漁釧 (將軍澳中心) (已結業)

最愛海膽，當然見到有海膽海鮮炒飯會即刻叫啦! 望圖都見到有幾舊海膽係堆炒飯既正中間，正呀喂!😍飯就唔太覺有海膽味，不過炒得香，都係好食既。而且有好多切細左既海鮮，有蝦有魷魚，足料! 正!

不論同朋友或屋企人，都嚟過好幾次，每次都覺得好滿意。位置好方便，地鐵行去5分鐘就到，環境好，坐得舒服，食物款式多，價錢合理仲要可以GULU攞飛！唔系好明呢到comments一般嘅原因所以專登比返好評

🌎漁釧 (將軍澳)入左一間有特色既居酒屋食lunch 裝修以復古為主題 使用竹編吊燈 燈光昏暗 好有氣氛 ▫️蒲燒鰻魚重定食$138表面大大塊鰻魚 分量十足 用左燒汁製成 味道豐富而且聞唔到魚腥味 肉質唔夠Q彈緊緻 有進步空間 另外有配埋沙律及茶蒸碗 都幾實惠▫️火灸壽司御膳8貫$138壽司係即叫即整 所以等左10分鐘左右 食落去新鮮 帶子爽口 但三文魚一般般 仲有配埋一碗湯 烏冬太腍啦 湯底建議大家加七味粉會好食啲 💵人均消費：$152✨環境衛生：8/10🙋🏻‍♀️推介指數：6/10📍將軍澳唐德街9號將軍澳中心地下G89號舖

呢間位於將軍澳中心嘅日本餐廳好出色。已經試過好多次，水準一直都無變。星期一至五嘅午餐好抵食。今日係假日所以個餐牌有啲唔同，同埋會貴啲。 今日叫左個極上海膽三色火炙鮪魚丼午餐，有沙律，味噌湯同茶碗蒸。 有胡麻醬既沙律作為開胃菜喺唔錯嘅。味噌湯味道唔會太鹹，飲落都舒服嘅。 極上海膽三色火炙鮪魚丼，海膽同鮪魚都好新鮮，份量夠。下次會再黎食過。

喺將軍澳想搵吓日本料理食，見到呢間日本居酒屋好似唔錯，就去試吓。呢間居酒屋都係屬於貴價系列，同埋有可能係食完都唔會覺得好飽，不過都唔緊要，如果質素好食嘅話就冇問題啦日式裝修首先係剌身蝦三文魚鯛魚 有檸檬汁味，肉質還好，少少淋油甘魚腩 好肥美 厚，不錯帶子 鮮甜叫左一個刺身丼剌身size普遍較細飯有少許醋味，薑好老，wasabi應該係粉唔係磨三文魚唔鮮，冇乜味帶子算好食，有鮮甜呑拿魚蓉ok冇特別蝦好食，應該係價錢較貴個款丼飯會配上茶漬，係三文魚湯，幾好飲不過配落醋飯食，味道就有d奇怪玉子燒好甜，應該落左雞湯？蛋略老，唔滑，亦都唔夠蛋香唔係太好食雞泡魚乾乾身，脆口燒得唔錯甲羅燒燒之前會拎比你睇下先拎去燒但係好搞笑係我見到我件甲羅燒擺左係度15分鐘都未有人拎去燒，就咁放係枱面，唔新鮮又唔衞生又唔等緊乜，但d廚師全部冇野做催下佢終於拎去燒，原來唔係廚師係入面燒，只係樓面拎個爐放係枱面燒，燒完拎嚟比你甲羅燒唔係配包，係配lays黃色薯片講真唔太掂，味道好奇怪個甲羅燒冇蟹味，同埋得蟹肉冇蟹膏冇蟹子係一個好食既甲羅燒入面，蟹膏同蟹子都好重要同埋蟹味有d假，似魚肉/蟹柳，加上燒得燶左d總結其實都幾貴，

食過幾次都幾好，所以今日再嚟食晚餐，叫咗三款串燒。嚟咗之後發現錯咗一款，我哋係點蘆筍豚肉串，佢就嚟咗個五花腩串，我哋就叫佢check單更換，職員話：「你哋係叫咗三款串燒喎！」我話：「係呀！咁你嚟咗啲咩？」職員：「咪係豬肉囉！」我望著佢呆左五秒，然後職員如夢初醒，笑笑口道歉入返廚房跟進。仲有呀！大蔥雞肉串變成燒焦蔥肉串，叫佢更換，點知佢攞入去刮走左燒焦既部分攞返出來比我，想點呀？！十分鐘後蘆筍豚肉串終於嚟咗，表面看來不錯，食食吓有啲難咬，才發現有啲肉係未熟！仲係生嘅，頂！但已經食左兩舊，一串有四舊，當下感覺好差，原本對佢印象都幾好，但今日破壞晒！因為失望所以寫食評！希望你哋會有改善！

