漁釧 (將軍澳中心) (已結業)

餐廳位於民居附近，是一家以街坊客居多的日式餐廳。餐廳門口有個大型的日式燈籠，窗戶沒有玻璃阻隔，和商場連成一體。餐廳的裝潢充滿日本風情，以木系家具為主，給人溫馨舒適的感覺。餐牌上由小食前菜到日式火鍋刺身，應有盡有。⭐️鮪魚三色丼$268三色丼有中拖羅、赤身和吞拿魚蓉三款魚。加入香蔥和芝麻襯托，魚脂充沛的拖羅加上清爽的赤身和吞拿，一次過享受三種魚的滋味。米飯加上生雞蛋，口感濕潤，味道更好！三色丼還奉送一碗魚湯，這碗魚湯呈米白色，集魚的精華於一身，入口甘甜香醇。⭐️黃金軟殼蟹$88軟殼蟹加入蛋黃炒，軟殼蟹本身炸完味道較香淡，加入味道較重的蛋黃，軟殼蟹表面裹了一層蛋黃，入口香脆鹹香。

位於將軍澳中心一樓既漁釧以前都有食過午市。晚市都真係第一次食。鋪面既裝潢已經引人入勝，一個大大寫著鋪名既燈籠掛在門外，裡面既裝修亦具日本特色。我地就坐左係開放式日式廚房隔離，可見到師傳握壽司既過程。 餐單菜式種類繁多，差唔多基本嘅日本菜式都有齊晒。有炸物，拉麵，壽司，刺身，沙津，連火鍋都有。就係甜品得一款，抹茶/黑芝麻雪糕。——🦑熒光魷魚（$62）🦑有啲人覺得螢光魷魚嘅鮮味太重太鹹鹹水味，但呢度嘅螢光魷魚螢光魷魚鮮味濃得尼唔腥，口感爽滑🤤一碟唔算大裏面大約有五六隻。🥟日式餃子（$52）🥟一共有六隻餃子，平平冇其冇乜特別🍣十四點盛壽司&三點鐵火卷（$348）🍣14件壽司都係出雙入對，嗰度總共有七款壽司好似火炙鰻魚、吞拿魚、玻璃蝦、三文魚、魷魚、三文魚子同埋劍魚。都係最常見最容易放入口嗰幾種。二鐵火卷就係吞拿魚軍艦。我最推介三文魚子同埋火炙鰻魚，三文魚子超多，一啲都唔孤寒，我一邊食一邊跌。鰻魚嗰陣棵隻味超香，加上鰻魚汁好夠唔使加豉油都好食。 🥗韓式八爪魚沙律（$88）🥗所謂嘅韓式其實就係辣辣地甜甜地嘅醬，有啲似泰式雞醬醬。但係梗係沙律到我覺得味道唔算搭配，同埋八爪魚都冇特別調味。個人認為呢

今日係將軍澳覓食，忽然想食日式料理，於是係將軍澳中心搵到呢間高質小店！ 入到去環境都好舒適，座位都好多好濶落！我哋點左份吞拿魚壽司6貫，呢道有吞拿唔同部位嘅壽司，有中拖羅，赤身，托羅蓉等等，每件都好新鮮，食落啲口感油脂都非常豐富，入口即溶，呢道真係好值得一試！另外我哋都叫左份軟殼蟹壽司卷，呢道份量好足，有好多件，軟殼蟹炸得好香脆，食落好香口，完全係超水準！我哋仲點左份比目魚西京燒，呢道係我哋全晚最有驚喜嘅一道餸，魚烤完之後啲魚肉都係十分嫩滑，而個魚皮就烤到好香脆，配搭埋個沙律醬，越食越開胃，食唔停口！最後我哋都點左幾樣串燒，串燒份量都好足，每件烤得個火侯都岩岩好，燒到好入味，由期個牛舌係十分之香口，個冬菇都好多汁，雞腎就十分之爽口！ 最特別係個安格斯一口牛，入口即溶好香牛味！嚟開將軍澳玩嘅朋友可以嚟呢到一試，性價比極高，值得一試！

