火鳳凰火鍋料理 (已結業)

今日去左何文田呢間火鳳凰火鍋料理打邊爐，超級正！！！出面成條街都錶位，方便揸車人士泊車，餐廳環境好，店員服務又好，有笑容又nice，地方坐位都闊落。不過最正最好都係食物質素同美道，我地2人揀左個霸王藏嬌窩，佢寫住有南瓜，三黃雞同雞湯， 實質其實仲有花膠，杞子，紅棗等等！個湯超級鮮甜好味！！個三黃雞仲鋪滿金箔，雞新鮮好味，雞肉很有雞味，我meet左隻雞脾來食！好正啊！！店員介紹可飲湯，真係超鮮甜啊！之後就點左海鮮拼盤，真心推介！！因為用料超級新鮮好味，又大大隻，有蟶子皇，大元貝，海蝦，鮑魚，蠔，翡翠螺，每樣有4隻，真係好豐富啊，真心樣樣都好好味！！一定再來食呢個！！之後加碟菜同烏冬已經好夠飽了，2人每個賣單都只係3百幾，但食到咁多新鮮海鮮同新鮮三黃雞同雞湯，真係超值，用料十足，服務環境又好，下次一大班fd再嚟！

係太平道呢間火鳳凰火鍋料理琴晚我朋友帶我去，試過真係一試難忘，真係好吾錯，又得打邊爐又有得唱K，野食又正，服務又好，價錢又合理，而且又開到零晨12點，真心推介。到達後環境安靜舒服，就算有唱k房都不會影響出面食野環境，menu都好多食物揀，雞煲，就咁打邊爐，海鮮樣樣齊，而且用料非常新鮮，全部都食到我lamlam脷啊。我地嗌左個霸王藏嬌窩，是三黃雞南瓜雞湯嘅湯窩，湯超好飲，好鮮甜，又冇味精，之後點了個海鮮拼盤，超厲害，好大盤，有大蟶子，大元貝，海蝦，鮑魚，蠔，翡翠螺，全部都好新鮮美味，又洗得乾淨冇沙，鮑魚又擦得好白，鮮甜好食。之後仲點左份雞子，其實吾多店舖有得嗌雞子，佢價錢好合理，先幾十元，大大粒好多粒就上碟，好鮮味好食，之後一定要加菜同烏冬，因為個湯底實在太正，令到最後食嘅菜同烏冬吸晒d海鮮同雞湯嘅精華，超好食，而家諗返都流口水！最後每人賣單都只係三百左右，好抵啊見有房可以book同唱k嘅，下次多人book間房玩都應該很正。

收工過嚟諗住去何文田睇貓貓，見到呢間嘢叫火鳳凰好型，朋友想食火鍋就上咗嚟試試佢，坐低都幾闊落，2個人有卡位坐，配料區全部都非常之祝，基本上你諗到嘅嘢都有。湯底叫咗霸王藏嬌鍋，上菜嘅時候好型呀，真係有隻三黃雞好似霸王咁企咗喺度哈哈，店員建議首先要飲咗個湯先，必試！好清甜！然後佢再幫我哋切開隻雞嚟食，入邊仲有一大個南瓜煲林咗之後溶咗落去湯底更加好飲！見到佢有唔同嘅套餐，至尊牛魔王好吸引，有封門柳、安格斯牛肩胛同牛板腱。不過我哋得兩個人同埋朋友唔係好食牛，所以叫咗個BB版，叫做平天大聖，上菜用咗隻細牛BB造型嘅碟，好特別so cute! 我哋叫咗個蟹籽鮮蝦滑，唔好睇佢得一舊仔咁樣，但係其實拔下拔下都幾多嚿，入口幾彈牙，爽口，而且蟹籽嘅份量非常足，每一舊蝦滑都有。韭菜餃一碟有八隻，同出面上海鋪食到嘅差唔多。另外怕打邊爐熱氣，仲叫咗竹蔗茅根，正常一查嘅份量，兩個人絕對夠，飲落清甜降火。整體嚟講都唔錯，而且店員親切友善，都幾多街坊同回頭客上嚟，可以一試。

第一次去呢度食，地點比較偏僻，裝修普普通通，食品一般，盤牛算叫做抵食，廁所超污糟，絕對不回再回頭來，原因只得一個，服務態度差，有名女員工好悔氣黑口黑面，男員工悔氣求其，得位經理正常，今時今日咁嘅服務態度好唔掂，以後唔會再幫襯！

午市出菜極慢，一小時也不能上完菜，店員不太願意幫忙，全程也沒人收過碟。點心價錢昂貴，78元的鴨舌大約只有6條鴨舌。最後，馬拉糕是酸的，叫了的炒河在40分鐘後，店員才通知沒有河粉，然後大家在飢餓下返回公司上班。

