滾喜火鍋專門店 (已結業)

天氣冷冰冰，又係時候出動食雞煲打邊爐，今次為求交通方便，我哋揀咗旺角女人街附近，如果唔係朋友帶路我都唔知道 滾喜火鍋專門店 CP值咁高！裝修簡約，有卡位，座位空間感足夠，乾淨企理，食物質素也不錯。任食芝士\麻辣雞煲＋任食60多款火鍋配料每位＄208起 三重芝士雞煲 + 秘制麻辣雞煲我哋咁鍾意食雞煲，梗係要食晒兩隻味道啦！店家好大方，可免費加雞件，換煲加上湯才加 ＄20。秘制麻辣雞煲我最鍾意刺激，麻辣雞煲可以選不同辣度，不過我又唔係好食得辣，所以小辣就最啱我口味，秘製麻辣醬汁爆炒，麻香、辣味很突出，雞件嫩滑多汁食落更加惹味，賣相討好。三重芝士雞煲特色是三重芝士，非常邪惡同時用上三款唔同 cheese 🧀 高成本製作，拉絲效果一流，芝士香味濃郁，芝士汁包著雞件好香，肉質保持鮮嫩，雞味滿足芝士控一定要試吓！雞件可以無限追加，不過我哋兩個人已經好滿足，之後起動用雞煲底打邊爐啦！任飲任食60多款火鍋配料和飲品【肉類】美國肥牛．安格斯•西班牙黑豚肉 •蒙古羊肉卷 •滑雞件•豬頸肉 •牛舌 •午餐肉我覺得最正一定係安格斯頂級肥牛，脂肪分布平均、色澤亮麗，肥瘦適中，厚薄剛剛好，5成熟入口即溶，肉質非常

簡短食評：明明有位唔比人坐卡位 個場60%空既 食物款少 Sell你芝士雞 但無味 焗你加錢食麻辣佳寶68蚊牛扮安格斯雞係切件雞脾肉 工場貨唔係出面果種 半隻雞 一隻雞飲品得凍飲一路食一路比人望住 唔提時間last order 仲有20min先夠鐘就催你走🖕End:所有野都係局黎 有興趣睇下面詳細食評：喱排天氣轉冷緊係諗住打邊爐見附近都好多選擇但未試過芝士雞煲+邊爐，加上坐近門口既咁岩上左啲牛 見到啲色都唔錯 價錢又地道 便入去一試 見到餐牌$228食安格斯牛 都係貴20蚊 當然就加錢食好啲店員帶左我地坐係兩邊都有卡位既路中央 眼見人地都有卡位 而且大把卡位剩 問店員可否轉卡位 店員話哩到有細枱可以方便放餸 係都唔帶我地轉去卡位 唯有照坐 （事後諗番佢唔比人坐卡位都係想堆哂啲客係櫥窗位 扮到好多人食） 坐低後店員問食芝士定麻辣雞煲 我地未揀到 佢就推介芝士雞煲 話幾好食 我問店員咁一陣想食埋麻辣得唔得 店員話可以 你可以叫芝士雞煲少雞 一陣再叫麻辣雞煲都得 聽到佢咁講當然就答應點芝士雞煲 哩到就已經為成餐飯既伏線中間上左醬油盤比你自己加 ［好彩有整］之後再出位拎飲品 得可樂 cc le

