潮福蒸氣石鍋 (已結業)

已經聽過幾個朋友介紹話呢間蒸氣火鍋任飲任食好抵食，今日終於有機會嚟試下，平日8pm前入座每位$338，都真係好抵，最正係佢連啤酒都任飲，仲要唔係cheap牌，今次真係過足癮，唔覺唔覺傾下傾下都飲咗幾支😆餐廳感覺好乾淨，可能用咗白燈關係😃呢個套餐完全係一個full dinner，頭盤有燉湯，前菜小食有乳鴿，主菜有一系列海鮮俾你揀，唔夠仲有一堆肉類丸類蔬果類包點類俾你任點，唔好忘記主菜仲有集合所有食物精華嘅粥底，甜品仲有西瓜一碟，我真係食到捧住個肚走㗎！值得提一提係呢度店員個個態度好好，招呼周到，全程都照顧住個蒸爐，唔駛怕啲嘢蒸過籠或者唔知啲嘢熟唔熟，因為店員會幫你set好timer同埋留意住，仲會幫你分埋上碟！不得了！介紹下幾樣我特別impressed覺得特別正嘅嘢食先首先個燉湯真係一定要讚，我本身係燉湯控，好鍾意飲老火靚湯，呢個老黃瓜燉唐排，超級足料之餘，燉製嘅時間足夠令食材出晒味，零味精，好飲又健康跟住有碟開胃酸菜，中間款白蘿蔔，據店員講用咗來自意大利嘅醋去醃製，酸度剛好，好開胃乳鴿亦都係我好impressed嘅其中一樣，我平時唔太鍾意食乳鴿，因為覺得層皮好油，又無乜肉，啲肉又唔係特

一直都想試蒸氣石鍋好耐架喇！見到呢間任飲任食都係三百幾蚊，一於book位試下！可能Blue Wednesday嘅關係，餐廳唔算好多人，我地兩個人被安排坐喺卡位，呢度嘅座位好闊落，坐得好舒服。餐廳似乎裝修完嚟，好光猛，感覺新淨得嚟又乾淨，仲有好大範圍嘅生猛海鮮區俾客人揀海鮮！餐廳仲設有自助醬料吧呢個任揀任食任飲蒸氣海鮮餐嘅玩法就係要首先揀咗粥底，然後揀一款燉湯，另外除咗乳鴿同貝殼盛盆之外再揀要龍蝦定刺身，再揀四款你鍾意嘅海鮮，去到呢個位，我已經覺得好豐富，所以之後嘅肉類丸類我都暫時唔點住！粥底：我就揀咗新鮮排骨粥，真係生米連料放喺石鍋入面即製架！燉湯：我就揀咗姬崧茸燉螺肉湯，個燉湯好足料，好夠火喉，我超級like，飲完一碗都唔夠喉，想飲多碗脆皮乳鴿：乳鴿比我想像中，有肉咬下，而且啲肉唔係鞋烚烚，都算嫩食完啲唔駛蒸嘅嘢，就正式進入今日嘅主打菜式喇！全程都有店員協助，唔駛怕唔知蒸幾耐唔知啲嘢熟唔熟，因為個個店員都好熱心招呼你，如果想自己落手落腳都無問題，個爐有預設timer，餐牌都有指示每種食材要蒸嘅時間！好貼心！首先出場係龍蝦！跟住有蟶子，鮑魚，象拔蚌同埋蝦，蜆！呢度嘅海鮮都好新鮮，好鮮味

＂潮福蒸氣石鍋＂，在本港己是有十多間分店的啦！我們几位好朋友邀到此在尖沙咀厚福街5一6號多富闆1樓的＂潮福蒸氣石鍋＂開心樂聊兼好好享用此店用蒸氣石鍋所烹煮的美食的呀！😁😁😁＂生猛蒜蓉蒸龍蝦＂可2選1的有刺身拼盤及生猛龍蝦可择的呀！我們就選了生猛龍蝦，龍蝦如此鮮甜兼極有蒜香的味道，嫩滑可口！鮮美呀！＂生猛大元貝丶扇貝＂粉絲蒸帶子，蒸帶子的，一眼望去那扇貝及大元貝是那麼的肥美非凡的，黄黄的油膏極肥美鮮甜的呀！＂馬刀貝及貝殼＂盛盤最特別係馬刀貝，肉質極之爽甜肥美兼肉質嫩滑嫩滑的，真的是好吃得停不了口的呀！其他的蜆殼類，就較為普通，但是，都極之新鮮鮮甜甜的呀！＂北韓鮮鮑魚＂用姜絲蒸鮑魚，鮑魚極之爽口鮮甜肉鮮的，也不錯的呀！＂美國桶蠔＂熱氣騰騰的，大大的桶蠔，那麼的肥美多汁的，真的很有口感極好的呀！＂生劏龍躉件＂龍躉肉極為新鮮，鮮甜美味，一點兒都無腥味的呀！＂手切和牛肉＂睇見一大盤的手切和牛肉，本是應也美味的，可，也許蒸煮過了火儿吧？ ！😊還有許多不同的疏菜種類好嚐盡鮮的呀！冬菇裏面夾著蝦肉，豆卜及凉瓜里面釀了魚及猪肉等料子的，的確味道棒棒的呀！還有多樣的肉丸子及順徳汅糟雞丶蟲草雞等等⋯⋯那些食

