濱松町日本料理

营业中

休息中

琴日放假去佐敦閒逛嘅時候 意外發現咗呢間日本風嘅餐廳 餐廳嘅趟門係木製🚪 風格古老 甚有風味 隨意望下門外嘅餐牌📖就選擇進食一推開門 職員就熱情介紹 餐廳環境寬敞 佈置獨特👀 廚師👨‍🍳企喺酒架嘅右手邊 酒架上放滿唔同牌子嘅Sake🍶 整齊得嚟好似一幅牆 店內天花板掛咗一隻隻紙燈籠🏮 又有日式掛畫 我地就似置身喺日本🇯🇵餐牌上有好多唔同嘅選擇 前菜 壽司🍣 刺身 熱食 咩都有 花多眼亂 好辛苦先揀到我地最想食嘅野😋😋落單時職員推介由空運直送嘅象拔蚌刺身 餐牌上冇呢項選擇 因為每日都唔同 今日$288就試到原隻象拔蚌切片刺身 真係好抵！每一塊刺身都好鮮甜 配上豉油/檸檬汁都有唔同風味 口感爽口 我比較鍾意🍋汁 酸酸甜甜好清新另外我地仲叫咗上壽司盛（十貫）每一款都唔同 我估每次食都應該唔同😏 因為每款壽司都好新鮮 應該係廚師根據當日最新鮮嘅食材配搭出嚟 左口魚油脂豐富 入口即溶 完全無可以挑剔嘅地方 朋友話海膽勁鮮甜 可惜得一舊 想嘗試都無機會 下次我一定會搶食先🤭🤩

濱松町日本料理 (佐敦). 好耐無食日本野！係尖沙咀附近搵食搵到呢間好似幾好食，就入去試下！環境一流，坐位寬敞之外，裝修都非常雅緻，以日本🇯🇵酒樽作為裝飾的一部分，天花板都吊住好多日本紙燈籠🏮.⚜️松葉蟹肉🦀沙律🥗⚜️$88.(˶‾᷄ ⁻̫ ‾᷅˵)❤️勁好食！第一樣上枱就係松葉蟹沙律，份量都幾多，二人share食都夠，用上黑醋汁配上沙律菜同松葉蟹肉，好鮮美(˶‾᷄ ⁻̫ ‾᷅˵) 推薦！ ！ .⚜️牛肉壽喜燒🐮🍲⚜️.其實呢到嘅野食份量真係幾多，牛肉壽喜燒用上安格斯牛肉片，就咁驟眼數至少有10片呀，入口牛肉味香，而且肉質非常嫩滑，秒速就俾我哋清晒所有(⁎⁍̴̛ᴗ⁍̴̛⁎)入邊仲有其他配菜，分別係娃娃菜，金菇，冬菇，京蔥，粉絲等，配上甜豉油湯底，吸晒啲湯非常之入味！.⚜️雜錦角切丼⚜️$128.呢個雜錦丼俾我哋兩個想像中大碗非常之多😍$128都好足料嘅飯同埋魚生，有三文魚，青瓜醃蘿蔔等等配料，飯淨係普通嘅白飯，係加左少少醋同適量嘅豉油(⁎⁍̴̛ᴗ⁍̴̛⁎) 唔會好鹹又唔會淡！ ！ .⚜️北海道芝士條⚜️係香口嘅炸物(˶‾᷄ ⁻̫ ‾᷅˵) 有六條好似炸春卷咁嘅炸芝士條，配上沙律醬，咀嚼後仲有淡淡芝士香！—————————————————

朋友從加國回來相約午膳，原先以為和她飲茶吃中菜，殊不知她話想吃日本菜，由於早前在 “鮨一” 吃過那赤醋米令我想起 “濱松町” , 反正夜晚放學途中也路過此店，於是決定訂枱翌日回味一下。濱松町在佐敦有兩間店的，一間在渡船街，而另一間在德成街，我較喜歡去徳成街那間，一來鄰近地鐵，二來覺得這店比較清靜和優雅。12:45pm 唔算太多食客，但到一點過後已相繼坐滿。兩位師傅身穿白抱，第一感覺像診所化驗師。其實兩位師傅很帥的。店舖門前的大餐牌圖文並茂，非常清晰，所以影這張給大家看較為清楚。午餐由$68-$148 不等。當然還有廚師推介。定食包括麵豉湯:麵豉湯雖然稀少少，但湯面佈滿我喜歡的油揚。還有沙律菜:壽司定食$1188貫+ 3 小卷+ 細烏冬:8貫中有至愛的油甘魚剌壽定$148剌身三點二切 + 5貫壽司 + 湯烏冬:整體都很生鮮，加國朋友很滿意角切魚生丼$88:原先打算吃三色丼的，但那三片三文魚大大件，筆者寧願選擇角切魚生由於和朋友太耐冇見，掛住傾，掛住食，原來忘了影那赤米醋飯給大家看😅

