滄浪亭

营业中

休息中

經過紅磡見到好多人排隊原來係美孚名店滄浪亭嘅分店店鋪唔大只得4張4人枱同一張雙人枱所以如果唔夠4位就一定要搭枱不過仍然坐無虛席叫左必點嘅嫩雞煨麵大排同軟排骨麵嫩雞煨麵果然名不虛傳入口好香濃牛奶味雞粒超多都唔鞋口配細麵好好味紅燒軟排麵湯底同樣香濃軟排骨其實係豬軟骨燉煮得超淋超入味大排係大豬扒炸粉輕薄豬扒嫩滑做小食一流！店家熱情幽默滄浪亭係間人情味小店

小店座位不多, 只有4張4人桌和1張2人桌。下午茶時段, 人流依然, 剛巧靠牆有空位, 入座時中了頭獎, 頭撞到鏡面裝飾, 大家入座時都要小心。樓面店員頗風趣, 會與客人互動。食物價格相宜, 選擇不少, 是次光顧目標清晰, 選擇困難症沒有發作。1) 嫩雞煨麵 $552) 豆沙春卷 $22嫩雞煨麵算是小店名物, 奶白色的湯底加上足量的雞肉和綠色菜蔬, 單是顏色已很吸引。湯底以奶烹調, 順滑美味, 一滴不留, 喝後不渴。雞肉切丁, 肉質較有咬口, 稱不上很嫩, 但也不乾不柴。菜蔬份量不少, 切碎至雞肉大小, 入口清爽。麵條彈牙掛湯, 份量多, 足以飽腹。豆沙春卷入口熱辣辣, 春卷炸得脆口, 不油膩。豆沙份量雖然不多, 但甜度剛好。相對於坊間的豆沙鍋餅, 雖然餡料都是豆沙, 但鍋餅的外皮較硬, 感覺春卷的脆口更加搭配, 更加美味。

個個講起上海嫩雞煨麵應該都會諗起滄浪亭今日我都想食嫩雞煨麵 黎到呢度星期六午市 都要排下隊 我諗5~10分鐘左右turnover rate 都好高老細做嘢爽手快脆 又細心俾大家睇下餐牌先蜜汁烤夫味道偏甜 木耳爽脆烤夫看起來是手撕的 做法正宗嫩雞煨麵雞同菜都足料乳白色帶有點奶味既湯底 配上上海麵唯獨味道偏甜 醉貴妃帶有一點點酒香 非常大隻嘅雞翼大到覺得自己食緊雞脾細隻d 可能會好啲 糖醋排骨麵排骨炸得非常酥脆 糖醋醬汁好好味唯獨是上海麵既湯底偏甜整體而言 食物份量都幾多眼見好幾台客同我哋一樣 都食唔晒而作為一個上海嫲嫲的孫兒 也許我是食慣家的味道 覺得呢度既食物overall 偏甜咗啲

呢間上海小店位於紅磡，人氣一直高企，決定今日去試一試🤓 店舖唔大，大概5張枱，環境唔算闊落，但呢個就係小店特色👍🏻 未到門口已見人龍，夜晚8點到達，大概等左30分鐘有位了😌 雖然是小店，但有多款菜式選擇，花多眼亂，樣樣都想試👉🏻👈🏻 最後叫左2碗麵同一款小食🌟雞絲粉皮呢度嘅雞絲粉皮用碗載住，同平時食開嘅好唔同，特別係個芝麻醬，芝麻醬自家製，濃濃的芝麻香，因為比較杰身，所以每條粉皮都可以沾上芝麻醬🤤 雞絲和青瓜份量十足，非常開胃🙂⭐️嫩雞燴麵每次食上海菜我都必定嫩雞煨麵，呢度嘅嫩雞煨麵最出色嘅地方係個湯底，湯底是奶白色的，食落有點像忌廉味又帶點奶味，味道濃郁，好好食！雞肉有點鞋身，但無雪味，可接受，幼麵勁嫩滑，好滿足！🌟燻魚麵燻魚好好食！唔會過乾，份量都算多，有幾舊大大舊，但食嘅時候小心有骨，反而湯底略咸，建議唔好飲晒所有湯😜另外，老闆好親民，態度好好，果然係富人情味嘅小店！決定下個月再黎幫襯🤤