近近地因為將軍澳都冇乜特別好食嘅日式餐廳🍴，餐廳環境唔錯，乾淨空間感大。今次是第一次幫襯，叫了一個壽司拼盤、天婦羅同酒煮蜆，壽司嘅魚生新鮮，而且款式都多，有10幾件，唔使$200，都唔錯。而天婦羅就一般啦，麵粉會比較多，外貌亦炸得一般，酒煮蜆相對係煮得比較出色，蜆肉好大粒，而且煮得非常之入味整體而言價格比唔算高，因為今次係晚市可能相對價錢會比較貴，而且味道又未至於去到好吸引，下次會試吓午餐嘅定食，因為朋友一般都比較推介午餐🥣

放咗學後，三個人由調景嶺行去將軍澳中心，想食下日本野就入去依間漁釧，12點15分去到完全唔洗等位。我見好多一家大細、OL都係度進餐，環境尚算寧靜，又有日本流行歌曲聽下，有四人木座位、有木板間格嘅4人座卡位、亦有望住open kitchen嘅高身bar位，坐得闊落舒適。午餐Menu 簡單易明，我哋分別叫了： 1. 泡菜牛肉定食2. 醬油濃雞白湯拉麵3. 天婦羅烏冬定食堂食定食都包含味增湯、茶壺蒸、小沙律、同小酸瓜，餐飲要另外加錢。另外，可讚的是食物都熱辣辣送上。泡菜牛肉定食的味道偏鹹，但仍可接受，泡菜不會辣且偏甜，牛肉亦軟身易咬，兩者份量平均。要食天婦羅烏冬定食（請留意！）有青椒！但炸得比較軟林林，少草青味，唔鍾意食青椒類的都接受到。天婦羅包括：蝦、青椒、茄子、菇、南瓜。而烏冬林身易入口，不是加入木薯粉那類烏冬。醬油濃雞白湯拉麵，有日本叉燒及木耳絲，湯底不會太鹹，同伴亦將整碗湯底飲哂，（對於淡口味的我表示超級佩服）。最後，雖然埋單有+1服務費，但講真服務員服務態度真係好好，我杯水永不空杯，同埋唔會黎手就送個餐上枱，而係真係送上食嘅客人面前（雖然係正常應有嘅服務，但至少仲有保持）

上次試了將軍澳中心內另一家的刺身丼，今次約老公lunch，就來試試漁釧吧！是平日的lunch hour，近1pm左右來到，候位約10分鐘便能入座。裝潢充滿和風，座位夠寬敞。剛好午市有8折優惠，而且不收加一，我和老公都點刺身丼定食，尚算抵食！我選四色刺身丼，而老公就揀角切刺身丼。丼飯連同沙律﹑味增湯及茶碗蒸，折實後，人均消費約$90～～沙律為普通貨色，沒特別之處，都只是沙律菜配胡麻醬。味增湯，濃度恰好，沒什麼配料，味道不過不失。四色刺身丼，四色刺身包括三文魚﹑帆立貝﹑吞拿魚蓉及蝦。刺身份量不多，每款刺身只有兩三片，蝦只有一隻，上桌時可見到刺身不是滿滿的遮蓋飯面。刺身質素算是不錯，帆立貝及蝦的味道鮮甜，吞拿魚蓉帶淡淡吞拿魚香，肉質尚算滑溜，三文魚的質素還可。丼飯沒加入飯素去增加豐富度，飯的酸度OK！角切刺身丼除了有三文魚及吞拿魚粒外，還有蟹籽﹑甜蛋及油甘魚，都叫做有三款魚生，豐富度尚可。拌入醬油，每一啖都充滿蟹籽爽脆及魚油香。茶碗蒸，是今頓午飯中最好吃的一項！！蛋夠嫩滑，帶有蛋香，配料不多，有鮮冬菇及蟹柳，卻嚐到蛋香及清甜的高湯味，很好吃刺身飯的質素不是算最好，但$90左右就有一個set，

有日經過見到好多人所以今日來試試佢個lunch menu～我地2人share咗1個火炙平目魚邊海膽三文魚子丼($168)、1個滑蛋雞親子丼定食($68)。兩個lunch set都有跟沙律+蒸蛋+麵豉湯嘅～講咗個刺身飯先：火炙平目魚邊竟然一夾就斷開，薄到食咗好似冇食嘢咁😤、海膽就正正常常，唔可以話超新鮮好味、而三文魚子算好食㗎啦。。。到滑蛋雞飯：竟然仲衰！！！雞肉超難入口，又乾又鞋，食咗一舊已經唔想再食落去😞。。。