佐敦日本餐廳比我感覺一般都比較貴之餘份量又少,, 所以其實都唔敢亂撞入去試新餐廳。但係經過個menu見到壽喜燒又想食下,, 所以就撞咗入去。估唔到好有驚喜!!!!由前菜開始已經好好味,, 之後嗌ge每一碟 味道都好好定份量都合適,, 真心力推le間餐廳!!前菜係醃蘿蔔,, 簡單 清清地 有d木魚碎味,, 好開胃。鐵板燒牛柳都好好味,, 有肉味。不過我食嘢口味偏淡,, 食多舊會覺得濃味咗少少。到我最想食ge壽喜燒!!!! 無令我失望 真心好好味!!!!!個湯底真係好鮮味,, 多菜,, 肉都比我想像中多,, 一流!!! ***p.s. 雖然個湯鮮味,, 但係食完之後2個零3個鐘都無話特別口渴,, 我估應該味精唔算太多掛~***之後見仲想食嘢所以後加咗2隻羊肶。都係力推!!! 燒得啱啱好,, 2件都唔係話好多肥膏,, 但係入口即溶 好好味!!!最後食咗2粒紅豆和菓子,, 煙煙unun,, 好香紅豆味正!除咗嘢食好之後,, servicing都好好。d staff會keep住幫你斟水,, 望下你有無咩嘢需要。我地食壽喜燒個陣影相都影到耐耐地,, 佢地仲特登幫我地將個木板換做燒爐,, 話凍咗唔好

依間野食過好幾次。不過次次都冇心機打食評。今次的起心肝打返個食評支持下佢地。佢地啲食物真係好好食，廚師既技術夠，材料又靚。價錢對我依啲平民就貴啲，不過我都係覺得係值。一分錢一分貨依個係鐵一般既道理。和牛炒飯真心推薦。貴就貴啲。百幾蚊個飯。但佢啲牛味又真係好正。一啖牛一啖飯。肉味濃郁，小小肥。飯係上等啲既珍珠米，夠趙頭。煙煙un un. 炒野菜我又係黎親都食。時間火喉缺一不可。啲料新鮮爽脆。上次見過老闆娘都知佢都好鍾意食野，時常分享佢食果啲野。一個鍾意食野既人開餐廳，點都唔會差既。繼續努力。

星六到尖沙咀有野做，打算食個飽飽的brunch先開始行動，但尖沙咀區多人（遊客）又諗唔到想食乜，決定黎佐敦碰下運氣。恆豐中心後面呢條街好耐以前番學成日經過，因為少人行同有燒賣食，著住校服督魚蛋都無咁陽！ 係一間all day breakfast 同日本菜之間，選擇左試濱松町，1點鐘入到去只有兩枱客，有一秒既懷疑自己係咪揀錯左⋯不過！侍應姐姐態度超斯文，真係好「日本」，而且見到旁邊廚師（定老板？）同外國食客傾計，外國食客猛點頭，就feel到呢間應係個有人情味既小店有心既站食物不會差得去邊！我既壽司8貫3卷配烏冬：好多野食！壽司方面有海膽（超creamy!好新鮮好甜！）/ 吞拿魚（色澤不似出面既咁深紅，不過都好味 肉質較軟身）/ 池魚王（乾身但好彈既魚肉！比較少食但一試愛上～） / 疑似鱆紅魚（都係彈牙既一款，魚味會濃dd) / 淨低既鰻魚、章魚、赤貝都調味得剛剛好，赤貝上面有小小梅子醬，酸酸地既果味同赤貝既鮮甜都好夾，估唔到有呢種玩法！小卷物中間係漬昆布，簡簡單單都覺得好好味！同埋壽司飯除左米質好黏度足之外，同平時唔同既係，佢係啡色醋飯，唔知啡色點整的但食落好似多左一份魚既香味（唔通加左

