滿記甜品 (朗豪坊)

营业中

休息中

12月27號聖誕節前後，就約左朋友嚟滿記甜品試下，諗著食啲甜品開心啲，點知換來一肚氣。首先入座時，職員已經好無心機，就咁比餐牌我地睇，而且嚟呢度唔好諗著坐多陣，我同朋友食完坐左5分鐘已經被催，職員好趕客朋友話楊枝甘露（$44）一般，似系煮左好耐，唔夠冰，酸甜度的平衡一般，仲衰過尚品現成野另外，我就點左經典招牌芋圓（$42），芋圓形狀不規則，咬起來偏硬，硬得嚟又唔似平時個啲芋圓咁煙煙韌韌。仙草更加系切到好大舊，難以入口，懷疑切都無切過就咁比你，珍珠亦好硬，感滿記甜品系名過其實，無花心思落甜品到。（餐廳用即棄紙碗同紙餐具裝甜品，但匙是刮口的，完全唔得！）呢個價錢唔算平唔算貴，但體驗同食品極差，唔會再去，寧願$10包個啲即食甜品都唔使受氣。

食物賣相，味道可以，但職員態度睇落有冇生意都無所謂咁。落單時態度冷淡，賣單時問佢嘢十問九唔應，由入去食到走人都無聽過職員講多謝之類嘅客氣説話，絕對無下次。。。。。

旺角食完飯，覺得未夠喉又想食啲嘢，心諗不如食個糖水啦叫咗兩個糖水，第一個係榴槤白雪仙草，一嚟就見到大大嚿榴槤肉喺上面，已經心心眼😍食落口好滑好香，仙草亦都好好，唔會有種怪味，而墊底就係白雪，即係碎冰，天口㷫嘅日子食絕對會透心涼，整體好清新亦好消暑。另一個就係雪山芒果西米露小丸子，我諗雪山就係芒果雪糕😂呢個糖水食落比較平平無奇，芒果雪糕味道唔太出，西米露加咗芒果汁都好清涼好舒服，小丸子好好咬口好煙韌，但整體比較普通。兩款糖水我比較鐘意榴槤白雪仙草，食完有種「榴槤」意返嘅感覺，齒頰留香。

有兩位STAFF胡亂答覆我所問的商場電子優惠券問題，令客人有所損失。後來知道其中一位眼鏡的不是長時間在此間分店，佢唔清楚我可以理解。但是另一位短髮造型的女STAFF，既然是長期STAY HERE就不應該要了解清楚嗎？點解會咁亂答客人。付款時候我已經向另一位STAFF亦再次表示責任完全不在客人，結果上其實也不是很滿意，只是她一直處理的態度我覺得可以才接受。回去後還是認為此店舖經理應該要對該STAFF進行培訓，免得日後令其他客人有機會蒙受損失。

我第一轉落完單，當時未坐滿客，而又無客出面排隊，員工只喺企喺度，我諗住再加單，結果俾個好惡既阿玉店員同我講，埋單攞張單喺出面埋咪得囉，連隔離啲客人都望住阿玉店員，我係加單唔係埋單，我同佢落咗order，之後又怕落錯order要搵另外一個同事同我覆單，服務員真係要咁工作？無禮貌又唔專業

朋友來香港旅行，在朗豪坊我們找到了滿記甜品。雖然滿記甜品的分店越來越少，價格也大幅上升，但它在遊客眼中仍然是香港旅遊必試之一。當天我們在朗豪坊的分店品嚐了他們的兩抹甜品焗荔茸西米布甸這款甜品結合了荔茸和布甸的美味。荔茸的甜度適中，與布甸完美搭配。西米的口感柔軟糯潤，增添了豐富的飽滿感。芒果糖水我們還點了一碗芒果糖水，但具體的名稱已經不記得了。這碗糖水以芒果為主要成分，但口感和味道並沒有給我們留下深刻的印象。小總結❤️📌價錢略貴📌位置十分迫

行得攰攰地朋友話想食啲甜品，但搵極都搵唔到🤣發覺原來旺角都唔係太多糖水店🤣定係我地大鄉里未出城呢。最後，諗起朗豪坊food court果層有滿記甜品，就隨便入去啦。叫咗三樣嘢，朋友係熱紫米露，我叫左榴槤白雪仙草，另外嗌咗個咖喱小食拼。朋友就話個紫米露非常好食奶味好重，每次嚟都必定encore！我就認為榴槤嘅產品冇死啦😆來得滿記甜品，唔使睇餐牌直接嗌就得🤘不過，個咖喱小食就真係麻麻地，豬皮魚蛋都係比較林，好似擺得有啲耐甘。

老字號港式甜品店有時食得太多新式甜品例如綿綿冰、窩夫、心太軟之類嘅甜品都會想食翻啲傳統甜😆今次就嗌咗個雜果涼粉水果都新鮮有唔同種類嘅生果🍎芒果同士多啤梨有少少酸不過個西瓜好好正😆好甜又多汁🤤仲加多咗個綠茶雪糕係頂頂令到個甜品唔會太單調🤣如果大家係旺角行完街覺得太攰都建議大家嚟休息吓食個甜品😆或者飯後嚟食翻個甜品都唔錯👍🏻而且價錢唔算太貴可以接受不過位置就有少少逼 但職員態度都ok唔會好似趕人走咁🤔