作為一個芝士控🧀，今晚就同朋友兩個人食左旺角一間以芝士雞煲做噱頭嘅火鍋專門店。女人街好多野食，但任食芝士雞煲真係第一次見。我地平日去，餐廳好大間晚市唔洗等位。店員好好招呼💁🏻‍♂️，坐低後隨即介紹套餐嘅選擇。任食高級安格斯餐$228(每人)醬料方面有齊基本配料🥙，包括蒜蓉、蔥花、麻醬等等。至於豉油方面溝得幾香，唔會太鹹亦有豆味。芝士雞煲（⭐⭐⭐⭐⭐）餐廳上菜速度好快，仲有專人幫你處理個芝士雞煲😍😍，唔怕自己煮燶啦。餐廳用左幾種芝士，筆者相信係車打同牛奶芝士等，所以芝士味非常濃郁。雞肉方面，餐廳主要用雞胸同雞脾嘅部分，所以每件雞都好多肉冇咩骨，食得好爽😋😋。食完雞煲店員就幫手加湯，但個煲底仲癡左好多芝士，變左芝士味湯底，但雞煲都食到飽，所以打邊爐就食得唔多。肉類（安格斯牛肉、西班牙黑豚肉、羊肉）（⭐⭐⭐⭐⭐）牛肉方面🐮，幾欣賞佢用料新鮮，鮮紅色嘅牛肉，紋路清晰，肥瘦適中，加埋薄切，煮完出黎有牛味又夠稔，點埋豉油就更加香口。另外我地叫左西班牙黑豚肉🐷同羊肉卷🐏。黑豚肉肉質鮮嫩，油脂分佈合理，食多幾塊都唔怕肥，根據番佢建議嘅烹調時間就最好食😋。至於羊肉方面就稍微瘦左少少，但依然有羊味，食落幾嫩

好耐冇同妹妹行街食飯，逛了一整天的街當然要大吃一頓好好慰勞自己😂 既然想不到吃什麼，便提議食雞煲+火鍋放題。說到雞煲，當然要食滾喜火鍋專門的芝士雞煲，加埋任食火鍋都係$228，好味又抵食。我們選了三重芝士雞煲，$228的高級安格斯火鍋，落單後我們先取醬油，蒜等調味料，飲品是自助形式的，還有自家製的竹蔗茅根。 三重芝士雞煲終於準備好了，面層鋪滿了芝士，非常香濃，加熱融化後，芝士均勻溶合在雞件上，啖啖肉的嫩雞，配上香濃芝士，口感十足又惹味。 雞煲也是任食的，除了可隨意添加任何數量的雞件，又能改吃秘製麻辣味，兩種口味都能品嚐。吃過雞煲後，便能加豬骨湯點火鍋配料了，60多種火鍋配料選擇，當然少不了點安格斯牛肉，油脂分佈均勻，口感飽滿又多汁。火鍋配料還有海蝦，雞子， 脆鯇片，鹹蛋炸魚皮等都很值得推薦，用料不錯。吃了很多肉類，還是需要一點蔬菜，蔬菜都很新鮮，最驚喜的還是飯後甜品是Haagen Dazs雪糕，人頭加幾十蚊更可以任食，真的很吸引~ 吃雞煲火鍋，真的很適合一大班朋友聚會，下次都要約幾個閨蜜再大吃一頓~

雙料雞煲火鍋🍲我們由 #滾喜火鍋 約起 任食✨三重芝士雞煲 & ✨秘製麻辣雞煲 🧀芝士控嘅朋友仔一定要試吓👍勁多芝士超濃郁嘅芝士味，芝士多到包裹住每塊雞，仲可以做到拉絲嘅效果，真係超芝味又有好香嘅雞味🥰跟住一定要食埋🌶️秘製麻辣雞煲 又香又麻少少辣嘅雞煲，經過秘製醬汁爆炒，肉質依然保持鮮嫩，除咗雞件香辣惹味之外，連啲洋蔥香芹都爆到好香，好味到全部俾我掃清光🤣🤣🤣雞件仲可以無限追加，之後仲可以用埋呢個麻辣雞煲打邊爐👍👍👍60種火鍋配料任食、飲品任飲😍最值得推介嘅係安格斯頂級肥牛🐂色澤亮麗、肥瘦均勻、厚薄適中，5秒即熟，入口即溶，仲有好香嘅牛味😋澳洲牛舌都係一個不錯的選擇，佢嘅好感就有少少Q彈海鮮首選新鮮海蝦🦐海蝦肉質彈牙都好鮮味😋太多火鍋配料就不一一介紹了大家最緊要記得，仲有最後甜品 - Häagen-Dazs 雪糕🍨Häagen-Dazs我嘅至愛💖真係好少餐廳會用到咁靚嘅雪糕㗎🍨

