海港薈

营业中

休息中

帶外國朋友飲茶，通常一係揀地區特色小店，一係就揀一啲有返少少特別嘅酒樓，依間海港薈，最正就係有一個超級靚嘅海景。佢啲點心都唔差，黑毛豬叉燒包非常扎實，醬唔會太甜，包又鬆軟。馬拉糕都一樣香甜鬆軟，但個甜意又唔會太死。蝦餃入面嘅蝦仁大大粒，爽口鮮甜，皮唔會厚，仲有啲煙韌。我哋仲嗌咗啲小吃，椒鹽炸豆腐外脆內嫩，滑溜嘅豆腐熱辣辣，點醋就最好吃。炸兩大大份，非常飽肚。朋友點左個灌湯餃，湯鮮熱，餡料豐富。海景一流，坐得寬敞，點心又有水準，係市區飲茶都可以考慮下。

想起好一陣子沒有品茗，嘆一盅兩件，與家人去了北京道1號的海港薈。維港景色盡收眼底，頓時胃口大開。松露煙燻蛋 - 蛋黃七至八成熟，蛋白散發著淡淡煙燻香氣，加上松露醬，味道更細緻。拍青瓜海蜇 - 脆口跟煙靭這兩種口感好像有點不相容，但海蜇就正正有這特質，加上清爽的青瓜，微辣的很開胃。西班牙黑毛豬叉燒包 -叉燒包不是常食的點心，不過見到是西班牙黑毛豬叉燒包又想試試。肉味較濃，而且比較少肥肉，醬汁份量適中，較健康的叉燒包。帶子豆苗餃 - 每隻餃子內都有細粒帶子和蝦，豆苗挺新鮮有菜香，皮薄餡多，足料美味。韭黃鮮蝦腸 - 鮮蝦大隻彈牙，腸粉有米香。能望著維港嘆精緻點心，充好電去享受週末。

近日發生的事端太多，為了轉換一下心情約了朋友出來飲茶，本來去樓下的街坊茶樓的，但朋友話要對自己好啲，去左呢間有靚靚海景的海港薈，地點在北京道一號，好易搵啦～很優雅的橫裝，看著無敵大海景真的不錯。茶要了普洱，很滑呢，難得的靚普洱茶，現在真是買少見少了。四季豆煎薄餅跟想像中的煎薄餅不一樣呢，哈哈，上枱時還以為係腸粉。外層是煙煙靭靭的糯米皮，內裏包著豆莢火腿片等，鮮味爽口，雙重口感很特別呢。西班牙黑毛豬叉燒包再來是這裏有名的叉燒包，餡料很多呢，滿滿的叉燒肉，爽嫩有咬口，肉多汁少且完全無肥膏，不錯不錯。帶子豆苗餃相當飽滿的豆苗餃，帶子鮮味，蝦爽口，仲有多汁的豆苗，加上有韌度的外皮，好吃。豐料珍珠雞最後還有珍珠雞，滿滿的荷葉香很吸引呀，餡料是瘦肉，冬菇，瑤柱等，飯除了混入紅米，仲有薏米，感覺相當健康呢，飽肚又好味。重口味的我倆當然要求辣椒醬了，居然仲有潮式辣椒油，正啊，現在的茶樓都只淨豆瓣醬了。環境靚靚，食物好食，茶好飲又夠滾，加上不斷沖水的侍應，真係同朋友吹水的好地點呢。

