潮味苑

营业中

休息中

今日喺深水埗上完堂，正諗緊食咩之際，同朋友經過一間潮式舖頭，睇完餐牌，入面款式非常之多，最後決定試吓呢一間。嘢食嘅價錢都唔貴，性價比好高，嚟到一坐低即刻點左支啤酒，天氣太熱了，飲完啤酒感覺很舒服！我哋點左一個炸蠔餅，估唔到份量咁大份，入口香酥脆口，每一口都食到蠔，好出色！川椒雞辣得好過癮，而且份量好多，雞肉一啲都唔乾身，配上醬汁，好好食。鹹肉炒四季豆，好有火喉，鹹肉嘅油香比四季豆吸晒，食到停唔到口！潮州炒飯好足料，冇諗過係咁大碟，炒飯炒得幾乾身，有驚喜。魚蛋河加紫菜係我嘅至愛，魚蛋好彈牙，完全冇腥味，最後連湯都飲埋！

總會一段時間就想來食的！正宗潮州味道！店子不大而且有些年代了，却有濃濃的人情味，地方有點陜窄，却又井然有序的！當然不是食裝修！主角是鹵水鵝呢！出塲吧～這個下庒，每次必定 call佢出塲！陳年鹵水而成就了的美道就是好！還有禾稈冚珍珠的大豆芽，豆腐和大花生！二人前～每次叫都有姐姐問的！！！食得哂？～放心！一定清！！！一鍋方魚肉碎粥脆脆的方魚，配上尤魚同肉碎～正！抵食

好耐冇打冷，朋友話佢屋企附近有間幾抵食大份嘅潮州鋪，8點幾9點去到都仍然滿座要等位😍。黎得食一定要叫滷水鵝件、招牌炸蠔餅、韭菜豬紅同蠔仔粥。滷水鵝件食潮州菜必叫滷水鵝件，lee到嘅大大碟、大大件仲啖啖肉添😂，厚肉又滷得入味😍。底部仲有芽菜，吸哂滷水汁！正呀招牌炸蠔餅以前經常去小販檔買宵夜，很懷念，lee度炸得好酥脆鬆化，蠔都幾大隻，食落唔覺得油膩😉。韭菜豬紅大碗，香濃入味，豬紅正正方形有彈性，不會散哂碎哂。鎮店蠔仔粥我地打算叫一碗蠔仔粥，點知一上枱係用湯麵碗上🤣🤣潮州粥底有成4碗份量，很足料，入面有蠔仔、肉碎、柴魚乾蔥同芫荽等等朋友話凍馬友、牛腩、椒鹽魷魚、粉麵都好好食，但我地實在太飽叫唔到。

好耐冇咁夜打冷，等老公收工，成9:00先食晚飯，經過呢間打冷舖裡面仲有咁多客，門口仲有人等外賣，見櫥窗掛上鹵水鵝同墨魚好似好正，另一邊仲有好多潮洲辣椒油，豆醬，醬料賣(仲係自家製造)我地决定就試吓呢間😋都等咗一陣先有位,店內地方唔算好大，但卡位都寬敞同坐得舒服。餐牌都好多潮洲菜式同粉麵我地當然點了招牌野🦢鹵水鵝片拼墨魚🦑呢隻鵝好掂，肉質好軟嫩，鵝片沾滿鹵水汁🤤好入味，又不會太鹹。墨魚吃落好爽好彈牙，點埋秘製潮洲辣椒油，味道一流，不得不讚店舖自家製辣椒油，味道好香加上夠辣，枱面有倆樽原來有分別，一樽係潮洲辣椒油，另一樽係麻辣味辣椒油，倆隻我都有試🔥🔥🥵咁鬼辣再黎碗🦪蠔仔粥食吓🤭蠔仔個size唔细架😆脹卜卜好肥美，味道好鮮甜，肉碎又多又足料👍再黎多個炸蠔餅😆🦪🔥店舖有煎蠔餅架，但我地太鐘意炸蠔餅😋鐘意佢夠香口惹味囉🤤經過深水埗朋友仔一定要黎試呀👍👍🤗

