火夫

营业中

休息中

基本上每個月都會同班同事泥2-3次🥲因為個環境唔錯，諗住月頭出左糧，咪帶女朋友泥試下先。不過我諗今次應該係最後一次😤首先今次串燒燒到好乾好乾，尤其是係牛脷好難咬得開，牛肉蜜瓜卷又燒到甩晒，一拎上手成舊跌咗落台，個樣又唔太熟咁樣，我知牛可以唔太熟，不過個樣都幾紅下。女朋友食到最後覺得個龍蝦湯麵個湯有少少酸，可能大家都熱一泥到飲左d酒初時唔太覺，不過食到咁上下就唔出聲啦，我第一啖咬落隻蝦都覺得有d苦，質素比之前真係下降左。番到屋企女朋友直程又屙又嘔，搞到我嬲嬲地，第一次破處寫食評。唔該可唔可以比個心出泥執下出品越做越差，串燒一係燒唔熟，一係燒到勁乾，個湯臭架，咁都照出？經覺呢件事後唔會再有下一次幫襯，女朋友話樓面有個帶帽扎孖辮女同事隻指甲，長過佢做sales其實做老闆應該都知，我諗好快有客食食下會食到隻指甲而上新聞。拜托，做緊食肆夠膽死Gel晒甲去番工，你反唔反甲係你嘅事，唔想食食下見到隻甲係碗麵入面🤮，可想而知，廚房衛生乾淨極有限。

火夫價錢💲: $138+$50/ $138+$10好味程度😋: 4.3/5服務🍴: 3.7/5環境🗾: 3.7/5性價比🥢: 4/5 (lunch)回頭率😚: 4/5-火夫出名左好耐，可以用openrice book方便左好多！平日lunch最抵食，要返工就weekend lunch啦，午市有set平好多。食完都覺得好好食，想再去食其他麵🤭-✅雞肝多士就好似鵝肝醬咁，配烘到脆脆的多士好夾，肝味又濃郁😆 枝豆春卷顛覆左我唔食豆的習慣，脆脆的春捲皮卷住啲豆，容易接受好多！麥粒味增青瓜可以蓋過青瓜的草青味，鹹鹹地又有口感。以頭盤份量來講，都好多。-✅✅炸蟹肉牡蠣。加$2好抵🤣牡蠣大隻肥美，保持水嫩又唔乾。本身已經好鮮味，加埋面頭大量蟹肉更加豐富，必叫🤤-✅✅生蒜牛柳。呢個因為炸左所以唔係好食到d牛肉。但佢地的粉漿唔算太厚，係關西炸穿個隻，小小鬆化的。不過佢好好食係因為個醬汁🤪 呢個生蒜汁好濃味！蒜香濃到會口臭🤣-✅雞腿大葉卷。接受紫蘇葉的先好叫！紫蘇包住雞肉去炸，味道係可以想像的。但雞肉有調味，肉質都唔鞋☺️-✅✅蜜瓜牛卷。呢個係今次唯一一串燒物。食完呢個好後悔無再加其他款食！因為牛肉烤完仍然

朋友一直都想食呢間串燒店，六點幾舖頭出邊已經好多人圍住，好彩一早預定咗就有位😍我哋好快嗌定幾樣嘢，不過係要等一陣想食蠔都有唔同選擇，呢個係蟹肉牡蠣，蠔比較細隻，吉列嘅炸法😍配埋蟹肉☺️第二樣廣島蠔豚卷😋我鍾意呢個多啲，上面嗰個就比較常見豚肉包住蠔，啖啖肉，蠔汁都鎖住咗喺入面💫跟住就到呢兩款水果配肉卷，一款包住蜜瓜一款包住提子兩款都有驚喜😆跟住就係蔥卷牛舌，呢個就冇咩特別，牛舌同蔥味分開跟住就係活鱔，雖然我冇食到，但朋友都話好味，鱔肉嫰😋最後仲有呢個重頭戲，期待已久嘅虎蝦濃湯麵，濃湯係真嘅，亦都要趁熱食，我哋擺耐咗就有啲濃稠另外值得一讚就係即使舖頭好忙，員工嘅服務都係好好☺️☺️

