火車頭越南餐室 (浣紗街)

营业中

休息中

近來風頭火勢，都嘗試減少外出。出街食飯，亦盡量避免在人多時間用餐。酸辣無骨鳳爪68很方便食用，原隻放入口呢😻酸甜開胃，肉柔軟，作前菜不錯。蜜糖魚露雞翼86有驚喜，上枱香氣撲鼻，食慾大增，原來加入蒜蓉辣椒炸蒜🌶️和魚露及蜜糖醬汁，甜甜又咸咸，兩相交織，雞翼炸得可口，金黃香口，入面有雞油汁，好得意喔，魚露味很出，超好送飯😍😍😍😍😍😍咖喱鴨配法包168包脆卜卜，一咬下跌一台是。咖哩汁很香，且不嗆喉，沒有粉狀的物在底，用包索汁外脆内軟，真是一流。鴨肉很多，切得超大件，辣辣地，味濃縮，有些鴨膻，細軟帶少許油脂皮香，質地稔滑，跟咖哩汁好夾。咖哩薯仔軟綿綿，當中的洋蔥減了幾分膩。凍椰青38大大個，很冰凍，清甜水多，椰肉也嚐了幾口，亦不俗。食後感：裝修確有火車卡，播越南音樂，越風味濃，挺有感覺。

素聞大坑是一個美食森林，幾步之內定必有一間餐廳在附近，今晚特別想吃越南河，便進來了這間火車頭。天花樓底很高，具有空間感。大蝦柚子沙律，越南扎肉，特色蒸粉卷我與朋友看了看餐牌，覺得這個火車頭套餐不錯，款式又多，便決定點了。先吃些柚子沙律，柚子清香甜美，酸酸甜甜的感覺非常開胃，清新怡人，配以已剝殼新鮮大蝦，鮮甜爽滑。越南扎肉感覺比較一般，跟坊間大部分的越南餐廳味道分別不大。蒸粉卷餡料充足，皮薄多汁，上面的蝦乾蔥碎非常惹味香口。火車頭招牌湯河每次吃越南湯粉，定必會吃火車頭，因為本人比較貪心又愛吃牛，火車頭有齊香滑牛丸，鮮嫩肥牛，爽甜牛栢葉等等，蘿蔔亦盡吸湯底精華，越南河粉掛湯力不錯，湯底牛香味濃，加上洋蔥蔥花炸蒜，格外惹味。咖哩雞配法包咖哩雞亦是我愛吃的食物其中之一，無味精香濃咖哩遇上嫩滑雞柳，令人一吃再吃。夾起溫熱的法包，浸沒在金黃咖哩裡數秒盡吸精華，更能感受到咖哩本身的原來味道。馬拉盞炒時菜馬拉盞本身帶點辣，用來炒菜，香氣逼人。

好耐冇去越南，有d掛住個度既美食所以約左哥哥去同我食下越南菜呢到既裝修都幾似越南個種樸實既感覺蔗蝦呢道菜我都係第一次見，佢係係蚊蝦肉中間放左個蔗落去😋個蝦肉質扎實，個蔗咬兩咬都有鮮甜既蔗汁流出黎😃乾撈檬粉我揀左豬排，見到佢咁肥美就知我冇揀錯😊東南亞菜入面我都幾中意食撈檬，因為個汁酸酸甜甜真係好開胃🙈配埋d菜食落好清新火車頭招牌湯河黎到唔知食咩見到招牌就叫黎試下🙈呢個個碗大過面盤，份量足足夠兩個女生食入面有牛丸，牛根，牛肉片，白蘿蔔配河粉個湯底好香濃，河粉吸收哂湯底精華😊好食椰青屋企好少有椰青，所以出街有得叫我都會叫個黎飲，仲要d果肉都可以食埋，飲得又食得，cp值爆燈👍🏻龍眼肉冰呢個都係我中意食既水果之一，所以都想試埋，佢有好多龍眼肉，眼見3/4都係果肉黎，好足料，飲落都好鮮甜😋埋單人均$186，食物質素真心幾好，下次口痕想食越南菜會再黎食💕👍🏻

