泰皇 (已結業)

太耐冇食泰國野，今次晚餐就揀佢啦好似隔夜飽咁，口感唔太好＄9 一串，有少少貴左D，味度一般，屋企樓下街邊小販檔只係＄8一串，仲要好味好多第一次食唔係原個菠蘿的菠蘿焗飯......一般

好味好好味~我係一個唔食辣野既人,但呢間真係估唔到好好味- 冬陰功湯D超好味,雖然好辣,但個味道濃郁酸辣味,飲完再想飲,入面材料十足,真的有蝦、有菇、香料- 珍多冰呢個真要飲,佢唔係加水個隻,佢全杯椰奶,加上個D爽口泰式一粒粒個D野,完全可以解辣又好味-串燒我唔食牛,所以只叫左朱同雞,9蚊串,超抵,D肉唔係街邊買個d少少少少咁,佢係好似"靚靚車面"個D咁大舊,但平一半價錢D肉又好味,個汁更好味-海鮮泰式炒河-呢個其貌不揚,但唔同出面炒河,佢用豉油炒旦,但佢D河粉唔太油,好味因我地食唔多,所以只叫左咁少仲有好好味既忙果椰汁羔呀,送架,真材實料,好味原來遠在天邊近在眼前,有間咁好食既泰菜,好味過在泰國食個D呀

My wife and I ate at Thai King the other night. Here's what we gotapaya salad, pad thai, yellow curry, beers.The papaya salad: I liked it. It was spicy, and citrusy, and crunchy and refreshing. It was my first papaya salad and my wife assures me that there are better ones, so I'll give it 7/10Pad thai: My impression is that pad thai is traditionally made with a thick, flat rice noodle (a quick google images search seems to validate the intuition) but most places I've seen in HK make it with a th

早前同另一半經過"泰皇"食店門口佢話有興趣想試下~相對其實我又無特別想試囉可能見食店既檯凳比較迫~如果夜晚食飯感覺會好唔自在之後上網睇過下介紹~話食店由泰國人煮理而食評都唔錯所以另一半話唔食晚餐的話~不如去試食個lunch呢食店原來12點先開~所以唯有閒逛一陣再返轉頭幫襯食店地方唔算大~但想像到夜晚full晒真係坐得好迫相反lunch早去比較少客~可以慢慢食感覺唔會好趕我地各自叫set lunch~餐飲同樣+$轉個.."芒果汁"好杰身既鮮芒果汁..真材實料~超凍而且甜度剛剛好"泰式乾炒牛河"因為我唔食牛~所以要求轉用豬肉食材每樣少少..加起黎好多料河粉炒得好乾身好滑~睇上去好似好油但其實食完之後~個碟底係無乜油呢豬肉好鬆軟~整體炒河好夠味而且炒得好香蔬菜配料好多~剛好既熟度..炒得好脆身"海南雞飯"雞味唔突出~味道普普通通油飯加入黃薑粉調製~口感唔油膩中帶少乾飯味我接受到而且比較少食到油飯加黃薑粉不過相對油飯既香味~就比黃薑粉蓋過另一半ma ma地鐘意食依個飯~唔岩佢心水個汁一般另外跟上一碗湯..好重味精送上甜品~唔太甜..味道都ok整體食物炒功好夠鑊氣~個河粉唔錯海南雞飯就一般呢..

8:30 到達，門口仍迫滿等位的人潮。礙於人流實在很慢，我們兩位等了45分鐘才被安排到樓上舖入座。一上到樓上舖，不得了 ... 人聲鼎沸！坐了一個鐘的我走出這個舖時，我感覺到我重生了！第一道上枱的是 "炭燒豬頸肉" ... 不太夠熱，但那個汁味道一流！馬拉盞通菜 ... 菜很老，還很鹹 ... 差！燒鱔 ... 燒得剛剛好的大鱔，皮脆肉嫩，JUICY!大蜆冬蔭功 ... 大蜆很大沒錯，但冬蔭功很普通，味道偏酸，不夠辣蒜蓉飽 ... 萬眾期待的蒜蓉飽呀！果真沒令人失望。切成長條形的包，3面都搽滿蒜蓉牛油，熱騰騰的上枱，甚能不好吃呢！還有豬肉和雞肉串燒，又忘了拍照 ... 不錯！這裡畢竟太吵了 ... 如果/ 有機會下再來 (又如果、又有機會的)，我想我只會為了那蒜蓉飽

