源峰

营业中

休息中

本係去石門食，但橫風橫雨行到一半根本已經濕透，嗰個位置真係山旮旯，食晏別無選擇，唔想再行，唯有富貴啲去酒店食午餐，講真見到餐牌嘅價錢個心真係離一離，定食$300起跳，即管試吓佢個海膽、三文魚子、呑拿魚腩蓉丼，酒店嘅質素，果然有驚喜，差不多半板嘅份量，最重要係鮮味嘅海膽，響香港好難會食到日本嘅味道，好回味，呑拿魚腩蓉配上蔥好夾，可暖身好滑嘅茶碗蒸同麵豉湯出現得好啱時候，甜品係焙茶凍，好滑唔太甜又唔膩，整個定食絕對值得咁嘅價錢

自去年成為酒店美食會員之後一直還剩下很多現金劵未使用, 由於亦快將到期, 本來打算預訂酒店的中菜廳, 但因為有活動便順理成章選擇了頂層的日本菜餐廳天意啊餐廳環境開揚, 非常光猛, 最喜歡坐在這樣近距離接觸天空和陽光下用膳, 倍覺寫意友人點了壽喜燒定食, 都幾大鍋我點的是午市Omakase, 有13款壽司, 和牛海膽壽司, 沙律, 味噌湯, 蒸蛋, 甜品櫻花蝦沙律菜夠新鮮脆口香濃的白松露蒸蛋鰹魚壽司最合我口味個人較為喜歡這個組合  還有火炙和牛海膽壽司入口即化 櫻花水信玄一般

沙田呢間新酒店Alva超靚！入面仲有唔少靚景好氣氛餐廳🍴今日兵仔就同大家食日本菜～💂🏻‍♀️《壽喜燒A4鹿兒烏和牛*野崎牛*肉眼》$430鍾意壽喜燒一定唔好錯過！本身兵仔仲想加個烏冬車落去⋯但實在係食唔落🤣除左湯底好味之外，個牛真係令人回味無窮，入口即化，超重牛味，再吸埋壽喜燒汁同蛋汁😍無得輸！評分: 90/100💂🏻‍♀️《銀鱈魚西京味噌燒》$280超推介嘅一道菜！魚肉超滑燒得好香，滑過娘娘嘅皮膚😳⋯啲邊位燒得脆脆地仲香，加埋個醬，幾乎滿分💯評分: 95/100💂🏻‍♀️《日本產雞蛋高湯蛋卷》$220蛋卷份量都幾大份，都算滑，入面仲有啲蟹肉同湯汁，但個調味就無咩驚喜，略嫌淡咗些少🤏🏻評分: 80/100💂🏻‍♀️《火炙吞拿魚腩手卷》$190呢舊吞拿魚腩燒完之後個油香散發得淋漓盡致，加埋少少蔥花香，係一個非常出色嘅手卷👍🏻👍🏻👍🏻比讚！評分: 95/100️ 💂🏻《雜錦野菜天婦羅拼盤》$150入面咩都有啲，蝦🦐蟹🦀蕃薯🍠等等，有汁亦有鹽可以點，不過其實全部都係同一個味，有啲食到後面唔太食得出係咩嘅感覺😂😂評分: 78.5/100💂🏻《日本吞拿魚腩壽司》$150可以睇得出娘娘有幾鐘意吞拿魚😳😳呢一

麻煩嘅我對於刺身又有特別嘅要求，但係呢間都會幫我盡量安排今次試吓個燒魚鮫set沙律菜正常轉左白魚同埋唔要好腩位平征魚爽口，喺上面有三片嗰個好味呀比較欣賞呢個下面係池魚， 新鮮，博切😹喺香港食日本嘢真係又貴又少加配嘅刺身係赤身三片，同埋鯛魚兩片呢個普通啲，不過我鍾意食鯛魚赤身嘅質素一般，出面餐廳嘅會鮮紅啲 口感冇咁鞋口 因為我想學下啲魚，之後唔記得咗平征魚個名， 然後再問過侍應佢非常細心解答高高瘦瘦嘅後生仔，非常熱心，好似係佢溫書溫咗好耐而家要運用返出嚟教我好用心燒魚膠見到個頭好大，但係其實佢勁少肉，頭連背脊嗰個部份其實好少，佢切得非常之入，所以真係冇乜肉食你可以當呢個係中式嗰啲蒸魚雲點心嗰種口感，但係如果想食肉嘅話就真係唔好揀呢個，我都係抱着試一試嘅常態大部份都係皮同埋脂肪所以最後如果食晒成碗飯都唔知會唔會飽（我食咗一半）下次應該唔會揀呢個😹銀鱈魚西京燒靚仔，不過唔知魚嘅份量如何，因為睇落都幾薄甜品好味

