泰巷 (將軍澳廣場) (已結業)

一般都要等位，下午茶都有幾款，款式都算多，有飯，湯粉，炒粉或包，包一杯大眾化飲品，若凍飲或特色飲品就要加錢。湯粉有清湯或冬蔭公口味，味道都不錯，可惜分量夠精緻，吃不飽。若加5元就有一款小食，都算抵。

今日吾洗返早，有時間同媽媽一齊食個早餐先出發泰巷前身係娜多歐陸餐廳，我好鍾意佢地既早餐，平靚正之選，依家就開左泰巷，吾知質素如何香煎香草雞扒配雜菜沙律+茄汁豆+多士 雙太陽蛋 $37脆炸吉列魚柳配雜菜沙律+茄汁豆+多士 雙太陽蛋 $38我既雞扒煎到好似炸既咁 食落乾爭爭 淨係食到醃料味 勁失望 媽媽塊魚柳就吾錯 幾厚肉吾脆既多士我真係第一次食媽媽嗰片就烘焦曬店員幫我地換過片，再拎黎嗰片都係咁真的有換過嗎？ 應該是有的，因為多士變暖了。我地一開始嗰片係已經凍左....不過好彩味道都還可以整體一般，味道又未難食到食吾落，但吾值咁多錢。好掛住以前間娜多歐陸餐廳！雞扒大塊又juicy 價錢仲抵食好多依家如果比我揀 我寧願食快餐店既早餐。

假日下午茶唔係一定去high tea 嘅，呢間泰巷都擺得幾靚，呃吓like，都應該無問題，最重要唔係太貴，價錢親民，凈睇相唔講出嚟，仲以為係乜嘢中高級餐廳呢個豬扒做得好鬆軟，食落去D麵包糠，都唔會覺又厚又硬，真做到外脆內軟，而且唔覺肥膩！另外沙律菜好新鮮呢個三文治好有層次感好豐富，而且薯條唔係平時一般嘅薯條，炸得好脆，但內裡好粉，另外杯泰式凍檸茶飲落去好有新鮮感，本人從來未飲過嘅味道，好清新，可以解暑除油膩！呢個無骨海南雞飯就比較普通啦，而且啲雞好少，就係咁多下午茶份量都OK，冬陰公湯底幾好味，豬手就普通算合格喇

I came here for dinner on a Thursday evening - very luckily there was no wait for a table of 2We ordered a couple items.First that came was the Thai green Curry chicken $68the curry was decent flavour, not quite spicy enough for me (I like a real Thai spicy curry). It was weird that there was a skewer of pineapples on top. And there was barely any chicken in the curry.Next that came was the minced pork salad with lettuce The pork was boiled which was good because that's how they do it in Thaila

之前已經食過一次，呢度有個抵食套餐。四百幾蚊四人餐但其實份量已經足夠六七個人食份量都幾多。設有小食串燒，有烤魚，有炒飯，咖喱配蒜蓉包等.....選擇都幾多。飲品亦有泰國出名的芒果沙冰，幾好飲。我哋有六個人食最後都食得好飽，買單加埋一大約五百多，感覺幾抵，味道亦不錯。

每次經過呢間餐廳都見到好多人排隊，今日終於的起心肝試吓。我哋叫咗一個小食拼盤、一條烏頭魚、一個炒金邊粉同菠蘿炒飯。小食拼盤全部食物都好香脆，特別是個魚餅不得不提，夠味之餘入面又好juicy，而烏頭魚燒得很香上枱，熱辣辣好想食啊！另外，個金邊粉炒得非常之香，十分有鑊氣，好有泰國風味，乾身之餘又好煙靭，最後個菠蘿炒飯非常新鮮，視覺上已經好吸引，大大的菠蘿裏面裝着炒得金黃的飯，炒得香口又彈牙，加埋個特色珍多冰，冇得彈！

