深井陳記燒鵝海鮮酒家

营业中

休息中

自細係我個腦裏面「深井」彷彿同「燒鵝」係連體嬰，分都分唔開！講左搵日去深井食燒鵝講左成廿年都未去得成，今年因為疫情新年唔洗拜年又多左行山，就借行山為名，食燒鵝為實，同屋企人輕鬆咁行個深井-圓墩-清快塘-深井，郁動下再拜會有唔少朋友推介嘅深井陳記燒鵝海鮮酒家。 醉翁之意不在行山，我地成程都講緊隻燒鵝，超雀躍咁討論邊個要隻鵝脾，邊個要鵝胸！行左兩個幾鐘差唔多四點終於到達目的地，急不及待咁叫一隻完整燒鵝，再加多個同薑蔥豆豉雞煲。萬眾期待嘅燒鵝終於上碟，阿媽率先夾咗隻燒鵝髀咬咗一啖，估唔到comment居然係「凍嘅！！」老豆都有啲錯愕，模一摸隻碟，係「凍嘅！！」再夾多件係中間嘅燒鵝胸肉，咬咗一啖，然後「都係凍嘅！」🤯我地叫原隻燒鵝係考慮到如果叫半隻要同人share咁隻燒鵝斬左出嚟可能會放耐左唔夠熱唔夠脆，所以千估萬估都估唔到隻原隻燒鵝出到嚟連暖都稱唔上，係冰凍㗎⋯⋯再者，就算唔係燒鵝新鮮出爐嘅時間，斬出嚟之前都可以整返熱少少佢⋯⋯仲要呢間係「燒鵝」海鮮酒家喎，加埋一要成六百幾蚊一隻，真係接受唔到囉😠我地梗係叫個侍應問吓佢做咩事啦，之後佢同我地翻熱碟燒鵝⋯出到嚟都淨係冇之前咁凍，有少少溫度...

“馳名深井陳記燒鵝(下庄)”($218)深井最出名嘅當然係燒鵝😛之前食過裕記今次就食咗裕記附近嘅陳記🤣因為鍾意食肥啲嘅燒鵝所以都係叫咗份下庄☺燒鵝上枱時熱辣辣勁香😍食落皮脆又唔會太油配返碗瀨粉一齊食就最夾🤤

與好朋友到荃元古道行山，在深井落山後就去食好西了！好朋友說，來得深井，就一定要吃燒鵝！所以朋友就推薦了我去吃燒鵝瀨（其實我在行山期間已經超級期待）！😄雖然當時已是下午三時，但人流已經超多！找到位置之後，姐姐就問我們要什麼茶，我們叫了香片，然後我們想也不想，就叫了兩碗燒鵝瀨。😋燒鵝外層很香脆，肉亦很軟腍，配上酸梅醬，令人食指大動。😋加上瀨粉與湯底很夾，整個湯底不會讓你感到很口渴，也是很滋味。😆深井燒鵝，果然是名不虛傳！🥰👍🏻

而家週末可以做嘅嘢唔係好多，而且想遠離人群，最好就係離開市中心，講啲九唔搭八嘅時間食嘢。今日嘅限聚令依然係晚上六時後唔可以堂食，於是我哋就喺下午4:30到達深井，食一個我都唔知係下午茶定係晚餐嘅嘢。呢度最好嘅係如果你好彩嘅話車係可以停喺門口，我哋今日還算好彩，落車行入去就有得食。呢度大部份係做四人枱，中間房$1屏風，雖然2人限聚，一台總算坐到四個人。不過如果兩個人去食，就會覺得坐得唔係咁舒服。上枱嘅碗碟好油膩，雖然我本身對佢嘅要求已經唔係好高，但碗碟有油漬，我始終覺得食得唔係好舒暢。叫咗¼隻燒鵝，雖然下裝比上裝貴，但食隻脾總係開心啲，於是就叫咗一個下裝。雖然天氣好凍，但係燒鵝上枱依然熱辣辣，皮脆，而且唔算好油膩，中間嘅脂肪唔算太多，而且都叫有肉食。燒鵝當然最好係全隻叫，因為一定會一隻熱辣辣拎出嚟，如果散叫就好睇多唔多人，多人order嘅時段，一隻燒鵝攞出嚟好快就會被切晒，自然都會好食。今日雖然唔係人多嘅時間，但出品水準尚算唔錯。椒鹽鮮魷做得都唔錯，炸得酥脆，調味剛剛好，魷魚也新鮮。始終食呢類型講究鑊氣嘅餸菜都係傳統酒家做得好。總括嚟講傳統中菜唔講環境講鑊氣同味道，呢度總算唔錯，不過衛生

星期六見天氣涼涼哋, 同老公由荃灣西行去深井, 沿路經過汀九, 大多平路, 景色怡人。慢慢行, 行咗差唔多2 個鐘就到了。一場去到深井, 我哋先去嘉頓廠度SHOPPING, 買咗麵包同餅。之後梗係去食燒鵝啦! 深井燒鵝咁多選擇, 都唔知揀邊間好!咁就不如揀間食過又覺得OK O既陳記啦! 一入到去就有位坐, 老公叫咗燒鵝飯, 我就叫咗燒肉米粉。燒鵝飯 - 老公話燒鵝好好味, 不過較多肥位! 飯都好多, 啱晒行完一輪之後食! 一流! 燒肉米粉 - 燒肉唔肥, 但淋, 入味, 皮脆! 提提你: 星期六日同公眾假期要另收茶芥同加一服務費, 飲品要另加錢, 所以埋單都成$80 一個人。除咗燒味, 仲有好多小菜食! 

