炊豕店 (威靈頓街) (已結業)

嚟到中環半山大部份都係西餐 難得搵到間港式味道嘅 店舖內外嘅裝修好有香港嘅特色 啲木枱木凳都好有懷舊嘅味道呢間餐廳係會放啲點餐紙係枱 自己點完餐之後就俾啲職員 唔會有平時嗰啲一份份嘅餐牌㗎 （好似食日本拉麵咁點餐）我哋叫咗個蔥油豬扒粗麵同埋泰式豬扒幼麵 （可以選擇飯）泰式豬扒飯有配泰式辣醬 仲有啲蔥喺上面 好有食脆香雞翼嘅感覺🤣不過最經典都係佢塊炸豬扒真係超大 又炸得好香口好脆 豬扒係半肥瘦 唔係平時果啲煎到好乾既豬扒 一食落去會有少少豬油滲出嚟 雖然係好油膩但係都幾惹味🤓間唔中食下冇所謂啦我都幾鍾意食佢啲幼面 撈埋啲泰式醬汁好開胃 粗面就配蔥油豬扒 其實感覺都幾match嘅 嘢飲方面叫咗支蘋果汁（+$8）同埋五花茶 （+10）覺得食啲熱氣野飲下果汁同埋涼茶都幾好 有呢個選擇唔錯😆

中環有咩抵食,又味道好嘅食物?呢間店平日都要排隊,今日假日唔太繁忙時間嚟食終於少D人.之前都係食飯多,今次轉咗蔥油撈麵,原來更加惹味啊.而且蔥油相當夠,咁啱我係下午茶時間食,價錢更加抵食.另外,其實都要咗個厚午餐肉飯.下次我應該會轉埋撈麵,因為原來麵真係正好多.午餐肉好夠厚,但就咸咗d,個煎蛋一般,可能係我一向麻麻煎蛋,但就好鍾意食午餐肉.最後仲叫咗雞翼.都幾抵食,今日又咁啱唔算多人.所以都坐得幾舒服.佢地嘅蔥油仍然係咁正,大家一定要揀.其實單係撈傻我都會覺得勁好味.不過係就係真係咸DD,同朋友都有叫咗2罐可樂,但其實仍地嘅豆漿都好唔錯.平日lunch會多D人,所以可能假日會再好少少,平日排哂隊直頭有條龍.

The seats available are not as many. When we arrive, there are ard 6-8 people on the queue already. We just wait for ard 10mins (i guess the waiting time would hv been longer but for the recent WFH arrangements).Even when we leave at ard 1:30pm, there are still people on the queue. The seat is more spacious than i expected. the food choice may not be the widest but most of the food on the menu looks appealing. I ordered a 肉燥汁炸豬排飯. The 豬排 is the biggest one that I have ever tried for 1 person's p

因為疫情少左出街食好西今日有野做黎開上環呢頭知道呢到有間食我至愛既炸豬扒好正成日排晒長龍又點可以放過佢呢？店員非常之貼心比個紙袋我用黎放口罩又有得比客人揀用普通餐具定即棄餐具真係就算依家香港有疫情都可以放心食點餐要寫紙仔，一目了然價錢唔貴而且都唔止豬扒仲有好多其他主食同小食我分別點左人氣推介既蔥油豬扒飯同秘製豬扒飯（咖哩汁）睇下呢到Ｄ豬扒，成隻手掌咁大而我隻手掌仲已經係比一般男性大豬扒炸得外脆內嫩金黃香脆既外層咬落去索索聲又唔會油膩入面既豬肉夠晒嫩滑有肉香蔥油既咸香同豬扒簡直係絕配而咖哩汁係充滿港式風味既味道配上香脆既炸豬扒就完美啦滷水雞翼滷到又淋又入味，基本上一lun就成條骨都甩到出黎飲品就每杯跟餐加５蚊點左熱柚子蜜同熱薑蜜熱柚子蜜柚味清香熱薑蜜薑味十足，飲完之後暖笠笠見到張單，一個字：抵食

