海老名沾麵

营业中

休息中

最近老是跟著男朋友在深水埗區覓食，若非他帶路，我真不知道這區有什麼吃，尤其是這次他帶我去的「海老名沾麵」，門面就是一塊石牆，招牌都沒有一塊，真是路過都不知道這裡是一間食肆。環境不大，像極了日本的居酒屋，小小空間竟擠滿食客，晚餐時刻還一定要排隊，絕對不能小看一間小小的店。餐牌也非常簡單，只有三款不同湯底的沾麵，不變的是每個湯底都一定有濃濃的蝦汁。我以前是沒吃過沾麵的，不過沒吃過也不要緊，桌子上貼有指示，教你怎樣去好好品嚐一碗沾麵。我和男友點了最基本的一款-蝦汁醬油沾麵（$79），除了一碗濃稠湯汁，還配有一份200G現煮鮮拉麵和一些碎脆米。湯底表面浮有一層蝦油，裡面有滿滿的櫻花蝦、蔥花和一顆糖心蛋，剛放上檯聞到濃郁蝦香的味道。不用怕只有麵沒有配菜，除了溏心蛋，還有一塊長長的腩片叉燒，不過有這碗濃蝦湯的存在，叉燒也只是一個配角。海老名的拉麵比一般拉麵店略粗，就好像油麵般的粗細，麵條非常有彈性，是有口感的麵。拉麵堅韌，即使浸入湯中也不會斷開，所以吃進嘴裡可以製造到日本電視劇吃拉麵的那種「索索」聲。因為湯底略濃略稠油，如果怕肥膩，可以加上檯上配置的檸檬山葵汁或蝦醋，可以中和一下油膩感。當吃完麵條

上次試完蠔怪拉麵回味無窮，知道推出咗蠔冷麵專程來一試，期間限定，早晚只限五碗。12點5分到，好彩係頭兩位，即刻落單叫咗蠔冷麵，等咗5分鐘左右冷麵送上，四隻蠔用冰坐住，配上檸檬，冷麵連汁上，內配蕃茄粒，蛋粒，脆脆，仲有少許wasabi。先吃一口麵，幾爽口，但繼續食落去越食越覺得䶢，就算後本在冷麵汁加冰亦於事無補，只能怪麵條太掛汁，鹹到入唔到口，連帶配料亦只有䶢味，脆脆放入汁內亦淋唒，嘥咗，如冷麵汁分開上會更理想。講番蠔，size比想像中少，當中兩隻有少許苦味。可能係希望越大失望越大，下次會試番蠔怪拉麵。之前試其它沾麵亦好食。

每日限定--牡蠣冷麵早前看到某網頁介紹過一位藝人介紹過的沾麵日本料理，讀也沒讀就把餐廳儲存到我的open rice，吸引我的不是那油膩的沾麵，而是廣島牡蠣。一直都沒有經過長沙灣，昨天巧合來到，辦事後剛好五時多，繞了兩圈都找不到咪錶，泊到商場地獄級停車場，行到餐廳剛剛六時晚市開始，門口灰色簡樸裝修，正當我在確認的時候，親切的店員已開門歡迎。店員遞上點餐紙，找不到藝人介紹的牡蠣拉麵，而店員就介紹今天還有幾碗的牡蠣冷麵，我這個期間限定捕獵者一定不會放過。是日大暑，上午烈日當空行山五小時，又餓又攰頭赤赤，吃個冷麵最適合不過，冷麵跟沾麵一上舖滿脆脆粒，索了微酸的湯汁更是開胃，蕃茄粒和玉子粒伴湯令口感清甜，四顆牡蠣肥美新鮮。品嚐細味後，就大口大口把麵條跟脆粒、湯汁一同放進口裡，清涼的口感把悶熱消了不少，不知道冷麵可否追加替玉呢？店員說，做完冷麵後就會轉回牡蠣拉麵，想試冷麵的就要快囉

老婆介紹，無唸過都幾好味，好有日本地道特色。湯低超濃，啱哂我口味。蝦味及食材都十分出色，係略為份量少些，不過都可另加，另雖然要錢，但原來加湯低係唔洗加錢，好有驚喜。鄰近都算多車位咪表，奇實都好近MTR,所以揸唔揸車都好方便。

