火車頭越南餐室 (浣紗街)

营业中

休息中

📍 火車頭越南餐室 大坑💰 人均200 本來想來大坑找餐廳吃飯，結果間間都full了，看到這間沒有什麼人，餓得不行就趕緊進來了，發現這間餐廳是個連鎖餐廳，火車頭不過不失，兩個人要了一隻雞，不過不要被嚇到，這隻雞沒有什麼肉，其實份量很少。咖喱軟殼蟹還是挺好的，用法包蘸著吃好吃過火車頭！ 並不需要特別為了這間餐廳而來，不過不失的口感，其實沒什麼記憶點

牛肉有質素，新鮮沙律菜同屋企人10月1號出外用餐，今次就試吓北角區嘅火車頭越南色餐廳。門面唔係特別好華麗亦都唔係賣越式嘅裝修，就咁睇以為係茶餐廳。門口位嘅枱櫈唔多，原來係可以再行入啲就有多啲嘅枱櫈。一睇餐牌就覺得好奇怪，大量文字極少圖片，餐嘅內容好多都係重複。對於選擇性困難嘅人來講應該係一個挑戰，而且室內嘅黑板都寫滿左大量文字嘅餐單，所以我哋揀咗好耐都未揀到😂😂😂不過好欣賞佢羊架都係跟返平時嘅餐單order。👍👍 食物種類係非常之豐富同埋有唔同國家嘅特色，例如有日式鰻魚葡國嘅牛腩同埋越式濛粉。 岩晒人多但又想食唔種類既朋友組合。最正系真正既沙律菜，我最怕配埋d普通生菜青瓜粟米。 當然沙律菜既量就唔會太多。最緊要系主菜足料，夠份量。 講真，比$60，$70食到高質既牛肉同沙津菜就真系好抵食。 經過北角區既朋友就要試下啦☺️☺️相信我好快會返黎再試食其他菜式☺️再同大家報告

在銅鑼灣下班食個飯 周圍都是人最後步行去了大坑從銅鑼灣走過來 寧靜舒適的社區最好係不需要等位食飯=酸辣無骨鳳爪=先叫了個開胃的前菜鳳爪大隻又爽脆 酸酸辣辣的有好多入味嘅配菜 青瓜蘿蔔洋葱絲多都好係沙律咁 正=牛油果軟殼蟹米紙卷=透薄的米紙 酥脆的軟殼蟹米粉生菜 再配上牛油果醬 好夾我覺得其實不用蘸海鮮醬都好美味=鮮腐竹豆漿浸菜=有幾款唔同的菜同瓜用腐竹豆漿去浸菜 感覺菜口感都特別滑同埋菜一入口有陣豆香 豆漿又可以當湯飲清清地但好好味 感覺健康=火車頭招牌湯河=越南粉湯底最重要 湯底牛味幾濃 唔錯 應該落咗好多唔同材料去熬粉的分量其實不少咩配料都想試要叫招牌有牛丸 牛腩 牛筋 牛栢業 蘿蔔=椰子雪咖啡=原來係沙冰 最開心係因為佢唔太甜椰味好香 仲有椰絲 有口感

位於大坑嘅火車頭越南餐室, 好多年前跟同事車去食過一次午餐, 記得當時跟同事叫的一碗火車頭河, 碗河粉上枱時確實被嚇了一跳, 大碗到呢~心諗, 下次一定要晚飯時間黎食, 唔使趕頭趕命咁食, 要慢慢嚐味! 所以印象好深。今次乘機約朋友再訪, 可能時間尚早, 人客好似冇以往咁多, 就睇睇餐牌, 尋尋美食火車頭湯河是必點的, 香濃嘅牛湯味, 一大碗湯河鋪滿了:牛腩、牛筋、牛柏頁、生牛肉加埋D蔥、牙菜、香葉、洋蔥、蘿蔔，除左視覺大滿足, 口感亦一流, 啱哂我這個牛魔王嘅要求✌🏻叫多一個越式拼盤, 各式其式嘅拼盤係我嘅至愛😍, 因為樣樣食物都有:蒸粉包, 一定一定要趁熱食,粉包才軟滑, 涵料清, 爽甜, 點埋酸甜汁, 層次更豐富😋炸春卷, 好香口, 又不肥膩,所以忘記了用生菜包住食添。沙爹雞肉串, 雞肉一D都唔嚡; 扎肉有好多片, 而且仲係厚切架。我最鍾意佢嘅青木瓜牛肉沙律, 個汁好好味, 木瓜又爽口, 仲有D牛肉條, 這簡直係一碟前菜首選👍🏻👍🏻坐下傾下又再食下, 所以叫多一客蔗蝦, 明明係兩條, 何解有四條, 啊~原來係一開為二, 蝦膠彈牙, 稍欠一點蔗嘅清甜味。

