炊豕店 (威靈頓街) (已結業)

weekday放工 屋企冇飯食 就黎左中環呢間餐廳 好多時間lunch time經過 實在太多人 冇機會食到 反而730 左右到 仲有幾個位 唔洗等 餐廳比較細 用紙點餐 送餐快速 叫左一個滑蛋叉燒飯 食落味道普通 比其實餐廳既同一個飯差 蛋唔算滑 同埋有豆角 0比較奇怪叫左一個招牌咖哩豬排飯 咖哩一般 唔太spicy但豬排一流 食落唔覺得好油膩 反而仲鎖住肉汁 唔知點整到 非常推薦 份量剛好小食叫左個大豆芽 冇咩特別仲有一個炸八爪魚 非常好食 again炸完 都唔油膩 但仲有隻炸既味道total二百左右 合理

平日lunch 大排長龍，根本無可能食到，今天晚餐輕輕鬆鬆都有位😎佢嘅裝修好有特色，60時代feel, 好懷舊, d碗都係雞公碗，枱好似舊時d學生枱!小妹同男友人叫左秘制豬扒飯（咖哩味）加炒蛋加滷蛋豬扒好tender, juicy 得來又脆，果然係首選！炒蛋不過不失，小妹覺得d飯要讚，粒粒分明，咖哩汁正嘅，唔太辣！涼拌大豆芽酸酸地好開胃！男友人好鐘意呢個芝麻雞翼，小辣！總結來講，佢80幾蚊咩都唔加都有一個飯，質素咁好，CP值咁高，唔怪之得咁多人lunch排，小妹下次會翻食！

係附近買完野，行內街見到呢間餐廳，價錢唔貴，又岩食，就坐低食晚飯啦！好彩我地黎得早，我估再夜啲應該好多人黎，門口set好晒排隊既位置。種類唔算話好多，但有飯有麵又雞有豬秘製豬扒飯，配葱油豬扒好鬆軟，好稔，炸到好鬆化，炸粉唔會太厚，啖啖咬落去都係肉。平時都少食葱油既配搭，但其實又幾好食，幾夾喎！加上個葱油唔係好咸，有芝麻香，好食！豬扒稔又香！梅菜扣肉飯梅菜墊底，好稔，甜甜地，唔會好咸，味覺剛好！扣肉一層瘦一層肥，而肥又唔會話好多，唔錯！扣肉好入味，一咬就開，正！鹵水雞翼雞肉好嫩滑，有肉汁！鹵水好香好入味！唔錯！飲返杯野做個好好既完結！

一直久仰炊豕店的大名，之前想試銅鑼灣分店，但係經常大排長龍，裏面位置不多，而且那時剛好有生好多暗瘡，唔敢食炸嘢。 聽好多人讚好食，我都好想試下，於是去咗中環分店。星期六晚人不多，而且餐廳內環境闊落，位置更多。我點了招牌菜蔥油炸豬扒飯，囡囡就食沖繩豬軟骨飯，另外配飲品五花茶， lemon cc，同小食辣海蜇。聞不虛傳，真係非常美味 ，蔥油香濃惹味，炸豬扒脆卜卜，裏面嘅肉唔會鞋，嫩滑而且juicy。囡囡嘅沖繩豬軟骨飯，豬骨炆得非常淋，撈飯食好正，而海蜇都非常好味爽口惹味。食物好高質，令人有一種幸福滋味。

呢間炊豕店係小店黎，有兩間分店。之前都食過銅鑼灣店，今次真係食過反尋味😂😂😂今晚去Aia睇馬戲團，所以就係中環附近揾野食～係無錯 中環😂我睇錯左呢間係中環，其實係上環😂好彩都行到！我地叫左兩個飯同一個小食加野飲！叫左沖繩豬軟骨飯、秘製豬扒飯加咖喱汁、仲有辣味海蜇，仲加左塊厚切嘅午餐肉🤪🤪🤪個豬軟骨好入味，大大塊，一碗飯有兩大塊！男朋友就食秘製豬扒飯加咖喱汁，之前食個蔥油味都好正，今次就試吓啲另一種味！個咖喱吾會好咸，甜甜地，撈飯好味！重點梗係要講下塊豬扒啦！勁大塊！炸得好香脆！啲飯食完，但豬扒都未食完😂😂我真係好鍾意食午餐肉，所以見到餐牌寫住厚切午餐肉，我忍唔住加咗$10蚊😂

