漁之部屋 (已結業)

之前聽朋友講漁之部屋，抵食夾大件，又好多選擇同好好味。另外，食5:30pm嗰場仲平啲，認真早吃的鳥兒有福了。刺身有好多選擇，有拖羅，一級帶子，象拔蚌，赤貝，北寄貝，阿根廷紅蝦，大甜蝦，花螺，青口，松葉蟹腳，三文魚，油甘魚，八爪魚，希靈魚，墨魚，鮑魚片。阿根廷紅蝦爽甜彈牙。三文魚肥美厚身，啖啖肉。海鮮烏冬好足料，湯底濃郁，大蝦彈牙，青口鮮味。火炙三文魚壽司微微燒過，迫曬嘅油脂香出嚟，好好味。呢到嘅甜品選擇好多，而且細細件，可以食多幾款。呢餐真係食到好飽，好滿足，好彩食早場，有時間消化。

將軍澳，平時真係唔多會嚟，今日約咗frd踏單車先嚟，真係攰到無朋友。唔得，我哋要食餐勁嘅，保返啲energy! 要食得多嘢，就梗係食食放題啦! 就嚟咗漁之部屋，怒食! 好彩唔係好多人，Walk In等咗15分鐘就有位!  放題就梗係食刺身啦，我哋4個人總共叫咗60隻蝦，真係好誇張! 啲刺身真係勁新鮮，凍冰冰，又夠肥美。另一個朋友就怒食蟹腳，大大隻，好多蟹肉，真係正。另外，壽司都有好種選擇，炙燒系列無得彈。炙燒三文魚好香，好肥味。串燒都值得推介，呢個蕃薯串，粒粒都係紫心，好甜呀。 另一正嘢，就係牛油粟米，鐵板上，熱辣辣，好香牛油味，我哋食完一碟，再叫多一碟，因為真係太正啦。食咗咁多嘢，飲返支椰青水，消消脂。總括嚟講，呢到比平時坊間嘅放題質素更高。下次嚟將軍澳都可以encore。

最近喜歡食放題，因為性價比比起自助餐更高，而且不需要自己出去拿，寫好紙張就會有人端上來。兩小時放題start！刺身刺身的種類繁多，甜蝦也是我最喜愛食的其中一款，勝在夠甜夠鮮；朋友就喜歡叫好多唔同款式的刺身，仲要食得好快天婦羅天婦羅品質不錯非常香脆，炸鮮奶甜甜地幾香！壽司全部壽司都好不錯，最吸引我嘅就係舊飯好細件，唔好用飯來令人好飽肚，所以可以叫多好多唔同款式嘅食品嘗試。三文魚腩非常肥美。芝麻雞翼裏面啲肉保持到應有的水份同埋肉汁！甜品紙選擇就比較多，叫咗好多款甜品，每一款都好Mini，唔使怕食唔晒，質素都唔錯，可以encore。

生日那天是平日, 放工後趕回將軍澳跟老公及2小孩去吃放題!細囝未夠高度所以免費, 而且很貼心的有小童餐具, 值得一讚. 3人收費, 坐下不久便送上了飽魚及三文魚刺身, 原來係提早訂位先有! 順帶一題, 當日有對情侶walk-in, 搞左好耐先有位坐. 建議大家先訂坐. 可以點既野唔少, 好開心, 其實當中有唔少我都唔記得影, 因為掛住食同照顧小朋友.大朋友至愛,刺身一盤, 新鮮得很. 小朋友最愛, 牛油粟米, 真係又甜又香. 壽司又係啱晒小孩 燒蝦燒青魚, 牛舌都好好味 蜆都有2款, 有辣有唔辣, 辣個碗我一個人吃下全部! (忘記影的)手卷用雪糕筒又幾有趣, 天婦羅水準之作!食食下燈光轉暗, 生日音樂響起, DISCO燈開始轉動. 原來隔鄰的枱有人生日, 專人托出了迷你生日蛋糕.後來我們也跟店員要了個迷你生日蛋糕, 很開心呢~

