濠客蒸氣海鮮 (已結業)

今日去左同媽媽慶祝生日,帶左佢去濠客食蒸氣火鍋,我地兩個都勁中意食海鮮,一入到去鋪頭細細間,但都坐得舒服既,同埋都幾爆個場,呢到有好多個餐選擇的,而我地就點左兩位$288的套餐。首先店員幫我地放左啲米、南瓜、瑤柱係底,係用黎整個粥的,根住就開始蒸龍蝦了,龍蝦都算大隻,重點係超級多膏啊,肉質都好彈牙,鲜甜!!貝類都好鮮甜,口感都十足,然後就係北海道元貝+海蝦,海蝦非常彈牙,之後鮑魚都好彈牙,本身都驚會太硬咬吾開,但完全冇呢個問題,重點一定係個奄仔蟹,真係好多膏好甜,正!!最後食埋蔬菜同粥就真係完滿了!

元朗嘅食肆真係多都一個點，要係元朗立足真係要好有特色或要花啲心思先得，我今日仲要係雞地覓食，朋友話想食蒸氣火鍋，上網睇見到濠客蒸氣火鍋食評唔錯，所以試試。裝修光猛，坐得舒服。枱面夠大，擺放方便，套餐有198，288，388揀，我地揀左288黃金套餐。澳洲龍蝦半隻，夠大隻，有蝦膏。奄仔蟹1隻，多膏，蟹肉鮮味。鮑魚1隻，又大又新鮮。北海道元貝，新鮮美味。貴妃妦，象拔仔，青口，海蝦，全部超鮮味，因為新鮮所以好味。最後有蔬菜藍，同埋南瓜瑤柱粥底，粥底值得一讚係配啲冬菜夠爽脆又夠味，配合瑤柱鮮甜煙韌，口感層次豐富。呢間店同出面唔同係，佢每道海鮮唔需要揀做法，全部都係清蒸，大概係只有對自己食品有信心夠新鮮才會如此，果然真係全部都好新鮮又夠大件，抵食，小店值得推介。

今日天氣好好約左朋友去元朗行山，行完就梗係搵啲好嘢食下啦，之前聽朋友講過有間蒸氣海鮮好好食，今日一於去試吓先！ 因為早到嘅關係所以唔使等位超正，咁即刻問吓老闆娘有咩正嘢啦今日，佢就介紹咗個黃金套餐俾我哋，咁就一於聽佢話試吓呢個啦！ 海鮮嚟到之後一睇份量好足好大隻，全部都好新鮮，一睇就知老闆娘冇介紹錯每一樣海鮮姐姐都會幫我地手整好晒搞啱晒時間嚟食，抵讚 龍蝦仔好大隻，啲肉好嫰好滑完全唔鞋，啲膏仲多到爆曬出嚟 象拔蚌仔超級好食，啲肉質又滑又嫰，完全食到啲鮮味 跟住到北海道元貝，鮑魚仔同埋海蝦，真係高潮一浪接一浪，真係每一樣都咁好食，全部都好新鮮好甜，完全冇令我失望！ 跟住就到我最鍾意食嘅蟹，淨係睇相都見到佢幾多膏啦，肉質先到不得了，不過就略嫌細隻左唔夠喉 最後食埋啲蔬菜就食個粥底，本身個粥底加咗瑤柱同埋南瓜落去煲，加埋啲海鮮汁真係冇得頂，又綿又香又鮮，本身好爆都忍唔住食晒啲粥！ 今次朋友真係冇介紹錯，下次黎開元朗一定再嚟開餐！

今日同個女食飯，去左元朗既濠客，雖然細細地不過地方都幾寬敞舒服，咁我地一坐底員工就過左黎比餐牌我地，我地就點左個288蚊既套餐，一開始我地就蒸龍蝦先，店員好熱心咁幫我地蒸，龍蝦鮮甜多膏，蒸既時間岩岩好，之後就食左帆立貝都好好食啲貝類，鮑魚超爽甜，奄仔蟹好好味，多膏新鮮！！跟住蔬菜藍，但食完之後已經有啲飽飽地，最尾就後窩心有個南瓜瑤柱粥，因為啲海鮮既精華都係晒個粥入邊，但真係超飽，超滿足！以288呢個價錢黎講真係非常超值，仲要好多野食！下次都會再黎幫襯！