將軍澳要搵間抵食居酒屋唔多，而且價錢都唔平，呢間位係將軍澳中心，開業都有段日子，食物質素同空間感都非常唔錯，而且選擇好多，打開menu 真係樣樣都想叫嚟睇吓。服務態度就不過不失，既不熱情，但又唔會唔睬你😂

menu的圖同實物有落差卷物相對上比較有驚喜 應該係即炸依間入到黎比我感覺有啲似和民 種類方面有啲相似服務員好禮環境大都好加分 有放鬆既感覺整體不過不失下次再去會試埋串燒

今次嚟將軍澳搵食，估唔到商場入面都有咁有昭和特色嘅居酒屋🏯。所謂的「昭和」，是指日本🇯🇵昭和天皇在位時所使用的年號，而「昭和」，則被視為「古早」氣息嘅懷舊代名詞。漁釧裝潢充滿日式漁村風情，牆上掛滿日本舊式鐵牌廣告及公司招牌，充斥住歷史同懷舊氣息，而且空間寬敞，非常舒服😇。-漁釧嘅特點係定期會有本鮪空運到店，並由日籍料理長親自操刀解魚🔪🗡，讓大家品嚐極鮮美味😀。所謂本鮪係眾多吞拿魚品種中，身價最昂貴、體形最大一種🤩！為左保持新鮮，無冷凍生劊本鮪套餐只會係解劊後做限期三日嘅套餐，真係機不可失☺️！-🔱無冷凍生劊本鮪套餐 每位 $398 ( 日本清酒配對🍶$168)-見到佢有清酒配對嘅選項真係即時雙目發光🤩！店家對sake非常講究，不同嘅菜式都配上對應嘅清酒🍶，比人感覺極度着重細節，鍾意飲酒嘅我當然唔會錯過！-⚜️前菜三點（吞拿魚蓉Tapas 酒盜芝士tapas 日式味噌雞肝醬tapas）單睇個名就已經感受到陣fusion味🤤。從賣相嚟睇，三款前菜都算係非常精美，紫蘇葉🍁作底，墊上餅乾再配上三種唔同嘅topping，由味道較淡嘅吞拿魚蓉食起，然後係味噌雞肝醬，最後係酒盜芝士🧀。「酒盜」芝士叫「酒

🥗日本白椰菜火山脆脆沙律 $88呢個火山其實由白椰菜堆砌而成，加上啲類似童星點心麵同埋墨西哥脆片嘅物體，仲有勁多蟹肉同蟹籽，撈埋個底嘅沙律醬，個口感真係好特別，充滿着白椰菜嘅爽甜以及脆麵同脆片炸過嘅香口🤤🍳蟹肉玉子燒 $92表面放咗蟹肉同蟹籽，外觀都幾精美。食落去嘅玉子燒甜甜哋，充滿蛋香👍🏻🧡燒明太子長芋 $72我都係第一次食呢個菜式，明太子嗰種鹹香同一patpat 嘅質地配上爽口但係黏口嘅山藥，出奇地好食😋🍚和牛粒炒飯 $138 和牛粒唔夠香味，呢個炒飯略為普通，媽咪炒飯仲好食。🐟火炙鰻魚芝士芝麻反卷 $158又食咗鰻魚又食到芝士係開心嘅，可惜係啲鰻魚好多骨，同埋唔夠厚肉。

今年中秋真係食到肚滿腸肥假期雖少美食真多!把握住假期去食漁釧只供應三日既中秋限定"無冷凍生劊本鮪套餐", 本鮪係吞拿魚之中既最高級別, 今次既本鮪係由日本直送到店, 所以係非常新鮮同名貴ga漁釧既裝修風格充滿住懷舊日式料理餐廳既感覺, 而且整晚都播住耳熟好聽的日本流行音樂, 食客仿如置身係日本一樣"本鮪套餐"包左前菜三點(吞拿魚蓉Tapas、酒盜芝士Tapas、日式味噌雞肝醬Tapas)、口感豐富的炙燒吞拿魚沙律。另外, 當然少不了最令我地期待既本鮪刺身及壽司~刺身及壽司都包括在唔同既本鮪部位, 佢地既味道、肉質彈性、油脂分佈及比例, 真係比起一般壽司店的優質得多仲有鮮味十足既大蜆味噌湯、香口既吉列鮑魚串、主食(吞拿魚蓉丼/牛肉野菜烏冬)可享用~我地再加點左"日本清酒配對", 享用不同的食物時就有不同的清酒去配搭, 清酒味道都偏甘甜, 入口仲有芳香既果味, 當中我就最鍾意"京姬柚子檸檬酒", 有大量清新柚子味, 仲有酸甜既檸檬香, 配合埋柚子味雪葩, 簡直係完美既一餐

