濠客蒸氣海鮮 (已結業)

朋友邀請我入去元朗食蒸氣海鮮火鍋，話海鮮夠新鮮，又唔算貴，所以今日收工特登入左去。呢到又幾個唔同set，由298/位起跳，價錢都可接受。座位寬闊，都坐得幾舒服。入座後，店員會幫我地開始蒸碗筷消毒，感覺幾安全同放心。我地既黃金套餐已經超豐富，仲有個粥底，望到都覺得正！一人有半邊龍蝦，一隻奄仔蟹，仲有其他貝類，勁吸引。龍蝦都幾大隻，肉彈牙，好新鮮同鮮甜，啖啖肉！奄仔蟹我地兩隻一齊share食，其中一隻勁多蟹膏，勁香勁好食！另一隻就比較水，肉質比較滑，各有各好食！帶子，蝦，貴妃蚌同新鮮青口正常發揮～鮑魚大大隻，一啲都唔慳皮，清蒸就最食得出佢既鮮甜，而且又係十分新鮮彈牙！跟餐仲有一份雜菜，我地都真係第一次食蒸既菜，南瓜咁樣食原來都好甜同好淋～最後就係一路係個底熬緊既粥底，有面本身有啲瑤柱，南瓜，店員仲拎左啲莞茜，菜甫同蔥比我地加落粥到食。呢種粥比較類似潮洲粥，唔係完全綿滑，而係食到粒粒好軟既飯粒既粥，簡單得黎帶有海鮮既鮮味同南瓜既甜味！

今晚好想食蒸氣海鮮粥底火鍋 入左元朗搵到間正野我地兩個人嗌左個$298 黃金套餐睇到乜都有 即刻好想快啲食不得不讚 而家雖然有疫情但呢間舖頭令我覺得好放心係開始食之前 佢將我地啲餐具同用具都放落煲度蒸3分鐘 成件事都覺得乾淨晒澳洲龍蝦 (半隻)隻龍蝦都幾大隻 仲有膏全程老闆娘親自幫我地蒸 我地淨係等食開蓋熟晒 用叉仔一拮就食得勁鮮甜好食👍🏽👍🏽👍🏽肉質好彈 絕對唔梅美味鮑魚(1隻) 北海道元貝 (1隻) 海蝦(2隻)食完龍蝦 佢幫你再蒸 又係坐係度等就ok啲鮑魚好林 蝦好大隻好多蝦膏 元貝都好大粒南海貴妃蚌 (1隻) 象拔仔 (1隻) 澳洲青口(1隻)第一次食新鮮青口 超甜超好食啲蚌同象拔仔都不錯當季奄仔蟹 (1隻)個蟹真係要俾十個讚 勁多膏又啖啖肉好新鮮好鮮甜 我同朋友兩個食到停唔到口個粥底本身有南瓜同瑤柱 臨尾再加埋菜甫 蔥同芫茜 好好味老闆娘好好人 親自幫我地蒸海鮮 又好好傾平日仲唔駛加一 絕對值得一試👍🏽

最近試左依個性價比好高既蒸氣海鮮鍋💨💰鑽石套餐💎 ($398)特別一讚員工服務勁細心✨全程幫我地計時蒸海鮮😼😼而且一開頭會將餐具放係蒸鍋內高溫殺菌 夠曬衛生👍🏻🐽 鑽石套餐超豐富💍用料勁新鮮 依個價錢絕對值!🤩🤩有頂角膏蟹 澳洲龍蝦 象拔蚌 鮑魚 元貝 海蝦等等🥰蟹係今餐既mvp🦀🥳非常多蟹膏! 蟹味勁香濃 超鮮甜🤤🤤龍蝦肉質彈牙🦞每隻腳都有肉食🤪🤪🤪超棒😻象拔蚌爽口嫩滑😋😋鮑魚厚實飽滿 好好食😙🐽 蔬菜拼盤🥬有娃娃菜 栗米等等🌽蒸完之後有海鮮既鮮甜味 正!😻😻🐽 南瓜瑤柱菜莆粥之前煮海解既精華會滴曬落個粥底💧成個粥充滿住鮮甜味😼而且有埋南瓜同菜莆粒粒🎃口感勁豐富🤪🤪