滾喜火鍋專門店旺角大場地方寬闊. 裝修好特別幾靚 打卡不錯。選好任食款式, 服務員會提供火鍋配料調醬連個電爐都有店名芝士迷一定要選三重芝士雞煲芝士有拉絲效果和雞件相配.味道香滑西式味道真的大眾口味咸咸芝士和滑溜雞件.感覺小孩都會超喜歡。服務員態度很好.問任何問題都即時處理.完全沒有漏單情況相反會推薦客人試下邊樣。係服務員大力推薦下選了蛋黃炸魚皮魚皮面層蛋黃碎起沙.香脆惹味真的無介紹錯。任食放題當然任吃任飲。朋友食完芝士雞，店員就問要不要都食下麻辣雞.真被說服的食了麻辣雞麻辣雞選中辣，芫荽芹菜辣椒花椒洋蔥爆炒很香。愛吃牛的我見到3款級別.美國肥牛$208 差20當然選了$228 升級安格斯牛肉。2款牛我都吃.美國肥牛不是差.肉質會比較老肥位比較多。視付各人口味。因為可以說牛味重有咬口。安格斯牛肉花紋平衡不多肥膏.燙5秒就剛剛好粉粉的。入口柔軟牛味出眾。我比較喜歡柔軟口感.食多多沒負擔。自家包餃子.材料很豐富脹卜卜。牛舌口感爽身牛味濃很不錯。但不要燙太久轉色就要吃才會爽脆彈牙。整體服務品質很滿意!最後仲有雪糕食, 好滿足!

以往學生時代，由於預算有限，經常為聚會地點而苦惱。最近發現這間雞煲火鍋專門店，價格低廉，位置方便，不失為年青人聚會的好地方🤩✏️位置: 8/10✏️環境: 8/10✏️衛生: 8/10✏️服務: 7/10✏️食物: 7/10餐廳設於女人街近家樂坊，裝修四正，環境不錯，重點是價格超實惠，社會新鮮人肯定也能負擔😃🌟任食美國肥牛 - 成人$198 （小童$118）套餐包括了兩種雞煲及任飲任食的60款火鍋配料，自助飲品除自家製竹蔗茅根水外，亦有可樂、雪碧、芬達、檸檬茶、清涼爽等，更有啤酒選擇呢!加$20一位更可升級任食高級安格斯牛肉，性價比滿分😍🌟三重芝士雞煲或秘制麻辣雞煲重點肯定是雞煲，特色是可以無限任食芝士及麻辣兩款口味的雞煲！芝士雞煲有拉絲效果，同時有芝士香味，連炸香的雞腿肉食非常邪惡及滿足。而麻辣雞煲可以選不同辣度，雖然有麻香卻不算麻，但香辣味很突出，配雞件食用惹味討好🤭🌟任食火鍋配料食過雞煲後，便到打邊爐的時間。雖然套餐價格相宜，火鍋配料選擇卻有不少。當然一分錢一分貨，不能要求食材太高質，而且質素絕對對得起收費，海蝦、美國肥牛、牛筋丸、香菇貢丸、鮮蝦雲吞等食物應有皆有，味道亦不差，絕對能食飽食

一間比較少見嘅地舖放題餐廳，主打兩款雞煲任食之外，仲有多款火鍋配料任食，依度嘅店員好親切、熱情，亦會主動推介一D野食，人均$240都算高CP值，另外，依度嘅點餐方法係按量出餐，你Order一片，餐廳就提供一片，份量控制得比較好，可以減少浪費。*此餐廳收取加一服務費。安格斯牛肉雞煲放題（兩人$436），油脂分布均匀，牛味濃厚。三重芝士雞煲（跟餐$0），表面鋪滿芝士、紫洋蔥，芝士拉絲效果突出，雞件肉質嫩滑，味道鹹香。中辣麻辣雞煲（跟餐$0），一上枱已經香氣十足，辣度5分，雞件食落好惹味。小辣麻辣雞煲（跟餐$0），內有大量芹菜、芫荽、乾辣椒、香蔥、紫洋蔥，辣度2分，雞件食落好香口。美國肥牛（跟餐$0），油脂味濃。西班牙黑豚肉（跟餐$0）。海蝦（跟餐$0），肉質爽彈，味道鮮甜。牛栢葉（跟餐$0），口感爽口。鵝腸（跟餐$0）。炸響鈴（跟餐$0），口感香脆。咸蛋炸魚皮（跟餐$0）。鮮蝦雲吞（跟餐$0），皮薄餡多，鮮蝦食落鮮味十足。蒜蓉腸（跟餐$0），類似台式小香腸，內有脂肪粒，味道甜鹹。蟹柳棒（跟餐$0）。芝心丸（跟餐$0）。鮮金菇（跟餐$0）。生菜（跟餐$0）。蓮藕（跟餐$0），口感爽脆，味道清