假日來到將軍澳廣場看看有什麼好吃, 行到這個泰巷見到有午餐好抵食, 就選這間啦!手撕雞湯河粉配冬蔭湯底 ($59), 冬陰功湯底味道夠辣又帶酸, 河粉同手撕雞盡吸功蔭功味.  而手撕雞份量好多, 食極都食不完.配菜: Thai酸辣無骨鳳爪, 雖然是配菜但一點也不hea, 一碟都有大約4條鳳爪, 酸酸辣辣, 惹味凍盤.冬蔭海鮮炒飯 ($69), 不太食得出冬蔭功味, 但在炒飯上加了的紅色辣醬就為炒飯提味不少, 辣之外還帶點甜味, 令人食完一啖又一啖配菜: 特式沙律, 田園沙律的雜菜 + 凱撒沙律的面包粒和蛋黃醬... 為一頓酸辣惹味午餐加點清新健康蔬菜. 

叫左晚飯2人set，第一道上既係菠蘿炒飯，無味，完全無味😓 之後上冬陰湯，好咸😂好咸⋯ 要兩樣加埋黎食變湯飯。個火鍋都唔好食😓呢3樣菜既材料係一模一樣😂食黎食去都係同一味野⋯而服務態度真係如其他食評所講，麻麻地。直到最後先記得上前菜串燒，呢個就不過不失，應該唔會有下次😐

最近好朋友生日❤要食餐飯慶下！佢話想食泰國野。但係我最近日日收8點，出到九龍城大夜，所以去返我地地頭將軍試下呢間泰國野😚二人餐-HKD298 (豬頸肉金不換炒泰式河粉)其實上枱係幾好樣😂而且份量都幾多，以二人餐黎講，份量真係算幾多！但係！！食第一啖就已經知道GG了💩鹹、好鹹、非常鹹。而我不知道佢失準定咩事件😑鹹到呀媽都唔認得囧而豬頸肉呢，好大塊，份量塊幾多🤔又但係，啲豬肉好靭好靭同好靭😑未至於咬擦膠，但不見得好食😐呢個炒河粉唔算好油😐，但係佢比我嘅感覺好似大排檔炒河粉😟但又冇大排檔炒河咁好食，喊出黎😦除左炒河，仲有另一個主菜，就係脆炸泰式麥皮蝦🍤而我不知道係咪真係有道咁嘅菜式，就係炸嘅蝦加激多麥皮🌞然後.....係一道十分淡味嘅主菜，同個炒河勉強都算互補不足😂總結，兩個主菜都頗失敗🌚。跟餐有一份泰式拼盤同冬蔭湯，呢兩個味道不錯👍🏻可惜，餐廳人手應該頗為不足，等上菜時間好耐⏱、催單都催三四次😤。況且味道麻麻😨，下次食泰國野，都係去九龍城好了sosad😟

兩個人想食泰菜，男友話呢間泰巷長期排長龍，就即管試下。晚上6點半去到，都要等6張枱，如果4人或以上等得仲誇張叫二人餐，份量都幾大份，豬脾啖啖肉好味，拼盤都唔錯，一路食一路見出面越嚟越多人隔離枱嗌了明爐烏頭好香，應該幾正，我見佢地條魚清哂下次會一試只係略嫌地方有d迫，坐到背貼背下次會再嚟

烏頭好腥，雞肉好霉服務好差，住場冇人，我兩個比個位對住個廚房，又迫。佢set緊台，仲有10分鐘，佢話未開始，坐都唔比坐，服務好差。我係老闆唔會咁做生意law唔會再黎!