中上環呢啲鬧市嘅餐廳雖然多，但價錢始終偏貴。呢日同朋友去左呢頭做野，到3點都未食晏，決定捐窿捐罅搵平靚正嘅好西，最後終於比我搵到間專係食豬扒嘅餐廳。門面相當日式，一開始我仲以為係食日式野😂門口前邊仲有啲空位比客人排隊，睇黎如果喺繁忙時間黎食嘅話就要排隊👀我地嗌左肉燥汁豬扒飯同沖繩豬軟骨撈粗麵，份量好！大！豬扒有成隻手掌咁大，好誇張😂好彩嗌左少飯，如果唔係真係食唔晒😂廚師好貼心咁將豬扒一開三，唔會食到冇晒儀態😌炸衣完全唔厚，非常酥脆而且唔油膩；豬扒好厚切但一啲都唔韌，仲好淋好juicy，必叫🤤肉燥係用肥瘦均匀嘅肉粒整成，有口感，甜甜地，送飯一流！豬軟骨撈粗都唔野少，豬軟骨炆到好淋！仲有蓮藕蘿蔔嘅配料。粗麵爽口，索哂啲醬汁，同埋炸蒜粒，齋食個麵都正😂🤘🏻芝麻雞翼脆卜卜，熱辣辣，好香口。雖然話落咗辣粉，但我地唔覺得辣🤣飲品都幾高質！

中環行經發現炊豕店, 門外看到Menu,價錢唔貴。入面環境整潔, 我就入去試一試! 炊豕店原來有名是炸豬扒飯！我當然叫了豬扒飯。上枱時十分吸睛，我有點震驚， 因為碗很大，整塊大豬扒放在碗上面，幾乎看不到下面的飯。 豬扒是厚切，香氣滿溢，是等不及馬上咬一口炸豬扒。豬扒外脆內軟，咬落去脆卜卜， 跟日本的炸豬扒完全不一樣，不會太乾身，肉嫩而不韌，保留鮮嫩肉汁，是豬肉最高境界。厚切午餐肉認真唔野少！十分脆口!對於飯癮的我，一口接一口把白飯吃光。另外，叫了叉粒豆角蔥花炒滑蛋飯。炒滑蛋都做得好出色。係滑蛋上加上叉燒粒、豆角同葱花，金黃蛋汁包圍著每一粒米飯，再加啖啖肉的半肥瘦叉燒，是多麼幸福。平平無奇既滑蛋加添唔少色彩，口感同味道都大增 。好滿足！！！

難得約到朋友食飯，又要就朋友係中環放工，搵過最經濟實惠嘅就係位於中上環嘅炊豕店。一去到已經覺得舖頭好靚，有啲懷舊風，好啱打卡。入到舖頭又有啲懷舊海報咁，好有feel。睇出面個餐牌好似碗碗都好正咁，最後決定試下期間限定嘅「泰」好味豬排飯同沖繩豬軟骨飯（連飲品）。冬天=大食係自然定律，所以我地都嗌埋滷水雞翼做小食。等咗一陣就好快上菜！見到塊豬排咁大真係即刻「哇」咗出聲🤣🤣🤣真係就黎大過自己塊pizza面又厚！豬排上面嘅青瓜、洋蔥絲係醃過，酸酸甜甜咁，好開胃，配塊大豬排食就唔怕膩！另一碗沖繩豬軟骨飯就好多餸。有蓮藕、白蘿蔔同好多好淋好入味嘅豬軟骨。味道甜甜地，啲汁仲好啱撈飯食添！最後就係滷水雞翼！雞翼超級入味！唔會淨係得個皮有滷水味。最好兩個食完埋單都只係$156，依個價錢係同區真係好少見。最重要係真係好大碗、好足料，食到我同朋友捧住個肚。😋😋😋下次要再黎挑戰埋其他豬排飯！！！