4個人約左6:45pm，有朋友早到左半個鐘，結果都可以入去坐住等，仲已經可以叫定野食，攞定野飲。服務員都幾熱情，雖然成個場得3個人，但有求必應，唔需要等好耐。話就話2小時放題，但過左鐘都無趕人走，差唔多9點先離場。食物方面，4個人2個煲，當然叫晒麻辣同芝士雞煲。麻辣揀左BB辣，開煲炒果下又香又攻鼻，食落幾香，幾乎無辣味，雞髀肉為主；芝士果邊就感覺芝士少左d，但芝士味超香，4個人食2煲，已經飽飽地，無再加雞，直接轉火鍋模式。火鍋方面，其實就一般，不過不失，份量分得幾細，嗌嘅時候都易把握，上菜都快，無話要等住食。印象較深嘅係白鱔片，幾滑下；其次就係佢嘅竹蓆茅根水，灌了兩壺🤣。

人生得一知己，會好幸福，但係我就三五知己，係加埋，所以有8個咁多，所以我嘅幸福係爆棚，係滿瀉。今晚呢位朋友就係其中一個。由我地個BB讀預備班相識到而家已經有25年了。而且我地都係同一個月生日，只差2日。所以我地每年都會一齊食飯慶祝。今年多謝你請我食咗一餐好味道的芝士雞煲火鍋放題。位於旺角滾喜火鍋專門店。$218任食安格斯牛肉及其他一般火鍋食材。任飲任食，好抵。滾喜有個特色，就係可以試齊兩款雞煲。芝士雞煲及麻辣雞煲首先講下芝士雞煲，用咗3種芝士製成。芝士控就唔可以錯過。每件雞都占滿芝士，加上香甜紫洋蔥。香味撲鼻。非常吸引。我最鐘意就係芝士濃郁味道但不會蓋過雞的味道。而且一d都唔膩。我係追住食的。跟住試了麻辣雞煲，小辣。呢個雞煲麻得嚟唔會變豬嘴。而且好香，又有好多洋蔥及芫荽。食完雞煲就會直接加湯食火鍋。開始用餐紙點火鍋食材。自家製咸蛋炸魚皮，咸蛋黃黏滿在每一件魚皮。炸得鬆脆，甘香咸蛋味。超好食。安格斯肥牛，就算滾耐咗都唔會韌，牛味都好出。不過如果切薄少少就會更加好味。美國肥牛肉質就有少少韌。海蝦肉質唔錯。脆鯇片及白鱔片好新鮮。我地仲叫了好多不同火鍋食材。種類實在太多。丸類今次都叫唔到。因為

突然想打邊爐，在旺角找了一間，不只是打邊爐，還可食雞煲的火鍋店。這間是食放題，有芝士雞煲或麻辣雞煲可選，食完再可食火鍋放題。相當豐富。我們點了-秘製麻辣雞煲(bb辣)一向不敢點麻辣，怕自己食唔到，但店主說可叫bb辣不會太辣的，所以試點麻辣，結果真是微麻辣可接受，雞肉嫩滑入味，味道唔錯。-任食高級安格斯 安格斯牛，肉味濃郁，肉質淋軟，所以重複點了2次。-西班牙黑豚肉 肉質嫩滑，肉味濃。-海鮮方面有海蝦，白鱔片，脆鯇片，相當新鮮。-還有鵝腸，響鈴，山根，黃金魚皮，粟米和皇帝菜等。性價比非常高的一餐任食火鍋！