今日同朋友去食蒸氣火鍋， 見openrice評價唔錯， 所以決定試下。我哋之前打電話已預約咗， 入到去入面都幾大。 我哋入去坐完之後再去拎醬料，之後就有前菜食，有酸羅白，青瓜，雲耳，食完又會refill， 食完都ok開胃。話明係任食, 首先佢都有啲海鮮,系纸入面揀4項。之後，每人仲送一壺燉湯, 仲有龍蝦同乳鴿。之後全程不斷食食食， 我哋張枱側邊有個侍應不斷招呼我哋, 啲嘢食送入嚟之後 佢就幫我哋咁時間, 之後熟喇仲幫我哋將嗰啲海鮮放喺每個人碟上。因為啲海鮮好新鮮 同埋蒸完熱喇喇，所以真系几好食。 其實呢度有限時,不過最後 我哋overrun咗佢地都冇趕走我地。好好食，下次会再黎。

蒸氣火鍋如雨後春筍，早已開遍大街小巷，尤以這間為例，對街已有同業打正招牌互相爭客，但為何這還是我不二之選，原因在於服務，真係一流地好。第一每吃完一道菜都要換碟(我都不好意思了，唔好洗咁多碗啦)。 第二通常一家大小食飯，照顧小孩的飲食是少不免的，但待應實左太醒目了，作為媽媽一定很歡喜，事源只係叫了碗白飯，小孩當然不能整碗來啃，要另一個碗喂這簡單小事，都未開口已問羅多個碗俾你好嗎？醒目。 第三每一枱都有一個獨立服務既待應，不會浪費你要煮既時間分好餸同睇火你大可暢所欲言，又沒有限時，食得很舒服。醬料多羅羅，點配合都可以。還有花椒油千萬要留肚食粥，味道鮮甜，不要錯過。

潮福一講個名，原來已經好多人識，同事仲話蒸氣鍋係潮福至正，講起就去食先。蒸氣任食套餐先388一位，包左湯，粥，乳鴿，龍蝦or 刺身，硯，四選海鮮，任食和牛，雞，手打丸，瓜菜，糕等，任飲埋汽水茶等，先388一位真係好正好吸引。我覺得最正係龍蝦，真係非常新鮮，講起都口水流，肉質彈牙，仲有蝦膏，好鮮甜，又大隻，街市自己買都難搵啦，清蒸真係一流。另外，四款海鮮入面，象拔蚌同蠔都好正，蠔有成隻手掌咁大，好肥美，一咬又有蠔汁，蠔咁樣食最正，仲正過食生蠔，象拔蚌都好新鮮，佢切左嘅食落好彈牙，鮮甜，蒸得岩岩好，正。除左海鮮肉丸等，菜類都好多，有芋頭，南瓜，菜籃又有花心旺菜等，食左咁多肉同海鮮，食返菜再最後食碗粥，真係舒服到暈。

話說早兩日口痕痕想食下打邊爐，但女朋友又話唔想打得太單調，咁唯有搵下有咩野特別的邊爐啦！尖沙咀五光十色，紙醉金迷，唯一好既係有一條厚福街！食咩都係係度搵！搵下又上openrice睇，終於揀左去食蒸氣鍋！潮福蒸氣鍋聽講係新裝修，入到去係一條樓梯，然後係一個好光猛既大廳！真係好想知潮福以前係點既呢？依家裏面的燈光非常足夠，有光到反光的水晶燈sss，同埋非常整潔的環境！有整齊排列的海鮮部同魚生部！咁食得蒸氣火鍋唔少得既一定係海鮮sss!一開波餐牌已經同你講: 黎啦食啦！每位送乳鴿、一堆蜆同埋有得你揀既剌生或龍蝦！蒸汽鍋煮成的龍蝦好新鮮好滑！乳鴿脆口！蜆海水味濃！除左好正好正既頭盤，任你揀四款的海鮮一啲都唔失色！蒸汽鍋選擇多，女友特別鍾意佢既蒸馬拉糕！如果以食打邊爐想食出鮮味又唔太油既話，蒸汽鍋可能真係你的另類選擇！