中環收工，路過裝飾很有格調的餐廳，走近看看，原來賣的是懷舊風情，以豬扒飯作主打，很有感覺，於是入去開餐。主打是豬扒飯，還有其他美食。飯亦可以轉作麵，多一個選擇。見到期間限定的泰好味豬扒飯，便把握機會，點一碗。少飯還可減一元。上碟時，最搶眼的是超級大塊的豬扒！是能蓋住碗面的大小！這種霸氣還真的非同凡響。廚師還把豬扒切成四件，方便食。豬扒新鮮炸起，香脆可口，加上泰式醬汁，甜甜酸酸，以及大量洋蔥搭配，味道濃烈，而且開胃。小食是椒鹽魷魚鬚，個人化選項是走蔥。其實蔥的份量不多，主要是點綴一下。鬆化的魷魚鬚，帶著微微鹹香，調味調得恰到好處。而且剪切得夠細件，方便進食；也可沾得更多炸漿，提升香脆度。餐飲是熱薑蜜，是寒冬暖胃驅寒首選。

<好正既台式豬扒飯>🐷呢間炊豕店既豬扒係我最愛既豬扒之一 台灣小食 有撈麵 豬扒飯等特式台食 但多人幫襯就有時限。上次食左葱油豬扒 今次就試下佢個咖喱 👍🏻 🍴秘製豬扒 咖喱汁 62 蚊🐷 加炒滑蛋10 蚊🥚豬扒飯大大碗 豬扒有一條大骨連住跟住啖啖肉 夠哂粗身 而且唔會因為厚而令到中間唔熟 成塊豬扒炸得外表香脆 入面豬肉口感剛好👍🏻 飯比較軟林 加左10 蚊落左滑蛋 d蛋真係足料又香滑🥚 另上既咖喱有 d似日本咖喱 微辣加少甜 加 d軟熟薯仔 🥔 撈白飯十分入味 正 🍴炸芝麻雞翼 29 蚊 🐥兩隻芝麻雞翼 一上枱好香 就知佢剛剛炸起🔥 夠哂香脆同夠芝麻香味 雞肉入味 夠哂嫩滑 好正 !🍴 話梅花鵰豬手飯轉撈粗麵 54 蚊🐷上面一 d生葱調味 同一 d花生碎 令到撈麵更有口感 佢既撈粗真係幾粗 口感煙靭彈牙 有 d話梅既酸香味 而佢豬手好多件 十分入味 皮同肉都彈牙 充滿骨膠原 🐷 醃同口感都出色Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻V

一個係中環番工嘅打工仔—同事朋友介紹咗我一齊去呢間豬扒店食。等位嘅時間唔算好長，大約等咗十幾分鐘左右，接受到。 鋪頭其實唔算大，客人同客人之間嘅距離都好近，入到去後我叫咗一個秘製豬扒飯連肉燥汁，再加咗一罐汽水。豬扒炸得好好，炸到又香脆又有肉汁，喺好少有整豬扒整得咁好食既鋪頭。價錢大約60幾蚊連嘢飲，係中環嚟講算係公道。再者鋪頭係屬於台式既，入面播嘅歌係一啲台灣既流行曲同廣東歌，絕對喺中環打工仔晏晝食lunch既優質之選！🙌🏻