平時無黎開中環，但之前聽朋友介紹呢間舖頭聽聞出名豬扒飯，就黎試試！！入到門口見環境都幾唔錯，因為早左黎食晚飯，6點左右人唔算多，即刻睇下身邊既人食咩諗住跟住叫。第一眼都見到幾多人食炒滑蛋豬扒飯，就決定跟單照叫🤣一食就知道廚師真係好用心製造，豬扒定都好夠熱，外脆內好多肉汁，令人想咬完一啖又一啖。再叫咗個curry豬扒麵！！我個人覺得個麵底有d乾，如果肉燥汁再加多少少油就非常之滿分好食！！不過curry吾辣都幾好，而且汁非常之多🤣要撈汁食嘢嘅我就啱哂！！而且豬扒都係一樣嘅厚，啖啖肉！！吾好睇佢細細碗，吃哂都飽到呢🤣😂我地仲叫左炸魷魚鬚！少少lone加d醋好好食！！以中環既價黎講，我都幾推薦再試！！

接朋友收工,佢帶左我黎食台灣菜。呢間野好有6,70年代香港既FEEL,所有餐具,TABLES,用具都好仿古。雖然係星期六但仲有下午茶,正呀!都幾抵食,叫左飲品,小食同飯,平均每人都係80蚊,都唔錯。我叫左個泰好食豬排飯,有D肉燥可送飯,豬排好入味,唔錯唔錯!菜既份量都好多,所以就算食左好多肉都唔會覺得GUILTY。仲加左3隻鳳尾蝦,好酥脆,性價比高。朋友叫左梅菜扣肉飯,梅菜份量多,勁岩送飯,我都食左唔少,佢仲加左EGGS添,我食左半隻,味道都好唔錯!佢好健康咁飲豆漿。我好邪惡咁飲可樂!呢度上菜快,環境唔錯。仲意懷舊既人岩黎呢度食個靚TEA。

同男朋友係中環見到呢間裝修幾特別就入咗去食！間店既裝修好似客棧，入面有啲70/80年代既poster主食全部都係用豬肉做食材，款款都睇落好吸引！仲可以加蛋添，係中環黎講，價錢都唔貴我哋叫泰好味豬扒飯、蔥油豬扒撈幼麵同埋辣味海蜇本身想加蛋但又驚食唔哂，不過見隔離枱叫咗之後，下次一定加，因為真係好正泰好味豬扒飯，其實就係泰式既汁淋上大大塊既豬扒上面，醬汁係油泰式辣醬、洋蔥、紅蔥同青瓜絲做成既。幾特別！蔥油豬扒好足料，塊豬扒好大，大過我塊面，肉質唔腍又唔會太難咬，岩岩好邪惡既蔥油撈面食一流！佢又唔會太油！鍾意食辣就加啲辣椒油，仲惹味我加左蘋果汁，係泰國牌子，好好飲！辣味海蜇，個人覺得唔夠辣但海蜇好爽好好食！佢既醬偏泰式辣醬，酸酸地幾開胃！

今次已經係第二次嚟,上次12.15嚟已經要排隊，我諗排咗20分鐘至半個鐘左右?所以今次星期五帶埋兩個同事嚟11.45就到, 好似係第一個坐低嘅客人我上次食咗蔥油豬扒飯(冇影到相)其實不嬲都唔係特別鍾意食豬扒但呢個豬扒真係超級好食直頭外脆內軟，好香. 好彩一早睇咗OpenRice啲review嗌少飯因為小飯嘅份量都大過你平時屋企食一碗飯. 飯嘅份量對於有啲男仔來講都算多-所以大家請勿浪費今次嚟我就推薦兩位同事食豬扒飯佢哋一個食咗泰式豬扒飯另一個食肉操豬扒, 我就叫咗豬軟骨飯，之後我哋再share一碟calamari- 兩位同事都食到好津津有味 都認同好好食自己就覺得個豬軟骨飯OK嘅, 好林, 但未去到佢呢度嘅炸豬扒咁值得推薦,魷魚都係炸得幾好但我覺得又唔係好食到魷魚味, 鹹味又唔係好出 ,所以soso不過都係非常滿足😁😁😁近期喺中環食過最好食嘅lunch