今日去元朗老友屋企玩，離開元朗前食埋晚飯先，原本想食嗰間已經不在，老友知我哋鍾意試新嘢，推薦呢間鳳攸南街嘅蒸海鮮。店舖內籠唔算好大，勝在乾淨企理坐位幾闊落，枱面放咗樽檸檬水，仲有齊食海鮮嘅工具。我哋叫咗$288一位，有8款海鮮嘅套餐，套餐仲包瑤柱粥底同汽水。落完單，店員就送上調味架，按自己喜好去選擇調味，仲有一碟拍青瓜，可以醒醒胃。店員首先拿來粥底材料，倒入蒸氣鍋內，有瑤柱、南瓜粒、白米。然後，海鮮來了，每人有奄仔蟹1隻、澳洲龍蝦半隻、鮑魚1隻、北海道元貝1隻、南海貴妃蚌1隻、大蜆1隻、象拔蚌仔1隻、海蝦2隻。店員幫我哋放埋落蒸鍋，夠鐘就過來熄火，好服務。龍蝦要蒸9分鐘，蒸嘅時間啱啱好，每人有半隻，肉質彈牙美味。跟住到我嘅至愛出場，每人有一隻奄仔蟹。奄仔蟹都幾大隻，蟹膏爆到瀉，蟹膏香軟滑溜，回味無窮！蟹肉肉質結實鮮美。跟住將蒸煮時間相約嘅一齊放，鮑魚鮮甜彈牙又唔韌，正呀！😋北海道元貝同海蝦又鮮又爽，好食😁跟住就係貴妃蚌、大蜆同象拔蚌仔，三樣都鮮甜味美，正呀😋食完海鮮，輪到蔬菜嘞，香甜嘅南瓜同清甜嘅粟米好好食，腍甜嘅娃娃菜亦都唔錯呀。最後，就到精華匯聚嘅南瓜粥，南瓜粥口感綿綿，好鮮甜，食

蒸海鮮+粥底 就吾係第一次食啦。不過次次都係約一大班人去酒樓, 不過香港人生活咁忙要一大班人真係吾容易。今日同先生見有點秋意, 想食反碗好甜的海鮮粥食，所以即刻上網搵，見lee間係一人一個海鮮set咁叫, 咁啱我哋兩口子或者三五知己黎食反餐。今次我哋叫左兩個黃金套餐, 所有海鮮都好新鮮, 仲有尊業的姐姐控制烹調時間, 令所有海鮮都恰到好處😂 不會over cooked haha 重點係每人有一隻當季奄仔蟹, 超多膏, 好肥美又鮮甜. 最後到個粥底，店主加入瑤柱南瓜, 令成碗粥有勁鮮甜, 我倆清左煱底，好滿足, 份量恰到好處。冬天可以食多次。

早前帶婆婆到元朗吃過蒸海鮮，老人家對此念念不忘，不時提起，於是便預訂了元朗的濠客，準備帶她去吃個痛快。 果然，她看到門面已經十分雀躍，好奇今晚會吃到哪些海鮮。 我們的胃納均不是很大，所以選了每位$288的黄金套餐，每人有奄仔蟹1隻、澳洲龍蝦半隻、鮑魚1隻、北海道元貝1隻、南海貴妃蚌1隻、象拔仔1隻、海蝦2隻、澳洲青口、蔬菜籃、瑶柱粥底、汽水一罐。婆婆看到海鮮盤送來時，雀躍地教導我如何辨識海鮮怎樣才算肥美，是否新鮮等...由於澳洲青口缺貨，以大蜆頂上。 瑶柱粥底有兩款：粟米和南瓜，選了南瓜。 我們不喝汽水，所以也沒點選。店員幫忙把相同蒸煮時間的海鮮放進鍋裡，蒸好後，會過來幫忙打開鍋蓋，服務不錯。龍蝦新鮮又厚肉，店員調較的蒸煮時間掌握得剛好，肉質爽口彈牙不會老，鮮甜啖啖肉，不醮醬汁已經好好味！當我們在吃第一輪食物時，店員又開始蒸第二輪海鮮了。海蝦肉質爽彈，味道鮮甜。鮑魚軟腍有咬口，鮮味濃郁！元貝大大粒，廚師細心把貝柱切開，加上蒸煮時間剛剛好，肉質爽甜，好味！奄仔十分肥美，蟹膏非常澎湃，甘香軟滑，入口柔軟細膩，肉質結實又鮮味，好好味啊！第三輪海鮮又出爐了！貴妃蚌、大蜆和象拔蚌仔都好鮮甜，讚！