黃金海鮮套餐，包括有當季奄仔蟹、澳洲龍蝦、美味鮑魚、北海道元貝、南海貴妃蚌、象拔仔、海蝦、澳洲青口、新鮮蔬菜籃、瑤柱粥底；當季奄仔蟹，好生猛，蟹膏份量多，味道咸香，蟹肉厚身，味道鮮甜；澳洲龍蝦口感厚肉、爽彈；美味鮑魚口感爽口，肉質肥美；北海道元貝味道清甜；南海貴妃蚌、象拔仔口感肥厚，鮮味十足；海蝦口感彈牙；澳洲青口口感薄肉，味道甜鮮；新鮮蔬菜籃有多款蔬菌，包括有南瓜、冬瓜、杏鮑菇、娃娃菜、粟米；瑤柱粥底，粥品口感軟綿，加入左大量瑤柱、菜脯、香蔥、芫荽、粟米，口感豐富，粥底充滿海鮮味道。醬料，包括有蒜蓉、辣椒、香蔥、豉油、胡椒粉、細鹽。

最近去咗濠客蒸氣海鮮 食蒸海鮮🤩.鑽石套餐💎有菲律賓頂角膏蟹半隻🦀澳洲龍蝦半隻🦞美味鮑魚一隻、北海道元貝一隻、台灣蟶子一隻、深海龍躉片一片🐟海蝦兩隻🦐仲有雙拼蟹棗丸、墨汁墨魚丸、南非貴妃蚌一隻🐚新鮮蔬菜籃🥙瑤柱粥底🥣龍蝦彈牙鮮甜👍🏻蟹肉結實新鮮，蟹膏非常甘香😋海鮮用清蒸嘅方式烹飪，原汁原味💦但蟶子、貴妃蚌我就鍾意沾辣椒蒜蓉豉油🌶🧄質感爽口又惹味🤤食完所有海鮮之後😌就開始食粥，瑤柱粥底吸收晒海鮮嘅精華😍可以自行揀落葱花、芫荽、菜甫🤗另外重口味嘅話可以落鹽同胡椒粉調味🧂已經足夠

之前曾經睇過呢一間餐廳嘅一啲評價，發現有人曾經給予負評，起初我都有一點懷疑，但食過後就真係發現餐廳嘅服務同材料，根本一啲都唔差，而且仲好好。所以特登寫一篇食評。我大約6:00去到呢間餐廳，六點嘅時間，其實好多人都未收工，我叫咗一個海鮮套餐， $298 ，有海鮮拼盤、粟米粥，同埋飲品。老闆娘親自去招呼，先拎出工具出來，放在蒸鍋內殺菌，非常衛生，亦都非常乾淨。之後就端上海鮮拼盤，海鮮拼盤有鮑魚、花甲、青口、蜆、龍蝦、蟹、蝦，等等。全部都係老闆娘每一日朝頭早新鮮從街市買回來的。所以我食落嘅時候，亦都覺得好新鮮。其中一個特別令我深刻嘅地方，就係食龍蝦嘅時候，龍蝦肉同學好容易就分拆開，而且肉一啲都唔梅，非常爽口，只有新鮮龍蝦先做到呢一種嘅口感。之後就係佢嘅鮑魚，鮑魚非常鮮甜，而且肉質彈口，好好食。佢啲蟹肉亦都非常鮮。花甲亦都非常甜。當食完海鮮之後，成個蔬菜拼盤，海鮮味同埋蔬菜嘅清新味合併埋一齊，完全提升左蔬菜嘅味道。最後所有海鮮嘅精華會完全落晒去下面嘅粥底度，所以呢一個粥底非常有海鮮味，老闆娘特登加埋粟米落去，份外清甜。

大部分海鮮都洗得唔乾淨，到上蝦，係完全係「梅」既！同番佢地職員講，佢例牌答「下，係咩？」態度差，野食又差！呢個價錢完全唔抵，難食到，我係到一半要打呢個留言！一次都唔值得黎食！