收工係中環食呢間平時中午排到癲嘅豬扒店。呢度主打炸豬扒，配飯。飯有得配咖喱汁或者肉燥汁之類。朋友叫左肉燥汁豬扒（$58），塊豬扒就原味嘅，肉燥汁就直接淋上飯度。我叫左泰好味豬扒（$62），呢個就有泰式風味，將泰式酸辣調味放上間豬扒度，酸辣開胃。豬扒超級大塊，好厚，有2cm，個皮雖然係炸，但係唔會好似日式吉列咁太熱氣，但依然脆身，好香口。每碗附帶兩條菜，平衡一下。另外我地叫左個小食就係椒鹽魷魚鬚（$38）。非常酥脆，魷魚亦大大件，外脆內有咬口，正！呢度打卡都一流，有啲復古擺設架，侍應有啲係講英文嘅添。雖然呢餐有啲熱氣，但係時不時都應該比自己放縱一下嘅！

喺中環返工都聽過炊豕店，呢間台灣人氣小店，午飯時段經常大排長龍。年尾多嘢做要加班晏收工，晚上見唔使排隊，即刻跟同事去食返個豬扒飯！餐廳裝潢 懷舊有Vintage感覺，店小整潔有點擠擁。店員態度良好，點餐送餐服務秩秩有序。眼見顧客車水馬龍，翻枱率高甚有效率！餐廳主力做豬扒飯，有3款招牌口味 -蔥油、秘製肉燥、秘製咖哩，每款都係$50-60。呢個價喺中環基本上都好難搵到！秘製豬扒飯 (肉燥汁) 58招牌飯餐 神級豬扒好似隻手板咁大塊，差不多遮住個碗，外皮鬆脆粉薄，炸得乾身唔油膩，肉質嫩滑Juicy。肉燥滷蛋飯 54呢度嘅肉燥係用切碎豬肉粒，肥瘦適中 特別有口感。醬汁用甜醬油混製，鹹中帶甜，非常惹味撈飯一流。椒鹽魷魚鬚 38必食推介！ 採用魷魚鬚 酥炸香脆，椒鹽惹味香口，有濃烈嘅海味魷魚乾味，應該係經過風乾吸收曬水份，才用高溫油炸，魷魚鬚味道非常突出！

星期六既晚上同朋友行完街就出動搵食啦路過見到有格調既餐廳 好型既門面時間尚早 唔駛排隊就入得入到去就一人一張點餐紙見到有限定飯 就覺得勁吸引一定要點先黎左汽水 跟餐點 最抵食海哲 好開胃既小食唔會過辣 唔淡口先黎豬軟骨飯有好多配菜 唔會得肉咁寡豬軟骨超淋 比平時車仔麵既食到既更加淋而且好入味咬唔去好膠著個口 充滿骨膠原感覺泰好味豬扒飯加厚切餐肉餐肉真係勁厚 咬落啖啖肉 勁滿足而且餐肉炸得香口泰式醬汁酸酸甜甜咁 令到炸豬扒感覺無咁油炸粉唔厚 食落好香口 又炸到脆卜卜而豬扒就好淋 外脆內軟食下食下 餐廳就開始多人啦果然為左食好野 行遠啲都抵餐廳仲會提供英文餐單俾遊客貼心既服務

今日同朋友行過中環，到咗威靈頓街附近，見到除咗一般酒吧同西餐廳之外，有一間走舊香港懷舊路線的飯店，裝潢樸實，牆上的80年代舊海報，卻吸引了不少人在門外排隊入座。論主菜款式，這間店不及其他中環茶餐廳種類多，但就因為專注做好豬扒和豬手的粉面飯，所以特別出色。見到餐牌上蔥油豬扒飯係人氣推介，所以特別點了一客嘗試。豬扒比一隻手掌還要大，而且十分厚身，肉質鬆軟，外皮鬆脆，加上蔥油非常香口。切開豬扒，才見到原來質地乾身鬆脆的豬扒下面，有濃濃的豬扒湯汁，為粒粒分明的白飯添加不少味道層次。另外朋友點了一客話梅花雕豬手幼麵，豬手通常冇咩醬汁，以為撈面會好乾身，但效果又比想像中好喎，面條本身撈左油，所以入口滑嘟嘟，雖然係比較油膩，但偶然一次就算啦，整體感覺好好，話梅香味突出多點就更好。最後同朋友share左一個辣味海蜇，質地爽口彈對面是不錯的小食，而且味道不算很辣，啱幾個朋友齊齊分享。