其實我好鐘意食越南野, 特別係生熟牛河,所以朋友介紹我去大坑食, 話包我鐘意多謝朋友先! 我梗係跟埋佢去食好野啦!其實大坑都幾方便, 天后站落左車行五分鐘到其實就去到生熟牛河+牛柏葉-$95食生熟牛河第一啖就要試下佢個湯頭, 超正宗的說! 好好飲, 我估計味精唔重, 因為飲完都唔口喝, 河粉好嫩滑, 牛肉好好味, 牛柏葉好好口感, 朋友真係冇介紹錯!火車頭招牌湯河-$98D個係友人最愛, 佢話貪佢咩都有, 有牛肉, 牛丸, 牛柏葉, 牛根, 蘿蔔, 佢話想試多幾款野就叫D個馬拉盞炒通菜-$68炒得好好鑊氣, 通菜都係揀D嫩比客人, 食落微辣, 好開胃, 好正沙嗲牛三串-$69牛肉係好好咬, 唔會過靱, 個味道超正, 加埋個沙嗲醬, 更能吊起成個味道, 我覺得小食黎講D個必叫龍眼冰-$34超多龍眼肉, 個甜度岩岩好, 夠消暑總結朋友介紹得好好, 我都好鐘意食D間既火車頭河, 加上成個裝修都好越南, 越南既感覺全部湧心中

要說起大坑既越南菜，一定會記起「火車頭越南餐室」，餐廳樓底極高，以火車車卡裝飾佈置，用柔和燈光襯托著懷舊的越南風格。假期晚餐時段人流頗多，等了一陣子才有位置，兩人飯量不大，點了一客飯及小食已經足夠有餘。🚩小食併盤 ＄148｜越南炸春卷x2｜沙嗲雞肉串x2｜蒸粉包x2｜扎肉x4｜青木瓜乾牛肉沙律✣ 越南炸春卷，新鮮炸起，卜卜趣👍✣ 估唔到小食併盤擺盤都幾靚，中間用左小蒸籠放蒸粉包，岩岩好，蒸粉包一啖一件！✣ 沙嗲雞肉串，沙嗲醬非常惹味，而且仲好大串，啖啖肉👍✣ 扎肉有四片，件件都煎香左先上碟！✣ 青木瓜乾牛肉沙律，一粒乾牛肉都見唔到，反而有啲香葉，唔係太鍾意陣味。🚩 街頭碎米飯 ＄88✣ 嗌果陣比個名吸引住，碎米飯其實係白飯，香矛豬扒好大件，岩岩炸起仲好熱辣辣，仲有件肉餅（？）都幾特別，特別好食，配埋個靚靚太陽蛋，成碟飯即刻變得好吸引！

黃昏時份在區內想起這清雅的越式餐店還是一樣的佈置好安南感太座近日熱氣決定來一頓清淡的越菜🤗🤗青木瓜乾牛肉沙律酸汁醒胃木瓜清爽好有嚼感,乾牛肉切絲令清淡沙律多了肉味又好有咬口😋😋大蝦柚子沙律大蝦隻隻大如骨碟蝦肉脆口蝦味鮮,沙律中加柚子碎粒增加果味令感覺更清新😋😋越式蒸粉包拼扎肉绝配扎肉爽口味鮮, 粉包全不油膩 , 餡料清淡😋😋👏👏火車頭招牌湯河無失場, 大大碗粉面上放滿牛丸, 牛肉, 牛筋, 牛栢業及蘿蔔, 各有不同咬感, 牛骨湯底味道濃沃😋😋👍👍太座飯後再試椰子紅豆冰以其解喝清熱至極😋😋👍👍

