潮膳 (已結業)

平時真係好少食潮州菜，但係今日唔知點解心血來潮好想食下，即刻OpenRice下附近有咩潮州菜館，就揀咗呢間啦！我同朋友叫咗個二人精選，我見佢價錢唔貴，但係就有好多嘢食，而且選擇都多！滷水拼盤有好多款滷水！有鵝片、豬肚，豆腐！全部都滷得好入味，配埋個醋食就啱啱好🤤我就最鍾意食個豬肚！因為煮得夠林😂普寧豆腐炸得好好食！外面炸到有微微嘅焦味，但裏面嘅豆腐仲係keep住好滑，冇炸到乾晒水！沙茶牛肉同埋芥蘭都好食！沙茶牛肉有啲沙嗲味，不過食得出係新鮮牛肉，唔係平時茶餐廳早餐嗰啲罐頭沙嗲牛肉😂😂而且啲牛肉好林，一咬就爛！煎牙帶真係好食到冇得彈！條魚雖然炸過仲係keep住好滑，都唔會感覺好熱氣，好食到停唔到口🤤豆漿係我至愛啊😍😍😍唔誇張，我真係成世女都未飲過咁好飲嘅豆漿！個豆漿好有豆香味😍😍唔甜，但係都好夠味，一定要嗌番杯啊！綠豆爽好多綠豆😂😂成碗都係🙈

我是潮洲幫派@潮膳 灣仔軒尼詩道338號北海中心地下C號舖 一個人獨腳飯，但又想念起住家飯及潮洲食物，即在飲食軟件找到有小菜套餐的新店由細到大家中都會食老潮拼盤$198，另加$20仲有白飯，油菜同凍豆漿。鵝片一定要點個醋汁,再加埋老水蛋，豬腩肉片，老豆腐，豬耳，豆芽菜大大碟，入味老汁好香。由細食到大架潮式糕，有點有鹹，小時候在過節時麻麻會弄給我吃，我一口氣可以吃3-4件，但九十多歲身體不好再也沒機會嚐到手勢，今天一於回味下。點了南瓜泥粿$42 4件，同韭菜粿6件$48.  皮是由糯米粉加沾米粉弄成，蒸好qq結實彈牙，內餡是單純的韭菜原汁原味。南瓜是甜的，與糯米粉搓好蒸熟，口感似糯米滋有點黏黏，包了芋泥餡，是日飯後甜品回味細個食的味道，因自己不懂弄，要吃就要出街了，食到想起麻麻，老人家要身體健康長命百歲。

平平和我這個大隻妹最愛喝喝食食，而中菜我們2個也偏吃潮州菜的，因為潮州有一種令人一吃就難以忘懷的感覺，我知道灣仔開了一間潮膳，一間平民化的潮州小館，位置在灣仔，也太容易找到了，在北海中心旁邊，剛好在集成中心隔離呀，我們一下子找到了，叫了一個抵食2人餐!首先來當然是一個鹵水拼盤，最好味就當然是鹵水鵝片，很入味而鵝片啖淡肉，口感一流!兩個小菜選了最喜歡的咸菜豬肚湯，豬肚很爽口，咸菜也很入味，吃出潮菜的味道!凍鳥頭魚很正宗也很新鮮，魚肉很軟，点上醬汁，吃到停不了口!我們加了一個方魚肉碎粥，飯後甜品是綠豆爽，吃出潮州的風味，真的心花怒放!

近年來接觸潮州菜的次數實在多了, 漸漸地對潮州菜的興趣是有增無減,而在香港的潮州菜店子為數不少，是次經朋友介紹這間位於灣仔的潮膳，食物有水準加上街坊價, 看來是吸引的, 這一夜，就來會一會這店子。當然要試滷水鵝片，此品是潮州菜常吃之物，一大碟堆得滿滿的, 鋪面是卥水鵝片，底下是芽菜，鹵水鵝片份量不少, 鵝片肉質軟熟而鹵水味足，芽菜爽口, 也不錯。潮州凍烏頭是原條上檯, 只見烏頭本身肉多也有黃油，肉質嫩滑又沒有泥味，而吃烏頭最好的就是腩邊的一條黃油，油越粗魚越肥肉也越好吃。潮州蠔仔粥是相當大碗，而且蠔仔的份量也相當多，絕無偷工減料，湯底鮮甜，蠔仔也很肥美，蠔仔都新鮮，無任何腥味，粥方面都相當好味。是晚吃得頗滿意, 食物有水準, 價錢經濟實惠,值得一試。

