深井陳記燒鵝茶餐廳 (已結業)

因為快餐連鎖店「大家樂」的燒鵝飯竟比名店「鏞記」馳名燒鵝飯外賣還要貴，燒鵝飯竟然成了報紙頭版，實在令人覺得出奇。點心名店「添好運」的大廚在不知情下比較過「大家樂」和「鏞記」的燒鵝飯後，竟然覺得「大家樂」的燒鵝飯比「鏞記」的還要好吃，更是令人感到奇上加奇。其實在香港以燒鵝馳名的食肆又豈止是「鏞記」一家，於大埔起家，在中環落腳的「一樂燒鵝」是一家，起源於深井的「裕記」和「陳記」則是另外兩家，兩間店舖都已在港九各區開枝散葉，分別開了數間分店。不過這次來到旺角新填地街這間「深井陳記燒鵝茶餐廳」，我吃的不是「燒鵝飯」或「燒鵝瀨粉」，而只是和燒鵝總算拉上一點點關係的「雪菜鵝絲炆米」。這 「雪菜鵝絲炆米」其實是這店子六款廚部茶餐中的其中一款，其餘五款分別是 「炒貴刁」、 「乾炒豬扒意粉」、 「肉丁炒公仔麵」、 「深井炒飯」和 「西炒飯」，這天既然來到這間以燒鵝為名的茶餐廳，也就試一試這個「雪菜火鴨絲炆米」的變奏版「「雪菜鵝絲炆米」吧。這炆米雖然碟頭不大，原來份量都幾多。不過多的只是米粉和青紅椒、洋蔥、雪菜等配料，燒鵝肉並不太多，而且根本不是鵝肉絲，而是切成小塊的鵝肉。至於味道方面，我覺得這炆米中紅椒

過得黎新填地街呢一頭, 當然是為了來尋找隱世的味道. 不過是日的目標, 雖然聞到奇香, 但始終有一種不知名的原因, 令我提不起任何興趣入去. 再行返出黎旺角市區, 離回去上班的時限已經越來越迫近. 就腳地, 來陳記, 食個燒味飯, 快快趣趣.既然來到陳記食, 當然離不開所謂的深井燒鵝. 於是我就爽快的決定了食叉鵝飯. 落完單, 隨即有一張單放在我面前, 成為$45...深井燒鵝出名, 令人人都以為, 收番你一個Premium係正常的. 飯來了, 我發現了一個我多月未見過的suprise. 就是於國內工作時時常見到的薄切叉燒. 當年的電視廣告既歌仔, 斬大舊叉燒...叉燒, 係要大舊先自好食的. 切得薄, 完全失去了食叉燒的喜悅..而鵝, 相信他們又是那些至少要叫例牌一碟才有靚野俾你食. 我地叫飯食, 斬到既, 只是鵝頭鵝尾, 鵝邊鵝肋, 一樣失哂意思. 沒意思, 沒感覺.....薄切的叉燒, 加上鵝頭鵝尾......食者, 認真薄命.....

我老公很喜歡這間食店之燒味，但天氣太熱於是乎打電話叫店鋪送外賣。之前已試過無數次。但最近這兩個月之送外賣服務奇差:1) 於午飯時約12:00叫外賣，但外賣於13:15才送到，如果真的肚餓簡直出事。我們質問外賣姐姐為何這麼遲，佢回答話佢12:30才返工，於是乎我老公說為何佢12:00致電叫送外賣職員為何不向我們說明....2) 今天晚上約18:50致電送外賣，接聽職員姐姐態度奇差，說現在繁忙時間不送外賣，跟著很沒禮貌CUT線倒不如乾脆沒有外賣服務，為何傳單不改?就算堂食服務也很不理想，講真，旺角並不只是這間食店，我老公嬲都即時將此店鋪外賣紙撕掉。

上課前吃了炒麵打底,放學後半餓不飽,不如吃燒鵝瀨粉吧,沿途經過不少燒味飯店,不過還是走到距離巴士站最近的陳記,為的是晚上經過多次她的客人也不會太多嘛。行行重行行的到達門口,週末時掛滿各式燒味的玻璃櫥窗只剩下少許燒味,當然鎮店之寶還有一隻! 從略為窄小的通道右轉,嘩~~~高朋滿座?!平時經過不是有很多吉位的嗎??為什麼今晚那麼旺場???大家也像我般想吃燒鵝瀨粉嗎?? 幸好還有最後一個四人卡座容下我,只是左邊有塊大鏡,我要吃得企理一點,不然很多人會見到我的食相。叉燒燒鵝瀨粉的碗很大,看到也覺得開心。灑了點蔥花的湯底呈奶白色,跟平時的通透湯色不同, 相信以大量鴨骨頭煮成的效果,湯底有點肉香還蠻甜,相當濃郁的湯底,好飲!只是溫度不夠熱而已。瀨粉粗身不透明,不是以越式檬粉代替,浸湯後也很滑溜,個人認為比飯好吃。叉燒有幾片帶點肥肉的半肥瘦叉,丁點肥肉甜甜的很滑溜但又不過多,瘦肉部份絕不硬實,還有點帶筋的爽口, 有蜜汁味但不會在湯裡弄至脫色,要是用來配白飯應好吃很多。師傅斬了鵝胸給我! 晚上十時半的時間已不可能再有脆皮燒鵝了, 外皮不脆但不失肥美, 薄薄一層鴨脂更形甘美; 鵝肉薄身部份相當入味, 香