講起食燒鵝，當然要去深井啦立即訂位，一家人興奮出發附近就有停車場🅿️到達後侍應安排了2樓的位置，環境都不錯，很寬敞招牌燒鵝：山長水遠黎到，梗係要Order全隻盡情享受啦😁 果然名不虛傳，皮薄肉厚，就算減緊肥都唔理啦，大啖大啖食，超級好味😋食燒鵝配埋瀨粉就perfectly👍🏻冬瓜盅：非常足料，清清地，食完燒鵝中和一椒鹽鮮魷：魷魚好新鮮，粉漿不會很厚，配埋椒鹽非常㘃味另外西蘭花炒斑腩，燒腩飯，都好味總括而言，呢餐飯好滿足😆

平時食燒鵝，通常都會喺酒樓叫半隻或例牌去食，有時都唔知乜嘢叫做正宗燒鵝嘅味道，前幾日去咗酒店嗰度休息吓，咁啱酒店附近就係深井，咁不如去試吓由細到大都講話食燒鵝最正宗嘅深井啦！通常細細個聽到深井嘅燒鵝舖頭都係陳記，咁就直接去陳記食啦！原來佢哋嘅下午時段接近2:00左右啦已經冇其他嘢食，只可以食燒鵝或者燒味類，咁既然嚟到喇見到啲燒鵝真係好靚喎，咁就叫咗一隻燒鵝同我老婆一齊食!上菜嘅時候隻燒鵝真係好靚好肥美，見到層皮真係好靚呀，食落肉好鬆化，皮好香口，同出面肥到肥膏既燒鵝唔同，佢層肥好簿，原來真正嘅燒鵝係咁樣㗎，一個字正！加埋碗湯瀨粉，好味😋，真係飽到上心口！

白色情人節當日，我地下午由荃灣西站出發，一路沿住青山公路汀九段散步至深井，差唔多一萬八千步左右，中途小歇咗一會，約晚上七點抵達深井。沿途風景怡人，景色秀麗，係遠足嘅好路線，謝謝男友陪我一齊遠足呢！我地到咗深井後，男友話要請我食最出名嘅深井燒鵝，好開心呢！我地點咗半隻燒鵝、椒鹽豆腐、雙菇竹笙扒雙蔬。加多兩碗靚仔，好豐盛嘅一餐！燒鵝皮不算很脆，但肉質很鮮甜。椒鹽豆腐係熱辣辣嘅，送飯一流。竹笙雙蔬都好大碟，好好味！兩個人食到好飽，謝謝男友帶我嚟食好東西呢！

忽然之間好想食燒鵝，咁就當然係去深井啦，聽朋友講話陳記唔錯，咁就一於試吓！我兩個人食，叫咗一個燒鵝例牌$170同埋臘味炒芥蘭$88。燒鵝皮脆肉嫩，啲鵝唔會好肥，皮下面有一少層肥膏，咬落去會咇出嚟咁樣，好鬼正～份量兩個人食剛剛好，另外，佢個酸梅醬好特別，入面真係見到有梅架，同燒鵝嘅味道真係好配合～臘味炒芥蘭就普普通通啦，冇乜亮點。總結嚟講，陳記燒鵝雖然價錢略貴，但係真係對得住佢價錢，真係名不虛傳！以後想食燒鵝都會再嚟。

一直都很常吃，偶爾也會買到自己不喜歡的鵝的部位，全看剛好切到那個部位。今次...看到碎到不行的叉燒和這堆骨，確實有點火大，肉究竟在哪？打去問...她們說可能剛好切到碎骨的位置，不滿意的話可以替我換，其實也不用為碗麵跑來跑去，不換了...但商家確實要知道這些只有脂肪的碎骨不是用來賣給客户的。

因為住得近深井，媽媽又好鍾意食燒鵝，所以成日都會同屋企人去深井食燒鵝😬今日慶祝母親節都係去深井陳記食飯🤓我哋一行三人book咗2點嘅枱💁🏻‍♀️去得陳記點可以唔叫燒鵝😆燒鵝燒到皮脆肉嫩，超好食🤩🤩半隻燒鵝份量都好足，三個人食啱啱好😋大推呢個味菜鵝雜🤩🤩🤩真係食過最惹味嘅味菜鵝雜👍🏻啲鵝雜處理得好好，一啲臭味都冇💁🏻‍♀️鵝腎爽口彈牙，鵝腸入口即溶😍😍椒鹽魷魚個炸粉就略嫌唔夠脆，不過不失🦑深井燒鵝真係由細食到大，雖然價錢略貴，但咁多年嚟都keep到中上水準，認真唔錯👍🏻👍🏻

