炎鳥羽

营业中

休息中

放工後去尖沙咀搵朋友食晚餐，個朋友是尖沙咀地膽，帶我去了一間蘋果店旁邊一棟不太起眼的商業大廈17/F的日式居酒屋。我兩坐了bar枱，有朋友話日本feel啲🤣，又可睇到師父表演串燒😌。先來杯津輕蘋果汁解解渴，再來個木綿豆腐胡麻菠菜沙律，菜很新鮮配胡麻醬好夾😋，之後是三文魚腩、油甘魚、活赤背刺身，新鮮😋而且好厚肉，口感好正👍🏻，再來有明太子蛋卷，有少少焦香，又夠嫩滑，不錯。之後是串燒雞翼、燒雞頸及厚切牛舌，串燒師父的功力不錯，由其是牛舌，有外脆內軟的感覺😊，而串燒的價錢都比較大眾化👍🏻，最後是稻庭冷烏冬，配上鵪鶉蛋，而我喜歡再加少少Wasabi，絕配👍🏻，大滿足😊。下次要encore🤭

近排都係尖沙咀返工，收工時經常都會幫襯炎鳥羽居酒屋，因為食物質素好好，餐廳環境同氣氛都好舒適，所以推介一下。前菜有三款，青瓜甘荀，牛蒡，年藕片，前菜味道清新爽甜，食完特別開胃。刺身有厚切三文魚腩，北寄貝，油甘魚腩。三文魚腩味道香甜，入口油香豐富，最正就係腩位有少少脂肪，特別爽口好味。北寄貝好新鮮爽口，味道清甜，肉質爽口彈牙，鮮味十足。油甘魚腩最美味，入口魚香味十足，味道極之鮮甜，用嚟做剌新真係正，口感同味道都好掂。燒番薯，細細粒嘅番薯燒到好香，一口一件，番薯味香甜。燒茄子入口一絲絲，茄子味香濃。加上日式調味特別香口惹味。燒銀雪魚，魚皮燒到卜卜脆，魚肉嫩滑多汁，加上少少焦香，特別香口惹味。燒牛舌係我最愛，牛舌厚身好有口感，肉質爽口彈牙，牛肉味突出。加上醃得好入味，味道香濃多汁。真係好好味。燒雞全翼，雞皮燒到金黃色，入口雞肉香嫩多肉汁，最正就係有少少雞油，味道特別香。天婦羅 烏冬，天婦羅唔會太油膩，最緊要D粉漿唔厚，岩岩好，天婦羅蝦炸到皮脆肉質鮮嫩，爽口鮮甜，值得一讚。食串燒一定要點返杯啤酒，真係好正，收工又可以放鬆一下心情。

尖沙咀指疫情後人流少咗，加拿分道同加連威老道地舖有部份執咗，好在餐廳食肆仲有得選擇。厚福街有一棟商廈，有間日本餐廳主打sake, 串燒，sashimi 同熟食都應有盡有。sake 純米酒好齊全，有鳥海山，北秋田，大嶺等。大部份都有by glass or by bottle，價錢相宜。佐酒小食當然要有串燒牛舌，雞頸肉，明太子卷蛋。egg roll 好美味，暖粒粒，明太子從卷蛋中心位置爆滿。牛舌都好厚肉，完全冇渣。油金魚，三文魚腩，赤貝sashimi都令立立。新鮮嘅三文魚腩算厚切。冷烏冬要recommend，烏冬煙靭有趙口，配埋鵪鶉蛋滑嘟嘟。

朋友話上星期同事帶佢嚟呢間餐廳試過唔錯，今日要我陪佢再嚟~見到牆身放滿時令推介，心大心細諗緊食咩時店員推介日本兵庫縣生蠔做緊3送1，仲可以試2隻刺身2隻燒，都幾抵喎~ 呢款刺身蠔入口清爽，散發微甜。用燒嘅方法又散發另一種香氣，蠔肉稍為收水變得更挺實，加上酸汁，蠔肉嘅鮮甜味又到咗另一層次~上次去另一餐廳想食活赤貝食唔到，呢度今日剛好有貨即落order，活赤貝上枱非常精緻，入口爽脆，正~嚟呢度必試串燒，白鱔燒得外皮香脆，魚肉依然嫩滑鮮甜~ 明太子雞翼漲卜卜，塞得飽滿!微辣嘅明太子同滑嘟嘟雞肉入口香口又開胃，讚!豚肉荔枝卷入口有香濃肉味，荔枝多汁平衡熱氣及油膩感，係一個唔錯嘅選擇!食食下見到勁多人點雞肉捧(自家製)，忍唔住又點一份~雞肉口感結實又有肉汁，點睛之處當然係靚靚蛋黃同醬汁!蛋黃又香又滑，賣相又靚，難怪咁多人點!最後食返個鵝肝帶子炒飯，米飯粒粒分明又挺身，每口都食到鵝肝香味但唔會太漏，呢個價錢真係值回票價!今晚客人都幾多，到達時只剩下吧枱位，但原來又唔錯喎，見到師傅製作食物過程順便睇下邊樣吸晴又點嚟試下~而且抽油煙系統真心唔錯，坐咗成餐飯都唔覺有咩油煙味，食物上枱速度又快，仲有勁多款

