人，我哋問佢你寫住過咗3個號碼要重新攞飛，佢竟然同我哋講佢哋有決定權，2人嗰D唔搭枱所以要比佢哋，但佢間餐廳有三分一係2人枱，所以除非你係2人去，如果唔係等極都唔會有位

將軍澳popcorn 內終於有多d 選擇了。泰巷 無論係午餐、下午茶、晚餐都係禁多人，究竟點解呢？！初試係食晚餐，由於知道一定多人。所以提早係6:40 過黎攞位，真係好快入得。係呢個經濟低迷的境況下，呢個4人餐真係好抵食 一家4人決定試一試佢。Order 後唔洗10分鐘，大部分已黎齊，相當快手。頭盤：泰式風味拼盤 （四人份量）蝦餅春卷炸得香脆不會太乾丶魚餅沒有很特出、脆口的單骨感覺有點似kfc的雞、生菜包 的肉碎的調味相當辣。冬蔭公鮑魚湯： 海鮮十分足料，鮑魚都有4隻，令人驚喜。味道香濃，不會太辣。連阿媽好怕辣都覺得好滋味。主菜泰式明爐冬蔭烤烏頭: 看起來很有霸氣的魚，配料竟然有雲耳、金菇、粉絲、菜、蔥丶仲有白羅白。反而香料太少，突出唔到魚的鮮味，亦無咩香味。中途侍應才會加冬蔭功湯，加左兩次3次魚的怪味先可以辟走。馬拉盞炒通菜：上菜時香氣撲鼻，馬拉盞味濃郁。火車頭原個菠蘿海鮮炒飯：有大蝦、蜆丶青口丶肉鬆丶魷魚圈鋪面，買相十足。同時都好有內涵，炒飯不會太乾。青咖哩雞飯：經店員推介下點了最唔辣的青咖哩，配上雞肉白飯極佳配搭，食左好似有上癮的感覺，好想再吃。份量太小了。另外，再散叫左個油酥餅

這裏環境 ok 㗎， 在商場一角， 都有外國 Cafe feel。加上裝修都幾雅緻， 坐響到飲杯泰式奶茶， 望吓商場行過嘅人， 好悠閒吓。好可惜。。。。。食物真一般， 海南雞飯無味嘅， 又鞋， 連雞脾都鞋， 點煮得出？送餐慢， 我坐下時隔離枱4猛男有2人已吃緊， 另2人個餐到我吃完咁滯先到， 炒飯咋喎， 要咁耐？侍應姐姐無笑容唔講， 我個沙律已到都未有餐具， 問佢攞， 比左支仲有粒飯 chee 住嘅匙羹我， 是否驚我唔夠飽要加底？。侍應哥哥捧住飲品行過有2滴滴左喺我手臂， 又要講句多謝晒。食食吓侍應哥哥成盆飲品打瀉晒， 攪到我後面幾位人客一身都係。 小心d 嘛。咁嘅經驗， 你話下次仲來唔來食唔食好呢？

一家大細剛去完兩星期旅行，一回來就想吃泰菜，可能兩星期都在吃泰菜，所以去左私家飯堂，泰巷，一進店，全部都是新面孔，而且服務和之前簡直天寃之別，我以為去左高级餐廳，先講食品，我至愛明爐魚，選了鱸魚，比起荃灣，簡直兩回事，很好吃，而且非常新鮮，泰式拼盤，沒有荃灣這麼油，而且很juice，炒河亦一絕，燒虎蝦比荃灣夠熱，而且多汁，龍蝦亦夠熱，荃灣就凍的，在這裡吃到笫一次的泰式味道服務方面，值得加許，细問員工先知，全店換人，亦知周經理，很辛苦帶領服務員改革，因短袖男經理講的而且每個同事都面帶笑容，短袖男经理，很親切，而且沒有之前舊人般粗口橫飛，最後帶位的女經理很親切和好好笑容，和禮貌，臨走，男經理和我講明天見，我真的想每天來，但食物方面應可出多些，明天再來吃午餐，這班服務員，真的領導有方，明天見

昨晚兩公婆待會看七點半，行過將軍澳泰巷，有位，所以入去用餐，這是第四次入這店吃，門口黒衫女經理主動殷勤，帶我們入座，之後點了二人餐，粉紅色衫男經理主動推介炒蜆，但菜名感覺太辣，所以沒有叫，食品味道唔錯，但值得一讃的是粉紅色衫的男經理，他看到我太太用紙巾濕水抺手，竟然拿一包濕紙巾給我太太，很大方説，用完才給回我，這服務真的很難找到，及後，才發覺，整店換了人，而且亦沒之前那樣大聲叫和粗口，每個人都很有禮，如果和荃灣比，這店的人真的很nice.荃灣簡直兩世界，尤其帶眼鏡的經理，成過古惑仔，粗口大聲，將軍澳店值得再來

朋友說這間餐廳每次都好多人排隊，今天二人都收早，一於陪她去試試。坐下就看menu，價格合理。因想試多幾款，所以我們決定叫個二人餐$268，有A小食+B兩款主菜+C飲品。小食我們要了個泰式拼盤春卷熱辣辣又香脆，吃落不錯！炸雞肉質較嫩外皮夠脆配上甜辣醬也很滋味，但魚餅較咸，另外泰式三文魚刺身真的太差，本人很愛三文魚，但這個小碟裡的三文魚是腥的！配上只有顏色而沒有味道的青色醬，這是我唯一吃過而覺得有點反胃的三文魚。。。主菜是泰式明爐烤魚三星是給粉絲和金針菇的，吸了湯汁後有泰式風味。但魚肉很"鞋"又沒有味道！布吉香辣青咖哩牛肉配酥餅青咖哩沒有它應有的鮮奶綠色，而是暗墨綠色，一上枱已沒有令人胃口大開的感覺。酥餅是暖的，不熱的酥餅已可扣掉很多分！而且不酥！至於飲品方面朋友點了泰式奶茶，茶味夠濃，加了椰奶和冰粒值得一試。自己則點了榴連椰子沙冰，榴連味和椰子加上香滑的沙冰一邊和朋友談心，一邊就有waiters過來問我們還要不要，要幫我們收碟。。。。最後埋單$308這餐廳試一次就夠。