泰國厨師主理午餐......齋睇字已經引到流口水泰式咖啡及奶茶......味道真係同港式的唔同......奶茶啡啡橙橙色的, 味道奇特, 後來我上網search發現泰國的泰式奶茶(cha-yen)的橙色是tamarind粉,本應是天然的. 加入tamarind可减少泰茶(cha-dam)的苦,增其香味. 古方還會加入八角,桂皮,大茴香、肉桂等. 所以泰國的泰式奶茶口味是很特別的. 但隨著社會'進步',現今的泰式奶茶會用人工色素及人工調味加入茶包中去代替老祖宗的智慧. 煮奶茶，以茶粉開水，加入煉奶，要冰奶茶的話，就放入冰塊，然後再多加一點煉奶。泰式海南雞飯的湯.......口感異常豐富, 湯料也不少包括有椰菜、粟米芯、玉子豆腐、紅蘿蔔、肉碎等等, 味精唔多覺。泰式海南雞飯份量普通, 雞油飯味香而雞件都製作精美, 肉質嫩滑泰式金邊粉......酸酸甜甜, 好大堆頭, 蝦係雪藏貨但質地ok, 上枱時熱辣辣放入口, 酸味甜味花生味韮菜味一擁而出, 頓時開胃！免費送的甜品, 一人一粒咁大吧.......不過味道可宜免加一

黃咖喱雞黃咖喱清香，而且甜甜地，配上滑雞等，不錯。蒜蓉飽放置成井字形的蒜蓉飽，完全是滿分之作，外脆內鬆，點著清甜的黃咖喱，好吃得不得了，後來我們再 encore 一客，還大膽的叫店主加一點黃咖喱給我們，想不到他們給了整整一碗，豪不吝嗇，讚。咸魚炒椰菜苗，鮮甜，GOOD。碎肉生菜包，少少辣，夠香口。泰式拼盤 (春卷, 蝦餅, 魚餅, 香葉雞)新鮮造起，好味道。泰國特式炒粉絲粉絲碎碎的，不過都幾好味。燒鱔魚又香又多肉汁，必吃之一。鐵板蠔炒旦蛋夠滑，蠔夠香。還有飲品及免費甜品。下次一定會再來。

泰皇.........我其實都來過呢度好多次,每次來之前,都好想話唔好又叫番之前叫過的菜式,試下其它未食過的菜式,但最後,因為差唔多每次都係兩個人來的原因,叫得呢樣又唔叫得(o個)樣,因為兩個人你真係食唔到幾多,哈哈......講到呢度,大家都應該知道,呢間泰國菜,一定有番咁上下啦,好,做樣都睇下個菜牌,(簡)定菜式........開飯泰式酸辣鳳爪,好多香料,好o岩味,次次來到都一定叫呢個,正豬肉生菜包,味道好,份量足,生菜又夠多,總之要食炒芥蘭,比較咸左少少喇,不過都可以接受,今晚算得最差係呢個啦串燒雞翼,串燒鱔,真係好好味,燒得好香,個汁又正青咖哩豬肉,呢個咖哩汁,一定要配合埋無國界蒜容包,化學校果好好,所以兩個要一齊叫無國界蒜容包,呢個包,外脆內較,真正芒果汁,鮮榨的,夠凍,好味總括,埋單用了$290,我覺得,食泰國菜,呢間真係靠得住,價錢一d都唔貴,而且水準也算高,員工服務都算有禮,如果問我呢間野差d乜,我只能答你,就係差一d食唔到入肚的(名氣)鐘意食泰國野的朋友,如果睇到我呢篇食評,而你又在荃灣的話,希望你唔好怕呢度地方比較無咁方便,試下行多兩步過來,你食完之後,你可能會覺得