Meter Chen 開辦的五間麵店之中，海老名的厨子最有性格，去小店吃拉麵沾麵，最易感覺師傅的心情。海老名三名厨子，兩女孩一大叔待人接物總是冷冷淡淡，但其製作沾麵或拉麵嚴緊，總是吃得暖在心頭，絕對水準之作。今次和好友一同光顧，點選了廣東蠔拉麵及蝦汁味噌沾麵，當然兩款麵食也有換轉試吃。廣島蠔拉麵每日限定十位，廣島蠔外形飽滿，不大不小四隻剛好飽肚，煎過的京葱與廣島蠔香味四溢，處理得很好帶點鮮甜，不過油份頗多可能嚇怕女士，對於男士來說喝完整碗湯已經非常飽，湯底用海鮮及蠔肉淆製而成，口感不俗。肉碎加入拉麵中起了微妙的作用，廣島蠔自己已經獨當一面，與拉麵一齊吃感覺南轅北轍，不是天生一對，當肉碎的出現，三種味道及口感混而成一。蝦汁味噌沾麵總評不俗，沾汁由於有櫻花蝦及味噌所以味道頗濃，我認為海老名沾汁的濃稠度和周月相若，比隱家稍濃。沾汁掛在太麵的能力不俗，太麵彈牙口感亦不錯。在吃的中途加了點山葵檸檬汁及櫻花蝦醋，感覺新鮮特别，亦帶點醒胃作用。薄薄叉燒略用火炙口感滑嫰，可能由於附帶的背脂相對較多。半熟蛋亦不俗，蛋黃八成啫喱狀兩成流心。對於烏賊炸玉，或者可以叫炸麵粉花，店員會建議和紫菜捲著吃，而我認為

呢間麵店聽就聽左好耐,仲見E臣都keep住久唔久幫襯,連神級歌手都間唔屎去食,更加引起我嘅好奇,今日的起心肝去睇睇！當然，去之前我都有睇睇各位 CHing 絲打嘅食評先,睇左心有打定個底!本身諗住去試海膽沾麵或牡蠣之怪,呢兩個都係每日限量款，尋晚仲 15 16，唔知食邊個好! 點知今日去到, 店員話海膽沾麵暫停,得個牡蠣之怪拉麵, 咁整定我同牡蠣之怪有緣!點菜後會有個竹籃裝住啲脆卜卜粒粒同一片紫菜, 之前啲食評就話倒落碗麵一齊食, 咁我穩陣起見就問店員點吃, 原來係麵前小食, 就咁空口食 大家記住喇。我親眼睇住店員炮製我碗牡蠣之怪，先用火燒 4 隻廣島蠔，之晚用磅黎秤吓啲麵有幾多份量, 8 分鐘左右, 終於到喇, 個賣相都唔錯, 清楚見到 4 隻廣島蠔加原隻流心蛋同 3 段大蔥,仲有絲絲柚子絲喺面 !湯底撈一撈, 有啲蠔碎肉碎係入面，第一啖湯鮮甜, 有淡淡蠔味, 完全唔膩口同唔太咸 ，個麵食落似油麵 (我有同店員要求麵要軟身) 個流心蛋勁正, 整體我俾 80 分, 同平時食嘅 豬骨湯底好唔同, 好有新鮮感! 好期待個海膽沾麵會係點呢？

從拉麵開始，這個老細本身是豚王再到深水埗隱家，在跟隨他到這裏。這個沾面當然沒有令我失望。麵條及湯底嘅水準保持得非常好！麵條非常彈牙，這個蝦沾面湯底比起用魚做既湯底我更加之喜歡！不消一會我已經吃掉了整個沾麵！

拉麵陳的餐廳我不會誇張得說必定是信心的保證但是起碼每一間都有去嚐一遍的理由今次來到海老名沾麵六時多來到已要排隊到訪的時候正值海膽沾麵的推廣所以嚐了海膽沾麵和蝦汁沾麵先談$128的海膽沾麵價錢上相比蝦汁沾麵貴了一截但以今時(拉麵/沾麵界)的物價而言再加上以海膽作招徠定價算是合理海膽湯底海膽味極濃可見用料十足沾上清淡的雞肉更能帶出海膽味吃到最尾把海膽湯一飲而盡雖然有點滯，但是那種滿足感實在是難以言喻至於蝦汁沾麵則較為平庸雖然有蝦味但是卻被極重的咸味所掩蓋而且也相當油膩喜愛重口味的人或會喜歡但對我而言則一試便可總括而言強烈推介限定的海膽沾麵相比之下蝦汁沾麵則略嫌有點普通了