今日有朋友話想飲茶🫖，由於朋友一向鍾意相機食先，我就提議嚟火鳳凰試吓幾款精緻點心，畀佢影吓相; 點心唔錯，茶具都幾靚，特別要讚吓～職員好有禮貌👍🏻👍🏻👍🏻*所有點心，即叫即蒸*

餐廳位於何文田太平道嘅火鍋料理店,火鳳凰早午市主打點心和粥炒粉麵飯,食物當中不少有創意嘅打卡款式,餐廳晚市則主打火鍋,其中招牌鳳凰重生鍋以南瓜及三黃雞做主料,香甜美味,而且性價比高,餐廳裝修全卡位設計,坐得舒服,食得舒暢,侍應招呼有禮。餐廳現時下午茶有優惠餐,A至H粥粉麵飯米粉烏冬任揀一款再加一個由一至十二的點心任揀一款,特價只係港幣四十六元正,今天就約咗朋友上嚟飲下午茶。啤梨鹹水角這個點心外型似啤梨形狀,外脆內軟,內餡好足料,味道唔錯。籽蒸燒賣燒會內有鮮蝦,碎肉,香姑,燒賣面有很多蟹籽,入口香滑彈牙,食完真的想再encore。鳳城煎魚餅煎到金黃色嘅魚餅,入口外脆內軟,好有鮮魚味,夠香口。日式和風牛肉炒烏冬烏冬炒得好有鑊氣,牛肉吾韌,烏冬掛滿日式醬汁,越食越好味。蕃茄濃湯鮮竹卷三条又粗又大的鮮竹卷,炸到外皮脆卜卜,餡內鮮蝦鮮甜彈牙,配埋蕃茄農湯真是無得頂。

下午茶時段有特價組合，星期六、日亦同樣適用😍由於客人數量較多，建議先訂座再前往，到訪當天walk-in人數亦不少，訂座後到達仍需要等候下一張空桌。另一點值得一讚的是遇到的幾位店員都十分有禮貌👍🏻點心大部分味道都正常/優秀👍🏻個人推介既好吃又適合拍照的點心：奶黃荔枝球❤️ 鮮蝦腐皮卷❤️

打邊爐一定要揀返個湯底先，呢度有滋潤嘅雞鍋，又有芫荽皮蛋湯，不過今次諗住澳門胡椒豬骨鍋。湯底香辣濃郁，豬骨仲有好多好多豬脊髓，我哋瘋狂吸入！豬脊髓含有豐富的蛋白質， 可以提高抵抗疾病能力，尤其係對發育期嘅小朋友、手術或者大病後補充失血和修復組織特別有效用。🐷🦴🍖我哋見佢嘅套餐都好抵食，一個組合有晒海鮮同肉類，就揀咗佳選牛大哥套餐，包括咗美國封門柳、安格斯牛肩胛同高級牛板腱，估唔到份量好多，用一隻好大隻嘅牛裝住咁上枱，忍唔住即刻拍照留念，而且每款都好鮮嫩！🥩🥹🤤除此之外，我哋仲點了蟶子、八吋帝皇蟹柳、自家制黑松露墨魚滑、娃娃菜等等，非常豐富，所有食材都好新鮮！🦑🥒🥦🥗

我地點左澳門胡椒豬骨鍋，湯底好香濃，有豬骨嘅鮮味同埋胡椒嘅微辣香氣，豬骨入面好多猪脊髓，朋友係咁吸入！🐷🍲呢度有好多不同海鮮肉類組合，我地點咗套餐E-佳選牛大哥，入面有美國封門柳、安格斯牛肩胛、高級牛板腱三款肉，全部肉質鮮嫩多汁，尤其係封門柳，好滑好嫩，咬落好多汁，上菜時用一隻巨大嘅金牛裝住，隻牛有張咁大，真係好壯觀又霸氣，而且金光閃閃，打咭真係一流。🥩🐮🤩除咗牛肉之外，我仲點咗左不少火鍋配料打邊爐，蟶子好鮮甜，八吋帝皇蟹柳肉質相當厚實，黑松露墨魚滑香氣濃郁而且非常彈牙，係我全晚嘅最愛，娃娃菜新鮮爽口。🦀🍲🍜🥦朋友點左紅糖糍粑，非常出色，不會死甜，甜而不膩，食落好煙韌。👍👍👍

今年生日飯，朋友Book咗呢度同我慶祝🥳原來呢度除咗點心、打邊爐，仲有私房菜😊今晚我哋就食私房菜朋友訂咗房有麻雀🀄️仲有Karaoke🎤值得一讚就係每位員工都好好招呼佢哋既靚靚店長仲入嚟唱生日歌助慶氣氛更加大大提升🎉🎉

