漁民麵館 (已結業)

在荃灣放工最愛四處試食小店, 近日天氣變得乾燥, 就揀了一間著名食花膠的小店去滋補一下.漁民麵館位於大街當眼處, 十分易找. 店內空間不算大, 但座位空間充夠舒適. 店內裝修採用近漢代的吉祥文字花紋作裝飾, 感覺會古色古香. 當晚叫了一碗花膠湯粗麵和一碗海參冷麵. 出餐速度相當快, 只需5分鐘左右就齊餐了.花膠湯粗麵水準不俗, 湯底鮮甜, 粗麵亦爽口, 主角花膠軟綿淋身, 雖然味道偏淡, 但食完有滋潤的感覺海參冷麵配了麻醬, 本來有期望可惜卻令我失望. 擔擔麵明顯煮太淋, 咬上口像一大團濕了的方包, 幸好海參質素不錯, 爽脆彈牙, 整碗麵的味道就全靠麻醬帶

網上傳得神乎其神，但今天特意坐車出荃灣吃這碗花膠麵。完全辜負了我的熱情和想像。花膠好像是從水污染嚴重的太平洋裡面撈起來的，口感差得可以。果然便宜無好貨。寫得出好評的食客，你們的良心呢。

看了網上的宣傳一直都對這間麵店很有興趣今天終於有時間一試我印象中 或者正確來說我一直吃的花膠都是會煮得很腍很入味又滑的花膠所以我是抱住這樣的一個心態來試食點了一個花膠撈麵及一個花膠雞絲魚翅兩個的賣相都不錯, 挺吸引的份量的確十分足料有大大的花膠及冬菇花膠一試是爽口的 完全不腍而味道偏鹹冬菇厚肉花膠雞絲翅完全沒有特別與街邊的碗仔翅沒有什麼兩樣...而且亦是味道偏鹹總括來說就是有點失望....可能是我本身偏好腍的花膠 亦抱著腍花膠的心態來試食吧.... 

荃灣分店一嘗 漁民麵館，店內裝修設計簡㓗舒服，店員落單清脆利落😆。海蔘湯麵 $48健康生活，低膽固醇和脂肪，海參軟淋，又大又厚身冬菇，炆得入味爽口，而且濃郁冬菇味，如此價錢有這優質素👍🏻 的確冇得輸。花膠冷麵麻醬汁 $48充滿骨膠原的花膠，至啱愛靚的老婆！經過烹調後，變得黏口軟滑，以麻醬汁撈入冷麵，口感新穎醒胃，桂花蜜皮蛋薑 $19小食方面, 充滿獨特的皮蛋酥香, 半透明外皮包上半流l心狀態的皮蛋黃, 以桂花襯托出， 賣相相當吸引，皮蛋入口即溶，紫薑開胃，食後口腔依然帶著清新柱花味道。值得推薦朋友一起吃 !! 👍🏻

「漁民麵館」由元朗開到荃灣甚至尖沙咀，發展得好快。日前下午茶時段經過其荃灣分店，終以可以試吓其食物如何了。未來過亦聽聞此店主打花膠，看menu得知桃膠亦是其重點推介，便叫這兩樣東西吧。先來一個花膠蠔汁撈粗（麵可選粗或幼麵），唔錯。一般來說呢個價位的便宜花膠，十居其九都係鱈魚膠，此店亦不例外。總算店家都會比三四塊比你，唔算寒酸。雖然舊花膠唔係厚，加埋個汁唔係好杰，但都挺入味爽彈，配粗麵撈埋啱晒。反而覺得件花菇比花膠更好味，相當厚身，雖是配角，但卻令我有驚喜。甜品則食個桃膠奶凍，桃膠滑滑的有點像燕窩，功效差唔多，但便宜多了，至於奶凍本身好滑溜，又唔係過甜，不俗。

女朋友住元朗，佢食完花膠撈麵之後成日話要帶我去試試..無奈元朗對我黎講有啲遠，所以今次佢帶我黎左荃灣試。女朋友係元朗果間食完之後話最推介花膠撈粗麵同海參豆腐。花膠蠔汁撈粗麵花膠好林好入味，都唔錯。不過旁邊既花菇反而搶左我目光，覺得佢更勝一籌。海參肉松豆腐海參份量算多，個汁好似係雪凍左既鮑魚汁啫喱咁，加落個無味既豆腐上面，好夾。食既時候，將豆腐、海參、肉鬆加上個汁一齊食，感覺好好。自己就幾滿意呢餐，不過女朋友講，佢覺得元朗味間好食啲。佢話元朗既花膠大件啲同入口有膠質，呢間無喎

真係好愛食花膠。家下多左d花膠麵食，當然要去試下。平時食開都係放湯，一於試下撈麵。麵底無咩"簡水"味。不過配上左花膠，就變得張力十足。其實，仲想試下個桃膠甜品。留待下次吧!