今天和同事去灣仔開完會，同事說要請食越南菜，好正宗的。在天后地鐵站落車，沿皇仁書院方向行10分鐘就到。餐廳佈置，樓底好高，木柱支撐配特別燈飾，暗暗黃黃，好有悠閒的越南風情。我們點了~火車頭套餐，火車頭招牌湯粉，大大碗，很多豐富配菜，肥牛厚切，牛肚爽口，牛丸有肉質等等。試了一啖湯底，真的難以置信，湯底清澈得來，口感可以甘濃郁。淨飲湯都滿足了。侍應說食到一半就放些芽菜，九層塔，辣椒，檸檬汁，可以提升河粉層次和口感。大蝦柚子沙律，越南扎肉，蒸粉卷，全都是越南特色美食，再來馬拉盞炒通菜，爽口惹味。咖喱雞配法包，香香濃濃，不會太辣，連咖喱汁都不浪費，配法包來食，一流。

三五知己聚首一堂， 在大坑找一處靜靜地的餐廳共進晚餐談天說地。 住在銅鑼灣附近的朋友推介大坑這間越南餐廳，她預早已經book定枱了。 這裏的環境靜中帶旺， 店舖細細座位不多，但勝在坐得舒服。 我們點了四人套餐另加一點小食~火車頭拼盤小食~小食材料豐富，有香茅大蝦沙律、 蒸粉卷, 扎肉…,印象難忘的是大蝦十分彈牙。牛油雞翼~ 香脆肉嫩牛油味濃烈，是飯前小食首選。招牌火車頭湯河~ 招牌菜之一 ，第一次來當然要試。 火車頭的意思是什麼都有一些，生牛肉很嫩滑 、牛丸彈牙 、牛柏葉爽口， 果然是名不虛傳。咖哩雞~ 雞肉嫩滑咖哩的辛辣味恰到好處，用法包點汁來吃滋味無窮。

今日在天后收工，同事提議吃越南菜，此店從中央圖書館走過去15分鐘不到。店外大招牌寫著火車頭餐室，好易搵。門外有些越式裝修，有架單車，好得意。店內大約15張枱。看了餐牌，感覺點二人套餐較划算，188一位，不含飲品茶不過正好有我們想點的食物。套餐有火車頭招牌湯河，果然系招牌，材料豐富，牛肉鮮嫩，有配菜，不能吃辣的辣椒不能放太多。大蝦柚子沙律，越南扎肉，特色蒸粉卷，咖哩雞配法包，法包沾咖哩非常好味，馬拉盞炒通菜。

大坑的食街內有很多著名的餐廳食肆， 朋友帶我來這裏吃最著名的越南餐廳。 店舖在 寧靜的街道上， 門口放置著一架單車作裝飾店子細細但座位舒適， 充滿著越南地道的風味。火車頭拼盤小食~大蝦柚子沙律，甜酸度適中與柚子一起吃十分醒胃。蒸粉卷 & 扎肉 ~ 朋友生病了只可吃這不太熱氣的食物，她說蒸粉卷十分足料，內有大量豬肉及木耳紅蘿白。牛油雞翼~ 牛油味濃烈脆卜卜， 是雞翼控必叫item。招牌火車頭湯河~ 湯底是牛骨淆製而成 ，生牛肉煮得嫩滑 、牛丸超級彈牙 、牛根很淋嫩 。香茅鹽燒鱸魚~ 鱸魚用厚厚的鹽包著炭燒，估不到是肉質仍然很嫩滑， 每一口也充滿著香茅香料的味道。另外點了芒果梳打，紅石榴梳打解渴▪怡神。

今日一個人收工去左大坑食飯，早早之前同女朋友去左大坑食過一間西餐廳，食飽經過見到有間越式餐廳，門口好多人排隊。今日放工好肚餓，即刻坐車去左火車頭越南餐室食個飯啦。menu選擇好多好吸引，款款都好精緻，我主要想試下越南湯河。招牌火車頭湯河，入面有齊哂所有食材，有牛丸、牛腩、牛肉、牛筋，牛肉好香嫩鞋口，牛腩炆到好腍。湯頭的確好濃郁，入口咸香滋味。我再叫多一個小食，粉蒸肉。薄薄粉皮包住肉碎和香菇等食材，味道香口，唔會好單調。