今日光棍節搵男朋友行商場搵好野食 諗住食餐好既於是就去左試一直都好想食既泰巷 每次經過都覺得裝修好特別 氣氛環境好好 引吾住望多兩眼於是我地決定叫一個 (二人套餐配泰式風味拼盤$298)B. 湯選了 (Thai椰汁雞湯)只係飲到淡淡既椰汁香味 飲完湯後會好口渴C. 主菜選了 (泰式明爐冬蔭烏頭窩)+ (脆炸軟殼蟹配泰式墨魚汁河粉)一上枱第一時間手機食先 第一次食烏頭窩 感覺好新鮮 魚食到腥味 但接受到 旁邊襯托既粉絲較為失色 味道吾係人人接受到店內待應會不斷為你加湯汁 (脆炸軟殼蟹配泰式墨魚汁河粉)軟殼蟹炸得好香口 本人吾係第一次食墨魚汁 但墨魚汁配河粉真係第一次 入口後墨魚汁感覺奇怪 同軟殼蟹吾配 吾太建議嘗試期望愈大 失望愈大冇下次D. 飲品選了兩杯特飲 (海鹽珍多冰)跟餐加$12 同埋(香芒沙冰脆脆)另外飛天炒時蔬半價 所以我地散叫左一個 (馬拉盞通菜$24)

今天睇十二點半，睇完兩點幾，又不太餓，路經呢間，平時夜晚經過見佢都實爆哂，成日都話想試，點知咁啱又經過，再睇吓佢門口個餐牌，居然星期日都有茶餐，又幾多嘢揀，決定攞飛等吓。一攞飛，成九張枱，見未係好餓，等吓都得，點知都好快。十分鐘左右都入得！我哋兩個都㨂咗湯粉，揀湯粉類仲可加五就可以係四樣小食中揀一樣😃 轉冬陰公湯仲唔洗加錢，真底！我要雞絲，女友要扎肉，另加春卷同雞肉串燒。估唔到，加五蚊，都有兩條春卷，串爆都係兩串。 雖然春卷味道一般，但五蚊雞，算啦😅 不過兩串串燒就凍嘅，係咁易整翻熱都好吖😛湯河到，都幾香味，個河粉都唔錯。，但啲雞絲就韌咗啲。 雖然食物一般，不過四十蚊，有碗小河粉同小食，又有嘢飲又唔加一，服務又唔差都算係咁嘞！ 😊😊

平時好多人喺度排隊，尤期係星期五六日，今日難得見到冇咩人， 即刻飛奔去攞飛 唔使十分鐘就入到座laa😆由於我地3個人都好大食😂於是點咗一個四人套餐，泰式椰汁雞湯冇乜特別~飲咗幾啖, 唔會想飲曬成碗泰式風味拼盤好好味wo依個😆最中意個春卷同串燒，樣樣都岩岩整好，熱辣辣同埋啖啖肉!爐燒烏頭魚 見到隔離枱好多人都點咗依咪菜，見到個湯的紅卜卜心諗應該幾好食同濃味嘅😂 可惜有少少失望，因為條烏頭太腥，即使個湯底好濃都掩蓋唔到呢條魚嘅腥味， 我哋食咗半條就冇人再食啦， 條魚都應該雪左好耐，啲肉好散，雖然表面有被烤過嘅跡象，不過食落去都唔會試到有無鎖住啲肉汁(因為浸住啲湯) ，但係成個菜唔好味囉，條魚都吸唔到啲湯汁，肉質好散，有啲失望😣泰式炒河(豬頸肉)係幾好味好足料，唔會太油膩，不過就冇咩泰式風味，好普通既一味菜。泰式蝦醬炒飯個飯好足料，蝦醬鹹香加埋青檸汁酸酸甜甜咁，好開胃! 不過一定要落青檸汁，如果唔係就會變得好單調。泰式奶茶 冇泰國當地咁甜，不過都係偏甜，問過姐姐佢話冇得少甜😆所以如果你係唔鍾意飲甜野既，基本上唔洗考慮嚕😂飛天炒通菜 (馬拉盞 )都ok冇乜特別，無咩鑊氣囉😂

事越這間店，常常轉人，食物每次不同味，都算，服務簡直不知所謂，似大排檔多於餐廳，身邊的朋友，都沒有再光顧，見它開左新店在調景嶺，一心想去試試，唉，原來都是這班員工，費事洗錢，買氣受，所以走左