LEE排諗開有咩好食想寫上OPENRICE泰皇既水準都好高亦都唔算好高食左既野:1. 咖哩炒大蜆2. 蝦醬炒飯3.串燒4. 生蝦5. 芒果冰(唔記得個名)由於我唔食辣, 叫既都唔係好辣既野咖哩炒大蜆~~推介蜆好大, 咖哩香而不辣, 仲有D蛋花, 可以用黎送白飯都好正蝦醬炒飯~~~我自己既好鍾意食話好多間既蝦醬炒飯, 最鍾意LEE度, 覺得料足.成個飯好香, 佢配埋肉鬆+蠟腸~~正!!!串燒~~我覺得個鱔就正因為佢配左個酸辣汁比佢~都正豬牛冇咩特別生蝦~~佢D冰係直接TOUCH到D蝦感覺......有D唔係咁衛生芒果冰~~感覺係新鮮搾, 原因係..........勁酸,勁生既芒果咁整體良好,staff都好nice, 仲有得食滿吸印同有d野送比你下次你既時候食一定會再去~~~

今次早放工，六點正已經到左門口～一個人都未有~好彩啱啱開晚市~1. 馬拉盞通菜 (我鍾意佢夠juice, 夠嫩, 夠香)2. 炒大蜆 (真係幾大隻, 但有少少沙)3. 青木瓜沙津 (一般)4. 咖哩蟹 (夠大隻, 夠多膏, 但好似炸過, 炸粉多左d) 5. 蒜容包 (推介!! 砌得靚! 焗得鬆趣! 蒜容味夠香夠多! 餸咖哩蟹汁一流!!)6. 芒果冰沙 (應該係用新鮮芒果整! 好味!!!好鮮!!!)味道：4 (總體黎講唔錯, 會再encore!)環境：3 (可能早食飯, 夠靜, 但位與位之間有d窄)服務：4 (自動自覺加水, 都算有禮貌)衛生：2 (好奇怪係出菜位上面木制櫃果度, 好明顯貼住一連幾個小強藥餌, 喺食肆地方唔應該咁樣囉)抵食：3 (正常價, 唔貴唔平)

今日來到荃灣食泰國菜，八個人，點了︰冬蔭功 - 一般的冬蔭功味道。香葉炒軟殼蟹 - 因我不特別喜愛軟殼蟹，無意見。炭燒豬頸肉 - 全晚最好食是這碟餸，炭燒味配合豬頸肉的香味，邊緣有少許烤焦，一食再食！正！串燒雞、牛、豬 - 太鹹，食唔出肉本身的鮮味，其實已經有沙爹醬，唔須要整咁鹹！泰式炒通菜 - 炒得唔夠香，唔夠味！菠蘿焗雞柳 - 鮮菠蘿、腰果、洋葱、雞柳放在菠蘿殼內，甜甜酸酸的。鮮菠蘿加上個汁好好味，是不錯的一道菜式。黃咖喱豬 - 一般。椰青 - 好飲。總括而言，個別菜式出色(如炭燒豬頸肉、菠蘿焗雞柳)，整體水準只屬一般，但埋單每人只係$80，算幾抵食。

半打串燒 @ $9/串, 豬, 牛, 雞各兩串, 配 satay sauce, 味道唔錯呀, 可惜好油膩呀燒鱔 @ $13, 看上去不太多油, 原來碟上既菜沾左 d 油~個 sauce 酸甜味, 正菠蘿炒飯, 菠蘿好甜, 伴有肉鬆, 腰果, 泰式"立"腸, 提子干, 青豆, 整體都唔錯泰式炒金邊粉, 一上台就香噴噴, 有幾隻蝦伴碟, 有幾條好似魚片既野, 不過望落去好多油啊, 食落口一般, 加左泰式魚露即刻唔同晒蒜蓉包, 擺位特別, 味道普通, 配咖哩一流..乾咖哩軟殼蟹 $88, 特別的一款咖哩, 平時見開都豬牛雞有點悶~今次一於試下咩係乾咖哩~我地有 6 個人, 碟上的軟殼蟹夠 6 個人分, 軟殼蟹配乾咖哩都係唔錯既選擇, 咖哩係黃色既一種, 唔辣的..食完還有很多汁剩啊 !!最後仲 order 左椰青, 芒果特飲, 青檸梳打, 荔枝特飲椰青 @ $26, 好清甜青檸梳打, 朋友話好酸, 佢只係吉過青檸幾下 ja ><