濠客就喺元朗站不遠處, 大約10分鐘就到, 之前有元朗朋友推介, 話食過番尋味, 呢日收工就去元朗食蒸海鮮。喺餐廳門口已經睇到有咩蒸海鮮套餐可以揀, 主要係分三款既套餐, 我地就揀咗中間價錢黃金套餐$288/位。首先店員會先倒米瑤柱南瓜落蒸鍋, 自己就調豉油, 加蔥加蒜蓉係我最愛, 特別提提個豉油好好味💕好快店員就拎咗一人一大盤海鮮, 店員亦會幫助蒸海鮮較鬧鐘, 響鐘就食得, 完全唔駛自己搞好方便。我地揀既餐係一人一隻奄仔蟹, 好大一隻, 而且都有爆膏, 肉質勁鮮甜, 唔駛點豉油都好好味。龍蝦每人半隻, 都幾大隻, 夠新鮮, 一叉就離殼, 啖啖肉, 仲有膏添~貝殼類有鮑魚, 元貝, 貴妃蚌, 象拔仔都好新鮮甜, 由其橙色既扇貝好特別, 我都係第一次。食完海鮮類, 就係蔬菜類, 有粟米, 娃娃菜, 冬瓜同秋葵, 粟米好清甜無渣, 娃娃菜同冬瓜蒸淋咗點豉油好正, 重點佢個豉油好味, 秋葵我就俾咗男人食😂最後當然係吸收哂海鮮精華既粥啦～超好味, 鮮味十足, 店員最尾加埋蔥粒同菜餔都有加分, 食到飽一飽💕

昨天往元朗探友後便往食晚飯，友帶我吃海鲜蒸氣。海鮮一定要鮮！不鮮不吃，已成為定律！這兒的海鮮，鮮到一個點，令人怎能不回頭！濠客海鲜蒸氣龍蝦鲜劏又有羔，一吃便知鲜，奄仔蟹大隻又爆羔，蝦、鮑魚、扇貝……樣樣都好鲜及鲜甜，及後再來菜盤……而也再吃精華南瓜粥，又飽又叫好，真開心又滿足！👍👍😍😍海鲜由外地進口很新鮮及精選，正，蒸氣蒸每一樣時間剛好，價錢合理，服務很週到，很稱心滿意的好食店，會约友再來此相聚暢談，及享受一晚舒適的美味海鲜餐！

><朋友好耐無喺元朗食飯約埋食蒸汽海鮮聚下舊兩個人一齊食黃金套餐($288/位)食到好飽 都幾多款海鮮同埋奄仔蟹有成隻開始落咗南瓜粥底煲等最後食最先食咗奄仔蟹同龍蝦 兩樣都好好味蟹又多膏又鮮甜 有晒鉗好易剝嚟食龍蝦同樣好食 肉質結實 食落好爽口之後有青口 象拔蚌同北寄貝全部都好大隻 最鍾意青口 入口夠晒肥美鮮甜食埋蝦 鮑魚同元貝已經feel到飽再蒸埋d蔬菜食好健康最後最後 個南瓜粥煲好晒之前d海鮮精華流晒落去 成碗粥都好有海鮮味為咗唔嘥野 成煲食晒 成餐好滿足><><><><><><><><><濠客蒸氣海鮮元朗鳯攸南街3號好順景大廈地下13號舖

邊個話夏天唔可以食蒸氣鍋😂😂當然要涼住冷氣，同朋友圍埋一齊食個豪華海鮮蒸鍋啦！入正題，第一次嚟，店鋪唔算大，但坐位都闊落，三五知己剛剛好坐一張枱，叫咗個4人餐龍蝦好實肉，又爽又甜，夠曬肥美，而且仲爆膏！正啊相比下，蟹就差少少，唔算肥，不過都好鮮味，海鮮真係原味蒸熟最正元貝同象拔蚌仔，蒸3分鐘剛剛好，鮮甜無比，一d都唔韌！推介！聖子王好大隻啊！而且仲有龍躉肉，青口，鮑魚仔，蝦，虫草雞，開頭睇d分量以為會唔夠食，點知到最後，我地都飽到捧住個肚走啊！