好似包場一樣，叫食物也要嗌多幾次，食物味道並不是想像中好食，叫了招牌OL火車頭河，像一碗普通的雜燴河，牛栢業超袖珍，牛丸只有一粒，不是驚喜之作。而配小食的粉包，一口咬下便是酸味，不會再叫的，不值推介再惠顧。

過左銅鑼灣做野, 做完野個客同我食個飯先走佢就揀左係大坑既一個叫火車頭既越南野食佢話真係好好味, 咁我梗係跟地頭蟲搵食啦位置係大坑浣紗街, 其實係銅鑼灣行過黎都幾快, 位置都幾方便入面既環境充滿越南帶點法式既氣氛, 感覺舒服酸辣無骨鳳爪-$63炎炎夏日最好食下D酸辣做開胃菜, D個鳳爪真係最岩, 酸酸辣辣真係好開胃, 菜單寫D個係兩粒辣, 但真係唔係好覺, 都幾好味, 而且無骨食得好方便牛油雞中翼-$68次次食越南野都食D個, 我其中一樣好鐘意既野, D度都煮得唔錯, 炸得好香炸, 但入面仲保留左唔少肉汁, 而且牛油味真係好惹味呀!生熟牛肉湯河-$79D個牛肉河係D度既鎮店之寶黎, 所以必叫, 個湯真係好香, 好重牛骨味, 加上嫩口既牛肉, 滑嫩既河粉, 唔怪得可以做到鎮店之寶啦叻沙湯粉絲-$88個叻沙湯底好濃, 配粉絲食好夾, 而且有好多料, 包括有蝦, 有蜆等等, 完全能滿足我地既胃口, 好好味!椰汁紅豆冰-$34荔枝梳打凍-$32夠晒透心涼, 夏天之最愛總結性價比高, 服務都唔錯, 唔怪得地頭蟲都推薦啦!

今日放工好想入大坑食，因為嗰度嘅氣氛真係寧靜寫意，好似去咗歐洲嘅小鎮咁。😍大蝦柚子沙律🥗最喜歡就係柚子好清甜，飽滿多汁，令成個沙律提升不少！越南扎肉扎肉輕微煎燶，香口美味。特色蒸粉卷內裏的材料入味，外層的粉卷厚薄適中，幾飽肚，又可口。咖喱雞配法包配料多，雞肉厚，很適合跟法包一起享用，咖喱稍為淡了一些。馬拉盞炒時菜這個馬拉盞炒通菜很好味，喜歡他辣辣的，又多汁又香。火車頭招牌湯河這個果然是招牌，內裏又大片又厚的牛肉，大大件的蘿蔔又入味又鮮甜，還有牛丸，仲有香草🌿配菜。算是滿意兼抵食的一餐😌😌

天黑了，功課做好了，人開始疲累重有點餓，商討晚餐吃些什麼好，同學不喜歡商場食店，喜歡巷弄裡特色小舖，並提議到大坑裡覓食，好吧定了點就出發吧。味道：清湯牛肉鍋越式粉卷雞絲撈檬環境：店舖比之前細了很多，被安排坐卡位，枱跟椅子太貼近，坐下來有點窄。服務：食客不是太多，侍應們多採取自由放任模式，召喚才來下單，下單後隨即溜走。衛生：繼續自由奔放型。桌上沒消毒濕紙巾，沒消毒搓手液，沒放口罩紙袋。抵食：人均 HKD$200 很飽足。