今日入左元朗探朋友，好友一早就BOOK左濠客蒸氣海鮮，佢大力推薦話勁高質！終於有機會試到～有黃金套餐同鑽石套餐揀，睇過D食物應該黃金套餐都已經夠食，最後揀左黃金套餐，平日仲唔洗加一!黃金套餐包當季奄仔蟹、澳洲龍蝦、鮑魚、北海道元貝、南海貴妃蚌、象拔仔、海蝦、澳洲青口、新鮮蔬菜籃、瑤柱粥底同每人一罐汽水，勁豐富啊!!店員會將所有餐具用熱水消毒，好細心。海鮮拼盤一上枱勁吸晴，樣樣都好新鮮，睇見都流哂口水!澳洲龍蝦爽脆鮮甜食落有口感，鮑魚豐厚飽滿、北海道元貝鮮香肉厚、南海貴妃蚌鮮甜爽、象拔仔彈牙嫩滑、海蝦結實、澳洲青口肥美肉厚，樣樣都好正，新鮮真係無得頂!之後再蒸蔬菜，特別清甜～最後亦係我最期待既瑤柱粥底，蒸海鮮既水份全部滴哂落粥底，每啖粥都勁鮮甜，加入南瓜，口感層次豐富!估唔到咁有驚喜，下次試埋鑽石套餐先!

好一段時間冇入元朗食嘢，地膽朋友帶咗我去呢間超抵食嘅海鮮餐廳，主打蒸氣海鮮套餐。餐廳有幾款海鮮套餐，我哋揀咗$298嘅黃金套餐，海鮮拼盤好豐富，非常吸引。侍應消毒餐具之後先為我哋加入粥底，有瑤柱絲同南瓜粒。澳洲龍蝦尺寸唔細，肉質結實彈牙，仲有鮮黃色嘅蝦膏，好鮮甜。帶子尺寸亦唔細，鮮甜美味。鮑魚更加係大大隻，肉厚彈牙，而且清潔得非常乾淨。蚌類同元貝味道鮮甜，貴妃蚌更加係非常爽口。海蝦唔算好大隻，但勝在鮮味十足。象拔蚌超巨型，而且好新鮮，肉質爽口彈牙，一啖放哂入口非常滿足。重頭戲當然係奄仔蟹，每人一隻，大大隻仲要有膏，肉質亦好實淨。完成種類豐富嘅海鮮之後，當然要食返啲蔬菜，蔬菜份量剛剛好，而且都幾新鮮。最後當然唔少得食埋吸收哂精華嘅粥底，鮮甜得嚟唔會太鹹，味道啱啱好。今餐食得非常滿足，侍應服務一百分，食物蒸得啱啱好，換碟亦換得好頻密，重點係平日唔需要加一，三百蚊有找就食到咁豐富嘅海鮮大餐，性價比好高，又一次證明要食得豪唔一定要消費高！

去開元朗探朋友, 順便去附近食晚餐, 揀咗呢間喺好順景地下ge蒸氣海鮮, 出名平靚正!我哋揀咗最平ge海鮮套餐, $298一個人, 平日仲唔洗加一, 實在係超值😉海鮮內容豐富, 除咗基本嘅鮑魚, 帶子, 貴妃蚌, 同海蝦之類, 仲有澳洲龍蝦同奄仔蟹! 龍蝦同蟹仲有膏! 而且都唔細隻! 真係好抵食❤️全部海鮮都非常新鮮, 而且洗得乾淨, 令人非常放心👌🏻另外必須一讚ge係粥底都非常好味, 好少粥底會專登加入瑤柱, 非常之鮮甜👍🏻

諗吓元朗有乜食！今日突然想食海鮮！！行過見到有間蒸氣海鮮店！濠客蒸氣海鮮！ 店員好細心咁準備整齊嘅餐具俾我哋仲放入鍋裏便消毒！全部熱辣辣咁樣俾我哋！保證乾淨！之後海鮮盤嚟啦！哇！全部都係我最鍾意食嘅款式！新鮮嘅澳洲龍蝦！！😱🦞🦞🦞絕對唔會好似一般用波士頓龍蝦！呢個真係數一數二嘅靚龍蝦！餐廳仲清蒸！因為一定係好新鮮餐廳先會清蒸！因為識食一定知龍與鳳！真心爽肉彈牙！極力推介！另外仲有大大隻靚蟹！好多蟹膏！清甜美味！仲好多肉添！仲有新鮮大青口！北海道元貝，象拔仔，鮑魚，海蝦， 全部都食得出好新鮮！真係冇去錯呀🥰食完海鮮佢仲會有一碟蔬菜俾你蒸嚟食！最後就係個瑤柱粥底！其實佢已經預先放咗係煲底！上面蒸海鮮嘅水份滴落下便！令到足底更鮮甜！呢個瑤柱粥底！每一啖都食到瑤柱！勁鮮甜！另外仲要講講，店員非常親切有禮！呢個值得一讚！仲會同客人有講有笑！呢啲服務態度令到每一位食客都感到開心！讚吖👍🏻😮❣️今次呢個套餐非常之抵食！全新先靚海鮮仲有埋飲品！埋尾仲有個靚粥！下次一定會再帶埋屋企人或者朋友嚟食！推介比每一位！👏🏻👏🏻👍🏻屯門靚海鮮餐