好鍾意食佢嘅面，獅子頭，糖醋排骨等等都做得好入味，一試就愛上食佢，尤其是佢嘅麵同湯底十分香濃質地又唔差。最鍾意食上海嘢，啲餸都好多添。唯一就係可能舖頭有啲細，通常要等一等。

一間位於紅磡的上海小麵館，雖然舖位細細，但佢地嘅美食絕對會令你上癮！上次食過佢嘅雞絲煨麵，令我食過返尋味！今次決定去試吓佢哋其他作品！___紅燒遠排麵 HKD58見到湯底嘅色水，就知道非常出色！湯底清甜味道香，有淡淡肉香味，係一碗你可以飲晒嘅湯水！肉嘅份量亦都相當滿足，肉質軟淋入味，麵條口感剛好！整體非常開心！水餃餛飩雙拼 HKD 49一碗一共有八粒，湯底同樣清甜，配上麻油香，確實不錯！水餃調味有驚喜，當中更有芥菜嘅香味，值得大家一試！___評價： 🏠 平民美食❤️ CP值極高👍🏻值得排隊之作推介指數：❤️❤️❤️❤️❤️（五個心心為滿分）___地址：紅磡蕪湖街111號蕪湖居地下C1號舖#紅磡#紅磡美食 #紅磡#上海菜

呢間上海麵小店喺紅磡都有啲人氣，小店只有十幾個位，要排一陣隊先有位。🍜嫩雞煨麵 $55好多人叫呢個麵，湯底有忌廉湯味，幾濃郁！平時鍾意飲白湯嘅我好鍾意😋 有好多菜粒同雞肉粒，雞肉唔算好嫩，有少少雪味但可以接受，麵質比較軟滑，配埋湯都幾夾！🥟雙拼雲吞水餃 $49各有4隻，比較鍾意菜肉雲吞，皮唔會太厚，好多餡，幾juicy。水餃皮就厚啲，正常味道。🥛豆漿 $8正常味道，唔算好濃豆味，唔太甜。想快食一餐，幫襯下小店，呢間係唔錯嘅選擇，佢地嘅大排同糖醋排骨都係受歡迎菜式。

Score 總分:70鐘意食麵 + 鐘意食清清地 + 鐘意食中式麵嘅大家有福了。這是香港少有 又好食嘅中式麵店。講真，店舖好好好細，得2.5枱......係呀，你有睇錯，2.5枱😂 註解: 一枱4坐個人，二枱坐8個人，2.5枱坐 10個人，已經係極限。雖然店舖細細粒咁，但以小店黎講算不錯。加上位於紅磡這個龍蛇混雜，高手如雲嘅美食之地可以咁耐，可想而之.......我估間鋪係買嘅......咳! 總結: 黎開紅磡，老街坊都食開，咁大家都試下啦～

一間位於紅磡的隱世上海麵店，有多種麵食配搭，以及上海特色小食，價錢50-60蚊有交易，食物非常有驚喜，每一台食客必點嫩雞煨麵及糖醋排骨，經過紅磡必要一試！——嫩雞煨麵 HKD$ 53份量滿滿，濃厚湯底浸滿麵條，湯質奶白而帶有啖啖豆奶清香，令人不知不覺食完一口接一口，雞肉份量亦不孤寒，粒粒雞肉佈滿整碗湯麵，CP值極高！糖醋排骨麵 HKD$ 63即叫即製，非常酥脆香口，非常足料！正！糖醋醬非常濃郁，醋香滿滿，鍾意食酸甜嘅朋友千奇唔好錯過！推薦！湯麵份量一樣滿足，湯底清甜，不會太咸，與排骨一同食用有中和的感覺，讚！燻魚 HKD$ 50燻魚是一種冷盤，將魚排炸香，浸入醬汁醃上一段時間。燻魚口感外酥內軟，味道濃郁，甜甜酸酸，作為小食一流。——評價：❤️ CP值極高🍜 湯麵非常吸引🏠 具小店情懷🥟 值得回味的上海菜推介指數：❤️❤️❤️❤️❤️（五個心心為滿分）——地址: 紅磡蕪湖街111號蕪湖居地下C1號舖