朋友們較多來陳記 我較去旁邊的廣東燒味多但漸漸我都多去了 因為食物的確不錯之前食過這店的招牌作 燒鵝 一般吧 價錢都不便宜今日跟朋友來食TEA, 就叫炒粉麵始終什麼芝士撈丁 想似不太穩陣吧朋友叫 深井炒飯($27) 正! 墨水咁深色 夠濃!我的海鮮炒河$27) 又係好正! 夠鑊氣!雖然唔太大份 但都夠食了可是沒有電視 有就更好!!

行街唔知去邊到食晏好,又好想食茶餐廳既野,求其入左去食呀~!見到喱個吸引左呀,唔知係味分店來,不過我唔係想食燒鵝~~~~!唔知冇咩野食喱~!見到竟然會有芝士麵,好好奇,叫左個來試呀~!厚多士唔錯呀~!吉列魚柳芝士撈出前一丁麵,芝士好杰同冇咩味,個麵又好乾,魚柳個味好淡呀,即係成個都係冇味,份量多,不過唔好食呀~!吉列豬扒意粉,件扒好油下,係意粉唔錯既~!我諗燒鵝可能係最好味...下次先再食呀~ha!

去旺角買野, 4點鐘有D肚餓, 咪入去食個下午茶餐. 點知!!!朋友叫了1 碗燒鵝瀨粉+凍奶茶.我叫了1 碗半肥瘦叉燒瀨粉+凍檸檬茶.2碗一齊送上, 但我碗叉燒瀨粉, 好似俾人食了一半咁, 得2 啖瀨粉, 叉燒非常瘦, 重要D叉燒係浸到白晒!!! 我即時同亞姐講: 我係柯打半肥瘦叉燒, 叫佢同我換番D叉燒,( 我都冇要求加番多D瀨粉), 點知佢攞走咗碗粉, 轉個圈返來同我講, 今日D半肥瘦叉燒巳經賣晒. 我都係度心唸, 次次黎食都有半肥瘦叉燒, 今日下午就巳經咁快賣晒! 當然啦, 賣晒都冇辦法啦!點知食完之後, 出到門口結帳, 見到一大盆半肥瘦叉燒. 我重問師傅, D半肥瘦叉燒重熱唔熱, 師傅話燒完成幾個鐘, 你話熱唔熱? 咁即係有人落錯單, 但又唔換番俾我啦!

味道好鹹，不過唔緊要，最重點係服務態度太差勁!話說同gf下午一點五十分左右去食，叫左2個午餐，無幾耐佢地就話無晒C，咁諗唔到其他午餐set好食，咪叫佢取消個C，等叫多個下午茶。但係個waiter玩野，係張單到刪左個C餐錢，但係寫番一杯"$14"單叫凍飲。你地話佢地係咪玩野???都唔知有冇搞錯!下午茶都係平4蚊,仲要細碟好多!

天時暑熱，正午時份來旺角辦點事，又是開餐時候。忽然想食燒鵝，知道近近地有這一間「深井陳記燒鵝茶餐廳」，雖然個名有一點不同，相信應該都是通菜街那一間的姊妹店吧，燒鵝質素應該有保証，就在這裡開餐。雖然這裡的午餐有三款揀，不過一場來到，梗係叫燒鵝食啦！就散叫一碟「燒鵝飯」，加多杯凍飲做午餐先。叫得做「深井陳記」，這裡的「燒鵝飯」果然有番咁上下水準，近髀位的鵝肉肥瘦適中，肉多膏少，肉質頗嫩，好吃！鵝皮雖未夠脆，但連皮帶肉一起吃進口中，再加埋淋上了好味燒汁的白飯，仍是十分滋味，感覺非常不錯。這裡如果吃是日午餐的話，凍飲只需加$2，但如果想試這裡的燒鵝或其他燒味，散叫加例湯就加$5，熱飲加$6，凍飲更加要加$8，其實不太抵！不過為了一嘗美味的燒鵝，又天時暑熱，也不能太在乎那飲品附加費呢！