心血來潮，朋友想食lunch食雞煲，大部分都係做晚市，搵到呢間試下，位置比較隱蔽，環境係茶記款式，同其他專做雞煲好唔同一到去心諗無咩人食雞煲，食午市套餐多，心諗會唔會伏伏伏但最後都OK，侍應態度都好好，呢間行平實路線，飲品比較少選擇，更唔好講有甜品～最大賣點就係無限任食雞煲，總可試哂兩款味三重芝士🧀雞煲 ⭐️⭐️⭐️好豐富嘅芝士拉絲，好濃芝士味，但雞肉應該煎到太乾，比較硬身，咁食搞到好乾麻辣雞煲 ⭐️⭐️⭐️⭐️⭐️第二輪侍應建議我哋試吓麻辣雞煲，今次有驚喜，惹味好多，雞肉肉質嫩同有汁，成件事唔乾又容易入口火鍋料 ⭐️⭐️基於太過普通，就係叫左安格斯牛肉個套餐，但牛嫩都係無咩牛味，其他就丸類、菜類、粉面類、少量海鮮，最推介係有鹹蛋黃魚皮總括黎講，差唔多價錢嘅雞煲，有好多選擇，環境又一般，下次試其他

地址：旺角通菜街2A-2P鴻光大廈地下F,G及H舖環境：多卡位，坐得舒服，抽風同冷氣都足夠，唔會一邊食一邊出汗同食完成個身都有雞煲味🙈特色：主打三重芝士雞煲/秘制麻辣雞煲，雞件可以任加！！大食怪福音！ 食完可以加湯再打邊爐！火鍋配料同飲品都係任飲任食！必食推介top 5:1.三重芝士雞煲芝士雞煲同麻辣雞煲之中我揀咗芝士😎 有超長拉絲效果，IG-able， 入口芝士鹹香，同雞件好夾2.任食牛肉任食牛肉有分2個level, 美國肥牛同高級安格斯（+$20)，2個level 價錢唔差太遠，我全部都係食咗高級安格斯，佢脂肪比肥牛少會，唔會太肥膩，嫩滑帶少少咬口3. 鮮蝦雲吞(自家制)自家製係好食啲，餡料足。蝦肉彈牙爽鮮4. 超甜粟米一定要叫！真係同個名一樣超甜😚😚 而且吸收晒湯精華，食完會想再食5. 咸蛋炸魚皮(自家制）平時食開嘅打邊爐得普通炸魚皮，呢到居然有咸蛋炸魚皮揀😍炸魚皮好脆身， 咸蛋嘅鹹香吊起咗魚皮嘅香鮮

成日都食火鍋放題，萬變不離其宗，嘢食選擇特別多。但係講到用心，呢間滾喜做得幾出色！坐落喺女人街，價位抵食，$198已經係任飲、任食雞煲同埋火鍋。 想食靚啲嘅牛，每位加多$20就有安格斯牛肉。鮮紅色夠新鮮，唔係雪咗好耐嘅千年肉，牛肉味濃郁，油脂亦平衡。雖然係任食，但係擺盤認真！未試過一間火鍋放題係會將蝦嘅大顎、觸角都剪晒佢，每隻去做好花時間，最後仲要排到靚靚上枱！ 你見過未？鹹蛋炸魚皮、鮮蝦雲吞都係自家製，魚皮新鮮香脆有啲鹹蛋味；雲吞用料十足，入面仲有蝦肉。落單多數都係以件數計，唔怕浪費。 落幾多就嚟足幾多，完全係啱數，唔會話貴嘢落幾多都係俾少少你，平嘢就大碟大碟上。我推介必食鱔片，大大片起雙飛厚切，新鮮嘅程度就好似喺街市啱啱買返嚟咁爽脆，好驚喜！ 寫幾多片就嚟足幾多片，絕無手軟。平時好鍾意鱔嘅我，去街市買半條白鱔成百蚊都係得十片左右，呢度係任叫呀，超值！鵝腸洗得乾淨又大條，爽口好味道！西班牙黑豚肉亦相當高質。火鍋前嘅雞煲，我哋揀咗三重芝士雞煲，爆多芝士，加埋紫洋蔥爆炒，香味四溢。食完仲可以再加呀！成晚食飽飽，每人$240咋！