平日黎食lunch都好多人，諗住夜晚黎會少D人，都係咁多人。原來9點後有宵夜餐，都好抵食。點左2個set, 燒豬頸肉湯米粉配冬陰湯底，加$18油菜，另外一個係傳統風味無骨豬手湯米配冬陰湯底，加$6泰瘋香辣青檸魚餅，餐飲泰式凍奶茶和泰式凍檸檬茶。買單都係$100啫。小食青檸魚餅幾好食，賣相吸引，想再order多客。芥蘭都幾新鮮。由於無晒河粉，主腳配米粉一樣得。冬陰湯底好正，但明顯分量比午餐的少。豬手都係配飯好食D，本身都好味，但係搭左濃湯就失色左。另外燒豬頸肉都係一般。餐茶保持水準，泰式凍奶茶好rich茶味，凍檸茶有青檸色，幾有特色。

星期五，Friday night，冇去濕平，唯有約人去食新店！就人家去將軍澳，就食泰菜話，都好多人，但用膳時間只係個半鐘，應該唔會等太耐，等！坐低，本來想叫單點，但睇個set又好似幾好，就２人餐啦青咖哩豬頸肉，肥牛海鮮鍋，前菜拼盤青咖哩，份量唔多，但味道不太火辣，前菜拼盤，熱辣辣，唔係Hea住做 ，但係我唔多食生嘢，所以冇食三文魚主菜，肥牛海鮮鍋，大堆頭，有蝦，蛤，青口，魷魚圏，OK 啦!見其他人都叫魚做主菜，唔知係咪signature food，下次試吓！食飽，叫咗Ｏ茶消滯....唔覺套餐特別平，可以叫a la carte

首先，服務方面求其，岀餐又慢 問幾時有，話整緊需要時間足足再等多30mins，之後問經理先知無落單。。之後，嗌左個2人套餐加2碟小食，啲食物尤其個波羅炒飯完全無味，啲飯仲要吾熱。。食物無一樣覺得正，普通都上吾到最尾埋單都埋勁耐 等得佢幫我，我都走左 唯有自己行出收銀俾錢吾會有下次

今晚同男朋友係將軍澳睇完戲 經過泰巷聞到泰式烏頭勁香 忍吾住去食 點知830就已足夠賣哂 唯有轉烤爐魚 但食哂其他2道菜 仲要等左成45mins 先黎 好嬲不過條魚吾差既 汁夠味 酸辣另外再叫左咖哩雞 超失望 咖哩勁水 冇乜香味 雞肉得幾粒 用黎點油酥餅食係冇乜味 因為實在太水 吾夠杰個三文魚刺身反而有意外驚喜 $68有8片好抵食 仲係厚切 個汁正 不過都有少少辣

同Friend子想搵個地方坐底吹下水同食下小食，想坐耐D但又唔想坐M記，就去左泰巷試下新野。見坐位都幾寬落幾好坐，餐廳環境都唔錯，吹下水一流～小食拼盤有5樣野食，個人覺得春卷最好食XDDDDDD都幾有泰國風味。個菜包肉碎FRD子都話唔錯，其他炸野都係差唔多喇，熱辣辣就好食！然後，不得不讚就係個椰青！真係好清甜！入面D椰肉好易就筆到出黎食！雖然30幾蚊個，但物有所值！青檸SODA就不過不失喇。大大杯，唔怕吹水吹到口乾XDDDDD

零分頂我叫個飯等成兩個鐘雙拼飯你洗唔洗解凍呀仲耐過局野冇野呀？以後唔食叫埋所有朋友唔食吹左四五次話就話跟跟跟我打完食評！！！！！個飯都仲未黎!$68既飯要等成68分鐘！！

將軍澳站最近多了幾間食肆, 對於饑渴的將軍澳居民來説實在是天大的喜訊。今晚試下「泰巷」, 其實這間餐廳完成裝修好一段時間, 但不知為要拖到最近才正式營業。星期五的晚上, 唯獨這家餐廳門口有一大堆客人在等位, 令筆者更加期待。攞飛後四圍逛逛, 過半個鐘頭左右可以入座。店員告知個半鐘頭用餐時間。餐廳不太大, 裝潢簡約平實。唯一有印象應該是餐廳用鐵絲綱去分隔。餐牌用報紙形式設計出來, 菜式有圖片夠清楚。可是紙張已經殘舊的浪痕跡。價錢定位不進取, 難怪吸引不少人客。《沙嘜豬頸肉 $36》 首先店員呈上的醬汁不是沙嘜醬汁, 店員後來才更正再呈上。豬頸肉呈上時温度只是僅僅微暖, 表面沒有燒烤過的痕跡, 單看賣相已經大打折扣。咬下去, 質感鬆化非常腍, 完全沒有豬頸肉應該有的纖維。味道又無豬肉味, 不太肯定眼前的串燒是什麼東西。《泰皇孖兄弟 $108》 孖兄弟即是招牌無骨海南雞及傳統風味豬手。只要一百元就可以試下兩款餐廳招牌菜式, 抵食!招牌無骨海南雞： 賣相不合格, 雞皮雖然不健康但呈上時總不可能沒有的。雞肉白身, 沒有半點脂肪, 單看外表已經失望。咬下去果然肉質又乾又嚡口, 肉味欠奉。不合格的海