今晚長途跋涉入元朗和老友們食dinner, 佢地知我鍾意食海鮮，尤其係蟹，所以帶我來濠客。Menu的選擇有特惠套餐$198, 黃金套餐$288, 鑽石套餐$388, 還有2人$888和4人套餐$1680今晚我們4人選了黄金套餐(每位$288), 包奄仔蟹1隻，澳洲龍蝦半隻，鮑魚1隻，北海道元貝1隻，南海貴妃蚌1隻，象拔仔1隻，海蝦2隻，帶子1隻和蟶子1隻，蔬菜籃，瑶柱粥底和每人一罐汽水未蒸海鮮前，店員首先把南瓜，瑶柱，菜甫和米置於蒸鍋鍋底，當所有海鮮蒸完後，新鮮味美的瑶柱南瓜粥就可以出爐首先蒸我最喜愛的奄仔蟹，店子用了菲律賓奄仔，真係又大隻大肥美！一人一隻蟹唔使同人share超開心！奄仔蟹蟹膏甘香軟滑，入口柔軟細腻，滿口膏香！肉質鮮甜細嫩，好好味呀！簡直齒頰留香！澳洲龍蝦肉質細嫩爽脆，味道鮮美香甜，雖然每人只有半隻，但真係啖啖肉，非常美味！海蝦肉質爽甜彈牙，帶海水的鹹鮮味，正呀！鮑魚肉質飽滿 ，柔軟富彈性，鮑味濃郁！北海道元貝嫩滑爽甜，圓大飽滿，鮮味濃郁！南海貴妃蚌和象拔仔都鮮甜爽口，正帶子肉質彈牙鮮甜，蟶子雖然不算大但還算嫩滑蔬菜籃有粟米，秋葵，娃娃菜和紅蘿白，新鮮清甜，非常健康！最

—今次試咗黃金套餐($288/位)整咗自己蘸嘅醬料先放入南瓜 瑤柱同米粒喺鍋底之後成盤海鮮捧上枱 逐一蒸熟底下有個櫃仔可以擺嘢奄仔蟹一隻 見到d膏同汁係咁流入粥裏面龍蝦半隻 爽口彈牙青口/貴妃蚌/象拔仔鹹鮮味十足 豉油都唔洗落元貝/鮑魚/蝦×2輕輕用叉一拮已經可以拎到出嚟食埋蔬菜到最後冇南瓜瑤柱粥 加埋菜脯攪勻每人分到幾碗嚟食 全程都有店員幫忙————————————————————濠客蒸氣海鮮元朗鳯攸南街3號好順景大廈地下13號舖

今日入元朗食好西～㨂咗一家新開的蒸海鮮食店，正是我杯茶～價錢合理，雖然店面不大，但服務殷勤～卡位皮椅也坐得舒服～而且仲有個貼心的層架放食物～除海鮮外，仲有一般火鍋配料，仲有較低價嘅套餐添~套餐由＄198～$388不等，我揀咗個中價價位的海鮮套餐～材料有蝦、奄仔蟹丶澳洲龍蝦丶鮑魚丶北海道元貝丶澳洲青口丶南海貴妃蚌，新鮮蔬菜，配埋個乾瑤柱南瓜粥底。首先會放咗粥底材料在鍋底，在將蒸架蓋於面～咁就可將海鮮精華盡收於底～第一位上場的是奄仔蟹，蒸六分鐘已經食得～不但蟹膏多而且肉質鮮甜，食一隻確係已猶未盡。再來澳洲龍蝦，龍蝦半隻，也是鮮甜爽口～肉質實厚Q彈，因為夠新鮮，脫殼倒是容易致極一口咬下，幸福感滿分～之後就係貝殼類粉墨登場，青口丶貴妃蚌同帶子～還是只能用鮮甜來形容，清潔乾淨且沒有比本來有微微海水咸香味道，不用點醬汁已經好好食。最後上埋海蝦同鮑魚，海蝦夠大隻，鮑魚夠爽口又厚肉，還是甜味無比是也食完主角，先蒸D蔬菜清清喉嚨～再食埋個精華粥，飲埋可樂，就飽足嚐餐。溫馨提示下，套餐係其間限定，星期一至五供應，仲免收加一，份量足，值得一食再食～