海港酒家

营业中

休息中

約左細佬一家人去太子飲茶, 撞啱假日, 好多酒樓都冇位, 只有去旺角維京酒店內嘅海港酒樓, 入去坐落感覺好舒服, 點左幾款點心, 好快巳到齊, 不過冇水想搵伙記加水都好難, 最後要自己攪掂香茜牛肉腸 腸粉皮比較厚, 食落冇乜香茜同牛肉味, 味道麻麻 $20.8蜆介炸中山鯪魚球 有5粒鯪魚球, 有魚味, 彈牙, 點埋啲蜆介, 好味 $24.8燕窩蛋撻 送到嚟都凍晒, 不太甜, 味道麻麻, $28.8香芒椰果糯米糍 有芒果同椰果味, 不太甜$12千層咖啡糕 咖啡味濃, 彈牙 $10

爸媽都係今個月生日，就一同叫埋啲親戚黎試間酒樓，見佢地做1598一圍枱。餐有燒豬，鵝，一個湯戓翅，蟹，西蘭花，菜同壽包咁。先上燒豬，皮脆夠熱，好味。燒鵝略肥，但味道不錯。西蘭花灼得剛好唔太硬也有底味。最後想講講壽包，拳頭咁大，本來好勉強飽退我食埋真係夠哂，有奶黃同蓮蓉揀。

老婆搵到海港有優惠6人餐有花膠螺頭湯同燒鵝都唔駛$900，好抵食！燒鵝仲一直有蠟燭保溫避免油凍咗燒鵝唔好食，比平時食開既海港係升級版！位置就近太子地鐵站，約埋一家人食飯都方便，又喺酒店入面中菜廳，最緊要價錢便宜，我阿媽都冇投訴話貴！下次有機會再黎幫襯！

今日係四叔六十大壽嘅大日子！由於之前六叔生日兼榮休嗰次係喺旺角維景酒店嘅「海港酒家」擺咗三圍喜酒，當日我們個個都覺得他們嘅食物出品相當唔錯，所以今次四叔嘅大壽決定都係喺呢度設宴！今次我們特意搵店長幫我們寫一個與別不同，而且比較有特色嘅套餐！喜慶金豬滿華堂嘅皮燒得非常香脆鬆化，肉質好軟滑！上湯焗澳洲龍蝦一上碟嗰陣，我們個個祇得一個反應，就係：「嘩！好大碟呀！」，因份量真係超級足料大碟，一圍有12個人，我們每人起碼都可以兩「嚿」或以上，而且每「嚿」都係大大「嚿」，食落「啖啖肉」咁，肉質非常新鮮，質感極之爽甜彈牙，真係超正呀！碧綠如意珊瑚帶子嘅珊瑚蚌好爽脆，露筍切成一段段，味道好清甜，唔會有草青味！凱撒沙律伴蟹鉗係用十幾隻炸得超香脆，肉質非常鮮味彈牙嘅炸蟹鉗圍著中間一碟清洗得相當衛生嘅凱撒沙律，而且味道好清甜！姬茸菇燉海螺湯嘅湯料份量十足，所以湯底嘅味道極之濃郁！鹽燒翡翠鮑魚係用一個特別設計嘅器具盛載著上碟，一層一層嘅設計，令人有一種好似步步高陞嘅感覺，意頭相當好，而且擺設到好似一件藝術品咁，賣相非常精緻吸引，令到我們有啲唔係好捨得食嘅感覺，鮑魚嘅外層係用鹽燒，所以味道好惹味香口，質感爽滑彈

今日係六叔生日同榮休之喜嘅大日子！我們去咗旺角維景酒店擺咗三圍喜酒！由於而家仲係新春期間，所以啲菜色嘅名好有賀年嘅感覺！今晚嘅菜色有：齊賀新歲脆金豬嘅皮燒得非常鬆脆，肉質相當軟滑！格蘭琥珀海中寶嘅海中寶係彈牙嘅蝦肉，鮮甜嘅帶子、爽滑嘅花枝片同爽甜嘅象拔蚌，而合桃就相當香脆，唔會變腍咗！百花炸釀蟹鉗表面嘅炸脆絲炸得好卜卜脆，蟹鉗嘅肉質非常爽甜彈牙，味道相當鮮味，食得出係新鮮手打，唔係雪藏㗎！生財好市大利嘅蠔豉好肥美軟滑，豬脷好爽滑，豆苗亦好幼嫩！蟹肉海皇大生翅嘅蟹肉好鮮味，而海皇係蝦肉，肉質好爽甜彈牙，翅嘅份量非常足料！南非鮑魚扣花菇嘅鮑魚超大隻，質感相當鮮味彈牙，而花菇亦都係超大件厚身，實感相當軟滑！清蒸沙巴龍躉係新鮮即劏，肉質極之鮮甜嫩滑！海港馳名燒鷄燒得相當香脆，肉質好鮮味軟滑，而且好肥美大隻！歲歲豐收糯米飯嘅質感非常煙煙韌韌，餡料相當足料豐富，臘味嘅味道好芳香！鴻運年年紅棗糕極之煙煙韌韌，味道超級香甜！

8點半入座！叫餐唔夠10分鐘！乳豬夾都未夾就即刻上第二 第三度菜....去到第三度菜同服務生講....可唔可以慢少少去上...我地食都食唔切啦...望一望背後...第四.第5度菜已經放左係後面張台到吹緊冷氣....其實需唔需要咁樣趕d客？趕收工收鋪 唔好開門做生意嘛！同經理講 幫手跟進一下！一句問我想點？你咩服務態度？上個星期訂既套餐....你轉換左菜單唔需要通知客人？唔問你地係咪唔會講？完全覺得差到貼地！

