炊豕店 (威靈頓街) (已結業)

史上最好味嘅豬扒飯😈呢間中環lunch time要排隊，等十分鐘先有位，$58 秘製豬扒飯配肉汁雖然有啲邪惡，但間唔中食一次，非常值得👏🏼 價廉物美😍豬扒好juicy，肉汁不得了，食落口唔油膩，香脆可口😋送飯好夾㗎，可以揀配蔥油底，但因為我唔想d飯吸太多油，所以食original。碗飯好大，食完就飽到上心口，女仔未必食得唒，份量男士都夠飽架😎

一間值得再幫襯的小店！餐廳裝修懷舊簡潔，餐具乾淨。食物質素比想像中好好多蔥油豬扒飯，蔥油香口不油膩，配飯一流😍。炸豬扒有驚喜，豬扒很大，炸漿薄而脆口又不油！是香港餐廳少見的質素。餐飲加$5竟然有支裝五花茶，不太甜，很清熱👍🏻，終於唔使飲汽水或奶茶😂👏🏻👏🏻小食選擇了大豆芽，少少酸又爽脆，配上幾片豆卜很開胃啊😍朋友選了豬手撈粗麵，豬手淋滑入味。下次要走炸蒜，因為忽較硬😅六點前入單仲可以作下午茶優惠🥰，好正

放工朋友帶我來吃這家他說很好吃的豬扒飯，就在威靈頓街地下，位置不算難找。店子不大，幸好我們不用等位。這裏主打吃飯，他的豬扒飯更是招牌。點了招牌的蔥油豬扒飯，朋友則點了期間限定的泰式豬扒飯，各人點了一支橙汁。上餐速度很快，意想不到的是飯很大碗，尤其塊豬扒，大過塊面!豬扒炸得很鬆化，一點也不乾，真係好好食！蔥油也很香，飯乾身而且粒粒分明，撈飯確是一流。朋友的泰式豬扒飯酸酸甜甜的很開胃，而且他愛外加了一塊超好的餐肉，十分邪惡！我們兩個不算細食，但食完呢碗飯都飽到上心口，所以呢碗飯性價比真係高！其實我哋重點多咗個酥炸鳳尾蝦，三大隻炸得鬆脆香口，點沙律醬真係超正！依家點小小的唔顯眼，但出品真的十分之正！強烈推薦！

今日去中環做野，經過左半山扶手電梯附近想食下野，又咁啱俾我見到呢間想食好耐既炊豕店，以前成日經過銅鑼灣想試都無試到，於是二話不說就走左入去食～入座時間係大概5點幾6點，仲有下午茶提供👍🏻但大食既我梗係叫正常menu食飽啲呢間餐廳最主打就係佢地既秘製豬扒飯，仲有唔同既汁揀。我就揀左最多人叫既蔥油啦～另外仲後加左個唐揚炸雞～啲野食黎得好快，但絕對唔似翻熱食物。豬扒一咬落去又脆又多汁，同我對炸豬扒既一貫認知截然不同！另外蔥油亦都好夠味，淨係食蔥油已經夠送一碗飯！同行遊人叫左個梅菜扣肉飯，以佢既價錢黎講絕不欺場👍🏻肥瘦均勻，好過唔少出名既中餐菜館呢度既炸物係十分之出色，佢既炸雞皮薄多汁，下次再黎一定會翻兜！

5月30日星期六星期六本應係放假天，但係之前因為肺炎未能集齊同事 開會。所以老細要我地今個禮拜六 係中環寫字樓舉行一個特別會議。開完會我同我老友 食個晏先返屋企。 行過見到呢一間炊豕店。老實講我唔識讀第一個字。 不過唔緊要啦。 最緊要有飯食啫。 呢間嘢裝修係用懷舊式 ，我行過去嘅時間佢哋播住王菲嘅歌，好有9x年代嘅懷舊feel 。一於試下佢。我點咗以下..."泰"好味豬扒飯( 加飯底) ( 加煎蛋)小食凉拌大豆芽我兄弟叫咗厚餐肉煎蛋飯"泰"好味豬扒飯( 加飯底) ( 加煎蛋)加煎蛋嘅原因係呢類型嘅炸豬扒一定要有雞蛋送飯先至會便好味。食落去塊豬扒非常厚身 炸得啱啱好唔怕油。可惜味料太重， 佢係用泰式汁配搭。 因個味料太重 遮住個泰式汁。 小弟估計如果我柯打蔥油會比較好啲。好彩我叫咗枝啤酒。 咁就balance番，剛剛好。凉拌大豆芽 好清新 , 配豬扒食真係唔錯.正! 一齊落去我好想食兩凉拌突然間諗起 (青瓜海蜇配麻醬). 但係可惜冇🤭如果有我又會追加囉。總結佢嘅豬扒 味料味大咗少少如果可以降低 我會比較鍾意. 但係如果同D麻甩佬 一齊飲啤酒咁又唔錯嘅....🤣🤣去完之後全日嗰腦都聽到王菲