銅鑼灣可以話就算幾夜都好，都會搵到野食，我地9點幾先放工，已經好肚餓，就是但搵一間潮州菜打冷食下，對上一次打冷已經係年幾前，我都好耐未食過喇~入去望落啲裝修幾新淨，好似岩岩開，幾新。我地3個人點左五道菜，樣樣都好特色，有啲仲要係第一次食架添!打冷又點可以唔係鹵水鵝片呢~ 我地叫左一碟鹵水鵝片(例)，我地有係鵝片同鵝件中間作決擇，因為我地想食到啖啖肉，就揀左鵝片，配上鵝片絕配-白醋! 鵝片下面墊上芽菜。 鵝片切得好薄身，食前點一點白醋，入口有陣陣鵝肉同鹵水嘅味道，鹵得好入味。芽菜都有鹵水嘅味道，又爽口，幾好味。打冷必點之一-潮州蠔仔烙，蠔仔份量都唔少，啖啖都會食到蠔仔，蠔仔肉幾飽滿，蛋餅好鬆化，唔會食到痂笠笠嘅感覺，炸得幾香口，送飯一流。涼拌豬頭肉、豬耳，用左淅醋、蒜頭、蔥等材料涼拌。豬頭肉、豬耳好爽口彈牙因為用淅醋涼拌，我地食哂成碟都唔會覺得好滯好膩，而且覺得好開胃，呢度菜製作得幾出色。!五仁豆腐，呢道菜式我就係第一次食，我初衫以為佢係鹹食，但食落先知原來佢嘅味道係甜，上面嘅係花生碎粒，食落會有濃濃嘅花生味豆腐雖然輕輕炸過，但仍然好嫩滑，幾有驚喜嘅一道菜!為左均衡飲食，食左咁多肉，都要

好耐無同朋友去打冷。朋友介紹先知, 原來而家除左大排檔式打冷,仲有呢 d 新式潮洲舖。未入去已經見到一隻隻鹵水鵝排哂係度~鹵水鵝($128)咁就梗係要叫來試下。啖啖肉,厚薄剛好~鹵得都算入味。打冷又點少得凍魚呢凍馬友 $88魚身滑,保留到魚油,有魚香。唔點醬原汁原味都唔錯。點左就有少少提鮮作用。冰梅脆香骨 $68同餸名一樣, 外層脆,入面排骨保留到肉汁,唔乾身。冰梅製 甜甜酸酸好開胃。值得推介。蠔仔烙 $78每間舖頭既蠔烙製法都有唔同。呢間主要係比較軟身,少少煙韌,唔係脆個款。蠔仔份量都有返甘上下既。潮式豆醬雞 $62開頭以為豆醬雞係汁煮或者淋上面。原來係自己點既。雞係類似白切雞但明顯係醃過既。不過切雞來講都算係幾滑。最後叫左兩個甜品 -反沙芋 $78反沙芋係我其中一款鐘意既潮式甜點。好無食其實都好睇芋頭個時當唔當造。芋頭唔算好粉, 糖炒得唔錯。熱辣辣上碟。不過不失啦~~潮州綠豆爽 $25一大碗夠分4小碗。唔太甜,不過如果有埋清心丸就更正喇

今日同屋企人食飯 , 通常同屋企人食飯都係揀中菜。食得多悶悶哋,所以今次就搵啲特別啲嘅中菜 。上網搵到呢間係潮式小菜,都幾特別,所以就約埋同屋企人去試下。門面幾光猛, 入到去都整齊舒服, 服務都幾好。菜色唔算好多, 大概都係上面個菜單到。佢另外有餐叫既。其實呢間舖都幾得意。佢唔係酒樓形式但係如果你要食貴價菜,佢又有潮州翅又有花膠;你要平民嘅佢一樣有潮式嘅魚蛋牛丸粉麵。潮式小菜當然有唔少得鹵水鵝片 $128以上份量係我地夾左幾塊既。 鵝片片都做得幾入味又冇騷味, 算ok啦。另外叫咗個豆醬雞。$62雞做得唔錯,都幾滑。豆醬另外分開點。唔點個醬都已經好夠味。食潮州嘢點少得凍魚呢。呢度除咗凍烏頭之外仲有凍馬友。$88凍馬友 推薦👍做得幾好,魚肉滑, 夠魚味,又唔會太咸。好正。不過略嫌細條左 D~~~好驚喜呢間小店都有做反沙芋 $78 必食 🙌有陣時去到一啲潮州舖頭,佢哋都未必肯整。反沙芋做都好好食。一咬落去個糖皮係脆嘅入面個心係軟嘅, 熱辣辣 非常好食呀!一碟已經有八條。最後我哋再嗌咗個綠豆爽。本身見25蚊一碗覺得幾貴但原來已係一大兜,夠哂四個人食啦~~~總括嚟講 ,呢度有唔同嘅選擇 ,有小