買到全港電影日係黃埔戲院30蚊戲飛, 於是夜晚就過來黃埔呢邊食完個晚餐先慢慢去睇戲…之前食過呢間覺得好食, 於是就帶男朋友過來試下日式串燒~感受下日底居酒屋的氣氛!呢到主要食串燒為主, 但D拉麵都聽講係幾好食的! 由於上次已經食過虎蝦濃湯麵, 於是就叫左”半熟牛肩胛撈麵”, 然後再叫左D串燒大家share食~半熟牛肩胛撈麵非常有驚喜，首先牛肩胛牛肉味濃, 口感香嫩又無過多的脂肪。另外撈麵的麵是用日式拉麵, 非常彈牙, 再加上日本雞蛋撈, 拉麵味道添加了蛋香, 同牛肉都相當夾!另外，串燒方面都相當出色，價錢合理, 48蚊2串。我地叫左蜜瓜牛卷、葡提鴨卷、雞腿西京燒、廣島蠔豚卷、蔥燒牛舌。 雞腿肉亦肉彈多汁，牛舌軟嫩, 蔥味香甜~ 當中蜜瓜牛卷非常出色(我地encore多一串), 蜜瓜的清甜味再配上牛肉卷的牛肉咸味, 咸甜適中! 廣島蠔蠔味鮮甜, 美中不足係用煙肉包, 係我個人麻麻地煙肉…葡提鴨卷 - 提子係甜但唔知點解我覺得呢隻甜唔係好夾鴨肉, 但味道係正常另外仲叫左海葡萄鮪魚沙律，前者酸酸甜甜，鮪魚質素就正常 但勝在海帶夠爽份量又多! 海葡萄就脆卜卜, 不過一定無沖繩食到咁脆...再叫

透過openrice預約咗星期五晚上8:30時段，舖頭唔算大所以一定要訂位。.* 虎蝦濃湯麵呢個麵經常係ig睇到人打卡，幾乎係必叫item(?)。作為餐廳最signature嘅菜式，賣相係吸睛嘅，但味道就正正常常。外層係櫻花蝦包裹住一隻大虎蝦，虎蝦好大隻，啖啖肉，但外層櫻花蝦略嫌太多，太乾太搶，我寧願食薄薄一層炸皮好過呢層櫻花蝦皮。湯底好杰身，有淡淡蕃茄味，麵亦都好掛湯。.另外叫咗好幾樣串燒、串揚同沙律，有幾款比較有印象*蟹肉牡蠣牡蠣好鮮甜，一咬爆汁*生蒜牛柳牛柳好腍，配上生蒜沙律醬，好食*櫻花蝦豆腐大量炸櫻花蝦外皮令到成個豆腐食落好乾加上冇醬汁，一般般*廣島蠔豚卷廣島蠔同豚肉都好食，加埋一齊就唔係好夾，有種1+1<2 嘅感覺.其實仲想試多少少串燒/串揚，但已經食唔落。皆因餐廳食物都係比較濃味、調味比較甜/咸，其實食咗好少已經好濟。如果餐牌上多少少fresh啲，light少少嘅選擇會更加好。.餐廳基本上都係full house，一枱接一枱，要讚班職員基本上都係年輕人，好勤快，雖然好忙碌但態度都唔錯另外當日餐廳入面有蚊螆，明白餐廳有個半戶外企 bar位，會打開窗，天氣熱難免會有蚊

朋友介紹紅磡的午餐，拉麵+串燒，好好食，即燒，燒物唔算等得耐，因為差唔多2點去食，都坐滿人，3點落場，所以要預好時間，無謂去到冇得食午餐，拉麵份量都剛剛好，唔細份。

之前長期約滿既火夫星期六12點開門冇book既話11:45去到第一輪就入郅.Weekend lunch都有set menu供應大概係每個set會有一品料理x3, 麵食x1 • 串燒/串揚 x2飲品x1係幾抵食但其實好多options都要補差價例如招牌虎蝦濃湯麵.🥖一品料理🔺肝醬/牛油果醬多士🔺豌豆春卷🔺青瓜以上全部跟餐免費豌豆春卷好好食.🍜麵食🔺虎蝦濃湯麵 +$50充滿期望結果係失望為主蝦湯好濃郁似蝦汁多過蝦湯好食但食多兩啖就好漏建議要share食另外一大條虎蝦望落吸引食落好一般蝦肉本身唔爽口又冇味係靠蝦肉外面包住再炸既櫻花蝦先有味但因為櫻花蝦外面仲有炸粉成條蝦好熱氣又冇蝦味如果加$50嚟講下次應該唔會再叫少伏.🍜麵食🔺半熟牛肩胛撈麵+$20如果要再訪火夫既話半熟牛肩胛撈麵應該會是麵食首選睇落去平平無奇啲麵撈匀左雞蛋同大葱又清清地幾好食牛肩胛都有5大塊肉質鮮嫩同啲麵幾夾.🍢串燒/串揚🔺白燒活鱔 +$8🔺葡提鴨卷 +$0🔺銀杏貝柱 +$2🔺蟹肉牡蠣 +$2串燒和串揚有勁多款平時串燒店食條串燒都廿幾30蚊呢度燒鱔只需+$8算幾抵同埋幾條串燒串揚都新鮮好味入口熱辣辣.總括嚟講呢度啲sides

叫咗濃湯蝦拉麵,牛肩胛拉麵蝦拉麵唔錯個湯幾濃,大蝦亦都炸得好脆但係牛肩胛拉麵,牛肉望落去好靚,食入口好韌有幾舊咬唔開!我honey兩個試咗都係咬唔開,我初初仲以為佢玩嘢,係咪阿伯自己啲牙唔好,因為佢啲表情係好誇張,要扯開都扯唔爛嘅🤣串燒叫咗雞尾,蟹肉炸蠔,燒鱔仲有樣唔記得咗,普普通通不過不失!蠔冇乜味道,蟹肉夾埋更加冇味道!honey話燒鱔就幾好食,雞尾一般佢話無乜雞味!除咗蝦拉麵之外其他嘢唔太吸引我,為咗蝦拉麵我會再去嘅!