香港人步伐好快，所以假日有時間我都鐘意去酒樓嘆下菜，雖然環境會嘈一些，但係這就是香港特色！今次同男朋友去左尖沙咀海港薈飲茶！我未去過，不過男朋友之前食過晚餐，覺得唔錯，所以就試下食點心！內部裝修簡潔而明亮最大特點是落地玻璃可以飽覽維港景色！真係好靚，一邊嘆茶，一邊食點心，假日就應該如此享受一下生活！侍應服務比一般酒樓好好多，會主動倒茶，加水收碟全部都唔洗叫已經主動做了叫左好多點心！黑毛豬叉燒腸$48見到有黑毛豬叉燒腸！我好鐘意食腸粉，就試下得唔得先！外表望落唔覺特別，不過一夾起就見到有別於一般的叉燒腸！平時的叉燒切到好碎，叉燒份量其實好少！呢個好唔同，可以見到成片厚既黑毛豬叉燒！每一件都有，好足料！是不是黑毛豬，一食就知！呢個一咬落去好有油香，雖然有厚度，不過都好嫩！真材實料！這個價錢交足貨！好好味！值得encore翡翠筍蝦餃皇 特睇點心皮的摺痕，就知師傅認真與否！摺痕平均，皮算薄，蝦仁夠多，啖啖蝦肉。上海蝦春卷 大脆卜卜，食到有蝦，味道不錯西班牙黑毛豬叉燒包$48好大個，啲饀料好多，黑毛豬肉夠嫩，正！帶子豆苗餃 精最喜愛點心之一睇得出皮薄饀料多，趁熱食最啱，滿足沙爹金錢肚 精平時酒樓

辛苦了一個星期，星期六梗係瞓晏啲，瞓飽先來食嘢，去咗北京道1號對住靚景影飲茶，今日陽光燦爛，望出去有層薄霧，維港真漂亮。有咁靚個景，價錢又好合理，小點$22起，中點$26，大點$30，精點 $33，特點$38。都係食基本點心，最出色就係叉燒，全部都係用黑毛豬做的。黑毛豬叉燒腸，黑毛豬叉燒包，肉質真係唔同，比平時食到得更有咬口，同時又鬆軟，叉燒汁好好味帶點甜，好食指數高。招牌三色包真的可愛，分為是核桃包、黑金包、豬仔包，適合最後食作為甜品，合桃包裏面有合桃粒，甜到啱啱好。黑金包及豬仔包都是流心奶皇包，豬仔爆漿真可愛！甜度又係啱啱好，很香很滑。最後仲食咗合桃蛋撻做甜品

今天見到風和日麗，刻意找間有海景的酒樓飲茶，見到海天一色，高樓大廈，感覺心曠神怡。有維港海景的環境，高雅大方的裝潢，收取這樣合理的價錢，仲有免費泊車，絕對諗得過，留意每張枱只得一架泊車優惠。近日吃得太多，今日就簡單一點，叫了我最喜歡的蝦餃、叉燒包、灌湯餃、鮮竹卷。這裏的叉燒全部用黑毛豬，這亦是大勢所趨，吃過好的返不到轉頭，黑毛豬的肉有豬味，肉質鬆軟有別，無論配合包吃或腸粉皆極之夾。這個年代的灌湯餃浸在高湯內，與從前裹著不同，但配合疑似鮑魚花膠，又何有投訴，味道唔錯。素材料的鮮竹卷用上同樣的湯，味道很好。蟹粉小籠包都好，唔腥，灌湯，夾起不破。

到海港薈茗茶一為維港景色，二為這裡的精美點心而來。 與老爸每次來都感到心曠神怡，真真正正能享受到茗茶之樂！每次來必吃的;西班牙黑毛豬叉燒包 ，包的外表就像三朵雪白綿球一樣，質地很 蓬鬆，入口軟綿綿，熱呼呼的~內裡餡料更出色！肉質淋滑，蜜味醬汁不多少將肉包住，未有像" 漿糊"的口感'。果然非一般的叉燒包！每次吃完總是回味！鹵水豬仔脚皮爽肉滑口感，鹵水很入味，醬油色澤鮮明。上湯焗蝦球伊麵麵的韌度彈牙，味清甜，蝦球好爽口，份量很足！原隻鮑魚燒賣皇肉質鮮味而爽口！開心果蛋撻香滑蛋撻加了脆脆開心果~美景美食，每次來過之後都一樣的回味~