今晚去左灣仔食飯，男朋友想食潮洲菜，行行下見到有間「潮膳」。上網睇到餐廳評語唔差，我地就入去食個晚餐！一人前鮮淮山豬肚湯。湯汁清香豬肚唔會有腥味，豬肚爽口爽嫩，入口滿口滋潤。沙茶牛肉炒菜心。沙茶牛肉醃得極是入味香濃，牛肉香嫩香滑，牛肉無渣！香口牛肉加上菜心，菜心爽甜唔會太老！蠔餅用上香煎造法，唔係一般炸蠔餅。蠔肉大隻無腥味，煎得香口唔油膩！方魚蠔仔粥！粥底綿密香甜，蠔仔香嫩，每口粥都是香口濃郁味道！

約左親戚食飯又係替牌食中菜🤨三個人叫左個2人餐，份量幾多又抵食！240幾元有多個2人份量，可以選一個小食，一個拼盤，兩個主菜，加錢升級要燉湯，仲有糖水。前菜係滷水拼盤,有豆腐、鵝，味道唔錯，仲有d豬腩肉，份量都幾多，兩人餐兩個人食可以打包。前菜選左炸豆腐，味道清清地都唔錯，唔會話好油炸甘。我地加錢要左個黑椒豬肚湯，老人家話驅寒😂都幾重料，好多塊豬肚，味道好重胡椒味。冰梅脆香骨，味道甜甜地，外皮脆，排骨都幾肥美，啖啖肉呀！本來想叫馬友但冇曬，所以選左烏頭，點黃色的汁，我屋企都成日甘食好有家鄉的味道😂老人家話要有飯氣，叫左個潮州蠔仔粥，唔錯唔錯，好抵食！大大碗幾個人分！仲有送湯水個綠豆唔錯，好似好清熱氣甘😂為呢餐畫上完美句號！！舖頭愈夜愈多人，好有住家飯既感覺。

其實平時好小食潮洲菜 但今日帶埋屋企人經過灣仔 佢地最鐘意潮洲菜 所以就入左黎試下 我地3個人叫左個2人set 再另外叫左個湯同粥 食到好飽都係$400頭 好抵！小食四選一，鹵水拼盤，小菜2款同綠豆爽！因為包左鹵水，其他野食我地想健康d，所以就叫左個普寧豆腐！豆腐都切件，熱炸而成。吃時蘸上韭菜鹽水，外酥內嫩，豆香滿溢，嫩滑又不失質感，相當特別同地道。鹵水方面，超新鮮！好入味 點埋個醋！但建議就吾係食咁多 始終吾太健康！小菜叫左話梅骨同鳥頭！夏天食番d酸酸味味既野就岩哂啦！話梅既清香和酸甜的味道全被排骨吸收，肉質酸軟！一定要推介佢既湯-豬肚湯$38碗飲完成個人好舒服！夏天濕氣重，可以驅風去濕補腸胃，加上用腐竹煮成乳白色的湯，既健胃又可養顏啊！蠔仔粥都係必點之選！蠔仔每粒飽滿，湯飯加入香芹、冬菇、冬菜及肉碎等等，提升湯的鮮味。湯味用魚湯，鮮甜及惹味，愈食愈想食！

Came here as they serve Chiu Chow food and there were lots of dishes that I haven't seen before such as the Tooth Fish and this other fish dish cooked in Soy Milk!!Decided to order the meatballs, oyster congee and the spare ribs with vegetables as my friend was not adventurous.I really liked the spare ribs and vegetables because it was healthy and the soup was was good,The meatballs were springy and the broth was similar to the one above.The oyster congee was a little watery but contained quite

前兩日放工去銅鑼灣時代廣場行街， 行完揾好嘢食，往灣仔行經軒尼詩道見到一間叫“潮膳”既潮州菜館就入去食晚餐，餐廳地方寬敞，人算好多，坐得舒服。食潮州菜必食鹵水鵝， 佢哋有不同我嘅部位選擇， 而我就喜歡啖啖肉，所以我哋就點咗一碟例牌鹵水鵝片；例牌嘅份量都唔少，每塊鵝肉厚薄適中，食落好入味，肉質厚實，再加上少少鹵水汁同埋沾醋食 就更加一流，唔會覺得溜，另外用 鹵水豆腐同芽菜做伴碟， 食量日芽菜同埋滷水豆腐好味，佢唔會好似一般滷水店咁有大量牙菜同豆腐霸佔，鵝肉嘅份量，值得一讚。第二樣食潮州菜必點嘅係蠔仔絡， 蠔仔孫大隻，而且量多，基本上蠔餅味道已經足夠唔需要再點附上嘅醬油，如果唔係會覺得過鹹味， 蠔餅煎得香脆，但我會帶一點點蠔腥味。另外點左一個冰梅骨，呢個餸菜出色嘅地方係醬汁，醬汁酸酸甜甜，開胃可口。食得肉多都要食啲蔬菜，我哋選擇咗沙茶牛肉炒芥蘭，牛肉爽滑而芥蘭爽脆 。我哋點咗一個燉湯share食，淮山豬肚湯十分足料，豬肚簡值滿瀉，平時會飲開鹹菜豬肚湯，今次呢個淮山豬肚湯會比較冇咁鹹，而都帶一點胡椒味，適合一啲唔喜歡偏鹹或者鹹菜嘅朋友。最後意猶未盡，嚟多每人一個綠豆爽甜品，雖然已經好飽，但係

