瀛素食 (已結業)

今晚可是專程來試下新派的素食，而且亦預早了兩天訂台，從不同的食評看到的評價，我是對這間餐廳有一定的期待，不過食物似乎沒有想像中的好。留了台七點半，但我們兩個人都早了離開公司，所以大約六點九左右就去到餐廳，餐廳位置都幾當眼，就是在廟街玉器市場隔離。餐廳很細，我們安排的二人台亦很逼，如果想舒適食一餐這裡不是理想地點。下單要自己手寫菜式No.，兩個人點了四款就足夠了。第一客就是三色刺身，有三文魚、吞拿魚和鮑片。外表做得幾似，但刺身其實是魚蛋做的，食入口的味道亦當然不同，口感亦有分別，如果要評，吞拿魚的味道比較似。就本人而言，這款刺身可試可不試。第二味就是避風塘一口茄子，幾大碟，兩個人食的話份量略多，比較欣賞的是茄子是即炸的，所以食入口非常香脆，可惜調味粉落得實在太少，一碟數十件只有三、四塊有調味，令茄子大部分都不惹味。食了兩味失望的菜式，終於都可以試下較為出色的。接著來的是軟殼蟹壽司，用紫菜炸成軟殼蟹，口感做得很似，連壽司上的沙律醬一齊食，味道確實很好，值得一讚。最後一款亦正，美味不在於飯和黑松露，而是吉烈豬扒。豬扒不論是外表、口感、味道都做得很似，而且比起真豬肉沒有那麼靭，這與軟殼蟹壽司不

而家素食已經成了潮流。唔似傳統素食。又健康又新潮。是晚去食新派素食。叫咗出名的soft crab壽司@56hkd。好脆加埋D好似千島醬好食。。冬蔭功豆腐海鮮煲@64hkd冬蔭公味唔太正宗但送飯唔錯京羊肉串燒@32hkd.。個沙嗲汁好正。。加埋D即炸的菇好香口。。.胡椒咸菜雲吞煲@84hkd.個湯好好飲但D雲吞皮太厚。好淋。。牛油果海鮮抄飯@?hkd。。好香好乾身但食唔到牛油果全部有驚喜...愛上了食素。今餐有人陪我特別好食。。多謝

一向也喜歡素食，健康又好吃，但身邊很多朋友也不是很有興趣，如果是特別的他們也會陪我；今次特意找了瀛素食，是一間有創意的素食店。見到推介：軟殼蟹卷，好好味喔，我是會為了這個再回去吃的，囗感真的像真的軟殼蟹卷。日式芥末海鮮比薩，味道豐富，顏色吸引，有波蘿、菇、蕃茄及其他（吃不出），略嫌芥末不夠。牛油果醬焗多士：有點乾，沒有太大特色，日式比薩比這個好吃多（如果點了比薩可不用點多士，如果點了多士可不用點比薩）雜菜粉絲煲：說真的比較沒有什麼特別，只是想吃濕的及菜（因為已點了幾款較乾的食物），如果粉絲可以多一點更好。

(Photo from Openrice.com)新年第二篇文章，同大家介紹一下素菜唷 之前閃閃同靈修既同學仔去油麻地尋寶尋完寶就諗住係附近食野，咁因為同學仔係食素既多所以就提議食素其實閃閃都幾抗拒食素食，所以對上一次閃閃推介互動瑜伽素食私房菜都可算係一件好新奇既事，都因為真係好味道，所以閃閃先會推介唷 但點解閃閃唔鐘意食素菜呢其實唔係因為閃閃唔鐘意食菜之類而係因為坊間既素食店既素菜都係好油咁 所以閃閃好怕所以當同學仔話食素菜既時候閃閃就出聲話唔想呢，因為街既素菜都好油膩但同學仔拍心口話呢間唔會仲好好味添避風塘一口茄子 ($58)首先係呢個，佢係扮椒鹽九肚魚的，用茄子扮軟骨既九肚魚口感好似連平時唔係太食茄子既閃閃都覺得呢個好好味唷 牛油果醬焗多士 ($68) 呢個好似迷你 PIZZA 咁，因為閃閃愛吃牛油果，加埋粟米甜甜地又香口又好味 椒鹽淮山呢款係閃閃點的，近期閃閃愛吃淮山，本來同學仔話唔知淮山好唔好食唔點架但最後都點左，佢係扮薯條的外脆內粉咁，都好好味唷 粉絲雜菜煲 因為同學仔想食粉絲所以點左呢個粉絲雜菜煲 呢個對於呢間店黎講算係冇乜特色既菜式了但有多種菜係入面，都好好味