除咗食月餅同玩燈籠食中秋限定，食呢個本鮪套餐都係，有條巨型本鮪趁中秋飛咗嚟香港，得20-22/9呢三日食到咋，大胃有幸食到水尾成個套餐加埋清酒配對，成件事會變得更加對首先係前菜三味Tapas，分別係吞拿魚蓉、酒盜芝士、日式味噌雞肝醬配上純米原酒，其醇厚帶出吞拿魚嘅鮮、芝士嘅霸氣同雞肝嘅活躍沙律走醬，就係為咗突出炙燒吞拿魚嘅燒香味，一啖食完舊肉，再食沙律完全唔會喧賓奪主嚟到主角刺身同壽司，全部都係本鮪嘅一忽肉。刺身肥美但又不失質感，鮮香滿溢口腔再飲返杯大吟釀，簡直覺得口入面好似有支日本樂團咁！冷靜完神經再食壽司，由生食到熟，食到好感激條本鮪湯非常有誠意，唔係普通嘅味噌湯，係會撈到有兩隻大蜆，肉質甜美，成碗湯沉穩舒服跟住就嚟兩串激烈嘅吉列鮑魚串，外皮炸得超脆，內裡煙韌彈牙再配飲第二種味道嘅大吟釀，好似去咗海中心跳躍中之後可以揀吞拿魚蓉丼或者牛肉野菜烏冬，同大胃之母一人一款就啱晒喇！吞拿魚簡簡單單以白芝麻調味，已帶出其鮮美烏冬口感又彈又綿，配搭菇、菜、牛肉，係好溫和嘅組合最後就以柚子味雪葩作結，質感綿味道甘，但唔會搶走配酒嘅味道，柚子檸檬酒確實先係呢part嘅主角

今晚食日本菜 先上一客豆腐芝麻醬沙律  刺身丼飯定食 魚肉手卷 啤酒 甜品 免費附茶 呢度裝修幾日本風格,食物大部份都係日本直送 鮮度不用懷疑日式芝麻醬沙律入口清爽,豆腐嫩滑 芝麻醬更加香味濃香係傳統日式沙律套餐包括了麵豉湯 手卷一份 刺身丼非常豐富 食到三文魚刺身 三文魚切粒 吞拿魚蓉 當季既時令鮮魚刺身拖羅,白身魚,甘海老,金目鯛等刺身油花平均,油脂甘香肥美配返上爽口既啤酒味道特別夾一場美味宴,最後再配上一道甜品結尾抹茶雪糕,洋梨,無花果果汁多汁又甜,配埋凍冰既抹茶雪糕平均消費$300評分8/10將軍澳唐德街9號將軍澳中心地下G89號舖

今日逛遊將軍澳晚上就在將軍澳中心隨意覓食。來到這家「漁釧」被這裡的裝修吸引了，令我想起日劇裡面上班一族經常會去的居酒屋。一杯啤酒一碟刺身、燒物大快朵頤人也輕鬆多。🍺日本生啤 $42冰凍啤酒大口大口喝….爽😊🥢串燒鹽燒雞腎 $22鹽燒牛舌 $45鹽燒黑豚腩 $24大蔥雞肉$24雞皮串$20以上串燒各有特色最喜歡牛舌同豚肉腩，醃得入味燒得香口又保留肉汁👍，雞腎爽口有嚼勁，雞皮串脂肪過經燒烤後減低油份酥香可口。👍🥢刺身5點 $198刺身5號以牡丹蝦最為吸引，鮮甜爽口彈牙，其他都不過不失。🥢火炙三文魚圈 $138三文魚腩上鋪上芝士，輕輕燒香配同壽司飯同食口感黏口油潤滿足。😋👍每位 $320