餐廳位於大坑，鄰近天后站。餐廳內部環境是以火車車廂作為主題，座位舒適。蒸粉卷62元，四大件，熱辣辣，淡味道的粉卷皮配上香脆的炸蒜片和鹹味的蔥油，味道很夾。餡料豐富，包括有木耳、紅蘿蔔及豬肉等。蔗蝦88元，四件都很巨型，蝦肉有彈性，甘蔗新鮮，咬落有超甜蔗汁。新鮮椰青38元，肉嫩，汁清涼且很甜。炭火沙嗲雞三串63元，肉厚且嫩，表面有香料味道，醬汁有花生香味和少少辣味。牛油果軟殻蟹紙米凍卷78元，份量多，飽肚，軟殻蟹香脆。總結：大任抵食好味

今日天氣有少少回暖冇之前寒冷！最啱出外搵食！好想食越南餐！酸酸甜甜好好味最啱我胃口！呢間位於大坑浣紗街🥢🥢火車頭越南🇻🇳餐室　🥢🥢餐廳裝修俾你感覺好似去咗越南咁！非常休閒而且開咗個門好有氣氛！令人覺得好舒服😘好relax🙆‍♀️春卷共有四條！外層脆卜卜內涵裏帶點清新且香濃！而且好夠味！用新鮮生菜包裹吃是最正👍⋯⋯炭🔥燒沙嗲雞共有三串！雞肉充滿炭燒嘅香氣！肉質新鮮鮮嫩！充滿肉汁！配上自家製嘅沙嗲醬非常惹味⋯⋯豬扒乾撈檬粉豬扒肉質新鮮！而且好入味⋯⋯份量都唔少！加埋新鮮嘅蔬菜絲又爽脆又好味😋鮮蟹肉湯檬湯底非常鮮味！可能🈶️蟹肉嘅關係！有大蝦丶龍蝦丸⋯⋯備有大量芽菜丶青檸丶辣椒粒😬仲有佢秘製嘅醬汁！最後我哋連湯都飲晒！蒜蓉包非常鬆脆👍好香蒜蓉味🙆‍♀️這間小店服務態度非常好👍下次光顧仲有coupon八五折添⋯⋯

今日收工和老婆相約在天后集合一齊行去大坑搵食, 一轉入浣沙街就俾頭上面嘅招牌吸引左。因為我地兩個都好鍾意食越南菜, 見到火車頭呢三個字代表呢度肯定有越南粉食。😋餐廳名叫火車頭越南餐室, 裝修以越南古老火車車箱為藍本, 配以懷舊裝飾, 非常有情調, 餐廳仲設有車箱卡座, 可惜今晚已俾人訂座, 下次我地黎之前都應該要預先訂座。😌我地點左兩款餐廳招牌的湯粉, 越車菜必配的滴漏咖啡, 加碟馬拉盞炒菜, 兩個人share肯定夠食。😁火車頭招牌湯金邊粉 $98$98配的招牌火車頭湯粉超大碗, 牛肉湯底味道香濃, 而且材料豐富, 除左生熟牛肉之外, 仲有牛筋, 牛丸, 牛柏葉等配料, 另外仲可以自加青檸, 九層塔同芽菜, 味道層次豐富。😍鮮蟹肉湯檬 $108鮮蟹肉湯檬湯底用上好多蕃茄, 加上蟹肉, 非常鮮甜, 另外仲加左龍蝦丸, 春卷, 味道清新醒胃。👍馬拉盞炒通菜 $78馬拉盞非常惹味, 比一般味道辣, 通菜爽嫩, 份量亦好多。凍越式滴漏咖啡 $36越式滴漏咖啡味道香濃, 配練奶入口甜而滑。😋熱黑糖薑茶 $33埋單每位$194, 性價比唔錯。👍

已有一段時間未有和媽咪食飯，今天在大坑工作，於是便約了媽咪到火車頭越南餐室吃晚飯入到店內，已感受到濃濃的越南氣氛金庸提字，確是不同凡響啊Q 嘜保證，一定是信心之選蟹肉炒粉絲是我這個粉絲迷叫的，粉絲炒得非常乾爽，配料非常豐富，蟹肉亦多，所以啖啖都充滿著蟹味，好正牛油果軟殼蟹紙米凍卷份量十足，軟殻蟹伴著牛油果及生菜一起吃，很有口感，這個紙米凍卷真不錯燒豬肉濱海上枱時令人眼前一亮，美若一幅圖畫，經理教我們用生菜包著豬肉、米粉、生果、青瓜，及切碎了的調味粒，當然要加些少魚露才吃，果然食到舔舔脷，食材配合得宜，而酸酸的味道令人很開胃，最適合夏天食用結賬時經理還送了一張85折優惠卷給我們，下次光顧時可平DD 啊