突然口痕想食燒鵝 於是就捉左男朋友同家姐同佢男朋友一齊入深井去到見到好多間 聽朋友介紹陳記吾錯所以就揀陳記試下本身諗住坐入面 但侍應話坐岀面有冷風機我諗應該係因為入面清潔完掛 坐低之後落左半隻燒鵝 $290上一枱我地都呆一呆 甘黑甘燶既之後啲侍應行過見到我地呆曬都主動問係咪太燶都有幫我地睇有冇得換最後可能夜去冇乜選擇 所以都冇換到但有個9折比反我地燒鵝外皮吾算脆 都吾夠入味加上太多肥膏 所以一般般唯一岀色既係個醬 吾係普通甜酸醬 係有梅肉係入面架鹹菜胡椒豬肚湯 $88呢個湯好辣 但又吾係胡椒味都冇鹹菜味豬肚份量都吾算多 下次未必會再叫砵酒生蠔煲 $138份量好少 大約得4-5隻蠔好惹味 但似薑蔥生蠔多過似砵酒生蠔個汁酸酸地 幾開胃椒鹽茄子 🍆 $68首先呢碟野上枱我係有奇怪問係咩黎😂因為諗住會係長條型 冇諗過係一舊舊😂 呢個好好食 一啲都吾厚粉 而且椒鹽味好夠熱辣辣好脆好味道金菠咕嚕肉 $88酸酸甜甜夠味 而且菠蘿吾酸好食咕嚕肉大部分都係肉 冇乜骨細細舊好易入口芥末沙拉骨 $88雖然賣相麻麻 但味道幾好 芥末味好夠而且同咕嚕肉一樣 肉多個骨 可以話係啖啖肉總括黎講呢間侍應服務好好 又會

第二次來這間吃了，這天晚上九點才來不用等位，10點便關門了。這次係燒鵝算了例牌($178)，即是上裝，會比下裝要瘦些。燒鵝皮香肉滑，帶一層肥膏，雖然不是太厚，但我也會把它去掉。咬下去，燒鵝的油脂滲出，滿口油香。肉質也非常鮮嫩，一流必食！吃了肉類就加個海鮮吧，砵酒蠔煲稍微遜色，號雖然很大隻，但是只有五隻，炸粉也炸得不夠脆。蔬菜則選了星期六日才有的蒜蓉粉絲蒸勝瓜，調味不錯，蒜蓉也很香口，可惜油太多了。

母親節前幾日由於有本地感染個案；奶奶話今年母親節飯取消😩20/5趁疫情穩定一於約奶奶👵🚗去深井食燒鵝補祝母親節，前幾次都係去裕記，所以奶奶今次話想試吓陳記燒鵝，12:30到達泊好車（之前打電話問左話有泊車優惠，職員話要泊惠康樓下果間陳記門口）我哋去老舖果邊，感覺氣氛好啲😀原來舊舖呢邊得好少冷氣嘅枱好彩都安排到座位。餐牌都未睇就order一隻燒鵝先啦！1.燒鵝🦢 （好味多汁味道唔會太咸，鵝肉都好腍但唔夠熱同脆口）2.豉椒鵝腸 （好濃味）🤩🤩🤩慢慢再細看原來午飯時間有客飯叫左2款試吓3.揚州炒飯 （飯炒得夠乾身但有少許臭火煙味）4.味菜牛柳絲炒麵 （牛柳絲變咗牛肉碎粒而且超 甜，D汁好杰撻撻）兩碟炒嘢都中伏5.齊瀨粉（配燒鵝最正）6.啫啫通菜煲 （好夠鑊氣、香味十足，配埋個白 飯食無咁咸）食飽飽😋😋😋埋單lu有項收費係泊車$60 😱乜唔係有免費泊車咩😤算啦😡最嬲就係我俾張泊車飛收銀蓋印⋯⋯佢仲話要俾多$30 現金俾泊車仔喎🤬😡😤真係火都嚟呀⋯⋯說好的泊車優惠呢？🚗我自己泊😡仲搶多我$30 我發誓永遠都唔會再來陳記呀！佢D嘢又唔係好好食🙁下次都係去番裕記好D

位於喺深井嘅陳記燒鵝海鮮酒家，係其中一間值得幫襯嘅燒味舖，今次叫呢一個四寶飯（$41），飯嘅份量夠多，燒味就包括燒肉油雞叉燒同埋鹹蛋，所有燒味都非常之靚，叉燒燒肉油雞唔會太肥肉質鬆軟，鹹蛋亦都唔會太鹹。