火夫(Kafu)位於黃埔，是間日式居酒屋🇯🇵 餐廳的裝潢以木系為主，簡約舒適😌餐廳menu上的食物選擇頗多，以串燒為主🍡🍢 HKD48可選2款串燒 (部份需要額外加HKD2或HKD4)，CP值超高👍🏻另外，我們都加配了2小時暢飲放題(每人HKD168)，有多款含酒精及無酒精飲品供選擇🍺 當中我最喜歡梅酒系列，跟串燒超match！😍推薦菜式 :🤍葡提鴨卷用鴨肉片包著葡萄的串燒😜 鴨肉多汁，配搭葡萄的甜味及柚子胡椒醬，味道獨特，亦很清新解膩👍🏻🤍蟹肉牡蠣 (+HKD2)炸蠔上鋪滿蟹肉，蟹肉的甜味和蠔的鮮味互相交融，口感很豐富😋🤍海苔魷魚鬚 (HKD48)魷魚鬚炸得很香脆，咬落有嚼勁和彈性，配上淡淡的海苔咸味，很滋味🤩🤍虎蝦濃湯麵 (HKD128)火夫的招牌菜！！🦐😏 虎蝦很大隻，而且新鮮彈牙，外層用了櫻花蝦作炸漿，很酥脆👍🏻 而湯底濃稠豐富，帶有虎蝦的鮮甜味道，加上麵條充份吸收了湯汁，很入味呢～🤤📍火夫 - 紅磡黃埔天地百寶坊(第3期)地下G29號舖

今年周年紀念，男朋友帶咗我去呢間餐廳度慶祝。我哋主力叫咗店舖嘅招牌——濃郁嘅蝦拉麵、白湯關東煮、仲有唔少串燒。串燒需要兩串咁樣叫，冇得單數數量。哈拉麵嘅湯比較濃稠，有啲似醬，炸蝦炸得非常鬆脆。

聽左好多朋友講火夫虎蝦濃湯麵係必食‼️搵日lunch time就決定食豪啲🤣 【weekday lunch set】$118-包1碗麵+2串串燒+1杯飲杯-虎蝦濃湯麵另+$50個湯底用蝦熬煮，鮮甜濃郁！而虎蝦外用櫻花蝦包住再炸，有虎蝦嘅鮮味，香脆可口而且唔會炸令到虎蝦好乾身！加上麵條彈牙，完全掛到個湯，令人一吸一啖都有種滿足感‼️-串燒-🥢白燒活鱔+$8🥢蜜瓜牛卷🥢鹽燒手羽中+$2🥢雞腎🥢芝心茄子🥢雞肝啡菇+$2🥢椎茸餃子🥢生蒜牛柳+$2

Lunch set $138 （一品+麵食+串物+飲品）一品 雞肝多士🥪+枝豆春卷🫔+麥粒味噌青瓜🥒前菜款式多開胃，脆多士🥪配雞肝醬，味道似蘑菇醬👍🏻，枝豆春卷脆身🫔，麥粒味噌青瓜鹹香爽脆🥒🍜虎蝦濃湯麵 （+$50）超級大隻虎蝦😍，蝦外面沾滿櫻花蝦花乾，炸到金黃色非常酥脆鹹香，虎蝦新鮮啖啖肉肉質爽口，湯底超級濃郁creamy但係唔會太鹹👍🏻，用左蕃茄🍅再加上蝦🦐熬成鮮味十足😝，麵掛汁每一條麵都沾滿咗就好似食緊沾麵咁，啱晒鍾意重口味嘅人士，份量多，個人覺得食到最後會有少少漏🍡葡提鴨卷用左燒過既鴨肉包住提子🍇，口感外脆內軟，鴨肉煙韌，鴨肉加咗提子帶清新感，系新奇配搭個味道有啲似橄欖🫒😆🍢蜜瓜牛卷牛肉包蜜瓜🍈，保留咗蜜瓜嘅甜味，配上燒過嘅牛肉，味道鹹鹹甜甜，但係唔會唔夾又幾好食😝🦪蟹肉牡蠣🍢生蒜牛柳☕️烏龍茶大杯烏龍茶，加咗大粒嘅冰塊🧊，非常之清爽解漏.✨裝潢日系風格，木系枱凳坐得舒服，以暖色燈光為主，未開門已經開始有人龍