佢開張頭嗰兩年我成日都去, 覺得佢種類繁多，質素都好好, 侍應亦照呼得好好，最近再次睇完OpenRice 啲comment唔信且（我錯），雖然好耐冇去幫襯但係仲懷念以前佢嘅好, 前幾日一到之下真係大鑊, 無怪乎以前好多人排隊而家就唔使。特級刺身拼盤$4xx完全係細件嘅又唔夠新鮮，而且級數一啲都唔特級，海膽好細嚿溶咗咁, 其他都細細件唔夠肥美, 早知唔駛特登叫特級版本。壽司仲離譜，細嚿得可憐, 附近平價連鎖式壽司店都好過佢，另外火炙咗嘅都唔好食, 同以前嘅水準可謂大跌咗五級👎🏻👎🏻👎🏻 真係令人失望。侍應們是長輩級的姐姐, 她們很勤力但溝通上有點距離，佢哋有時唔明我哋講乜，有時又聽唔清楚要我哋再重複。唯一一讚就係串燒還是勉強可以的，成餐飯就係呢三樣嘢再加一支$720ml sake 盛惠$1300 跟住我食唔飽同質素太差影響味蕾之下, 決定盡快埋單𨍭場,響附近商場搵返間好啲嘅日本餐廳繼續食冚過佢

今日中午喺度食，環境都算靜，有木板間格嘅四人卡座位，亦都有open kitchen嘅bar位， 環境坐得算係舒適闊落，午餐嘅餐牌簡單令人容易明白，原因係選擇不多。彩虹卷配油揚烏冬配沙律、茶碗蒸 $138烏冬份量好像不夠多，但因為6件彩虹卷，加上有沙律配菜同埋茶碗蒸，食完整體分量又剛剛好。烏冬味道同埋質感沒有什麼特別，感覺同普通烏冬無分別，彩虹卷亦並不覺得特別出眾，可能因為魚生比例較少，但是整體尚可接受。特盛醬油濃雞白湯拉麵配前菜、沙律、茶碗蒸 $96拉麵份量就不會偏小，亦算彈口，湯底真係濃而且沒有偏鹹，叉燒反而有點驚喜，味道有點像燒過的一樣，而且唔會特別肥膩，容易入口。

服務態度差,對客戶沒有禮,食物難吃，東西不新鮮，垃圾店，食過一次都怕怕，他們以為全將軍澳只有他一家日本餐廳，這家日本餐廳不收費下次都不會再去，餐廳0分，快啲執笠吧 !！😡🤬

今日去將軍澳探朋友，諗緊去邊度食晏之際，經過呢間門面好有日本feel嘅餐廳。日本菜從來都係我杯茶，於是就入去試吓。店內以木嘅裝修同埋佈置為主，淺木色嘅橫樑，配上深木色嘅餐桌，感覺和諧舒服。橫樑上掛上大大小小、寫滿日文字句嘅紙燈籠及魚形竹燈籠，加上色彩繽紛嘅旗幟，以及充滿日本色彩嘅海報，好有日本磯燒店嘅感覺。唔係旁邊咁多食客講緊廣東話，真係以為自己去咗日本🥰。侍應招呼我哋坐低，遞上平日嘅lunch set menu，價錢約$1xx-2xx，有壽司、魚生丼，及各種熟食定食。本來我想食壽司，但只有兩款壽司set選擇，而且魚生種類不太吸引，份量又唔算多，以二百幾蚊來講唔算好抵食，於是同朋友都叫咗$118嘅四色魚生丼。Lunch set 同一般餐廳一樣，有麵豉湯，沙律，茶蒸碗，同埋主食。前菜正常，冇乜驚喜。四色魚生丼包括：三文魚粒 - 唔算好肥美，但厚切，尚算新鮮。吞拿魚蓉 - 平時我好少食吞拿魚蓉，因為冇乜口感，同埋會有少少腥，但呢度完全冇咁嘅感覺，食到吞拿魚嘅味道，份量都不少。帶子 - 只有小小兩片，好單薄吓，味道不過不失。牡丹蝦 - 有一隻，爽口但不太鮮甜。飯冇乜珍珠米嘅香味，醋味亦都唔夠