源峰都食過好多次，晚餐午餐都成日會去，今次要再讚嘅係佢嘅熱食，今個晚餐完全冇食壽司刺身，只係不停叫咗啲鍋物及已煮熟嘅肉食，除咗刺身壽司，要讚多次佢哋嘅熱食質素，令我個胃暖笠笠，非常滿足。先嚟一個牛舌，佢嘅煮法令我喜出望外，啲配料夾埋一齊食令牛舌嘅味道提昇，佢哋煮牛舌同平時我喺其他日本餐廳食開嘅燒牛舌好唔同，個牛舌冇燒至全熟，令整塊牛舌更軟熟入口，非常好味。呢個係牛扒，塊肉都好新鮮。呢個係和牛鍋配飯，啲湯差啲俾我哋飲哂，如果唔係叫咗其他嘢食，可以再加多一份嚟食。呢張相點解咁濛，因為個煲蓋一打開就出哂煙，香噴噴，啲吉列豬肉好嫩滑，唔熱氣。佢個底有滑蛋及香菇，送飯真係一流！叫咗咁多嘢食，兩個人共$1,200。

難得帶兩老打算食吓好西點知失望而回老人家喜歡食魚，本身想叫個燒魚鮫俾佢食點知是日沽清😨講緊當時只係1:15pm雖然都唔係店嘅錯，只係冇諗過咁早就沽清所以建議想食燒魚鮫嘅就早啲去食最後叫咗牛扒同omakase主要想講omakase個presentation幾靚但食落口就一般般唔算特別新鮮好味 （和牛嗰款舊牛反而幾好味）送上黎嗰陣個侍應會逐件講解一下Service唔錯嘅環境都尚可總括黎講，其實我同老人家都覺得食物質素一般，唔值呢個價錢

沙田區想食好嘅日式餐廳都係呢間同埋帝都嗰間揀一間！因為上次食完另一間，今次就嚟返呢間食啦全部set都會配上沙律，麵豉湯同埋蒸蛋羽衣甘藍真係幾難啃🤣🤣生食非常之硬～ 不過唔關間餐廳問題，羽衣甘藍不嬲都係咁我揀咗海鮮鍋定食配刺身，刺身有五款，如圖所見全部都非常高質素同埋新鮮帶子兩小片：新鮮，不過唔係太甜赤身好好味仲有白色中間嗰兩篇我唔肯定係咩魚，腥味比較多啲啲，不過都係新鮮好味嘅質素甜蝦就有一隻，鮮甜，黑頭嘅高度非常好味如果多一隻就好下面嗰個鯛魚就係我最愛嘅白身魚之一但係都係一片我實在太貪心了🤣海鮮鍋嘅海鮮原來全部都係天婦羅🍤咁樣嘅有蟹鉗兩隻同埋蝦兩隻！皮膚唔厚，蝦嘅肉亦都好實在蟹鉗嘅肉就比較少因為唔大隻質素同材料都好合理個鍋入面仲有一件蔬菜同埋一個冬菇，一隻雞蛋🥚而且再加埋非常之彈口嘅高質素烏冬，食到我非常之滿足不過$480略嫌有少少貴，可能始終係酒店質素，再加熟食配刺身而且服務質素同埋環境都非常之好希望佢定期會轉下餐牌，因為我哋周不時都會嚟，等我哋啲常客多啲選擇

餐廳位於酒店頂層，本身景觀已經好好，加上採用落地玻璃，夠開揚，有自然光又夠舒適♥️……..🍱彩刺身御膳🫕日式壽喜燒 （美國頂級牛肉）🍣壽司6貫、天婦羅稻庭烏冬御膳……..😋刺身新鮮好味，只望擺碟都食指大動。🥢壽喜燒肉質唔錯，十下十下幾開心。👍天婦羅正常唔會好油，烏冬夠幼滑。嚟過幾次，質素仍然保持到😋，但價錢就每次都有少少（向上）微調。而今次微調以外，重調走埋杯餐飲，所以都有ｄｄ唔滿足囉😅

海膽控這晚感到超滿足，因為可以品嚐到日本時令海膽菜式，還可以俯瞰城門河與毗鄰優美的景色，剛巧碰上雷電交加又未有傾盆大雨的晚上，一邊品嚐美食，一邊看著窗外閃電不斷，朋友間再講下靈異事件，勁有氣氛。帝逸酒店頂樓日式餐廳源峰，有日籍主廚坐鎮，特意從日本搜羅各款時令海膽入饌， 推出二人鮮味海膽共聚晚宴及四人廚師發辦海膽饗宴，兩個餐同樣有8道菜，由前菜到甜品，還包括微醺醉人的氣泡雞尾酒(2人餐)或自家品牌清酒(4人餐)，又另點了些必食菜式，即使只嚐一口，也令人回味無窮。 清新開胃的鮮腐皮溫泉蛋伴海膽，質感嫩滑，溫泉蛋的蛋香完美配搭甘香鮮甜的海膽。 刺身方面，有吞拿魚、油甘魚、海膽及縞鰺薄切，4款油脂甘香的鮮味刺身，色澤鮮明帶油光，新鮮肥美。 伊勢龍蝦海膽燒，勁吸眼球的一道菜，龍蝦肉塗上秘製醬油烤至表面焦香，在開邊的雪白龍蝦肉上放上滿滿的海膽燒，顏色對比好搶眼，龍蝦肉爽甜彈牙，兩者搭配同吃，鮮上加鮮。 秋野菜天婦羅，粉漿薄脆不油膩，香脆可口。 煙燻蒲燒鰻魚，以透明木盒盛載，打開後隨即飄出頂級櫻花木煙，鰻魚表面焦香，魚肉軟滑，除了本身醬汁的味道，更滲出陣陣煙燻味，極具氣派。 和牛素麵，和牛入口軟腍，