潮味苑深水埗長沙灣道254-258號亞洲大廈地下A舖深水埗一向都係美食既集中地，今日同朋友去完西九龍中心買嘢，跟住就過左黎呢間餐廳食潮洲嘢啦，本身都係第一次黎，只係咁岩係門口經過比掛係橱窗既鹵味同埋鹵水鵝吸引住，所以就決定入黎幫襯首推一定係呢到既鎮店蠔仔粥，一碗裡面有成超過10隻蠔仔，非常足料，再加上方魚，肉碎，葱花，食落每一啖都覺得好鮮味，絕對係必食item鹵水鵝片---通常食鹵水鵝都會揀鵝片，貪佢無骨啖啖肉，食得最滋味。。而且呢到既鵝片肥瘦均勻，唔會太多肥膏，食落唔會覺得太膩，大力推介鹵水拼盤(細)---雖然我地只係叫左細size, 但一樣擺到成座山咁，好足料非常大碟，入面分別有紅腸，鵝腸，鹵水蛋，豆腐，墨魚，牛肚，腩肉，豬頸肉。。。真係一次過滿足晒所有願望呀

好耐冇食潮州打冷，所以今晚心血來潮去咗位於深水埗嘅潮味苑食晚飯，由於餐廳座位唔多，所以我同朋友都等咗一陣先安排到座位。🤤餐廳貼滿店主同好多明星藝人嘅合照，證明餐廳嘅質素都有返咁上下，先吸引到咁多人嚟食。👍🏻〈滷水三併 鵝片、元蹄、生腸〉🦆🐖🪱果然係餐廳嘅招牌食物，鵝片滷得非常入味，肉質軟淋，值得推介。元蹄份量亦都唔少，我哋兩個女仔食都食唔晒呢碟自選三併。〈招牌炸蠔餅〉🦪🍳呢間餐廳可以揀炸蠔餅或者煎蠔餅，因為我比較鍾意食啲香口野，而且見到隔離枱都係嗌炸蠔餅，炸到金黃色，非常爽脆，而且蠔仔份量非常多，嚟到呢度一定要試吓。始終兩個女仔都食唔到太多野，所以我哋嗌左碗白飯兩份食，再嗌多支青島，食得非常滿足。🍻🍚

呢間潮洲菜，差不多去親都要等位，是關呢到嘅食物都唔錯⋯⋯大碟抵食價錢平，所以間中都會去食吓，晚餐又食吓潮洲菜😇——————————☸️鵝件拼腩肉：配有豆腐、芽菜：食潮洲菜，鵝片點小得，雙拼就當然係我最愛嘅豬腩肉啦😂😂鵝片肉嫩、五花腩肉一層層的肉質，更配上了豆腐、滷得又不會咸，盛托著芽菜更是又爽又甜、足料、材料質素又靚，潮洲菜必吃之選⋯⋯————————✡️韮菜鴨紅：韮菜爽甜又鮮𡟹、鴨紅大件又爽口，以前多數食豬紅韮菜，想不到鴨紅係咁好食，師傅調較的味道也是相當恰當😋———————-🕎潮洲凍馬友：平日多吃凍烏頭魚，今日賣晒，店員推介不如試吓馬友都唔錯的，所以又食吓凍馬友，魚嘅肉質食落去都好𡟹滑而且也很甜⋯⋯————————食..拍…寫已經成為我生活中的一部份鍾意食…鍾意拍…鍾意寫..留下美食回憶🥰—————————-

今晚來到深水埗，食的是潮味苑，餐廳呈長方形，已有很多客人，差不多坐滿了人。菜式都很多選擇清遠雞半隻一般食飯很少叫半隻雞，今晚見到清遠雞很吸引，所以要了半隻，上枱見到半隻雞非常足料，底下有花生及芽菜、豆腐，雞不會顯得肥，雞皮很薄，清遠雞很有雞味，食落帶鹹香。方魚肉碎粥方魚肉碎粥是特色的潮州粥，裏面有很多料，有很多魷魚絲、肉碎、芫茜及蔥 ……，當然少不了方魚，加少少胡椒粉，香香辣辣粥底很清甜！涼瓜炒牛肉隔離枱的涼瓜牛肉青綠又多牛肉，很吸引，所以我們也點了個涼瓜炒牛肉，整個涼瓜牛肉豉味好重好香，炒得夠鑊氣，涼瓜炒得不會太腍及或太硬，炒得腍中帶點爽的口感，牛肉及涼瓜都切得很大片，牛肉份量都很多，伴著帶涼瓜一齊食，特別美味。配埋個可樂，食得夠滋味！