一坐底餐廳仲準備咗每人一碟前菜🥰前菜係由三款小食組成，分別有蒜頭、茄子、紅蘿蔔同青瓜🤩賣相真係夠哂誠意👍🏻🥢北寄貝（4片）$38北寄貝食落好爽口，唔會食落口要花時間去咬好耐🙌🏻 而且味道甘甜、肉質肥厚、口感極佳～～🥢荔枝䐁肉卷 $32薄片嘅豬肉包裹著去核清甜嘅荔枝，呢個組合真係好刺激味蕾😚😚 豬肉口感扎實，荔枝又夠晒Juicy，可以一解油膩感😆😆真係滿分☺️☺️🥢紫菜魷魚鬚天婦羅 $68呢個天婦羅裏面係包住左一條條嘅魷魚鬚😍😍外層嘅炸皮仲鋪滿左和風紫菜粉😚😚超惹味～～🥢燒飯團(三文魚）$38飯團烤到內裡同外裡都一樣咁香脆，好似食緊米餅咁🥺飯粒仲係粒粒分明😝🥢黑䐁肉野菜炒烏冬 $98呢碟烏冬真係好抵食，份量足夠又唔太貴😋😋仲要好多料～～冬菇椰菜豚肉樣樣齊🙈🙈 一嚟到已經出晒煙，真係熱辣辣，夠晒鑊氣！！🥢日本A4和牛 $168呢個A4和牛串肉質都有返咁上下，因為佢係黎自日本來貨😌咬落口真係入口即化🥰🥰口感好豐富🤪🍶烏龍茶烧酎 $58

一向都對🎐日式串燒居酒屋🎎情有獨鍾, 喺尖沙咀厚福街呢間樓上嘅🏮居酒屋雖然隱蔽但係CP值極高👍🏻餐廳嘅裝修以木系水泥為主，🎐簡約得嚟環境望落非常舒適，今次我坐bar枱位置仲可以望住師傅燒物🍢同開魚🐟值得一讚係雖然呢到主要食串燒但係個通風抽氣系統做得好好，舖頭完全係冇油煙味，食完走嗰時個身都唔會一陣燒烤味🔥每位客人一坐低都有碟前菜 $20/位 有醃漬蒜粒🧄鰹魚汁茄子🍆同埋青瓜紅蘿蔔醮麵豉醬，好開胃🍣油甘魚刺身 $78一碟4片，魚生好新鮮，厚度亦岩岩好，冇筋魚脂味重🍗月見雞肉棒 $48個人推薦呢個必食嘅月見雞肉棒，真係超好食，每口啖啖肉非常juicy, 個醬油甜甜地要加埋隻日本生蛋黃味道濃郁🤤 🍖鹽燒雞翼 $32一串兩隻開邊，雞皮燒到脆口但仍保留到肉汁🍖明太子雞翼 $28同樣雞皮燒得乾身，入面包住好多明太子脹卜卜，明太子有少少辣辣地加埋啲雞油好惹味🐔雞皮 $28餸酒必點， 燒到勁脆，成串都好酥脆，好香口，雞油味豐富🍢露筍豬肉卷 $38露荀用左露荀苗，唔會有筋又夠甜👍🏻用薄豬肉片卷住一齊食口感清爽🍒荔枝豚肉卷 $32一串3粒， 中間包住成粒荔枝肉，一咬落去勁多果汁🤭 甜甜地酸酸地中和晒豬肉嘅