又嚟到銅鑼灣呢邊美食啦！ 今餐就決定咗去呢個潮膳進食晚餐， 我都聽講過下呢度嘅係非常之好味嘅， 我呢個為食嘅小食客又點會錯過每一次品嚐美食嘅機會呢。店內環境唔錯 位置寬敞 食得舒適呢度嘅美食都好多， 急不及待等我事先你逐樣逐樣介紹啦！我哋叫咗個潮州蠔仔粥， 蠔仔嘅份量唔好睇小呀，都幾多架 ！差唔多每食一啖都有蠔仔， 鹹鹹的嘢粥飯令到蠔仔嘅鮮味更突出， 如果唔想食得太飽 ，又或者唔太想食飯啦麵啦之類，蠔仔粥係一個唔錯嘅選擇 。👍呢個係潮式豆醬雞， 可以選擇飯或者麵嘅， 但係我就揀咗一個例牌， 即係冇任何飯同面，淨係得雞， 雞嘅份量我覺得ok嘅 ，呢度啲雞唔會蒸得過熟，所以肉質鮮嫩！ 隔離呢就放咗兩碟豆醬， 係鹹鹹哋嘅， 當雞肉點上呢一隻醬，配合一齊食真係非常之好味 ，滋味無窮。另外一個我選擇咗而且真係唔會失望嘅菜呢就係鵝片 ！都係選擇咗個例牌， 鋪砌得好靚， 一層一層咁樣， 已經砌好咗薄薄嘅一片片， 每一片大細都一樣 ，首先點一點佢本身嘅醬汁， 再點一點隔離嘅酸汁， 配合而食， 鵝片肉質鮮嫩肥美，一啲都唔韧， 仲有啖啖嘅鮮味鵝汁擠出嚟， 食完之後就想叫多一碟再食過😉鵝片同埋潮式豆醬雞嘅合

好耐冇食潮州菜，今晚喺灣仔軒尼斯道行街時望到呢間潮州餐廳嘅廚窗掛住啲潮州滷水鵝，所以入去坐低食晚飯，餐廳入面乾淨企理，燈火通明，樓底又夠高，空間感十足，未開始食已經感覺良好。唔駛諗，即刻叫左一碟例牌嘅潮州滷水鵝，鵝片厚薄適中，唔會太咸，裡面有豆腐卜同大豆牙菜，好耐冇食，實在太棒了。仲叫左個鮮淮山豬肚湯，上枱時熱辣辣，份量唔會太多，一個人飲啱啱好。當然唔會忘記好耐無見嘅𧐢仔粥同埋𧐢仔餅，𧐢仔細細粒漲卜卜，入口滑嘟嘟好得意。餐牌見到有冰梅脆香骨，要左一個，原來喺一字骨，好開心，因為我鐘意食充滿鈣質嘅軟骨，呢款菜唔單止每條一字骨都有大大小小嘅軟骨，啲肉仲要喺半肥瘦，加上面頭有一層厚厚嘅透明甜酸醬，所以香脆可口唷。

前幾曰俾我發現灣仔開咗間超正宗嘅潮州野，環境舒適，食物款式好多又正宗，而且服務非常好，真係要俾個like 佢。連平時少食潮州野嘅朋友都話想一食再食。鮮淮山豬肚湯真材實料，豬肚份量很多又好食，絕對係必點。普寧豆腐（3 件）外脆內軟，店員妹妹推薦我地配上潮州辣醬食，非常好食。五仁豆腐試完咸味普寧豆腐，等我介紹下甜甜地嘅五仁豆腐，五仁豆腐好滑，而且豆腐上面鋪滿香口嘅五仁，口感非常豐富，味道非常好。滷水豬耳（例）滷水食物款式非常好，最後點咗滷水豬耳，超好味，非常入味又惹味。反沙芋呢款係必點嘅潮式甜點，賣相非常靚，外層係香脆糖粉，內里係軟棉嘅芋頭。綠豆爽第一次食綠豆爽，非常有驚喜，味道吾太甜，很清潤。下次要試理佢滷水鵝同韮菜粿先。