一直都知道大坑有很多質素好的餐廳雲集於此，早前亦試過幾間...十分喜歡越南菜的我，今天與同事到這裏試一試這間火車頭， 結果令人喜出望外，菜式的選擇種類多，而且分量大，味道很不錯，是性價比高的一間餐廳！我們一行三人點了一個二人套餐，當中包括 大蝦柚子沙律、扎肉、蒸粉捲、咖哩雞配法包、馬拉盞炒通菜以及馳名的火車頭湯河， 另外還點了燒牛肉紙米捲以及雞絲撈檬。柚子沙律，扎肉及蒸粉捲是放在同一個大碟上，作為前菜及小食，柚子沙律做得很出色，不單柚子肉多，而且酸甜的味道跟生菜很配合，很有開胃的感覺，而大蝦則十分彈牙夾口！咖哩雞的咖哩十分香濃，辣度適中，裏面的土豆粒充滿咖哩香，煮得淋但仍然爽口，至於咖哩雞香滑有雞味，唯一稍有不足的是雞胸位置稍為乾身，不過咖哩汁滲透雞肉，十分香口，咖哩汁配上法包食更是一流！止於馳名的火車頭招牌湯河則是名不虛傳，首先上菜時湯河分量十分多，一個大碗盛載住牛肉 、牛筋、牛柏葉及牛丸...而湯底充滿牛肉香，香濃而且帶有甜味，配上芽菜及九層塔吃，令人齒頰留香。紙米捲的外皮又薄又滑，燒牛肉的牛肉汁香濃，牛肉軟熟，配合粉絲生菜及其他配料口感十分好，爽口彈牙、香濃集於一身。至於雞絲撈檬

天后行入跑馬地附近原來都唔少好嘢食，今次就試咗呢間越南風味嘅食物，感覺上都唔錯，雖然有少少難行入去但係都值得一去食下。生牛肉湯河，生牛肉嘅份量都唔少，足足鋪滿左成碗面上面，而且都算厚，雖然有少少難咬，但係份量搭救。加上旁邊有少少芽菜同埋辣椒青檸，可以放入去調味更加有越南街邊嘢食嘅風味。河粉份量亦都唔少而且唔會煮到淋曬，硬度啱啱好成碗面都合格。豬扒干撈檬粉，豬扒表面都煎得幾香脆而且香茅味都幾濃幾入味。入面都有唔少嘅配料，例如青瓜紅蘿蔔洋蔥等等。所以食落唔會剩係得檬粉嘅口感，仲有啲爽口都幾適合夏天食酸酸爽爽咁樣嘅開胃。蒜蓉法包，法包都烘得幾香脆，而且面頭蒜蓉都唔少不過如果佢可以塗滿晒兩邊嘅話會更加好。牛油雞翼，呢個就覺得啱啱好合格姐，因為面頭嘅咋粉太厚而且翻炸，加上入面只係得返少少嘅肉汁不過面頭有大量嘅蒜香蒜粒搭救，所以味道整體都唔錯。炭燒沙嗲雞串，雞肉都幾大粒，沙嗲味都幾香濃，旁邊仲有沙嗲汁俾你點，味道可以自己調校，而入面都仲有少少肉汁所以都笑得唔錯嘅唔會太乾身。最後職員嘅服務態度非常之好，而且食物嘅速度都來得比較合理，唔會一窩蜂咁黎晒所有食物唔錯。

剛做完野又喺大坑附近，而且又想食碗麵，於是就行咗去浣沙街覓食...經過火車頭越南河，想起幾年前第一次帶爸爸食越南河就是來到這間店舖，當時爸爸還說湯底好味，很重牛骨味道。爸爸的說話就像昨天跟我說的一樣...於是很自然的走進店內點了當天跟爸爸一起吃過的菜式。先點了一個火車頭招牌河，我和爸爸都很喜歡吃牛，招牌河內有生牛肉、牛腩、牛筋、牛百葉、牛丸，最令人難忘的是那湯底，十分重牛骨味道，最重要係當時爸爸也很喜歡吃隨後上枱是越式春卷及蜜糖魚露雞翼，最後是越式香草薑蔥蠔煲，蠔幾鮮味埋單$460