10月尾先係稻x 趕得切食$168一斤的長腳蟹，今日終於約到朋友食11月壽星的生日飯喇🎉🎉🎉稻x 11月份加到$224一斤，所以即刻轉場黎海港食，本來想去太子分店，但朋友話尖沙咀海洗薈環境靚D所以黎左呢度喇首先環境真係靚的，有無敵大海景，樓底高，燈夠光孟，影相都靚D。但侍應全部hea做，坐底叫茶等左十幾分鐘都未有，隔離枱剛到都即刻有茶，追茶又問我係同邊個講開茶，大佬呀......叫壺茶都要認人咩🙄食蟹有好多殼又唔主動換碟，要叫先換，到後尾我地食得8899開始傾計又走黎換碟，叫佢唔洗換，同佢講左我地唔食架喇，但唔理我地繼續換。真係應做時唔做，唔應做又博命做我要強調，當晚入座率約7-8成而已但食物質素係ok既......呢隻蟹5斤12兩 $1076.4蟹膏都算多，味道都唔錯蟹捧有成隻手掌咁長呀滷水豬仔腳我個人覺得咸左少少，但朋友覺得好好食腐皮素鵝炸得好香脆，可以一試南美花膠煲螺頭好伏囉味精極濃飲完一陣要不停飲水，最後頂唔順要叫罐可樂飲，飲完先舒服D鮑魚臘味糯米飯全晚最最最有驚喜的鮑魚好食唔un ，糯米飯炒得好香又唔會太乾身，少少’念念‘地好好味呀一品醬燒雞隻雞都算大隻，又唔太肥，好脆口睇番

今日約咗舊同事飲茶，為了方便他，地點選了，北京道一號的海港薈一出電梯，嘩！無敵大海景,視野開揚,如置身於五星級酒店，我猜如果在這裏擺喜酒，極之開心。因為避開寫字樓午飯時間，所以暫時客人不算多看見點心紙，很多食物都很吸引，以免眼闊肚窄，不敢叫太多鮑魚花膠灌湯餃價錢不算貴，湯味濃郁，鮮甜，女士養顏極品，感覺吃了很多膠原蛋白西班牙黑毛豬叉燒包搣開香噴噴，肉味鮮嫩多汁，口感甘香軟熟，遠勝普通豬肉很多，簡直冇得輸。恩愛天鵝酥看見隔離枱點了，被它的外型吸引。酥皮很鬆軟，包著冬菇碎肉，甘香回味酒糟鴨舌淡淡的洒香，鴨舌爽滑，一上台已經畀我一個人吃了七七八八，真無儀態.哈哈望著外面藍天白雲,維多利亞港，喝著鐵觀音茶，吃著美味可口的點心，簡直是人生一樂也，平時工作辛勞，就是賺取開心的一餐

假日飲茶相信是不少港人最愛的節目，在尖沙咀可以欣賞美麗的海景，此外也比較寧靜於是來到了這食店來享受這個美好的假期.食店你地鐵站大約2分鐘十方方便座位也比較舒適，由於點心也是即叫即正的，雖然等候的時間要大約15分鐘，但由於出品比較有質素，等一等也是可以接受的.這個蝦腸皮十分之薄，此外也充滿了米張的味道，水準十分之高.燒雞皮十分之香脆也是即叫即整的.鳳爪的醬料十分之好味道，又不是很咸，令人不禁也吃多了一隻！這個蝦十分之爽口加上滑滑的河粉簡直是水準之作.

這天中午和姐姐來了尖沙咀飲茶逛街這家茶樓環境很舒服，還看到維多利亞港景色呢！我們點了不少點心慢慢品嚐鳳爪這個是姐姐最喜歡吃的點心之一豉椒的味道很入味很香濃，很好吃呢黑毛豬叉燒包甜甜的包子香軟有彈性，帶點濕潤不會乾巴巴的非常好！裡面放滿了半肥瘦的黑毛豬叉燒叉燒味道香甜，非常滋味呢！個人大推薦鮮蝦腸蝦子很大隻又彈牙，腸粉皮厚薄適中富有彈性，非常出色粉果粉果皮QQ的，裡面的餡料非常豐富，很香口呢！阿華田奶凍嫩滑的奶凍充滿濃濃的麥香和奶香，好吃！蜜椒雞中翼雞皮香脆惹味，配上蜜汁味道甜美滋味一流點心好吃，環境又舒適真是嘆點心的好選擇！