成日夜晚行過呢間日本嘢見到都好多人食😋，經常想搵機會試下，但係就冇記性成日唔記得，咁啱最近有一日平日放假就食咗！由於係一個仲讀緊書嘅學生好有誠意咁請我食生日飯，唔想佢洗太多錢同原本係好想食魚生嘅我，最終都揀咗食黑咖喱吉列豬扒飯。 而佢就食咗黑松露燒雞飯。黑咖喱吉列豬扒飯定食🙂黑咖喱味道普通，偏酸，唔辣唔甜，但係唔難食🙁吉列豬扒有啲乾，炸漿唔脆，豬味唔濃😋茶碗蒸好滑，幾好味👍🏻黑松露燒雞扒定食😀雞扒係即燒嘅👍🏻，不過味道就一般，唔算好香，黑松露醬唔算濃味，加埋一齊食唔難食，但係又唔係特別好食其實係呢間鋪頭應該食嘅係魚生同串燒，相信會係幾出色嘅。下次自己比錢時會試下🤣今次嘅午餐食物質素就中規中矩，但係商場坐得舒服咁食一餐飯，仲有埋沙律，麵豉湯，茶碗蒸，同主食都係$78，都算非常超值。

將軍澳中心翻新之後，多左好多定價較高嘅餐廳。呢間日本料理名氣唔錯，決定一試，好在係晚餐時間早少少到，所以唔洗等位，入座5分鐘後，已經見到出面有人等緊。嗌左兩款魚生飯，魚生唔算話非常新鮮，但係就都足料，最出色係隨餐附送一壺湯，唔係普通嘅味噌湯，而係餚製冇味精嘅香濃魚湯，好好味。另外點咗燒蠔，最鐘意就係冇調味嘅蠔，可以試真佢嘅海鮮味，而今次就有少少腥，不過唔算太大問題。其他燒物如燒牛柳粒都有水準表配。見到午市嘅收費較為相宜，下次會想試下午市表現如何。

好耐冇食過日本野勒！今次叫左外賣返屋企食，過下口癮😋叫左三個外賣，不過要留意，佢只會有主菜同飯麵提供，其他（味增湯、前菜、沙律、茶碗蒸）係唔會有架！泡菜牛肉定食 $62泡菜吾辣，牛肉太老，好韌，味道一般日本黑咖哩吉列豬排定食 $78黑咖喱微辣，豬排味道一般天婦羅盛烏冬定食$98天婦羅入面有三條🍤，菇🍄，茄子🍆，青椒全部都好好味😌，啲炸粉唔會太厚，平時食天婦羅好驚食到成口都係炸粉，佢係一啲都唔會有呢種感覺，正👍🏻烏冬都好好味😋唔會碎濕濕，仲好似係手打烏冬黎

漁釧真係食過返尋味特上刺身7點有海膽、中拖羅、三文魚！全部都係我最愛！超級勁新鮮！超級特別推介：明太子燒講真佢一想來嘅時候真係其貌不揚，一食落去真係「嘩嘩聲！」鮮淮山上蓋上一層超厚的明太子，本身覺得淮山應該唔好食，但點知佢同明太子又夾得好好！真心推介！明太子仲要勁多勁厚！油甘魚鮫魚骹其實即係魚腩附近，魚肉有彈性，而且油脂及膠質都好重，用嚟鹽燒就最正！而且今次漁釧嘅燒油甘魚鮫燒到外皮香脆，但魚肉嫩滑又多魚油，入口即溶超級正！

🐾 漁釧 (將軍澳) 🐾-壽司配烏冬定食✔️$188 (唔記得左個名😂)-壽司配烏冬定食 :我哋兩個都係食呢個set，連買一支蘋果梳打埋單$418 ，壽司種類都有幾多款最好食嘅有海膽同埋吞拿魚他他，佢個魚子壽司都幾好食，壽司睇得出好新鮮，呢個set係配沙律同埋茶碗蒸仲有烏冬嘅，茶碗蒸就有少少遜色，但係個烏冬就好食雖然睇落好似有啲清淡但係都好重味嘅😘———————————————(非專業,完全跟據個人口味☺)食物:7/10環境:7/10服務:4/10人均消費:$200———————————————▪店舖名稱: 漁釧 (將軍澳)▪店舖地址:🔸 將軍澳唐德街9號將軍澳中心地下G89號舖-----------------------