下午茶時段肚子餓，想搵間有大大舊肉的餐廳食吓飯，見到這裏有豬扒飯便入去試吓。叫了一個人氣推介的「蔥油豬扒飯」，另加一塊厚午餐肉。果然不失所望，係厚切炸豬扒！仲要大大份！厚切炸豬扒其實好難整，好容易無汁或韌口，但這個非常好味，有汁嫩口，炸起身好脆口。午餐肉也是同樣外脆內軟有汁。所以食豬扒應該黎這些專門店比較好食，專一出高品質。食完猪扒飯，享受一杯蜂蜜柚子茶，其酸甜的獨特果香味，頓時緩解了我身心的疲勞～

有日食完飯行經呢間炊豕店見佢個裝修都好靚過兩日就同同事提議黎試下都排左廿分鐘先入到去睇左陣menu都唔使諗梗係試下個招牌肉燥豬扒飯佢地個肉燥汁做得好香口肉燥係豬腩肉砌粒豬扒超大塊又夠厚肉質又夠嫩非常之好食我個同事之後成日都話想覆卓豬扒飯絕對值得推介

其中一個list咗必食嘅炊豕店✅名字都令我印象深刻，記得銅鑼灣有分店，一直都想試吓😋每逢lunch time經過，無論堂食外賣都有條長長人龍👥👥今日我好幸福，有朋友嚟搵我食飯，排定隊等我所以唔駛等太耐就可以入去坐低☺️呢度所有菜式同豬🐷🐷有關！我哋分別叫咗秘製豬扒飯配肉燥汁 $58及蔥油豬扒飯 $62皮脆肉嫩，好juicy😍蔥油同肉燥都幾夾炸豬扒，不過食到尾都幾膩，可能太大碗，對女仔嚟講會食唔哂🐷蔥油豬扒飯 $62🐷秘製豬扒飯配肉燥汁 $58

三點三🕒行到汗流浹背食個厚豬扒麵涼涼冷氣抖一抖.🐽蔥油豬扒撈粗肥美豬扒見到都好開心雖然蔥油麵越食越鹹略欠蔥香但teatime有如此大份量可以原諒🐽‘泰’好味豬扒飯（期間限定）topping 滿滿非常開胃好味茶餐跟樽裝蘋果汁珍珠米亦毫不吝嗇美中不足哩塊豬扒有少少未熟透店面細細但港式佈置都有點小心機而家外賣仲有八折優惠相當抵食仲有紅白啤酒小店嚟講都幾有心思.而且疫情期間都有提供口罩紙袋同搓手液令人食得安心🥰

和朋友中午在中環無聊走走，最後被這家店的古舊裝修風格吸引。決定一試，叫了一碗沖繩豬軟骨飯，一碗滷肉飯。豬軟骨比較硬，如果煮至軟身會更加好，但整體味道是不錯。而滷肉飯比豬軟骨飯味道更佳，滷肉飯的醬汁鹹香，但不會過鹹，味道適中。整體來說頗推薦這店，下次會試試他們的招牌豬扒。

之前就食過銅鑼灣間分店，中環呢邊位置比較闊落。呢度嘅招牌係豬扒飯，所以今次就食另一款豬扒！食咗秘製肉操汁豬扒，轉左撈粗麵底。塊炸豬扒超大塊好厚身，好足料嘅感覺。雖然係炸豬扒，但係炸粉一啲都唔厚，所以食到大大啖豬扒！肉燥汁入邊仲有少少肉碎撈落粗麵度食一流！另外仲加咗滷水雞蛋，好入味。另外朋友就叫咗蔥油豬扒撈粗麵，豬扒一樣大大份，蔥油好香！仲有叫咗梅菜扣肉飯，扣肉肥瘦分明，好好送飯。呢度嘅小食選擇都唔少，仲叫咗款唐揚炸雞，一樣都係炸粉一啲都唔厚，配埋個沙律醬食，真係好好味。另外仲叫咗款咖喱角，上枱嘅時候所有炸物都非常之熱辣辣。一碗麵嘅份量都幾足夠，最後都食到好飽！而且係中環地段來講，價錢都好相宜。