滄浪亭地址: 紅磡蕪湖街111號蕪湖居地下C1號舖#yauyau_紅磡以前番poly 食過幾次，小店有啲細，座位唔多，以前要等位冇成日食，今次就專登返去回味下。🍜🍖蔥油肉絲拌麵 $58呢到啲嘢好大份，個蔥油有炒香過，浸到啲蔥黑黑地，但係唔會有燶味反而有陣陣鹹香同蔥油味。最夾嘅位就係佢個面係淡味，咁就中和到個蔥油，食落唔會變咗燒味飯個種油膩。🍜🍗嫩雞煨麵 $53湯底好濃郁，有落到牛奶入去，令到個面入口會再順滑啲。啲雞肉切碎咗嚟煮都冇因為縮咗水整到乾乾柴柴咁，依然咁香同幼嫩。🍖🍖糖醋排骨 $50佢應該係即叫即炸嘅，上到枱係超熱，要擺翻陣先可以食，個面炸到卜卜脆，排骨唔會淨係得肥豬肉，肥瘦適中。個糖醋汁偏甜，但係就好啱點炸物嚟食，可以好解膩。🥤🥤豆漿 $8好大杯，豆味又濃唔會太甜，抵飲。唔記得影。味道: 4.2/5服務: 3.5/5環境: 3.5/5番兜: 4.2/5#紅磡美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfoo

今日欣賞等左好耐嘅周興哲演唱會🌟所以近近地係紅磡食 食完慢慢行過去紅館原來紅磡多左好多餐廳 由6點3開始行都未決定好食乜 最後行到近蕪湖街 發現有間藍色招牌食上海麵唔係講笑 6點半嘅人龍 係見有時間先會等如果趕時間就唔好等啦 因為裏面枱數得4-5張伙記又得2個 好忙但招呼唔會少☺️由6點半等到7點10終於到我哋入坐啦蜜汁烤夫 十分推薦烤夫係上海小菜 用帶皮的麥子磨成麥麩麵粉 然後在水中搓揉篩洗而分離出來的麵筋 經發酵蒸熟製成 形狀呈海綿狀 口感鬆軟 配上木耳再拌生抽 醬油等 而烤夫吸收哂醬汁 更加好味雞絲粉皮依道小菜又係不得了 雞肉絲好多而且唔鞋口 粉皮成個碗底都係 拌上帶有花生粒嘅麻醬 增加左口感 另外麻醬味道好濃郁 好開胃大排上海麵上海麵實在好大碗 麵條適中而且好掛湯另外雞排真不愧叫大排 大大塊 烤得夠脆但粉漿唔厚 肉質又夠滑 媲美得上大埔名物嫩雞煨麵湯頭比起大排麵嘅湯底有味 因為大排麵湯底係清湯雞肉粒份量多 而且每舊都好滑身同嫩滑 另外湯底有淡淡嘅忌廉雞湯味 好特別麵如其名 💛 留意只收現金 真係值得等