今日男友帶我去食好東西慶祝我地考法文試過關！尖沙咀厚福街就好似一條食街，食店林立中西日韓甜品小食樣樣都有！蒸氣鍋近哩一兩年好hit 聽就聽得多，試就真係第一次！潮福不同地區都有分店尖沙咀厚福街哩間近排重新裝潢過好光好企理，環境好寬落兩個人被安排卡位，每張枱旁都有個小工作枱放食物，唔會擺到成枱都係織籠蒸鍋好特別一坐底就揀左燉湯潤一潤姫崧茸燉螺肉大大粒螺肉，雖然係送嘅，但係都好足料必食粥底揀左瑤柱鮮淮山粥粥底會吸收哂各種食材嘅精華諗起都流哂口水脆皮乳鴨，貝殼盛盒，生猛龍蝦都係送嘅！海鮮就自選四款龍蝦同鮑魚夠彈口，貝殼類有海水味夠哂新鮮桶蠔估佢唔到咁大隻，入口爽口食完海鮮類到任食系列有雞，豬頸肉，和牛肉，和牛粒，手打肉丸蟲草花蒸雞好滑，和牛肉用蒸好食過打邊爐！牛味更突出！推介手打蝦丸！Encore左兩轉馬拉糕（最愛！）第一次食蒸鍋大滿足！！仲有任飲蔗水，啤酒，汽水，侍應姐姐好主動幫我地蒸哂啲嘢，完全係坐係度等食就得蒸比打邊爐更鮮味，感覺更健康！

蒸氣火鍋一定要擇間舒服同夠冷氣既餐廳！今日嚟到尖沙咀分店，眼前一亮，大裝修靚都好多又好夠光，最好有卡位坐，4個人舒服準備食大餐。前菜係帶酸既白蘿蔔，好微辣既木耳同酸醬油既青瓜。醬油都好多，有齊晒基本，豉油 蔥 蒜。粥之外，每人都有碗湯飲老黃瓜燉唐排，我地要姫崧茸燉螺肉好清甜無油。之後就每人送三款脆皮乳鴿肉都ok，熱又脆既，肉實既。貝殼盛盤好多份量，包了大既刀貝同細既蕃薯蜆。刀貝爽口又大又彈點，甜過小蜆，點芝麻醬好食。蕃薯蜆好細，但無沙好奇正喎。2選1既生猛龍蝦OR刺身拼盤，之前食到依度都開始飽。生猛龍蝦每人半隻，肉爽身帶微甜，滿滿蒜頭。仲有4款海鮮未擇。生猛大元貝超級大大大隻又有小蒜蓉粉絲。肉質鮮滑起哂絲，個肓都好軟，香氣足。必食必擇，咁大隻都無腥又甜，重點飲汁，海鮮之選。美國桶蠔蒸完縮左一下，都無損佢既大大大同大家食慾，又有粉絲食。唔腥係好開心，以前食過腥既蠔，暈左！肉質滑潺潺唔錯。北韓鮮鮑魚大大隻有哂小針，無哂內腸！好有咬感，少彈但內肉厚外爽口。生劏龍躉件每人2件，細細件無骨OR少少大既。幾重膠，唔通好多膠原對皮膚好！過晒海鮮啦湯啦，貼心換碟就係肉類，菜類同包類。手切和牛肉份量大大

第一次食蒸氣火鍋，之前看相片就覺得很新奇！跟平常食的很不一樣，所以很期待～首先環境不錯，很適合一家大細或者三五知己聚餐，座位也滿寬敞的！這個時段的「任揀任食任飲蒸氣海鮮餐 」是$338/位，價錢合理^^海鮮餐每位敬送三款食物，所以我們選了乳鴿、生猛龍蝦和貝殼盛盆！乳鴿 炸到卜卜脆，超惹味龍蝦 好鮮味，只用簡單的蒜蓉調味已經很足夠！而且肉質爽口鮮味滿滿的貝殼盛盆湯方面我選了 - 姬崧茸燉螺肉湯 很足料而且很夠火喉，會讓人停不了地把整碗喝完！由於所有海鮮都由職員幫忙處理，蒸的時間剛剛好絕不會浪費了海鮮原有的鮮味！ 我們也是第一次不用動手就可以食到如此鮮味十足的海鮮！所以在自選海鮮方面；我們選了自己不擅長控制時間的象拔蚌、鮑魚、生猛大元貝～經職員細心烹調後把海鮮的鮮味都發揮出來！而我們只要好好享受就好～特別要說的是鮑魚 超級彈牙，味道甘甜且很有口感！最後，店內職員推薦了手切和牛肉和手剁鮮蝦丸！果然沒介紹錯，牛肉薄薄一片易入口～而且肉質軟嫩！而不管是手剁鮮蝦丸或是自製鮮牛丸都很推介～手剁鮮蝦丸很爽口彈牙；而蟲松花清遠雞，雞肉很嫩滑！但要說到最好味的，一定是這個用剛剛蒸氣海鮮煮出來的瑤柱鮮淮山粥