行到恒豐商場後面附近街，見到有間日本嘢食，見到外面放咗午餐牌，好吸引， 叫咗個鰻魚飯，另外叫咗個三文魚飯， yummy yummy， 鰻魚飯冇得彈， 如果再大碗啲就好了， 三文魚 好新鮮。 下一次經過都會再食

裝修充滿日本特式，有一個櫃放哂日本酒，喜愛酒嘅朋友不得錯過啊！三文魚壽司 $38 甜蝦壽司 $45 北海道帆立貝 $36 加洲卷 $48壽司飯已一早調味上色，唔加豉油都已經好夠味魚生非常新鮮，不過師傅預先喺壽司裡面加左wasabi，唔食wasabi既朋友記得落單時講左先清酒廣島蠔鍋 $128清酒味唔會太濃，廣島蠔隻隻都肥美多肉，又鮮又甜。燒雞翼 $45燒雞翼好多時我都好怕燒都好乾，但今次唔乾不特只，肉嫩多汁，雞皮脆口，師傅仲好細心將雞翼攤開嚟燒，食落口唔會麻煩。三文魚頭 $85三文魚頭炸得十分香脆，唔油膩亦冇腥味。炸雞軟骨 $60熱氣野真係食極都唔厭，啱啱炸出嚟時熱辣辣，加上檸檬汁酸酸地勁開胃，食到唔停得口，好快就食哂。蟹膏蟹肉炒飯 $128呢個炒飯真係世界級，蟹膏味濃蟹肉又夠多，炒得夠乾身，食落口一啲都唔覺得濟。巨峰提子特飲 $42 蜜桃汁 $38

路經好幾次，見到緊閉的木門令人疑惑是否能進去，終於在午飯時間一嘗這日式小店。店內環境不算很大，掛了一些日本的裝飾，挺有風味。午餐有定食提供，價錢約80-120不等，有貴有平，每份都配了味噌湯和沙牛律，這次更可以加5元試試蒸蛋，每樣都挺有水準，蒸蛋很鮮味，十分好吃。主菜來了，分別是角切魚生丼和三文魚親子丼。飯是有色的，應該是拌了醋和一點醬油，帶有少許鹹味，如果喜歡吃原味，不另加醬油亦不會太淡。三文魚厚切，十分滿足，角切的魚生也一樣新鮮。甚至味噌湯和薑也覺得很對口味，實在是很驚喜，值得再來。

豪氣食日本菜😙清酒廣島蠔鍋湯底帶淡淡酒香，而蠔黎講都算系幾肥美新鮮，底下仲會配有雜菜，用黎送飯確系吾錯！蒜片A4和牛角切就比較重口味啦！🙂和牛切粒炒食得夠方便，食落好香蒜味而且好多牛汁，肥瘦適中吾會好硬，食得過💁‍♀️特盛壽司盛盒，擺得好靚，影相真系無得頂！壽司有海膽，甜蝦，蟹子，吞拿魚等，刺身都幾新鮮，而且特別在佢哋嘅壽司飯係用咗另一隻珍珠米，食起黎帶有淡淡咸味，連豉油都吾需要，確系值得一試

和牛刺身好好食！ 高質日本菜 價錢不過不失，中位價錢，甘既質素我覺得好值。食左生蠔，和牛刺身，炒牛，魚生刺身，串燒，所有野都好新鮮，特別係和牛剌身 厚薄適中入口即溶！！另外點左個巨峰提子汁我看又幾好飲真係好重巨峰提子味，重點好大杯。好少甘滿意，真係好滿意既一餐，生食熟食都超水準，發揮好好。環境舒適優雅好有日本feel。呢度仲有好罕有既喜之次魚，好罕有，好多人話鮮甜味無其他魚可以取代，得好少日本餐廳有呢隻甘罕見珍貴既魚，不過我好飽，唯有下次。熱愛呢間餐廳食過番尋味，位置又方便