其實已經來過數次瀛素食了，一直忘了寫食評...第一次來食是兩年前的生日，由於想在當天食素，所以朋友推介下就試了這間位於廟街的瀛素食。首先，個人本身好怕那些油立立的素菜，但這裡改變了我的印象，因為大部份的素食都是仿肉食的。味道像真，完全不會覺得食了素菜。而且不比那些'真'的肉食差。今次點了個海鮮pizza, 黑松露意大利雲吞，沙拉骨。海鮮pizza一如以往地好吃，他是酥皮底的，不會太漏。意大利雲吞的汁非常好，反觀雲吞就麻麻。沙拉骨口感簡直跟真的沒分別！十分欣賞大廚像個藝術家一樣能把素煮成跟真的一樣！令那些抗拒吃素/菜的人不知不覺間也就吃了素了。是晚閒日來，也不太少人，假期更是多人，記得要先訂位喔。

又是柴娃娃的生日飯局, 本來壽星女選擇吃越南菜, 奈何該店訂位熱線一直沒有接上, 於是轉移陣地來這裡吃素. 這間位於油麻地廟街的瀛素食, 之前也來光顧了好幾次, 友人們十分喜愛它的食物, 覺得有創意又美味, 所以好幾個生日飯局也是在這店渡過, 不過給這店寫食評還是第一次.訂了晚上七時半, 到達時見到門口擠滿了等位的食客, 想不到平日的夜晚也如此旺場! 安頓時慶幸預早訂了位, 否則不知要呆等到何時, 而友人們也陸續到達.店裡座位不多, 店子是茶餐廳格局, 地方仍舊又迫又嘈, 冷氣又不足, 兩檯之間只是僅僅容下一個人通過, 地板仍然很滑, 一不小心很容易滑倒.打開餐牌,  食物選擇頗多, 有日式的如素刺身, 手卷, 壽司等, 意式如薄餅, 也有傳統的中式素菜, 總會找到合心意的食物. 這裡落單的方法也很簡單, 侍應留下一張像廢紙般的白紙, 客人自行寫下食物編號, 然後交給侍應. 由於已經來過好幾次, 不少食物已經試過, 所以今次特別點了些未試過的素菜.鮑片羅漢上素炒麵 ($68): 說是炒麵, 其實是用油炸過的麵, 所以周邊的麵條炸得香脆, 而中間的比較軟身. 鮑片一塊也沒有吃到, 羅漢上

上個月的母親節, 明明訂了位, 到場才發現關閘, 閘外貼了什麼休息一天的, 打電話卻沒人聽, 憤怒得要命! 是次到了父親節, 家人欲嘗新派素食, 自己也為了証實, 是否如朋友間所說, 好味得要一去再去的光顧, 只好再次訂座, 出發前更醒目地確認到底又會否"被休息"了. 而該店這次更主動地打電話來反問我們是否會按時到達, 因為想訂座人很多, 所以"希望"我們按時, 甚至更早到達. (我已經訂了晚上6點半, 算有夠早了吧!) 三色刺身 ($68) : 首先上枱的三色刺身, 賣相與真正魚刺身極相似, 口感更似! 我平常懼怕魚生的軟林口感, 一嘗這個立即毛管棟! 簡直一模一樣!!! 沾上芥末的話, 完全就是在吃魚生了!鮑片羅漢上素炒麵 ($68) : 平實的炒麵, 調味不足, 炒麵本身亦不夠乾身.士多啤梨骨 ($68) : 脂肪較多, 肉質不算突出, 反倒是伴碟的菜苗更吸引.沙嗲金菇牛肉卷 ($62) : 很惹味, 牛肉仿真度高, 不過有幾件金菇未包好. 一夾即散開.避風塘一口茄子 ($58) : 平常不太喜歡茄子煮軟的口感, 但這個卻令人多吃幾件, 而且是今次吃得最多的一碟呢! 如果再辣一點