這間位於大坑的越南餐館裝修特別，以火車旅遊為主題帶領食客味遊越南🇻🇳點餐紙以鐵路沿線為籃本，兩旁牆壁更放滿了旅行喼🧳樓底非常高且提供雅座感覺舒服。食品很正宗午餐水準出色。大愛鮮茄蟹肉蝦湯檬，一上枱已聞到濃濃的膏香味，相信湯底用了海鮮殼餚製，入口鹹香鮮甜，更有蝦卷大蝦及蟹丸，大碗夾抵食。越南焦糖紅燒肉配飯，五花腩相當多，更有茄子，雞蛋及豆腐泡等濃香入味。外加了蒜香牛油雞中翼也香脆多汁。椰汁涼粉珍多冰乃消暑之飲😋越南滴漏咖啡看到已很治癒，一滴一滴的伴以我最愛的煉奶，重捨越南旅行的感覺。

某日工作經開大坑, 於是午餐點了菠蘿大蝦炒飯, 值得一讚個炒飯乾身得黎有少少濕潤, 而且材料豐富, 喜歡加了提子乾, 洋蔥, 紅椒粒, 青椒粒, 當然不少得有菠蘿, 食落爽口清新, 還有大蝦, 臘腸, 面上加了果仁肉鬆, 是一個非常層次多而豐富的炒飯。跟餐點了杯熱檸水。

今日去咗大坑食越南菜，去左幫襯火車頭，而家佢哋做緊二人套餐覺得幾抵食，每位都係$188。套餐前菜有䄂子蝦沙律，有兩隻大蝦喺面，酸酸甜甜的沙律裏面有好多香葉，青瓜，生菜同埋䄂子，配有少少麻油香，清爽的口感，讓人胃口大開。越南扎肉口感好彈牙有肉味，不會全口都係粉。特色蒸粉卷，裏面有沙葛，木耳，羅定同埋蝦米，鹹鹹香香，幾惹味，個粉皮做得夠薄有米香，味道唔錯。咖喱雞配法式麵包，味道香濃屬於泰式style，有不同香料的混撘在一起，散發着椰汁的清香，厚重的汁配香香軟軟的法式麵包，非常配搭。馬拉盞炒椰菜，非常有鑊氣，菜夠入味又充滿鹹香，而且略帶辣味，入口好惹味！火車頭招牌湯河，湯底比其他店更深色重口味，有着濃郁的中藥滷水香，配料除咗生牛肉片，牛腩，牛筋，仲有牛丸，牛柏葉及入晒味嘅蘿蔔，河粉做得好出色，加埋其他香葉，芽菜及少少辣椒，湯底味道一下子提升了。套餐分量十足，兩個人食都好夠飽，咁嘅價錢喺大坑，真係非常公道！

約咗朋友喺港島區諗住去大坑嗰邊晚飯， 人流冇咁多又唔算離地鐵站太遠。沿路都有好多特色餐廳， 朋友鍾情『火車頭越南餐室』， 裝修好別緻， 燈光柔和， 帶點法式小館嘅風情， 晚上的氣氛一流。紅酒燴牛尾$148牛嘅味道好濃郁， 牛尾炆得夠腍夠入味， 唔會好大嚿 size 啱啱好，否則就吃得較狼狽。 加入大量洋蔥和其他香料淆製而成嘅紅酒汁味道芳香有層次， 唔會帶酸味和苦澀， 忍唔住配一碗白飯！ （ 份量超大要二人share😋）大蝦芒果米紙卷$73米紙卷仲係好軟熟唔會乾爭爭， 大蝦 堅夠鮮甜， 唔係雪藏蝦仁貨色， 配合甜甜的芒果 和幼細嘅蔬菜絲， 粉絲， 非常美味的餐前小吃。唯獨是附設嘅醬汁 類似海鮮醬，味道太濃太甜， 搶咗米紙卷嘅天然鮮味。青檸梳打$32青檸味好開胃又消滯， 梳打夠氣！生牛肉湯河$79目測份量唔細， 先試湯底～ 嘩牛肉湯味道好香濃， 唔可以食太慢因為河粉會索哂湯底。 牛肉切得好薄 ，入囗夠嫩！ 河粉又滑又爽！當然仲有越南河粉地道配菜： 芽菜，檸檬葉，辣椒粒和青檸， 按個人喜好先放入湯河， 咁樣食法就夠晒圓滿～