前幾日同屋企人去尖沙咀行街，因為同行有老人家，所以夜晚就揀左去食熱辣辣嘅潮福蒸海鮮了！對於好多老人家來講，酒店自助餐係唔啱佢哋食嘅，因為好多野都係凍冰冰，例如刺身、生蠔、凍海鮮等等，而較早前亦帶過老人家食一次潮福，不過唔係呢間分店，老人家都話好好食，所以今次當然要encore啦！首先，我叫左個姫松茸燉螺肉湯，勁足料，飲得出係好鮮甜冇味精嘅，值得推介！之後，每人有半隻龍蝦，因為係生劏嘅關係，蒸出來當然係超鮮味啦～同酒店嗰啲大大隻但得雪藏味的龍蝦簡直冇得比～緊接其後嘅蒜蓉蒸元貝、蒸韓國象拔蚌、蒸南非鮑魚，仲有薑蔥蒸美國桶蠔等，都係超正好新鮮！之後，我哋仲叫咗好多任食嘅項目，例如蟲草花蒸雞、各式手打丸同手切和牛等等。個人推薦手打梅菜豬肉丸，梅菜味好出，而且仲好彈牙👍🏻仲有推薦豬頸肉，因為蒸出來係好爽口嘅，正！順帶一提，我聽聞呢間潮福分店係新裝修，怪不得周圍都好光猛同企理，冷氣亦好充足。另外，呢間潮福啲侍應真係服務好好，成日幫我換碟，又主動幫我加熱水，真係好有效率！總括而言，食海鮮一定係新鮮先好食！如果唔喜歡酒店自助餐嘅凍海鮮，倒不如來呢間潮福蒸氣石窩食鮮味蒸海鮮啦😁😁😁

其實我都幾鍾意食粥底蒸氣鍋，上面嘅果層蒸嘅海鮮嘅鮮味會咁流落去個粥底到， 趁今日收工幾個同事上咗嚟潮福食佢哋最出名嘅粥底蒸氣鍋。由於我哋上到嚟都九點半，加上係平日，所以每位都係$298咋。首先個set一人可以揀一個燉湯， 脆皮乳鴿，貝殼盛盤， 刺身拼或者生猛龍蝦（2選1）跟著可以 每人可以揀一款 精選海鮮最後 仲有其他 多款食物任點任食我們四個人一人揀咗一個 響螺燉湯， 湯嘅味道非常清甜 ，絕不油膩跟住店員 會將啲米同埋南瓜排骨放咗落個石鍋度等佢哋蒸嘅時候我哋就可以每日半隻美味乳鴿啦，幼嫩嘅乳鴿肉炸到脆卜卜非常惹味。餐紙嗰度寫半隻魷魚 我哋原來搞錯咗， 以為四位半隻 ，應該係每位半隻所以我哋四個人就嚟咗兩大隻魷魚， 食魷魚都食到飽啦😂😂😂不過佢蒸完係好鮮甜，仲一啲都唔韌添蒸海蝦一人有兩隻， 蝦身蒸完爽脆q彈， 十分鮮甜食完海蝦一人再分半隻龍蝦，新鮮嘅龍蝦加咗少少嘅蒜蓉就咁清蒸已經很鮮甜。貝殼盛盒包括有聖子， 大扇貝同埋大蜆先嚟蒜蓉粉絲蒸咗個大蟶子先， 其實佢每樣海鮮 都係就咁清蒸已經好鮮甜因為佢哋本身夠曬新鮮。大扇貝望到都覺得好吸引可能我本身好鍾意食。蒸埋大蜆， 所有海鮮類已經蒸哂啦，