今日嚟到位於中環嘅炊豕店之前已經食過佢銅鑼灣店炸豬扒飯都幾出色中環店裝修比起銅鑼灣店較為出色，地方亦都較為闊落門口就已經有一個好大圖文並茂嘅餐牌中環店嘅裝修係行懷舊主題，同威靈頓街嘅感覺都幾夾枱面上已經有晒所有order紙，落左單之後比店員就可以建議女仔可以叫小飯沖繩豬軟骨飯除咗豬軟骨之外仲有蓮藕同蘿蔔呢兩樣配菜都整得相當之入味而豬軟骨嘅肉同脂肪分佈都幾好加上佢個飯已經淋好咗秘製嘅醬汁基本上成碗飯都可以食得晒上次食係食佢個咖喱汁豬扒飯今次見佢有特別菜單，一於試吓佢個泰好味豬扒飯會見到個醬汁好似泰式酸辣醬配上青瓜洋蔥同埋花生碎口感食落酸酸甜甜，非常之開胃我就覺得佢嘅質感更加似泰式木瓜沙律而佢哋豬扒亦都一如既往分量多之餘炸得都幾出色，豬扒肉質都幾新鮮另外仲叫咗一個椒鹽魷魚鬚味道不過不失，口痕都可以叫下嘅

今日中午同媽媽經過炊豕店，見佢好有懷舊風味就吸引入去試下。枱上面有餐牌直接落單，但指定一人用一張就吾係好環保啦～店內環境空曠，懷舊茶餐廳風味十足！叫左一椅可樂同熱柚子蜜，吾算太甜但溫暖入心好適合冬天飲辣味海折，做前菜一流($22)，小小辣，滿意～麻辣炸魚蛋($22)，有5粒，陣味好似譚仔咁，一般辣，重有花生脆脆，口感十足又彈口！椒鹽魷魚鬚($38)好新鮮熱辣，卜卜脆，重有碟醋比你吊味無咁dry如果多啲椒鹽就好啦～期間限定既泰好味豬扒飯！($67)超大碗！一個人一完食吾晒呀～佢個醬汁好好味，有小小似甜酸醬咁小小辣好開胃，重有青瓜絲洋蔥絲，一棵菜，4舊豬扒，正呀！超級飽，埋單159，抵！

去中環接朋友收工話好想食暖笠笠大碗飯，於昰初嘗炊豕店既主菜，地點位於中環同上環站之間，餐廳環境簡單整潔，門口排隊位有櫈可以坐，繁忙時間要等一等。我叫左期間限定既泰好味豬扒撈粗麵，炸豬扒好大塊而且肉質嫩滑，炸外皮十分香脆又唔油膩，泰式辣醬配豬扒簡直一流，仲有青瓜洋蔥同花生做辣醬配料，一擺上枱就超香，醬汁酸酸甜甜幾開胃，粗麵彈牙。朋友叫左肉燥滷蛋飯，醬汁同料份量十足，夠曬撈成碗飯，我自己本身對肉燥飯冇好感，但呢個真係改變左我既固有印象，多汁又好味，肉鬆同滷蛋撈埋一齊又好好味。炸芝麻雞翼同埋滷水雞翼同樣高質，炸雞翼配有七味粉調味，滷水夠入味，佢地支豆漿都幾好飲，甜度適中，推介！價錢同比例合理，大家黎開呢頭不妨試下！

之前成日經過呢間鋪都見到人龍，想食呢間好耐，嗰晚終於收工過左黎食！見餐廳內嘅佈置都好復古，相反menu就冇咁多花巧野，聽個餐廳名都知道呢度係主要食豬嘅！首先嗌左個招牌菜，即係蔥油豬扒飯！聽到蔥油初初有啲驚係咪一堆油浸住咁，好彩黎到係大量嘅蔥同芝麻，油只係適量咁加落去令口感滑啲！個炸豬排真係幾正，炸得好脆，唔厚粉，中間亦唔會好鞋，而且斬開幾舊，易食啲！後加左隻蛋，蛋汁送飯正！女仔細食嘅建議嗌少飯，因為份量都真係幾多！男朋友嗌左豬軟骨飯，豬軟骨用炆嘅方法煮都好林！調味亦唔錯。炒蛋應該用左2隻以上嘅蛋去炒先有咁厚，好滑另外嗌左個芝麻雞翼，呢個我就覺得一般，雖然炸物黎講佢係做得幾好，但調味唔夠入味，只係喺面灑左調味粉。整體呢間餐廳幾好，在中環價錢尚算便宜