漁之部屋 (將軍澳)將軍澳唐俊街12號天晉匯1樓101號舖之前已經幫襯多次食放題，今次試吓食午餐，午餐選擇頗多，點算主菜會包括是日沙律，卷物及餐飲，最抵最抵係可以以優惠價錢$2追加壽司，而且選擇也頗多，我點算了黑松露吞拿魚壽司、蟹子沙律壽司、三文魚壽司、龍蝦沙律壽司及甜蝦壽司，以上壽司同放題食到嘅質素沒有什麼分別，因此大大推介食午市真係非常抵，主菜滑蛋鰻魚真係非常正，鰻魚肥美而且大大件，反而拉麵就非常普通，有興趣嘅朋友下次記得來捧場喔！

香港人真係好中意食放題自助餐，貪佢款式多，又可以任食。迎合大家嘅口味，所以周圍都有放題餐廳。今日約咗朋友一齊出去食飯，又好鬼肚餓，一於唔洗煩，放題最實際。天晉匯漁之部屋好似睇黎唔錯，又近我哋，所以就即時BOOK枱。好彩有book咋，唔係有排等。一入到去，朋友即刻點野食，我就去拎野飲。刺身有三文魚、甜蝦、希靈魚、吞拿魚，樣樣都好新鮮。三文魚又肥美又大件，希靈魚唔會腥，正。甜蝦好彈牙。朋友竟然會叫壽司!!!! 我就搶左件炙燒帶子壽司，帶子鮮甜好味。嚟個泰式雞腳小食，開開胃先，細細碟，真係好。食咗咁多嘢，食返個地獄海鮮烏冬暖下嗰胃。嘩! 真係好足料，蝦又大又彈牙，青口都好味，最正係嗰湯底。嘩，今餐真係好滿足呀，食到要散步返屋企。

將軍澳區放題選擇唔多，漁之部屋位置方便，容易book位！ ！預早一日book仲有一人一隻鮑魚送！環境乾淨，選擇很多！ 特別是日式刺身，件件新鮮，足料！ 之後追加都唔會點比少你！ 每次都砌到好靚一盤盤切靚靚送相！ 另外必食羊架，味濃多汁，必叫！

放題係要瘋狂食盡情食先Happy，減肥都係聽日再算！呢度嘅選擇好多，點菜紙係一大叠，唔同顏色就是唔同食物！刺身類：好多品種，除咗必點甜蝦，仲有三文魚、帆立貝、赤貝都係我的最愛，所以點咗好多round！上菜速度快，基本上，呢度唔會漏單，亦唔駛擔心唔夠份量，寫幾多嚟幾多！天婦羅及日式冷吃：食物質素良佳，天婦羅炸到脆卜卜。壽司類：連放題一向少食嘅壽司都相當唔錯，最正就係花之戀！勁新鮮又大粒，成粒放晒落口都幾滿足！當然唔少得串燒，羊架係勁力推薦，唔穌又夠腍！

之前過黎的時候，成日覺我呢間野甘細，點做呀? 又比他生存到...奉勸大家記我要訂位之前食過一次，覺得唔錯，最近搬左黎油塘，要我帶住貪吃老人家去甘遠一定唔制，我諗將軍澳區的選擇正正係呢間餐廳！父母對呢D餐廳冇咩慨念，係等位的過程中，我叫他們睇住螢幕，或者留意下人地食咩就講我知，我覺得款式多，老豆岩刺身，亞媽食熟食，我兩者通殺！刺身有三文魚腩、八爪魚、蟹腳，亞爸覺得蝦、花螺、帶子、象拔蚌等等，完全滿足了亞爸的要求，我就覺得新鮮就得送鮑魚? 味道OK燒物炸物仲有一品料理，例如火鍋甘，填飽亞媽個肚就最岩，我教亞媽最緊要食熟的海鮮，應該最貴最抵食，釀蟹蓋、壽司、炸生蠔、焗蠔燒蝦一定要叫。不過，有時芝味太重，或者忌廉味太濃都唔岩老人家或食較清淡的朋友仔簡單的前菜就岩我多D，其實款食多，每樣少少地甘叫，3個人食都好鬼快飽，唉,,,最後老人家話OK, 我都叫做任務完成啦~~~至衰間餐廳唔大，事前記我要BOOK位，否則要排一排隊，另外，有時，有心理準備餐廳位置真係逼，人貼人的感覺不太好，大家要考慮下環境呢個問題