約了屋企人到尖沙咀飲茶，我最喜歡選擇就是北京道一號的"海港薈"，這裏環境非常優美，開揚又有海景好舒適加埋這裏服務周到。 點心選擇多質素亦非常好， 最喜歡這裏的黑毛豬叉燒包， 包身鬆軟內餡黑毛豬叉燒很入味。這個鹵水豬腳仔， 做得很好味， 皮爽肉淋，鹵水汁又很入味，我屋企人超喜歡，份量足非常抵食。四喜烤麩亦是必食之選， 這裏的四喜烤麩煮得很入味上枱還暖暖的。這個花膠鮑魚罐湯餃， 很足料有兩片花膠之餘還有一粒鮑魚仔，灌湯餃足料湯底都鮮甜。簡簡單單的鹹水角亦做得很好， 炸得脹卜卜但不會油膩。山竹牛肉上素粉果都唔錯， 整體在這裡對住靚景嘆嘆點心非常滿足，看見有阿拉斯加蟹做推廣，下次再和屋企人食晚飯先得。

星期天走出常去的地方，來到婚宴場地吃點心。在入口就能看到明亮的落地玻璃，如果坐在窗邊附近的座位，可看到整大部分維港景色。枱與枱之間空位充足，不會有枱貼枱之感。XO醬蒸鳳爪($22)，鳳爪厚肉，頂層有XO醬的瑤柱絲，整隻鳳爪都能沾到醬汁，每一口都帶着濃郁的XO醬汁，非常惹味。黑毛豬叉燒腸($48)，腸粉份量比想像中多，薄滑的腸粉皮包裹厚身的黑毛豬叉燒，叉燒醬汁甜，不用蘸豉油已夠味。附送的豉油微甜，可提升腸粉的鮮甜味。原隻鮑魚燒賣皇(3隻)($38)，鮑魚口感黏實，燒賣的豬肉爽滑，與鄰近的店舖的同款鮑魚燒賣，價格便宜一半，抵吃。恩愛天鵝酥($33)，外層的酥皮如天鵝羽毛般層層推疊，內層是叉燒餡。幼細的天鵝以麵粉製成，吃下去如牛奶餅乾。酥皮脆，餡料足。旁邊還有兩隻鵪鶉蛋，如天鵝家族。南美花膠煲螺頭($58)，非常濃郁的燉湯，喝一口就能嚐到雞、螺頭、羊肚菌的鮮甜味。上桌時，店員會打開盅蓋，濃郁的香氣遠至坐在我對面的朋友也嗅到。內裏有雞肉、兩片花膠等，還有小鮑魚，大小與燒賣上的鮑魚相若。松露煙燻蛋($42)，蛋白是滷水蛋的口感，帶點煙靭，蛋黃像凝固的溏心蛋黃，微甜。頂層放了一小份黑松露醬，整口吃

平時去飲茶，遇上週末，一定人山人口，輪候時間通常都超過一小時，所以約朋友，一定不會揀選週末，今天星期四來到尖沙咀北京道一號的 ‘海港薈’。酒樓地方寬敞，舒適寧靜，亮點是擁有無敵維港景色，飲茶送海景，相當不錯。點心有很多選擇，揀選了四款點心和一碟炒飯。西班牙黑毛豬叉燒包是酒樓的特色㸃心，用優質的黑毛豬肉做餡，配以冶味的叉燒醬，確實與眾不同。蝦餃皇晶螢通透，皮薄餡靚，蝦肉彈牙。濃湯浸鮮竹卷，腐皮香滑，富豆香味，餡料新鮮，浸在濃湯，鮮甜爽口。鮮竹牛肉球雖是普通，牛肉球鬆軟嫩滑，味道很好。蟹肉瑤柱蛋白炒飯賣相美觀，材料豐富，飯炒得香軟不油膩。

今日同媽咪去左飲茶。番工番得攰，就會想起細細個媽咪照顧周到，無憂無慮既日子，想起媽媽的好。大個啦，番工搵到錢，就會想同佢出去食飯陪下佢。今日一早揸車帶媽媽出黎飲早茶。11:00到左酒樓，環境好靚好大，望到大大個海景，感覺好chill。媽媽好鐘意。我地兩個人食小小點心。松露野菌餃，松露味道非常重，入口滿滿野菌餡料，足料又大隻，濕濕潤潤好正！叉燒包必點！西班牙黑毛豬，好香肉質入口鬆軟。鳳爪，香濃醬汁。