花膠，是由大海魚的魚鰾製煉成，多數是來自大魚的魚鰾，所以一般也認為是較名貴的食材之一。花膠最主要成分為膠原蛋白，此外富含多種維生素及鈣、鋅、鐵、硒等多種微量元素。中醫認為花膠具備滋陰養顏、補腎和強壯機能等妙用，特別適合女士養顏、產後調理身體和手術後傷口復原食用。來到荃灣工作，完成之時已是下午茶的時候，很久沒到過荃灣，走過大河道，找找看有什麼新的食店。在這個麵館門前，看到餐牌以花膠作招徠，看來不錯，決定試試看。店內裝修普通，雖有心思，沒有太做作的感覺。看看餐牌，最後選擇了花膠湯麵及花膠雞絲魚翅。花膠湯麵，送上之時，經已非常驚喜，眼前多塊大大的花膠，兩塊又大又厚的各菇，再加蔬菜，看來份量非常吸引，這個價錢非常超值。先試花膠，這種花膠入口並不是滑滑那種，口感已經不錯，除了煮得非常入味，非常柔軟，就好像車仔麵中的豬皮一樣，完全不需多用力咀嚼。冬菇厚而香，吸收了湯及花膠的香味，湯底也不如一般，都是濃稠稠，骨膠原非常豐富，相比麵就比下去，較普通。在品嚐冬菇和麵之時，花膠雞絲魚翅送上，首先用料，可謂十足非常，花膠、雞絲、雲耳及冬菇等，而且份量也非常之大，足夠二人。原想試一口，可是較熱，於是攪伴多次，

一直都好鍾意食膠質食物果重黏口感覺好好味所以一直都收藏左呢間餐廳 等住搵日去荃灣時食店比較細 不過就唔太多人當日7點半到 都係等一張枱畢竟附近競爭都大 好多餐廳排長龍而呢一間餐廳 選舉不多 就係為左 花膠 而黎叫左花膠湯粗麵個湯都有冬菇味 又黏口 唔錯友人叫既蠔汁花膠撈粗我淨係試左個湯 清雲吞湯味不過友人話蠔汁略然不夠兩碗麵都有3-4塊花膠 呢個價錢黎講都算抵食最後仲有小食個桂花皮蛋薑 食落甜甜地 友人話好食 但我始終覺得 皮蛋要辣辣地先好食 唔慣食甜既而個花膠翅就比較失色個翅唔夠濃味 比碗仔翅更淡

荃灣開咗好多新餐廳 ，呢日同朋友經過見到呢間專食花膠麵，亦有海參麵， 見價錢又吾貴，又唔洗等位，咪即管試吓。我地兩人分別叫咗3樣野，花膠湯麵、花膠撈麵同雞絲花膠翅。 平民價錢食到花膠，份量都ok，冬菇夠淋，花膠都好食，個碗仔翅都足料，賣相都吸引，好有興趣試埋佢地嘅糖水，但因為已經太飽，所以冇食到，唯有下次再去試。至於服務態度一般，不過不失。店舖環境主要 木凳木枱為主，店舖不算好大，但都算坐得舒服。值得一試。

荃灣路德圍出名多嘢食，今次我去咗這間開了幾個月的麵店，主打用花膠做食材的，咪以為好貴，價錢平過食車仔麵。我點了一碗花膠湯河粉，啲花膠係北極鱈魚膠，有兩大舊，仲有菜同大花菇加上無味精老火湯，真係好健康有營養呀！

因為睇左video講到好味又抵食咁吸引咪即刻第二日就黎試下啦話說我地兩個人首先叫左花膠撈面、海參撈面同埋小食花膠涼拌青瓜青瓜幾好啲花膠就細啲同硬左少少不過心諗都正常 畢竟只係小食之後就係花膠撈面啲花菇好味又厚 係屋企既味道花膠就一般有唔只一舊係硬柴柴既不過都係大件既至於海參撈面就真係好失望了啲海參一啲都唔淋我都唔知點形容係冇淋既感覺擦膠咁上下因為咁連甜品都冇意欲叫其實都想試下個桃膠架總結：係平，但麻麻地

好耐之前已經喺元朗度見過，不過太多人既關係，所以荃灣開左就嚟食喇由於太多新店開幕，暫時係不用排隊食既我地叫左個海參豆腐，本身豬肉鬆mix 豆腐都好食，所以依個配答一定無問題，海參份量夠，都不存在5夠淋同腥既問題，不錯碗仔翅，佢好細心咁䁔住器皿，所以無d水同油分離既問題，佢係杰身既，不過味道淡淡的，鐘意重口味既人依個就不太適合了，料既份量都足夠既花膠湯麵，花膠份量好夠，菇都係厚實既，依個價錢，佢用料好有誠意，係我自己麻麻冬菇味，所以麻麻地鐘意食，不過依個價錢，性價比好夠另外，仲叫左個撈麵，依個個麵量同湯嗰個一樣，好足料，粗麵有小小皀水味，同樣依個價錢，性價比高，不過重口味人士應該都麻麻，因為依度食物偏清的，要注意一下

下班自己食飯，在荃灣覓食，見漁民麵館幾特別，主推養顏花膠桃膠食材，價錢又不貴，便試一試。花膠蠔汁撈面，侍應一遞過來，出現了驚訝，因為花膠好多，鋪滿了粗面上，而且炆花膠的蠔油汁香味撲鼻。花膠炆得夠軟，夠入味，大大塊，旁邊仲有大大粒花菇，都是好入味。一碟撈面為48元，性價比高。餐廳還有近年大熱的桃膠，侍應話桃膠系桃樹的膠，有助排便美顏，值得一試。凍鮮奶桃膠，桃膠口感煙韌爽滑，配合鮮奶糖水來吃，清潤甜美。我下次一定會再來。

和男友去荃灣電影前，先想吃點小吃，經過發現這間新鋪，地方舒適，設計偏懷舊風，便兩人點了一份麵，甜點和飲品分享，份量也十分夠。 海參撈麵( 粗麵)份量十足，一碗麵食共兩人分享，海參夠淋及入味爽口，側旁的冬菇，炆得稔 厚身而菇味濃，想不到這價錢也有如此質素，個人甚為欣賞。 山楂洛神花茶外觀一流，味道也十分好，味道甜甜酸酸好開胃，山楂味夠，十分開胃，幫助消化。價錢公道，如下次我再經過也肯定會來買一杯。凍鮮奶桃膠甜度適中，奶味濃郁，吃完感覺十分滿足