同朋友飯後諗住近近地去滿記食碗糖水～一向愛食芋圓的我，立即鎖定白雪仙草芋圓。呢碗糖水集合晒我最愛嘅選項，包括紅豆、仙草、雪糕、芋圓，而且仲要係雲呢拿冰底而且當中嘅芋圓唔係求其一兩粒點綴下就算，芋圓又大大粒。其他配料都不馬虎。成碗糖水都唔洗$50，而且真係相當足料 整體來說，我會話係抵食同行朋友食咗楊枝甘露，芒果仙草豆腐花，都算抵食~ 睇相都見到大大碗，係今時今日糖水舖keep到水準同價格都算係咁。不過呢間舖位置就比較少，枱同枱中間都有啲迫。

Came here late but they weren’t closed with a full house of people still eating. They said they’re closing in 15mins and we need to order now. Sure I was ok with that. And then they brought up the food, we tried to eat as soon as possible already, they still came over to check a million times in a pushy manner. Told me to go to the front to pay when I’m still eating, sure, done that. And they start to turning off the lights when they have 4 tables of people still eating theirs food. Why were the

📍滿記甜品 (旺角)旺角亞皆老街8號朗豪坊4樓409號舖==============================今日朋友係旺角食完晚餐再去朗豪坊食糖水，以前細個成日走去西貢食滿記，依家係市區都食到==============================食物⭐️⭐️⭐️⭐️⭐️1️⃣ 楊枝甘露仙草芒果味好香濃，配埋仙草可以食到好飽2️⃣綠豆沙仙草芋圓綠豆沙煲到好綿，加埋芋圓同仙草好夾3️⃣杏仁茶+芝麻湯丸杏仁茶一來到就好香杏仁味，杏仁磨到好幼細，入口好滑，湯丸咬開後芝麻味好濃，似芝麻糊味4️⃣鮮奶麻糬鮮奶麻糬配埋d芝麻椰絲好香口，好似食緊奶味糯米糍5️⃣雪山孖實+仙草兩球雪糕好正，配埋仙草又係好飽肚

認真講，呢餐糖水真心食到我火滾，呢啲咁嘅服務態度嘅員工，真係仲可以留喺度做？麻煩朗豪坊滿記經理可以正視！事情係，我地一行6人叫左四碗白色嘅糖水，兩碗有雪糕嘅糖水。兩碗熱嘅杏汁，一碗凍嘅杏汁一碗凍嘅椰汁。兩碗熱嘅上左之後，有位馬尾(相對)後生嘅女侍應上左碗凍嘅白色糖水，由於杏汁同椰汁睇落去都係一樣。我就問佢：唔好意思，我想問下呢一碗係咩嚟架？馬尾女侍應佢指住張單：下？有寫架喎(啲態度串到)之後答：椰汁囉接住就有位(應該)熟手女侍應上左另一碗睇落一模一樣嘅白色糖水。我又問：唔好意思，我想問下呢一碗係咩嚟架？熟手女侍應：椰汁我話：咦，又椰汁？應該係一碗椰汁一碗杏汁熟手女侍應：咁呀？你等等，我問下廚房先 （拎走佢上嘅果一碗)後來，熟手女侍應拎返同一碗返來：呢一碗係椰汁，咁之前果碗應該係杏汁我：好呀，唔該你。你頭先個同事態度勁差喎，自己上緊咩俾個客都唔知，仲串個客張單有寫。我都知有寫，但你上緊咩，你自己答唔到，仲要後尾知道係亂講。熟手女侍應：佢係新黎架我：咁新黎無人教要點對客？熟手女侍應：佢黎咗3日咋我：咁3日都應該要教呀嘛，佢咁對啲客熟手女侍應：慢慢教，慢慢教之後熟手女侍應就走咗。然後上左兩碗

我對滿記甜品嘅姜汁桃膠銀耳芋圓感到好失望。雖然芋圓嘅口感還算得過，但係呢個甜品嘅其他部分就好唔滿意啦。首先，桃膠竟然係假嘅，呢樣嘢令我感到好失望。作為一間知名嘅甜品店，滿記甜品應該保證佢哋所用嘅食材質量同埋真實性。其次，銀耳亦都好唔理想。銀耳本身應該係柔軟嘅，但係呢個甜品入面嘅銀耳全部都係碎嘅，令我感到好失望。呢啲碎銀耳咁樣就冇乜嚼勁，都令甜品嘅口感變得好唔舒服。最後，呢個甜品嘅價錢亦都比較貴，但係佢嘅質量卻唔符合佢嘅價格。我認為，如果你想食一個好味嘅甜品，你應該考慮其他選擇，而唔係滿記甜品。

滿記甜品係香港比較有名氣既糖水店之一，但係我最近去試嘅時候發現佢啲糖水質素同量素唔如以前啦。首先講質素，我試咗雪山海底椰西米露，發現啲芋圓祇有兩粒，唔夠糯，口感唔夠Q彈，海底椰都系，味道都有啲淡。再試咗啲糖水，發現啲糖水嘅甜味都唔夠，唔夠濃郁，令人有啲失望。至於量方面，滿記啲糖水同以前相比明顯係減少咗。我以前試過滿記啲糖水，啲碗啲盤都好滿，而家啲份量就真係少咗好多，都系用外賣紙碗裝。我諗如果份量太少，味道唔好嘅話，都唔係好嘅選擇。總括而言，滿記甜品糖水嘅質素同量都有下降，味道唔夠香濃，甜味唔夠濃郁，份量亦都減少咗。如果你想食好嘅糖水，可能要揀其他嘅糖水店啦。

次次晚餐後都要等位長期爆滿糖水質素未必樣樣都高但我每次都會叫多餸既款式叫做過下口癮咩都食到啲好似上圖咁晚餐後太飽，唔揀芋泥，揀雪糕球味道係熟悉既香精味加上芋圓、紅豆、薏米、涼粉咩都有其實都幾滿足既