係朗豪坊行完街累累地又肚肚地餓，又係時候搵野食。行到朗豪坊後面見到呢間大形既陳記燒鵝，諗起上次食過另一間都ok，咁就決定入去食野啦。一入到去有卡位坐真係好，佢D位置都幾舒服，好多卡位，而且環境都幾寬敞，算係一個食野唔錯既地方。我地叫了兩個下午茶，分別叫了一個豬扒包，另外叫了一個深井炒飯，兩個餐都有杯飲品跟。先來深井炒飯，係下午茶既份量所以唔係好大碟，不過賣相唔錯。食落飯炒得幾濕潤，唔會話勁乾身，而且味道好香，非常夠味。材料豐富，有好多燒鵝叉燒粒等，所以成個炒飯肉味幾濃，偶然有D菜粒，味道夠鮮，可以中和一下味覺，整個炒飯唔會覺得好油膩，算係幾好食。另外就係豬扒包，由於我地兩個一齊食，所以就算請廚房幫一幫我地切開一半。第一次叫個姐姐佢叫我地自己用個D鐵刀切，不過由於個包幾厚實在太難切，所以我地再叫佢幫手。點知佢竟然當聽唔到完全唔理我地，太過份了吧! 都係切一切姐，又唔係要求佢做D咩，好彩之後有個侍應哥哥肯睬我地。豬扒包相對無咁好食，主要問題出於麵包，個麵包一D都唔脆，食落偏硬感覺似擺左好耐咁。同埋個包係一D味都無，似食緊一舊麵粉入口。豬扒煎得幾香口，但都係淡左少少，無咩肉味。相反佢除左豬扒

上一次去人少少，感覺都幾好，今次去絕對係不快回憶。因為女朋友話想食乳豬，所以特登響沙田出黎旺角食，點知無晒乳豬，咁就改叫燒肉叉燒雙拼啦。燒肉麻麻地，叉燒就燒得太"火農"，另外叫左個例湯，無乜特別，普通燒臘檔質素。因為無得食乳豬，所以女朋友打算叫乳豬醬點燒肉頂替。問個職員有冇海鮮醬啦，佢就晦氣咁話「我地呢度無D咁既野！」，改口話燒豬醬先話有，不過竟然無拎黎！！！之後再問第二個職員先有。食既時候d職員又多野講，俾我地聽到佢地大大聲咁話「乳豬都無就要乳豬醬，唗唔唗D呀」咁，之後又唔知話邊個「仲連茶都飲埋呀！」唔知佢地係咪講我地，不過點解可以響d客面前大聲評論？係咪算無禮貌？坐多一陣都嫌周身唔聚財，食完即刻俾錢走，下次點都唔去。上次食覺得d野食都還可以，今日唔知係咪因為俾佢地激親，覺得都係普通燒味飯質素。

今早見完客O係MK 食埋飯,見到附近有間食燒味就試下~~~叫左個乳豬油雞飯有分碗同碟,碗細同平D, 碟大同貴D.都唔係好肚餓就叫左個碗試下,份量都唔算好少,D乳豬幾靚~~~油雞都幾好味.飯唔太乾唔太淋(我至怕食淋飯)5分我都俾4份佢~~~不過冇野飲送加凍飲要7蚊...如果有得跟餐就好啦~結果要左杯凍0茶.都幾好飲~~一共$38~~~如果MK 計其實都幾貴~~~

去完書展, 搭van仔到旺角, 一落車見到依間餐廳個名好似好熟咁, 原來係食深井燒鵝的~一直都好想入深井去試下, 不過就一直都冇去到, 所以就即刻入去試試, 見到入面人唔多仲以為唔好食的tim, 看到菜單先知原因係幾貴, $110半隻燒鵝, 我地兩個人都夠食有餘, 雖然外面賣的都係4-50元, 不過都值得一試, 因為皮同肉都入味, 唔肥膩, 多汁, 新鮮~

曾經有人說這間店子的乳豬很好吃，甚至比起其燒鵝更要出色，但我聽了便算，從來沒有上心。要一個食飯，就來測試一下佢有冇扼我。餐牌上有個什麼乳豬葡式飯餐，$48，飲埋凍飲要五十蚊落樓，以茶餐廳來說並不便宜。不過既然一心來吃乳豬，貴一點就貴一點吧！還以為是分開上，原來根本就是一個碟頭飯，幾件乳豬，下面是炒飯而已。先吃乳豬，外層香脆可口，確實是化皮燒豬，豬肉也很嫩，且中間夾雜著少許肥肉，果然不錯。可是，底下的葡式炒飯一點也不行，是凍的，又沒有味道，即使放了提子乾也無濟於事。凍檸茶還可以，正常的茶記水準擺。乳豬雖然好吃，但這個價錢，似乎可以有更好的選擇。

採購部大經理到廣東道街市採購時路經陳記,窗前那盤雪白豬腳仔有如又白又滑的美腿在誘惑我,我家大人一向喜吃這些小豬腳,以前跟她在美心飲茶時,通常以它作為開胃頭盤,既然遇上就買些給大人吃吃吧。收銀阿姐報價每對一大一小豬腳取價$10,單買大豬腳則每隻$8; 那要2對美腿吧。看著師傅拿了2對小腳慢工出細活地把它們一分為二並加上麻油, 可能小豬腳實在太細,師傅也過不了自己,最後多給我一隻小腳, 似乎多賺了!小豬腳外皮薄薄卻爽口彈牙,真的不算得有肉可吃,除了皮只有蹄筋之類過過口癮,味道咸咸香香的,加上混上香香麻油,原來用來下飯也很不俗,要是放進雪櫃裡雪凍一點,像白雲豬手般相信風味更好!等候期間看到那些肉汁豐盛的燒鵝,找個日子來吃個燒鵝瀨粉才成!