平時這間餐廳喺 中午嘅時間非常之多人排隊, 喺今日夜晚剛好有位, 難得入到去, 就入去食發現原來個餐廳都幾特別, 外面同裏面個格局完全唔一樣, 裏面有懷舊角特色, 再加柔和燈光, 好relax, 佢嘅食物主要都係以豬扒為主, 除咗飯之外, 仲可以配到面我就配咗粗麵嘅撈麵, 再加咗厚切嘅午餐肉, 非常之大碗, 豬扒同午餐肉已經鋪滿咗喺個碗上面, 先食午餐肉, 厚切嘅關係, 非常之邪惡, 煎得非常之香, 另外撈麵q彈, 配鮮甜嘅醬汁,再加咗爆香咗嘅蒜, 非常之香口,最後豬扒, 炸到金黃色, 咬落去好脆身, 非常的juicy呢, 一餐只不過係80蚊, 係夜晚嚟講非常之抵食

週四晚中環有新舞場，收咗工就約同女伴舞前食個簡單晚餐。得知喺銅鑼灣幫襯開間「炊豕店」喺區內新開咗間分店喎，兩口子就決定去試一試，睇吓同本店有冇得比。喺威靈頓街上，新店鮮明突出。為方便排隊嘅食客揀選食物，門外有大大張中英對照嘅彩圖餐牌任君參考。店內嘅木造枱櫈、海報剪報及日曆燈飾等，都顯出裝潢簡樸得十分懷舊有特色。餐桌上擺有自助餐具及調味料。只有中文版嘅點菜紙講明每位客人設有最低消費$40，並且每人要填一張。新贈嘅啤酒及紅白酒項目就貼咗喺窗邊。酒鬼XO仔就要咗枝清爽嘅Corona（$30/樽）。秘製豬扒飯（肉燥汁；$58）：招牌靚飯嘅白飯底粒粒飽滿肥潤，即叫即炸嘅秘製豬扒金黃吸睛，咬落香脆無比，肉質厚潤鬆爽，伴上帶甜嘅肉燥汁已夠濃郁惹味，絕不比銅鑼灣本店遜色！沖繩豬軟骨撈粗麵（$60）：意外地，靚女所點嘅沖繩豬軟骨撈粗麵個粗麵煙韌軟潤，而且入哂味，豬軟骨量足軟腍，極易入口。厚午餐肉（另加$10）：厚午餐肉熱辣香口，外脆內嫩，正到包大家食過返尋味，簡直係冇得頂呀！豬豬專門店「炊豕店」於中環新設之分店格調輕鬆懷舊，服務生友善效率高，招牌「秘製豬扒飯」、「厚午餐肉」及「沖繩豬軟骨撈粗麵」均質高味

Happy Friday，朋友約左我去蘭桂芳飲野，飲野之前當然要填飽個肚先啦，我地去左威靈頓街一間豬扒飯專門店食晚餐。呢度有好多充滿港式味道既飯，淨係豬扒飯都有三款，好吸引，仲有其他小食。我地點左兩個飯同埋一個小食。黎呢度食飯，當然要點豬扒飯啦，我地點左一碗秘製蔥油豬扒飯，豬扒超大塊，皮脆肉嫩，飯係用左珍珠米，粒粒分明又軟熟，撈埋啲蔥油，勁惹味！另外，我地仲點左碗沖繩豬軟骨飯，豬軟骨份量好多，而且好入味。呢度既豬軟骨真係整得超好，入口即化，係我食過最好味既豬軟骨，仲有白菜仔、蓮藕同蘿蔔，好豐富！我地仲點左個炸芝麻雞翼，芝麻雞翼炸得好香脆，再加埋啲調味粉，勁香口，雞翼有少少辣，我點左樽五花茶下下火就perfect!以中環既物價黎講好抵食。