經同事推介,試下呢間(瀛素食),訂位7點半,但都要等到8點3先有位,真係好多人呢,餐牌上好多壽司款式,樣樣都好吸引,而我地只能選擇幾個試下,三文魚刺身~外觀相當似,材料原來係蒟蒻,口感真係好似三文魚,濃湯鹹菜浸雲吞 ,黑糊椒鹹菜,味道令人諗起鹹菜豬肚,好味道,雲吞有d似某牌子既大粒雲吞,有粟米,冬菇作醃料,另外有d粒粒似係模仿肉碎,但食唔出係咩,=o=軟殼蟹手卷,外觀都似,不過,顏色有點不同,食落脆而不膩,原來係紫菜@o@椒鹽淮山,外觀似炸薯條,椒鹽食落鹹鹹地,有d似炸薯條同芋頭,呢個係用新鮮淮山製成,good日式海鮮比薩 ,等得好耐,不過份外好味,食落真係好似真pizza一樣,芝士焗製,熱辣辣,好正一樣有磨菇,菠蘿,仲有d似八爪魚口感既食物,但諗唔到係咩kaka3個人食得好飽飽,好滿足

繼上次到旺角吃新式素食後,竟然愛上了偽素食~沒有油膩感,又可以邊吃邊猜猜自己在吃什麼,超過癮^_^ 所以今次再找另一間主打式素食料理的,繼續我的偽素食分享~~~~ 今次選了在油麻地的瀛素食,位於廟街入面,旁邊就是有人稱"廟街地標"的美都餐室,這樣說應該很好找了整體來說,新式的素食都做得不錯,價錢亦不太貴,人均消費大概是$100左右,只是要記得訂位,因為真的幾爆場哦!

日式海鮮pizza $88 吉列豬扒蛋丼 $46 軟殼蟹卷$58 (好食指數:8/10)  唔好以為素食就唔好食，呢d睇落去咁真既壽司、pizza、吉列豬扒真係素食黎架！ 先講pizza，係有cheese、菇類、青椒等等，最讚係個底，唔係平時厚底，而係好似酥皮咁脆既底，唔會漏。 吉列豬扒外形好似，食落質地都有幾分似，味道就唔同啦，好似肉餅咁。 軟殼蟹卷最正，炸得好脆，雖然唔係蟹，但唔講係素食真係以為係真壽司，估唔到素食都可以整到有中、韓、日、西美食咁多款。

芝士蒜蓉包有蒜蓉, 芝士, 粟米, 食落好惹味! 同埋熱辣辣, 好脆~ 正!芥末咖哩海鮮pizza餅底 : 係千層皮, 熱辣辣焗完出黎, 好鬆脆餡料 : 其實都係一般田園pizza ge餡料, 不過加左素海鮮. 講下d素海鮮先, 其實一般素海鮮都係比較爽口, 似係落左好多鹼水, 個人認為味道+texture都會有d似魚蛋. 其實一般齋舖d”海鮮”都係入貨, 除非比較貴果d, 所以基本上大部分齋舖ge海鮮都係一樣味ge… 而佢呢個pizza優勝ge地方反而係個醬汁度, 個味道調教得好好. 其實佢咖哩味晤重, 芥末味濃d~蕃茄娃娃菜鍋湯 : 仿魚湯粉ge味道做得好好, 好鮮甜. (haha, 但呢個魚湯粉應該好多間齋舖都用, 所以味道好熟識… ) 加上蕃茄去煮, 超好味!蔬菜 : 入面有冬菇, 娃娃菜, 紅蘿蔔, 蕃茄等, 全部都充滿湯ge味道, 夠腍好入味~海鮮胡椒炒脆肉瓜真係有d辣, 不過好醒胃~ 其實除左胡椒味同鹹味之外都無咩其他味, 所以整體麻麻地.Overall: environment 好逼, service… 得一個人, 其實都晤咩service架喇… 不過d野食就算係ok,

只看舖頭名稱，以為只有日式素食，打開餐牌一看，原來包羅萬有。除了我很喜歡為壽司、魚生，還有很多新穎，有想頭的素菜。其中一贊是干炒牛河，食香味俱全，對於已不吃牛的人士確實可懷念一下吃牛的滋味。另外是PIZZA，用拿破侖餅的概念而做成，香“趣”可口，值得一試。日式咖啡豬排蛋包飯，豬排口感非常像真，食得開心。 沙爹羊肉串，汁好味，質感都OK。這間餐廳較細，位置較迫，通常都爆滿。衛生環境都可接受，唯獨是“洗手間”比較不雅觀。試過推介比朋友，朋友們都贊。會繼續去試另加一些菜式，希望小餐廳可陸續推出意想不到的菜式啦 ^^