呢啲日式高級餐廳向來價錢不太親民，不過若果要食，識食一定係食平日午餐💪🏻餐廳位於酒店頂層28樓，全落地玻璃、樓底高，環境清幽。當日天氣好好，一出lift成個環境好光猛，甫入餐廳見到嘅係廚師整壽司/爐端燒位。因為我哋要傾偈所以坐咗入少少嘅卡位。卡位似包廂，好有私人空間。位置闊落，不過近罅隙感覺清潔得不太乾淨，同埋坐位好似感覺好舊有啲甩青。先係食咗沙律同呢個——黑松露茶碗蒸👍🏻黑松露唔吝嗇，味濃蛋滑之後叫咗一個新鮮日本入口嘅白身魚壽司set, 仲有——日本直送北寄貝刺身：好甜！唔腥，大大隻😋呢個另加嘅（必食）——火炙和牛海膽壽司成舊入口差啲口都合唔埋！淨係食呢一舊都已經好漏，燒出岩岩好嘅牛油脂肪，腍得嚟仲有少少生牛筋性。估唔到以為都係漏嘅海膽，嗰陣海水味同甜味可以中和返個牛油脂，成舊入口真係岩岩好。

[🇭🇰香港- 沙田].初訪 - 定食嘅選擇都幾多, 亦都有Omakase揀, 但就算坐bar,都唔係一件件上, 同table冇分別叫左”特選壽司廚師發板” 同”刺身定食”; 前者都幾豐富, 有刺身,白松露蒸蛋,燒魚,天婦羅同7件壽司…魚料就普通啦, 最好係個”燒鰻魚” 同甜品”豆腐布丁”位於酒店嘅頂樓,景觀都幾開揚👍🏻 但價錢都唔平啊, 同其他酒店一樣.🔻🍽 源峰📌 地址: 沙田源康街1號帝逸酒店28樓.#tummysreadyatshatin #tummysreadyforjapanese#tummysreadyforomakase #tummysreadyforsushi

今晚好朋友無啦啦飯聚，到這店叫了各款食品，包括刺身、壽司、爐端燒、鹽燒牛脷，最令我們驚喜的是南瓜併蛋黃醬及4款梅酒，但更值得一讚的是飯後竟然職員Dennis有很窩心的甜品送上，真令人回味，一定要再去。

一早係Openrice 訂咗十二點兩位，前一晚收到電話確認並同時要求坐吧枱，今日去到竟然多次話我冇訂位，最後入坐卻被安排坐卡位，並告知人數眾多不能安排。待落單再三詢問，終於得悉我們打算order海膽Omakase才被安排到吧枱坐。整體食物不錯。

因為方便同埋環境好，而且又容易book，所以又約咗朋友喺呢度食嘢傾吓計！今次是另一個set，銀雪魚西京燒$280 + 加配刺身$120有幾片兩款～呢日嘅刺身有三個赤身細片厚切+ 兩篇鰤魚腩我轉左油甘魚（因為我唔想食魚腩驚肥）加配嘅刺身同上次刺身定食嘅厚度差好遠，始終貨價貴啲嗎新鮮好味冇乜話特別驚喜銀雪魚西京燒唔係太大塊，一開始睇以為好大，其實師傅好醒目咁將佢切得擺盤好靚之餘睇落會大件啲，但係其實食落就唔多如果食晒成碗白飯就會夠飽嘅！不過唔食咁多飯就覺得唔係太飽啦！講返條魚！真係超級好味！豐富嘅油脂加上帶有酒味，甜甜地嘅西京燒做法真係好味到呢我想學自己整㗎其他嘢就同上次差唔多所以我就唔講啦預料之中嘅一餐

第一次嚟呢間食！因為價錢都貴，公司請食飯就唔怕啦今次！嗌咗一個$400嘅刺身定食，呢個價錢會有六款刺身，每款有兩篇，不過其實佢切得都幾博尤其是係嗰個鯛魚其實食得出佢個質素好新鮮好味，但係有陣時切得太薄就會食唔出，口感亦都會影響味道豐富感我想講個帶子真係好孤寒，兩片都唔及一篇完整嘅大海膽好豐盛呢個好味呀！終於慷慨啲啲個蝦係甜蝦，牡丹蝦會好啲呢度仲有油甘魚同埋深海池魚係新鮮嘅，但係又唔會話好出色，亦都覺得切得偏薄唔記得講啲沙律菜都新鮮，但係一碗入面好多都係空氣，可以多少少🤏你睇吓好薄啊中間嗰個燒烤魚反而幾特別，我幾鍾意！又唔會太有油膩感呢個應該係紅豆豆腐布甸，幾好味，好香，