呢一間舊式潮州菜餐廳可以話係我食過咁多間餐廳服務超級好嘅一間！👍🏻👍🏻👍🏻👍🏻👍🏻 即使坐滿晒客人，個個忙到無停手，但係每一位員工嘅服務都仍然超友善！之前喺其他地方見到呢一間餐廳有關服務方面嘅好評，我都抱着半信半疑嘅態度，直至我自己去食過一次，就知道啲評論真係無呃人！😍😍Menu:🐥滷水乳鴿（$58）一個人可以獨霸成隻乳鴿嘅感覺真係超級爽，滷水超入味又唔會太鹹😎 佢哋嘅滷水乳鴿仲要係限量供應，好彩我可以趕到尾班車order到最後一隻😝😝🦪蠔仔粥（$55一碗）千祈唔好以為$55一碗好貴，佢個碗並唔係我哋食開既飯碗咁細隻，而係一個大～湯碗🤣 絕對夠跑😌 而材料方面都非常足料我食得出有好多嘅蠔仔、蝦肉、碎肉🤤

原本抱怀希望過嚟食有名嘅潮州打冷！ 點知芋泥竟然係釘出嚟，仲叫我自己搞搞佢！仲買到$58⋯⋯咁就好食㗎啦！ 仲有烏頭竟然係難嘅從來都冇食過咁嘅質素！ 超唔抵嘅嘢超失望老字號？唉….失禮

真係忍唔住要劣評，之前黎食過都唔差，所以先決定再幫襯，可惜今次極失望，個炸蠔餅完全腥到一黎到已經嗅到有不妥，食一口直頭有腥到想嘔感覺，已經即時反映比伙記聽，個老板娘先最經典，話落d魚露就食到，但好明顯唔生鮮，最後成碟放棄，難食得不得了

鐘意食牛腩嘅朋友一定吾可以錯過依間係深水埗嘅牛腩河!😋 一碗牛腩河3x蚊好足料 勁多塊牛腩之餘仲有兩舊蘿蔔, 超抵食! 🤤🤤🤤依家香港都無咩邊到可以食到咁平又大碗嘅牛腩河啦!!😳 牛腩仲要係吾痴牙🤣 好正! 星期六晚嘅食飯時間黎到要等一陣位 係門口見到佢賣緊一包包嘅鹹蛋炸魚皮 就叫左一包試下 (無影到相🙈) 鹹蛋味係有 但魚皮吾夠脆 一般般☹️其實間野係食潮洲野 但我黎過兩次都係食牛腩河 貪佢夠平夠抵食🤤😂😂

跟朋友於附近體育館健完身，可惜週末人流實在太多，每一間也大排長龍，又要等位，還是各自買外賣回家吃好了。鵝片飯 - $70招牌的滷水鵝，碟頭飯便可以試到。鵝片主要是胸肉的部分，較為多肉得特別瘦，入口結實不油膩。下面還有幾片滷水豆腐，有豆香之餘，又有點綿韌。還有少許爽口的芽菜。郊外油菜 - $20份量非常之多，有三棵唐生菜，新鮮翠綠有點爽口，有少許蠔油調味及上湯浸著保持溫度。例湯是日為蘿蔔湯，裡面有兩片蘿蔔，入口清甜及帶點胡椒的辛。

每次返屋企途中都見到呢間餐廳坐滿人，門口仲掛咗好多餐廳老闆同明星合照，相信口碑一定唔錯，今晚一於同朋友黎試試！雖然今晚係平日，但全場依然爆滿，好在我一早已打黎訂位！望望餐牌，價錢非常合理，而且選擇又多，除咗有滷水之外，仲有多款潮州小菜👍🏻👍🏻鵝件飯$58份量多，有多件鵝件，仲有幾件滷水豆腐，鵝肉質地嫩滑，肥瘦適中，滷得相當入味😍韭菜豬紅$55豬紅大大舊，無腥味，夠爽脆，醬汁又唔會過鹹，韭菜配豬紅真係perfect match !方魚肉碎粥$55超大碗，份量多，好足料，勁多肉碎同方魚，味道好正宗！凍烏頭$128烏頭大大條，超肥美，好多肉，又鮮味，唔多骨，老闆仲要選用元朗烏頭，真係一分錢一分貨，正到呢！總結：今晚兩個人食咗咁多嘢$300都唔使，食物仲要高質，以後會都多啲黎幫襯，抵讚！

鵝肝硬到死又老又味，三寶喊菜花生菜譜收$60又少。 鵝下莊啲肉又鬼咁韌，冇味。啤酒又吾凍，炸蠔餅又少蠔，不過個粉漿就ok.. 馬友ok, 豬紅ok. 投訴只係不停吾好意思吾好意思。。。5個人埋單收8舊幾！ No good