今天在油麻地完成工作，因晚上有事辦，故要提早吃晚飯，見到這裡有下午茶時段(3至5時)並有六折優惠，於是便一試。這裡餐牌所有食物都有優惠，不似其他餐廳有限制。餐牌食物包羅萬有，頭盤，小食，主食，甜品及糖水都有。中西日式菜式也有，也是新派素食，選擇很多，很不錯! 怪不得在這平曰的下午也吸引一些食客光顧。餐廳装修簡單，座位也不多，可能因下午落場，服務員只得一個人。最後點了軟殼蟹牛油果壽司及咖喱豬扒蛋包飯，雖然全部是素食，但賣相十分像樣，味道方面，牛油果壽司味道清新，軟殼蟹不知用什麽材料製作，質地也是脆脆的，味道可以。而蛋包飯方面，咖喱汁像是日式做法，不辛辣，素豬扒炸得脆脆，還以為自已像吃真的豬扒，而薄薄的蛋皮包着的是炒飯，伴了咖喱汁，給我吃光了。見到還有其他素菜也很吸引，下次有機會要再來。

年初一當然要吃素，今晚又不想在家煮，於是上Openrice 查一下九龍區的素食館，發現了「瀛素食」這間日式素食館，便決定一試。「瀛素食」位於油麻地廟街，周遭是大排檔及粵曲歌藝館，令這日式素食店顯得獨特。為免新年摸門釘，當天下午預先致電該店，確實了新年照常營業，就放心訂位。我們兩人九時到達，幸好有訂位，否則未必有位。打開Menu，有頗多日式的素食，包括素刺身和壽司等，但我們對此反而興趣不大。今晚叫了四樣素菜，都不太日式的，這餐廳其實是亞洲素食館而非純日式的。胡椒咸菜猴頭菇浸雲吞： 湯很滑，像魚湯的感覺，胡椒味也濃而不過多，雲吞大大隻，內裡全是菜絲和蘿蔔絲等，很軟綿綿，如果加些硬的絲例如馬蹄，會更好咬口。素蟹皇蛋白：看似上海菜的賽螃蟹，做得美觀，吃落也很嫰滑，素蟹感覺像蟹柳，是一道好啱餸飯的菜式。士多啤梨骨：這味當然是素的，素肉口感軟滑，也很腍，幾似豬肉，味道有點甜有點鹹，但就欠了點士多啤梨的酸甜味。牛油果海鮮蛋白炒飯： 海鮮粒也是素的，味道偏淡，而牛油果跟蛋白一 起炒，令飯好香滑，加上綠綠地色，令食慾大增。整體的食物質素不錯，食物的處理細節也見用心，儘管不太日式，餐廳環境一般，「瀛素食」

成日經過，見佢裝修麻麻，諗住實係普通料啦，所以一直都無咩心想去食。呢日經過特然想入去食喎，咁就叫埋朋友一行４人去，當時晚上８點半，差唔多滿座。我地一座低，老細好熱情問我地食過未，我地話無，咁佢就介紹胡椒喉頭菇鹹菜浸雲吞同埋日式海鮮比薩，好啦我地就試呢倆個胡椒喉頭菇鹹菜浸雲吞 ($78)白白既湯底，好好飲喎，用咩做架呢？老細話係廚師既秘方，重有好香既胡椒味，雲吞好大隻，雲吞皮好滑，正呀！果然無介紹錯 。香芒帶子炒飯 $52飯炒得一粒粒唔會爛，亦唔會肥膩，炒得好香口，不過，我地好辛苦先搵到幾粒細細既芒果肉，芒果好貴咩？炒白菜,味道普通日式海鮮比薩 $88唔係老板極力推廌真係唔會係素食館食比薩，係我來講食比薩要去 PIZZA HUT 先岩出乎意料之外喎！好好味呀！批底勁鬆脆呀！，有車厘茄、冬菇、洋蔥、青椒在內，好香脆，我地個個一面食一面讚，老細又係無介紹錯啊！腰果糊應該係即磨既，因為我地等左好耐，好香腰果味而又濃濃的糊，好有 heart ！讚！我地大家講好會再去架！