同大家介紹吓一間只需要平民既價錢就可以食到高質素嘅蒸氣海鮮鍋🥳話說今日同個同事放工路過呢間位於元朗雞地嘅濠客蒸氣海鮮🦞為食既我地諗都唔使諗就走咗入去啦，介紹吓我哋今日食咗啲咩先❤️我哋就叫咗兩個黃金套餐，可能因為我哋兩個都係女仔，仲未去到尾段嘅時候就已經好飽好飽，所以就算係男仔都唔需要擔心，呢個套餐一定夠飽，而且真係勁抵，啲海鮮你完全係食得出佢係好新鮮嘅，非常鮮甜👍🏻而我最期待嘅粥底一樣冇令我失望，勁鮮甜，而且仲有我最愛嘅南瓜，真係好正，個粥多到我哋食唔晒，但咁正嘅粥我地又點捨得浪費，同事話一定要帶返去俾佢男朋友試吓，所以最後都打包左一大碗走🤭🤭黃金套餐包括左有奄仔蟹，澳洲龍蝦，鮑魚，北海道元貝，南海貴妃蚌，象拔仔，海蝦，澳洲青口，新鮮蔬菜，瑤柱粥底，同飲品❤️全部我都勁鍾意，非常滿意，而且唔需要驚唔識整，因為餐廳會幫我哋整埋，我哋只需要食就得啦，勁正😍😍老闆娘好好人，勁啱傾，因為啲海鮮好鮮甜，所以我地就問老闆娘點解嘅，老闆娘話因為呢度嘅海鮮佢全部都係揀當造最肥美嘅，一間餐廳有用心經營其實食客係會feel到嘅💪🏻另外有樣嘢一定要讚，一坐低佢第一時間就幫我地將餐具消毒先，呢樣野都幾深刻，因為

今日係母親節，一早係OpenRice book 咗7點半 4位。當去到時候，已經覺得心知不妙，好多人係門外等位🧐但當我同負責人確認嘅時候，佢已經唔係好得閒理你啦，因為真係full house又忙住幫人蒸嘢食。到佢得閒嘅時候，問佢我哋book咗位，係OpenRice book嘅，佢無確認我個booking，只係話要等等，再問多句：「咁我book咗枱，要等幾耐/幾張枱呢？」佢一臉煩厭同語氣帶點差咁回覆：「唔知架！你睇下呢度都坐咗幾個（指住隔離坐喺門口等緊位嘅人）！你可以選擇唔等！！！真係爆棚搞唔掂」之後又衝咗入去。於是我同家人立即離開搵第二間去慶祝母親節。呢啲服務態度真係差！咩叫你可以選擇唔等！其實佢可以係cut booing，唔接walk in，又或者將walk in 減少！無咁大個頭，就唔好戴咁大頂帽。無咁多位，就唔好接咁多booking。今晚等位嘅人應該都等到燥，事關今晚又熱，加上佢又成日開住到門，冷氣走晒加上又多蒸氣，食都食得唔舒服，今晚如果等到都慘。呢篇係我第一篇嘅OpenRice 食評。今晚好彩家人唔介意，塞翁失馬焉知非福，最後去咗間黃店幫襯。

服務0 分，之前打電話去book位，佢話我好彩book到最後一張枱，口頭對完資料，又whatsapp對多一次時間，仲打多次黎。跟住第2日去到，去到先黎話我知無位😂叫我最快等多一粒鐘。跟住話佢無打電話黎同我confirm, 😂咁你個book位要黎做乜，不如話你無得book啦。有圖為證。

老闆娘好nice 又熱心，食物質素好好，呢個價錢來講一d都唔貴 d野大件又新鮮，多到食唔曬，反而希望佢出d細份d既餐，唔好浪費老闆娘話疫情期間生日有影響，會多d幫襯，支持小店！