.有留意開我既朋友都知道我是海老名既常客🙈💓無他既住附近又鐘意食沾麵所以隔一段時間就會去食🍜類似comfort food既存在🤤對上一次食既限量麵係海膽沾麵，對其評價不錯👍🏻所以對這次的"limited edition"期望很高，再者它只售早晚各5碗🙀絕是是用心之作啊‼️.牡蠣即是蠔，每碗不計蠔碎共有四大隻極其飽滿圓潤的蠔，還有一隻非常美味的溏心蛋😽湯底偏清甜，配合海鮮的主題加了很多野菜做得相對清淡些，還好有些微咸的肉碎帶回肉香，還有些清新的柚子調味，令整體味道不至太淡很好入口😋沾滿湯汁的大蔥段也很好吃，味道上配合得很好👍🏻但麵質跟沾麵是一樣的，唯一的缺點就是這個😞作為拉麵我比較喜歡軟身一點的👉🏻👈🏻......💛不過整體而言是高水準之作，而且價錢合理，不妨試試。

落雨天近近地在公司附近，大約1:30pm好彩不用排隊，店舖不大只有拾個八個位，第一次食粘麵，麵質可以但汁比較咸一點，吃完再飲湯。只感覺單調了些，不知其他麵店價錢可覺得貴了些！

是日去左長沙灣海老名沾麵食限定蠔怪拉麵呢間海老名係由日本拉面達人meter chan開既質素絕對有保證拉面店由地鐵站長沙灣A2出口行五分鐘見到M記轉右就到為免食唔到限定既蠔拉麵 開店時間12點我11就去到好彩仲未有人排隊等12點開店入去門口充滿日式味道廚房開放形式 但油煙唔算大 抽風設備好足夠menu一貫日本餐廳作風 只有幾樣沾麵選擇需要冰要另外向店員要店內亦提供拉面外賣 價錢合理 唔知味道如何呢主角蠔怪拉麵出場！先試一口湯底 係好清既味噌湯meter最中意就係係拉面加少少柚子中和拉麵既油膩感，湯底果然濃郁帶清新而廣島蠔輕微煎過，生熟程度剛好配合清清地既湯底 簡直一絕每一份面條煮之前都經過上磅 計算好正確既分量 果然一絲不苟我地星期二既下午去 廚房都係香港既年輕人 本來擔心拉面既質素 點知我既疑慮係多餘今次既海老味蠔怪拉面實在令我太回味！

相隔一年無黎，一入鋪店員推薦左個廣島蠔拉麵。好期待，好期待。終於有喇！蠔好肥味鮮，一個字正👍🏻👍🏻 連湯底都應該用蠔去淆的，有蠔味！美中不足，麵有一點硬。

已經唔係第一次食海老名，但每過一排總會好掛住佢啲沾麵。鋪頭細細，但好有日本風味。櫻花蝦醬油沾麵 ($78)三個字，好足料。無論係櫻花蝦，叉燒定溏心蛋都好rich，叉燒大大塊，唔會得一片仔，溏心蛋有一隻，有啲舖頭得半隻架咋！而且佢地係用日本蛋，咬落去啲溏心已經洶湧而出，作為一隻溏心蛋佢真係好出色。至於沾麵，質地偏硬，浸完落碗醬料後質感啱啱好，而且醬油味好出，加上陣陣嘅櫻花蝦喺口中盤旋，真係番咗日本一樣。海老名真係我自己沾麵list第一位。

返工成日經過呢度，午餐時間永遠都有人排隊! 今日早放工，所以約咗老婆一齊去食！6:00pm左右唔駛等位，鋪外面完全冇裝修，唔講都唔知裏面係買緊拉麵。入到去頂晒座到10個客左右。店員詳細介紹下試吓個每日限定數量的廣島蠔拉麵 另外要個海老味噌沾麵。等左10 多分鐘，個蠔拉麵的total 四隻蠔煎香咗，令本身新鮮的廣島蠔惹味好多，湯底蠔味濃郁，有蠔肉，好好味！海老味噌沾麵蝦味好重，令唔喜歡沾麵嘅我都想encore!（但個人略怕多油，雖然日本地道的也是這樣）可加湯飲埋個汁！整體質素高 價錢算公道！下一款新限定時或會再來光顧！

今日放工特登由九龍灣飛的去深水埗，就係為咗食呢碗期間限定嘅廣島蠔拉麵，好彩的士司機超勁，15分鐘去到，個陣係5點九，排第一名。之後侍應出黎派點菜紙，唔使唸剔咗廣島蠔拉麵，冇幾耐就放俾我哋入去。一坐低就聞到好香蠔味。雖然限定5碗，但好似第6個人都食到。廚房有3個人，一個煮麵，一個煮蠔，一個整其他野，但三個人手忙腳亂，個樣似學廚，搞到我有啲驚。好彩碗麵上到黎都ok，湯底係海鮮加蔬菜，好清，飲唔停，麵夠爽，蠔有4大隻，亦好新鮮，大葱都好食，蛋係流心蛋，整體好滿意，比起之前限定嘅海膽沾麵好好多，$128算抵食