行過威靈頓街，俾佢簡約裝修吸引住。 終於今次同同事試吓呢間出名嘅炸豬扒。 ⭐️秘製豬扒飯 （肉燥汁） $58超級大塊豬扒，有成個碗咁大塊。炸得卜卜脆，炸粉唔算太厚，食落啖啖肉。 肉燥汁味濃但唔算多，未必夠你撈曬成碗飯。不過對我呢啲細食嘅人，份量係超級大，真係冇可能食得晒。 ⭐️沖繩豬軟骨撈粗 $60 豬軟骨好林，粗面好入味。 成件事俾炸豬扒感覺健康d . 份量都無炸豬扒咁大得可怕 不過枱比較細，有d 迫，同其他食客有d 太親近. 味道可以補救加番分😊

今日嚟到中環食白色情人節飯, 想食得實惠D所以就嚟食炊豕啦!! 又抵食又正~我地叫左一個蔥油豬跟撈粗($62). 豬扒好松脆, 但唔會油啊! 上面仲有大量蔥油, 同粗面撈埋一齊食好香蔥味~ 另一個叫左豬軟骨撈粗($60). 主角豬軟骨好入味, 甜甜地好惹味的. 再加上有D jelly口感嘅part, 食落口仲有D”漿”. 小食叫左新item~ 唐揚炸雞 ($28). 呢度D炸物都係出色的! 食落口好juicy~ 上面撒上左辣椒粉, 再點上D mayo食好夾! 飲品加$5就有soft drink / 熱飲. 今次要左hot ginger tea^^ 暖身好飲!

係餐廳門口見到有木嘅裝修，幾有特色，就入左去。我點左呢間嘅signature推介葱油豬扒塊豬扒係厚切，每一塊都3cm 咁厚。好多餐廳煮到啲肉好鞋，呢間做到入口鬆化，肉汁豐盛，不會乾身，很易咀嚼！葱油炸至焦黃，份量很多，香味四溢！不過，醬汁比較少，如果多啲醬汁，就不會咁乾身。女仔食的話，可以剔少飯，因為飯都頗多，食完豬扒已飽了一半！鹵水雞翼非常入味，雞肉保持到嫩嫩的！非常值得推介！呢期限定泰好味豬扒飯～泰式酸辣醬再配一些花生，青瓜絲等。大家都可以試下！吾係成日有的！飲品點左個蘋果汁🧃雖然比較小瓶，不過幾好飲！

早幾日咁啱喺中環做嘢，收工約朋友食埋晚飯先返屋企，一直有留意賣炸豬扒出晒名嘅「炊豕店」喺威靈頓街開咗分店，一於就去幫襯下鋪頭細細，點餐係寫紙仔嘅，除咗主打炸豬扒仲有好多款小食，留意返有多飯同少飯嘅option，主食本身份量一啲都唔細，如果唔算大食嘅朋友都可以考慮下叫少飯！下午茶時段去到6點，我地咁啱5:50坐低店員都冇催我地落單真係好好人。呢頭點完就上菜喇真係好快，我地兩個分別點咗人氣推介既蔥油豬扒飯同肉燥汁豬扒飯，塊豬扒真係手掌咁大，而且有返咁上下厚度，仲好juicy一啲都唔乾，真係一啲都唔簡單呀！港式蔥油，成球雪糕咁多，真係唔驚食到尾得返啲白飯肉燥汁又係另一個感覺，一百分台灣風味小食有酥烤鳳尾蝦，炸到好脆，唯一挑剔係炸炒厚咗少少，但味道搭夠麻辣炸魚蛋就好有驚喜，啱啱炸起嘅魚蛋配上麻辣汁好香口！ 好少喺街食到嘅味道！跟餐加$5蚊就有熱蜂蜜生薑茶，好暖胃！兩個人埋單$164蚊捧住肚走，以中環嚟講呢個價真係超值呀！一定會多多幫襯