好耐冇食過放題啦！今次訂左黎呢到食晚餐。一行四人可以叫多啲嘢食，火焰大蝦芝士燒同明太子譏燒帆立貝都幾好食！呢度嘅牛舌太大塊了？燒得好軟熟加埋啲黑椒好好食呀。燒菠蘿都唔錯友人話要推介佢嘅榴槤炸物，芝士年糕都唔錯佢哋嘅炸物，皮不太厚，出奇地呢度有炸鰻魚，不錯呢。刺身新鮮，呢度有長腳蟹食，但味道就一般啦。放題質素算係咁，推介佢哋嘅阿根廷紅蝦，好好食另外，每人送左一隻鮑魚，仲有少少黑松露係面。但冇咩味～呢到有想試既水晶玄子，食落冇咩特別最後有Haagen-Dazs同movenpick嘅雪糕送但呢度坐得比較唔舒服好細好迫

講咗寫食評好耐架啦，終於寫第一篇，同大家分享小妹嘅飲食日記，請大家多多指教!! 今次就介紹我屋企樓下嘅漁之部屋日本放題，成日都好多人，有無咁多人鐘意食放題呀? 今日就去試下先。餐廳真係枱枱坐滿，無張吉枱。一坐底，就叫刺身，叫到傻咗。我地4個人掛住怒食，食到唔記得咗影相...... 不過認真新鮮，啲三文魚好肥美，好多魚油。燒菠蘿又甜又多汁，好好食，一人一舊之後，食完再ENCORE!!!見到脆脆咁得意，就叫嚟試下。賣相好特別，味道就普通啲，值得一試。最後一定要叫埋MOVENPICK雪糕，小妹推介朱古力味!

自從佢開咗就成日幫襯，慶祝完老母生日又慶祝老豆生日咁但係overall質素一次俾一次差，搞到忍唔住要上嚟打個負評!呢間放題價錢算貴，咁當然expect佢有相當嘅質素先唔講佢次次送個杯藍色mint特飲有幾難飲今晚難得一家五口齊人食飯，放題兩個鐘，先食咗半個鐘，佢就係度催人就，話就嚟last order我哋睇返個時間真係O哂嘴，第一次第一round嘢都未齊就俾人催，呀爸最憎食嘢俾人催好嘈底我哋見個侍應似係啱啱考完dse個啲冇乜經驗嘅妹妹仔，咁算數點知佢未夠半個鐘又再走過嚟，真係講係都成肚火老豆即刻同佢講，我哋坐低前後未夠一個鐘，其他枱都未有人催做咩要催我哋？之後個妹妹仔用earphone同遠一遠嘅疑似經理求救，之後佢先唔敢再惹我哋黑松露鮑魚，跟人頭送，黑松露太重唔特別，可能好激氣，食龍肉都冇味三文魚腩手卷(要自己揀紫菜上，否則雪糕筒上，極唔match！！！利申已中伏朱古力奶