自從男友和我都離開荃灣工作，都頗少踏足這個地方。是日和友人相約，大家都曾是荃灣人，再來試這裡的泰菜。原來這裡是有二樓的，不過菜都是在地下廚房做的，拿上來時覺得有些冷了。炒椰菜苗︰第一次吃，沒有想像中那樣嫩，不過也算翠綠，也是不錯的。香葉肉碎炒飯︰炒得粒粒分明，又帶點辣，十分惹味。大蜆冬蔭功︰在泰菜中，我最喜歡冬蔭功了。這裡的冬蔭功也做得合我口味，夠酸，又不會辣得過火。大蜆真的很大隻，不過就是有點沙。辣椒炒青口︰我不喜歡青口，只吃了一隻，都是不喜歡。男友也覺得麻麻地。最後還有免費的泰式糕點，不過甜胃未滿足，到下一站去。

同男友月尾會去泰國,呢日先黎食個泰菜好耐無食泰國菜,我好身痕,於是男友打完拳黎到我諗起既泰菜係未食過既泰皇叫左冬蔭大蜆湯,生蝦刺身同埋蝦皇炒飯湯同炒飯同時黎到,但食左一半生蝦刺身都未黎於是男友問下,先知無哂生蝦,於是改左青咖哩雜菜最後仲有兩舊糕送冬蔭大蜆湯 : d蜆真係好大湯酸酸辣辣好好飲,好濃味但又唔係過份辣,真係讚!蝦皇炒飯 : 唔知點解叫蝦皇,同平時蝦仁炒蛋d蝦一樣咁大...不過都ok,無咩突出又無咩位俾我入青咖哩雜菜 : d飯食完哂先到如果唔係我一定當佢湯咁撈飯!!青咖哩甜得黎辣,我係咁飲...雜菜唔係好多,不過好味,最欣賞係西蘭花,唔係平時出面食果d硬到死又或者淥到淋哂,好爽好好味!桂花紅豆糕 : 好清好香,不過紅豆淡左d椰汁芒果糕 : 芒果好香,一d都唔酸好彩我地醒目有check單,如果唔係佢收埋生蝦刺身

上次跟食友去完深水埗的「泰」後，就開始喜歡吃泰國菜，今次又去了荃灣這家泰皇開餐。望入去店子小小的，但原來也拿了隔離住宅的一個單位去做生意，因此客人雖然多，等一會就有位。見大家那著餐牌翻來覆去也沒有頭緒，倒不如每人點一款食物，再加一客蒜茸包。現在能夠食蝦，我很自然地就揀了生蝦刺身。呢度既生蝦刺身，一碟九隻，整齊的排好，色水配搭得宜，論賣相是合格的。可惜，吃落是沒有鮮甜味，甚至有些少雪味，要靠辣汁去掩蓋這味道。幸而，醬汁的酸辣度還可，幾醒胃的，才挽回些小分數。也要了串燒，豬和牛各三串，兩者均不太香口，牛串質地亦頗韌，欠缺肉味，又是要醮醬汁吃，須知我吃串燒是從來不鼓吹醮任何汁醬的；豬串稍稍好一點，起碼肉質嫩滑。論到馬拉盞通菜，鑊氣算足，夠惹味了。不過通菜就不是太好，畢竟現在也不是通菜大造的時候，也不能太苛求，反正馬拉盞夠咸香便收貨了。來個黃咖喱豬，咖喱汁並不十分刺激，仍帶點椰香；而肉片雖不會韌，但入味程度一般，我還是喜歡吃牛多一些；配角的薯仔，唔得粉，之前也說過吃咖喱我是喜歡粉一些的薯仔。叫了一客蒜茸包去送咖喱，端上檯時還以為是厚多士，幾特別。包身只是微脆，蒜香也不很濃烈，不過醮上了咖喱汁之