食潮福，當然就係想食新鮮嘅海鮮蒸氣石鍋，呢個套餐就夠晒抵食。粥底先選一個 (新鮮排骨粥和瑤柱新鮮淮山粥)、燉湯亦都可以選擇其一。然後再有脆皮乳鴿、貝殼盛盆，龍蝦贈送。真係夠豐富!先有熱辣辣嘅姬松茸燉螺肉燉湯，燉湯味道鮮甜，全因好足料，姬松茸、螺肉、排骨份量都多。脆皮乳鴿炸得金黃吸引，皮脆、肉汁多，肉質細嫩，好好食。跟住就係蒸海鮮嘅時間，貝殼盛盆有青口、蜆、馬刀貝，感覺好豐富。青口夠大隻，蜆肉無沙、鮮甜，夠晒新鮮。而龍蝦亦都無令我地失望，肉質結實，有天然海產嘅鮮甜，加入蒜蓉去蒸，味道更香更濃。蒜鮑魚配上薑絲、蟲草花去蒸，互相配合得好好，更能突出鮑魚嘅鮮味!除左海鮮之外，亦都可以選擇肉食。雞件跟蝦丸、肉丸等一齊去蒸，數分鐘後就食得，雞肉嫩滑、而蝦丸彈牙味美!最後有石鍋中嘅瑤柱新鮮淮山粥。粥底係一開始時放落，吸收各種食材嘅精華，唔需要加任何調味，都食到味道鮮味。

真係大鄉里, 我同老公都未試過蒸氣火鍋,  自從前陣子在親戚屋企試過唔正宗既蒸氣火鍋, 覺得好得意.所以決定兩個人撐台腳試下, 而且有人服侍爽好多, 食物種類又會多D我倆大約6點多就走到, 不用等. 而且被安排坐在窗口位置.望著厚福街人來人往.別有一番風味每位$338, 8:00PM前埋單更有9折 (全食兩小時)除了有任食部份, 每位更有燉湯, 龍蝦半飯, 乳鴿半隻, 以及貝殼盛盆贈送.海鮮部份可以選4款, 我們就選了北寄貝, 鮑魚, 象拔蚌跟元貝. 都是貝類的醬料可以自己出去拿, 種類都很多, 飲料也是任飲的. 我就要了竹庶水, 清熱嘛燉湯味道還好, 不會很咸,但沒甚特別前菜都有3款, 青瓜很爽口, 蘿蔔不會很辣. 要不是之後要吃海鮮,我真的可以一口接一口吃完蒸氣火鍋原來是這樣子的, 前面有個計時器, 侍應會按食物要煮的時候去處理下面已經放了一些生米, 排骨跟南瓜, 等一會蒸海鮮時揮發的水就會慢慢把生米煮成粥, 雖然乳鴿跟龍蝦都是送的, 但絕不馬虎, 味道很好, 龍蝦也是用少許的蒜泥去蒸就已經很好味龍蝦肉又不會太淋,爽口蒸氣部份全部都是由店員幫忙煮,我們完全不用動手, 煮好後店員又會

平日不少報章介紹甚麼名人飯堂的，我這升斗小市民暫時未有能力去這些名人飯堂，不過總有自己心目中的飯堂，其中一個便是潮福。不論是我還是家人都愛到潮福用餐，店員的服務態度還是食物質素得到我們甚高評價。 喜愛喝湯的弟弟都很欣賞這裡的姬崧茸燉螺肉湯，崧茸配螺肉不只味道清爽甘甜，而且飽滿的崧茸散發出天然的美味更是不可言喻。湯加入雞肉熬煮，卻沒有多餘的浮油膩味，反而帶出其鮮，滋潤身心。不用說只聞其香就知道是脆皮乳鴿來了，乳鴿渾然天成香烤味道，一直深深刻進我的腦海裡。那酥脆的外皮，嫩滑的肉質，還有盈滿的肉汁，教人如何不愛。飽滿的龍蝦新鮮現蒸，龍蝦肉才能剝得透徹。龍蝦肉質鮮美，緊實彈牙的快感，每一口都是奢侈，爽得歪歪叫。鮑魚把內臟去除得乾淨俐落，透出水嫩的鮮汁，吃起來具嫩度和彈性，自然的甘甜，爽脆的嚼勁，相當迷人。一掀開蓋來炊煙渺渺，聞到的是迷人的鮮香味，顆顆豐盈的蜆肉與螺肉，裡面蘊含鮮美的肉汁。美國桶蠔肥美生鮮，亳無腥味，鮮嫩多汁，入口即化，鮮甜好滋味，吃完後有種淡淡的香氣餘韻猶存久久不散。生猛大元貝因為新鮮加上蒸氣逼出甜味，鮮甜無比。大元貝蒸後保留水份，吃起來又嫩又甜又清爽。下面的粉絲收集了所有大元