朋友介紹話將軍澳呢間放題唔錯所以來試試，weekday唔算多人，前一日book枱都ok。一坐低未諗食咩，店員送上1人1隻的黑松露鮑魚，味道唔錯架！刺身都唔錯，三文魚、拖羅、油甘魚、鮑魚片等等都係大大片 仲有大甜蝦、墨魚、帶子、蟹腳、北寄貝等等都好味道！同埋，刺身擺得幾有誠意架，排好好睇睇之餘仲插左枝花，兼且噴住煙咁出場呢杯叫藍色夢幻嘅飲品可以一試。似cocktail但唔係酒精類飲品，味道好似比七喜更甜嘅七喜囉~ 花酒煮蜆都唔錯~芝士焗蠔值得叫!!! 芝士控記住試!!!!燒菠蘿都好味道!!! 可惜食得太飽冇本事encore喇 =.='天婦羅全部都大大件!! 仲叫左其他野不過食到冇空檔影相叫左個海鮮烏冬，個size媲美平時喺外面食set lunch嗰啲份量!!!同埋叫左個牛肉鍋，都係估佢唔到又係大大鍋!!!甜品都有唔少選擇，其中有movenpick同haggen-dazs雪糕 <3不過餐廳面積唔大，枱與枱之間的距離唔夠一個身位，而且枱嘅size比較細，食物又黎得快，好多時會發生食物到左但冇位擺嘅情況。順帶一提，當晚食食下，餐廳好似disco嘅七彩射燈忽然係咁閃係咁轉，然後店員為隔離

本小姐對任食要求不高，也沒有期待，朋友們見呢間餐廳係OPENRICE評語都不錯，又唔想要我地似係尖沙咀、CWB同人爭餐死，就來帶我去試食新餐廳。呢間餐廳將軍澳，當時我都充滿疑問得唔得，結果還是很不錯！對了！呢度係將軍澳站隔離，頂多走多幾步路，都叫方便。我成日以為任食餐廳大量製造食物，食物質素一樣普普通通， 點知見到餐紙的選擇已經好吸引，部份名有特別的名字、有些是其他地方沒有的刺身，如象物X? 、幾種蝦刺身，送左三文魚腩等等，新鮮，見在場好多客人都會翻叫，還有一個好得意的用甜筒做成的、似手卷的食物款式(我地食左海膽味)，好搞笑架~~~  當然，我也會食壽司同其他熟食，熟食一點都唔差，夠味，好食，想唔到他都可以保持水準，心裡評分都唔錯~~~我成日覺得要任食餐廳做到高級餐廳甘做到一絲不苛根本冇可能，呢度雖然唔係，但簡簡單單的牛油粟米、金茹肥牛卷等等，都叫好食，算是過關了燒物有驚喜，呢個燒菠蘿好食又多汁，燒魚份量大，不知道是不是我們人數上寫左幾個人，所以比左甘大條我地，好好食架，燒菠蘿有持續地ENCORE脆脆就係我講緊的似手卷的東西，當自己試下新野，是幾有趣的體驗，味道就不行，脆已經不叫脆了，

同事榮休，大夥兒便一起去吃放題恭賀他。餐廳面積比較小，所以座位不多，桌子與桌子之間比較近。侍應招待不錯，雖然我們點了很多食物也沒有遺留的情況出現，算是很好了。我們6:45入座，用餐時間是兩小時。每人只需$268，還有六位送一位的優惠，所以我們八個人只需付七個人的價錢，很是划算。除了六位送一位的優惠外，六位顧客還送龍蝦一隻，而未夠六位則每位送黑松露鮑魚一隻。因為我們有八位，所以就可以享受兩種優惠有龍蝦和黑松露鮑魚兩隻。龍蝦肉很鮮甜，鮑魚爽口又彈牙，加上濃濃的黑松露很好味。我們叫了三次刺身拼盤，包括有阿根廷牡丹蝦、油甘魚、拖羅、鮑魚片、北寄貝、赤貝、帶子、大甜蝦和喜靈魚，所有的刺身都很新鮮很鮮甜，刺身拼盤有拖羅和很大隻的牡丹蝦，是一般放題少見的。海膽三文魚籽壽司和越南虎蝦壽司都很好味，海膽和虎蝦也一樣很新鮮。炸物也不錯，炸蠔和海蝦天婦羅端上桌時還是熱辣辣的，脆漿不會太厚，味道很好得來又很香脆。羊架很大件，一點膻味也沒有，而且燒得剛剛好，中間的羊肉還是粉紅色的。肉質鮮嫩又很入味，好味到我們再encore 多一次。牛舌很大塊很厚身，很嫩很腍又好味。燒靖魚煎得很香，做得也不錯。雜綿刺身沙律也有很