今日係細個姨姨結婚嘅大日子！他們選擇咗喺太子旺角維景酒店嘅「海港酒家」擺囍酒！今晚嘅菜色有：喜慶金豬滿華堂燒得相當皮脆肉嫩，無乜多餘嘅脂肪，唔會有好油膩嘅感覺！上湯焗生猛龍蝦非常新鮮，肉質超爽甜彈牙！花膠海參扒翡翠嘅花膠好軟滑厚身，海參好爽滑彈牙，而且燜得相當入味！翡翠玉環瑤柱脯嘅瑤柱好鮮味彈牙，節瓜吸收晒瑤柱嘅鮮味！鮮蟹肉海皇大生翅嘅濃稠度調教得恰到好處，唔會好稠或好稀，蟹肉嘅味道好鮮甜，而且份量都幾多！原隻八頭鮑魚扣花菇嘅鮑魚好大隻同爽甜彈牙，花菇相當嫩滑厚身！清蒸沙巴龍躉斑蒸嘅時間火候控制得啱啱好，肉質超鮮甜嫩滑！海港一品醬燒鷄燒得非常香口脆身，肉質相當鬆軟嫩滑，唔會有「嚡」嘅感覺！健康紅米炒飯炒得好乾身同粒粒分明，唔會有好多油，感覺好健康！另外！由於婆婆茹素多年，我們特意安排啲齋菜畀婆婆，他們相當貼心知道婆婆係茹素，所以唔會用豬油嚟烹煮，婆婆齋菜嘅味道非常好味，甚至比其他素菜館更加出色！

今日下午我們去咗太子旺角維景酒店嘅「海港酒家」飲下午茶！我們叫咗薑蔥紅花蟹係經過「走油」，無好厚嘅炸粉，肉質好鮮甜嫩滑，薑蔥同乾蒜粒嘅香味滲透晒蟹肉入面，令到味道更加惹味！海蜇燻蹄係將燻蹄舖砌得好整齊，再將啲爽口彈牙嘅海蜇放喺中間，令到賣相好吸引！核桃馬拉糕相當香滑鬆軟，啖啖都有核桃粒，令到口感更加豐富！燒腩仔拼鷄湯米線嘅燒腩仔燒得極之脆皮，肉質相當鬆軟，鷄肉嘅肉質非常嫩滑，米線亦好爽滑彈牙，而且份量十足！錦鹵蝦球炸麵一上碟嗰陣見到師傅將啲炸麵炸成6個特大版嘅棋子麵咁，爽甜嘅錦鹵蝦球好色彩繽紛，賣相超精緻吸引！健康紅米炒飯炒得好乾身同粒粒分明，唔會有好油膩嘅感覺！得意天鵝酥嘅造型賣相超級趣緻可愛，天鵝身表面睇以為係蘿蔔絲酥，但咬開入面嚟睇先知，原來係叉燒酥嚟㗎，真係好驚喜同創意十足！四寶滑鷄扎嘅魚肚燜得好腍好入味，鷄肉嘅肉質好鬆軟滑身！

第一次來，因為親友飯局，如果唔係冇得揀一定小店行先。格局一段酒樓裝修，冇咩特別~但侍應就真係要“train”下本身都好好地既，問題一：當我地犯人既態度好難受，面色加上惡劣既語氣火都黎，問題二：未食完都收我們的?有種趕收工既feel但食物真的不錯~炸子鸡皮脆，唔太乾身，龍蝦足料，壽包又大個，價錢平。可惜浪費左廚師一番心機了~

在太子始創本身已經有一家海港，想不到原來在附近的維景酒店還開了一家分店。友人說想要試試新開這家，所以就到了較遠的一間。點心紙應該是一樣的，但因為是酒店級的關係，沒有了在早茶常見的點心紙叫了四個點心，卻只來了三樣，蟲草花雞絲腸沒有影踪，最後取消了。先來日式煎餃子，煎得皮脆，十分不錯的一款小食。鮑汁鳳爪的鮑汁比較稀，花生也較細粒。但因為鳳爪煮得入味關係，這款點心也是十分好吃的。鳳爪勁稔而且膠質很重。最好的就是這個剛出爐的糯米卷。外皮白滑富彈性，糯米香軟，混入少許花生碎，令人回味。價錢是較始創店貴的，而且也是奉行搭檯制。友人說如無意外，還是會去返一條馬路之隔的始創店好了。

今日下午我們去咗太子旺角維景酒店嘅「海港酒家」飲下午茶！我們叫咗香芒沙律盞、翡翠筍蝦餃皇、水晶菜苗餃、養生棉花鷄、龍蝦湯海皇福袋同核桃叉燒包！香芒沙律盞嘅沙律盞係一隻炸雲吞，舖面係香甜嘅鮮果肉，食落感覺好清新，唔會覺得好油膩，賣相好精緻吸引！翡翠筍蝦餃皇嘅餃皮好煙煙韌韌，蝦肉非常爽甜彈牙！水晶菜苗餃嘅餃皮好軟滑彈牙，餡料相當惹味豐富！養生棉花鷄嘅魚肚炆得好腍好入味，口感好爽滑彈牙，鷄肉嘅肉質相當嫩滑！龍蝦湯海皇福袋嘅龍蝦湯底好香濃，福袋係用腐皮包住嫩滑嘅玉子豆腐同海鮮，味道好鮮甜！核桃叉燒包嘅嘅賣相非常精緻，好似一粒真嘅核桃咁，包質相當香滑鬆軟，入面有真係有粒粒核桃同香甜嘅叉燒，味道超惹味！