今日同朋友黎到旺角打邊爐 放工時間都唔少人 火鳳凰火鍋料理～ 海皇冬瓜原條沙巴龍躉鍋 $198龍躉鍋要黎啦🤩 係原條放起冬瓜上面咁上枱 係出面打邊爐都冇見過呢個湯底 所以就揀左佢黎上試試😇 放哂啲料落湯滾熟左就可以飲啲湯 好清甜好足料好好味😋 飲完湯仲可以食埋啲魚同蝦同冬瓜 吸哂濃湯既冬瓜好好食👍🏻 西班牙梅花豚肉片 $108肉質鮮嫩又夠滑 滾水淥一陣就食得 好味🤤 紐西蘭羊肉卷 $98有羊臊味 肉質滑嫩 好食呀🤩 自家制黑松露墨魚滑 $88好香黑松露味 墨魚滑打得好滑 食落係爽滑彈牙 推薦👍🏻 花膠筒 $88女士恩物 細細條又有膠質 唔錯呀👍🏻 鮮淮山 $38淥一淥爽口食得 淥耐啲淋左食吸左啲湯都好好味😋 四川薯粉 $28仲有呢個粗薯粉大條又厚身 打邊爐真係必點🤤 整體來講 呢間火鳳凰火鍋料理 湯底出色 食物質素高 店員服務態度好好 環境舒服😌 係聚餐嘅好地方呀 一定會再黎試其他湯底🤩

經open rice book咗2點，book之前已經打去問清楚先book枱。因為book咗2點，我早到咗都喺旺角行一陣，等埋兩老先一齊行話去。2點去到，就搵知客講人齊，見人多都行開一兩邊，唔想阻到其他人。一路等去到10分鐘，15分鐘，就搵餐廳職員問幾時入到座。當時知客行開咗，收銀既同事都指出book咗枱正常就係先入座。當知客返嚟，我地再問幾時入座。佢就竟然話有一堆等緊位既客1點就等緊啦，要安排佢地入座先。咁我想請問，我喺Openrice度book枱既意義喺邊？Walk-in就不嬲都係要等位嫁啦，會唔會我book咁食自助餐食放題，我要等半個鐘先入到座呀？如果唔識安排既，咁不如就停咗Openrice網上booking既service啦！忙還忙，返工唔止係要帶個人返工，都要帶埋個思考能力返工掛。如果唔係，因為約咗兩老，我一早就走咗人啦。我不嬲都唔會打comment既人，今次嬲到我覺得要打comment罵爆個冇安排冇思考能力既知客。另外，洗手間係會經開廚房傳菜位，地下有油好滑，係真係可以跌親個種嚟。枱係真係for打邊爐個種，腳下面既空間好少，新嚟既人又唔會知有𨋢上，但我地就算有睇youtub

放假，就會四圍揾食。今次去好少到區分食嘢。齋睇，有賣相喎。等食期間因為座房，見放有LED燈，但日光日白，居然都睇到燈色變化，有氣氛喎。一向大食，所以先叫一桶飯黎先啦當然。能夠食成桶飯，感覺好滿足。其實份量好一般，細食女仔加點心先夠，不過好似一個人食一大桶飯咁個感覺好正。呢個啤梨咸水角，師父今次唔夠專業，好油，末夾上手已經feel到油係到，一啖食落去，油都出埋，加上咸水角味唔夠喊無乜饀料，唔推薦大家食。當然，如齋為左影相無計啦！呢個奶皇荔枝球一定要叫，唔單止一入口香脆外皮，加埋紅色粒粒炸粉脆脆，食落“sasa聲”，再內饀流心嘅奶皇，唔太甜，奶皇味好香，配合得啱啱好，呢個真心想叫多碟。以上基本係一人食，因為我大食，另一個人齋陪，只食左一粒奶皇荔枝球，其實叫多個點心，應該夠二人份。百零蚊落樓，又可以打卡喎。

當日女朋友話去何文田食野，我心諗個頭有咩野好食呀⋯⋯點知約左係旺角東站等，中諗緊又要轉車，又唔知食咩野，之後先話行5分鐘就到，中要打邊爐，心諗旺角甘多要走到何文田問號？點知原來何文田係指隔左條火車軌，真係五分鐘左右就到，上到去個場都幾大，而且坐位都幾闊落。睇左幾個餐都唔知食咩好，幾個都幾好，又唔算好貴，最後叫左兩個餐，又食牛，又食海鮮一次過滿足兩個願望，個煲叫左個愉妃養生藥膳醉雞窩，藥膳味勁重，又多料，攪到我當湯甘飲左三碗，雞後上，質數很不錯，之後馬上見到待應拎住好大隻牛，心諗冇甘訂誇張嘛，點知真係我地個牛餐，無論食或者打卡都一流，但質數真係唔差，由於個湯太正，連醬料都冇去拎，之後上埋個海鮮，嘩，就甘睇又係好唔錯，食落又真係非常唔錯，好新鮮，無論蠔，蟶子，蝦等，正大滿足，可以再encore