從美字開到紅磡, 美孚本店已開了25年, 而紅磡分店也開了10年, 不只是屹立不倒, 更可說是人潮如湧, 無論是堂食和外賣也一樣. 對我而言, 它的賣點就是大份夾抵食, 大份的情況是, 我也不能完成一整碗麵, 真的說是大得驚人. 上海麵口感偏向軟身, 浸湯易糊化, 所以湯麵和撈麵也想試試看.蒽油撈麵的蔥炸得很焦, 外表如炭一樣, 但入口沒有苦澀味, 油夠多, 和黒醋結合吃起來味道層次豐富, 雖說麵很多大碗, 但汁醬能平均沾在麵身上, 肉絲份量夠多, 但肉質有點死實, 有點可惜. 湯麵湯汁較一般的鹹, 特別是煨雞湯麵, 有點蓋過雞肉的味, 雞肉切粒, 口感爽實, 整體水準就是一般.小食也和麵食一樣大份, 無論是獅子頭, 餃子還是糖醋排骨也是如此, 絕對沒有吃不飽的問題, 獅子頭外表有點乾, 內裡肉碎則較鬆軟, 味道夠而不用任何醬汁, 外表和做法法也蠻有趣. 糖醋排骨醋香為主, 甜度較低, 排骨炸起夠香脆, 就算外賣回來依然能夠保持, 表現比麵食來得出色. Tsing Long Ting is famous for her big portion noodles and side dish

紅磡滄浪亭 在網上見到呢間上海店好吸引, 所以順便過黎試下因為係星期五…..由於店內位不多,所以店外一直排隊等位呢間上海店菜雖然店鋪比較小 但係設計簡單舒服重點係好光猛✨ 菜式有種住家感覺小店同親切店員, 員工算用心服務客人我就一個人食了$97因為睇相好多都吸引, 都想試, 最後叫店員介紹(嫩雞煨麵) 因我看見白色湯,我又唔想吃, 所以最後我叫了個紅燒軟骨麵, 湯底夠味, 軟骨肉質可以接受,麵性太淋還追加了水餃+餛飩, (水餃+餛飩)都是一般味道不是想像中的好味花雕醉雞翼 有淡淡的酒味 雞翼皮冰震凍食好,🧊雖然雞翼size偏大豆漿味道濃

嫩雞煨麵🐓🍜(9/10) $55超大碗😋可以幾個人share~ 湯底有濃郁奶味, 啲湯汁掛晒係幼麵條上面,加上超足料雞粒同蔬菜粒🍜糖醋排骨麵🍜(9/10) $65排骨同湯麵分開上🍜甜酸汁排骨好開胃, 啲排骨好脆好似炸雞咁🤣如果可以多啲汁就更好~😋上海湯年糕🍲(7/10) $70年糕整得夠軟身, 配搭冬菇同蔬菜粒, 好有上海風味😍但我都係比較鍾意韓式年糕🫣 雞絲粉皮🐓(5/10) $40花生醬加芝麻撈粉皮, 有少少heavy, 份量同人share食啱啱好，如果一個人食會好膩…水餃餛飩雙拼🥟(7/10) $49兩款嘅餡料都係菜肉餡,有啲蔬菜粒,粟米粒同雞肉, 大大隻🥟總共8隻😋味道正常不過不失~

大隻仔今次覓食嘅店舖就係💥 滄浪亭 💥 大隻仔想食呢間餐廳好耐，嚟過幾次都冇開門，今日大年初四下午4:30，成條街嘅餐廳大部份都仲未啟市，估唔到「滄浪亭」反而已經啟市。雖然大隻仔已經食完lunch，唔太肚餓，難得餐廳有開門，梗係要把握機會唔放過，入去食聞名已久嘅「嫩雞煨麵」。😂😂⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 嫩雞煨麵 $55點餐後老闆就會送上餐具同一杯熱水，十分細心，仲會好有禮貌講「小心好熱」，對顧客服務周到。👍👍「嫩雞煨麵」一上枱就有驚喜，估唔到咁大碗，湯底奶白色，用上雞湯加牛奶煮成，加上清甜嘅小棠菜一齊煮，湯底幾好飲，味道唔會太鹹，飲完都唔會十分口渴。雞肉同小棠菜切細粒方便入口，雞肉入味，唔算極嫩滑，但一啲都唔乾柴，小堂菜仲好爽身，至於陽春麵冇煮得過淋，整體成碗「嫩雞煨麵」分數幾高，好食又大碗。溫馨提示：滄浪亭屬於小店，餐廳人手有限，只有兩名員工，老闆收銀、送餐、收抬清潔一腳踢，有時衛生、服務未必做到好好，