尋晚又可以一嚐【濱松町】既美食😍真係肥死都抵🤗尋晚朋友去食晚餐，知道我地鐘意食日本餐，打包左呢餐超豐富既外賣請我地食⋯⋯刺身類🍣一盤雜錦刺身，有龍蝦刺身，拖羅，蝦，帶子，油甘魚，三文魚，仲有不知名的魚刺身，一向我都唔鐘意食吞拿魚，知道拖羅係吞拿魚的一部分，總覺得一樣唔好食，所以一直都無食過，但⋯⋯尋晚打破左呢個想法，原來拖羅好味道，點解可以咁好食架😍個龍蝦刺身我無食到，因為當我入到房只係得返隻龍蝦殻咋🙄同埋班為食鬼啲刺身都唔留啲比我😑壽司類🍙一大盤！壽司款式有三文魚腩，拖羅，帶子，曼魚，北寄貝，炸蝦⋯⋯好在我醒目，壽司我一早夾定幾4，5，6，7，8舊慢慢食😎如果唔係真係渣到無剩😏炸物/串燒類🍡燒菠蘿🍍怕怕😅我唔食熟既水果燒雞泡魚🐟無食！留比佢地送酒炸蝦棒🍤本來夾左兩舊，點知跌左地下，請左垃圾桶食😩我又唔好意思再夾，所以最終無食過飯類🍚蟹膏炒飯🦀上次食過呢個炒飯，知道好好食，而且我好湊米氣，所以唔洗講，打劫左半個飯😏呢餐認真開心😋而且超抵食，因為我係食免費餐🤣多謝晒請食既老闆🤣🤣

終於來了，第一次品嚐鰻魚飯，有小沙律+麵豉湯，來一碗鰻魚，中間有隻温泉蛋，很漂亮，慢慢細食，鰻魚很軟身 (未曾到日本食)，曾經吃過有些店是很硬身的。。。整體 ok, 下次將會試壽司

今日04-09-2017係我隻SoHa仔生日，知道佢鐘意食日本菜，早前經朋友介紹呢間濱松町，我上網睇過賣相好吸引，應該唔會差得去邊，尋晚放假一家人同佢慶祝17歲🎂好多謝朋友既推介呢間咁正既日本餐店，環境舒服，服務有禮，一家人食得好開心，仲大讚我今次揀既餐店有質數🤣一開波坐低即時落單，第一時間食左一碟美味既蠔，個汁真係有別於一般味道，好特別，但又食到蠔既鮮甜，而且隻蠔夠大隻，咬落啖啖肉真係無得輸👍另外又點咗芥末八爪魚，三文魚腩刺生，甜蝦刺生，馬分海膽，帶子，仲有帆立貝，螺片刺生，彷彿魚刺生，新鮮運送到港刺生真係超鮮甜，彷佛魚刺生個汁，甜甜酸酸好夾，大家都覺得好味道😋食完刺生後魚骨再攞去做炸物，真係好鬼香口，成碟比我食晒😋尋晚有個5歲姨甥女響度，刺生唔準佢食咁多，當然要點返小朋友最鐘意食既壽司，串燒同炸物，點左兩件蟹棒手卷，蟹膏壽司，炸雞皮，浦燒曼魚，黑豚肉串燒，牛舌串燒，炸雞軟骨，當中最正係燒曼魚同炸雞軟骨，一碟又點夠喉呢？而我個仔佢就唔食牛肉，我呢個24孝肥媽又幫佢點多幾串豚肉串燒比佢啦🤣同劉名青史 我知道，埋難得今日係呀仔大日子，大個仔喇！我覺得可以比佢試吓飲少少酒，我地就飲【獺祭純

朋友生日發板話事，佐敦一帶各式食肆林立，近月佢公司附近新開一間日式餐廳，她到門口拍了照發給我看，門面裝修充滿日式風情，跟手梗係上openrice 睇睇評價先，一睇餐牌，拍得住中環價錢，心諗..嘩...都幾貴喎，不過生日朋友選冇計啦，希望質素唔好令人失望啦，當晚一行8人，坐獨立房，房應可坐8-10人左右，（可能怕我哋嘈），再睇餐牌，價錢竟同網上其他人放的不同，細問下原來網上比人放嗰份係剛開店時暫定價錢，不是正式價錢牌，現在已經更改了，當晚叫了好多嘢食，足夠每人捧住肚走，魚生新鮮，串燒好味，炆豬手軟淋，炸物不油，蟹肉蟹膏炒飯超正，同伙計傾計下原來呢間係同文英樓嗰間同一個老細，伙計好有禮貌、細心，當晚8個人埋單約$34xx左右，希望會保持水準啦。