因為住喺附近，所以都經常單拖去食呢間嘅虎蝦濃湯拉麵🤣今次終於試到佢嘅串燒啦！1. 🦐虎蝦濃湯拉麵 $128呢個拉麵絕對係火夫嘅招牌，令人食過返尋味😋湯底濃郁稠身而且味道剛好唔會太鹹；大隻虎蝦沾滿櫻花蝦再炸，脆香嘅外層包住結實嘅蝦肉，令整體口感昇華🥰最重要係掛湯嘅程度係滿分！！真係好滿足😆2. 🐂半熟牛肩胛撈麵 $98麵質彈牙，拌勻蛋黃、蔥花、鹹鹹甜甜嘅醬汁，好似食緊一個好豐富嘅香蔥拌麵咁🤤牛肩胛油脂分佈平均，食落好香牛味🫶🏻3. 串物 $48/2🍈蜜瓜牛卷蜜瓜好juicy😚牛肉呈現焦脆嘅狀態，充滿油香，蜜瓜令整體感覺清新點～🐮燒牛柳粒 (+$2)牛柳肉質唔錯，大概燒到七成熟，外表微焦但內裏少少粉嫩～🦀蟹肉牡蠣 (+$2)吉列牡蠣炸得香口之餘唔會好油，咬落去外脆內軟，配上蟹肉醬係perfect match🫶🏻🍗雞腿京蔥燒 (+$2)雞腿肉嫩滑多汁，雞皮微焦脆✨🍇葡提鴨卷一咬落去，被鴨肉包圍住嘅提子瞬間喺口入面爆開💦酸酸甜甜嘅提子中和鴨肉嘅鹹味，好清新喔🙌🏻🍆芝心茄子芝士嘅份量比茄子肉還要多🧀口腔充斥住滿滿嘅芝士味，反而唔係好食到茄子嘅味道，只係感覺到少量茄子皮同茄子肉🤣

睇ig話個虎蝦濃湯麵好好味😡咪去試 邊知伏到🚁🚁🚁聲😡😡😡 真心嬲到 未試過食餐飯咁唔開心同失望！！完完全全可以話係對唔住個價😡😡😡😡😡😡😡😡一行入去 見到都有三四枱嗌咗呢個麵 但我都奇怪 點解個個都食唔曬碗嘢... 點知我嗌完 我都知😑 因為碗嘢真係難食到嘔 有個前菜係牛舌⋯⋯ 但係又凍又硬又鹹好難咬開⋯⋯ 首先 個濃湯麵個味係番茄湯嚟..... 真係好杰撻撻 個麵仲要係煮淋晒 一pat pat好似食糊漿咁🤯🤯🤯 唔係呀嘛... 咁都出得街？！佢隻虎蝦入邊係真係原隻好大隻好味嘅 但係出面啲蝦米炸皮炸到又燶又黑食落苦苦地 燶到苦好心就唔好攞出嚟俾客食啦🤬第二碗 嗌咗個明太子八爪魚撈麵😵‍💫 嗌餐嗰陣時 個店員都有話呢碗麵比較重口味 但真係冇諗過佢嘅重口味唔係好鹹嗰種 而係難食到嘔嗰種🤮 擺落口嗰下冇乜嘢 係吞嗰陣時嗰陣味突然有種反胃嘅感覺🤢 我同朋友兩個人試過幾啖都真係頂唔順... 絕對唔建議大家試呢個.... 但係呢碗麵啲麵係爽口啲嘅 完全唔理解點解個蝦麵啲麵都唔可以煮得爽少少🤦🏽‍♂️🤦🏽‍♂️嚟依間餐廳 真係建議嗌返串燒飲下酒算 絕對唔好嗌佢啲麵！！！😡😡😡 最尾我哋都係同隔籬枱一樣

❥虎蝦濃湯麵湯頭質地濃稠豐滿，味道超濃郁而且透出絲絲鮮味，每條麵夾起都會掛滿湯汁🤤虎蝦裹住數百粒櫻花蝦一齊炸，雙蝦齊下令口味同口感都別樹一格😍❥︎半熟卵明太子麵包糠脆皮裡面係一粒半熟蛋，咬開嘅時候蛋黃就會洶湧流出🤣配搭鮮鮮鹹鹹嘅明太子係好穩陣嘅味道❥蟹肉牡蠣炸蠔本人柔嫩冇腥味，上面放上一啖蟹肉絲同丁點沙律醬，味道平實，發揮正常😚❥麥粒味噌青瓜味噌味道好突出，但又吾係死鹹，同清爽嘅青瓜一齊食幾特別😍