尖沙咀厚福街出名係一條食店林立嘅搵食地方💯呢間係炎島羽就係朋友介紹既,即刻book位試吓😍係一間日本居酒屋!重點係串燒真係好期待!上到嚟門口，覺得環境氣氛好好🏮入座後店員首先會遞上一份開胃前菜每人($20)，有青瓜、茄子、香蒜。分別都配有唔同醬汁有大醬,辣汁!朋友推介嘅食物必食之一串燒，我哋點左幾款試吓：⭐️雞肉棒雞肉嫩身加埋無菌蛋一齊食蛋香味好濃郁味道好出色😋雞腎⭐️牛舌厚切⭐️兩款都燒得爽口彈牙,而且調味剛剛好十分惹味!⭐️甜蝦刺身我喜歡食刺身,點左甜蝦試吓🙈甜蝦嚟講份量比較大隻,而且仲好鮮甜。⭐️牛肉稻庭鳥冬牛肉非常嫩滑,烏冬口感順滑好鍾意個湯底!⭐️鵝肝炒飯店員推介👍遞上枱味道已經香氣撲鼻,抄飯粒粒分明,加上鵝肝嘅油脂香味,食落口感好豐富而且好香口💯津輕蘋果汁⭐️味道好香甜,甜而不膩夏天好適合飲!

居酒屋黎講，尖沙咀都有幾多選擇，今日約咗朋友去咗厚福街樓上餐廳，炎鳥羽。是日推薦生蠔，超大隻，好似手掌咁大，味道亦都好新鮮，好想再encore!!!仲嗌左一條池魚，餐廳唔係用切片上，今次用咗切粒，但覺得幾重薑味，反而食唔到條魚嘅鮮味。仲嗌咗朋友好想食嘅雞肉棒，因為唔係間間居酒屋都有，味道都OK最值得推介，一定係牛舌，厚切牛舌口感好足夠但又唔會靭。至於其他食物就正常水準，餐廳座位不多，如果想食，一定要記得提早預約。

尖沙咀真係好多嘢食，尤其是厚福街，成條街都係嘢食，行到最尾仲有一棟大廈，全橦都係圍繞着食食食食食今日好想食串燒，最終揀咗呢間超高質嘅居酒屋，座位夠晒闊落，坐得非常舒服，最值得一讚嘅就係全部食物都係剛剛燒起熱辣辣食材又夠新鮮嚟到居酒屋梗係要叫返兩杯有酒精嘅飲料嘆一嘆😋一坐低職員就會送上前菜，共有三款漬物，味增醬點青瓜蘿蔔，好爽口，另一款就係牛蒡醬油漬，三款小食到精緻而美味叫咗個一人餐，入面有三款肉類嘅串燒，我最鍾意食嘅當然係明太子雞翼，中間釀咗好多明太子入去，入面沒有骨，入口有少少辣，啖啖肉一人前仲有刺身有三款，三文魚，北寄貝，劍魚腩，師傅係即叫即切嘅刺身，好新鮮又夠冰凍，有一定嘅厚度，又有口感，必點嘅三文魚好重油脂咁二劍魚腩同樣充滿魚油嘅香味嫩滑厚實,又夠雪白不得不提嘅當然係牛舌，牛舌係厚切，所以特別有口感，食落又爽口，燒得夠哂香三文魚腩刺身$68，三文魚腩脂肪非常平均夠晒肥美又新鮮仲要係厚切，真係食到舔舔脷最重要梗係叫番杯啤酒，同朋友一人叫咗一杯，串燒同啤酒非常配合，啤酒夠晒凍飲一啖，透心涼天婦羅拼烏冬，烏冬夠晒爽口彈牙湯底仲熱辣辣味道夠晒清淡，上面仲放有啲蔥花天婦羅入面有炸番薯🍠炸

一大班人去居酒屋，總有人飲酒有人唔飲，再加埋一人一串豪氣咁食，分分鐘要食到飽係天價。 今晚帶朋友黎我既愛店，酒肉都冇客氣地狂點，最後每人都係幾百落樓，大家都食到lam lam脷話要再黎。牛舌芯 ($68) 外貌好似厚切午餐肉咁澎湃，爽口彈牙其實係基本，最難得係一咬落去肉汁就爆出黎，感受到僅僅熟就即時上菜嗰種精準，係好高質嘅牛舌芯。西京銀鱈魚 ($68) 新鮮彈牙有肉汁，魚皮燒得脆又入味，食完忍唔住即時encore左一round。鵝肝多士 ($68) 同想像中一樣咁香口，表面酥脆，鵝肝甘香，比平時西餐食到既更加好味靚料。清酒煮蜆 ($88) 調味做得好好，酒味唔會好搶，就咁飲埋個湯都唔會好咸，蜆肉粒粒飽滿鮮甜，最後飲埋個蜆湯好圓滿。日本黑梅貝煮 ($98) 非常大鄉里地以為係用黑梅煮螺，仲心諗點解唔係好覺酸，原來係黑梅貝先岩。 黑梅貝好入味，彈牙得黎帶少少軟糯，個尾有少少好似肝咁既甘香，食得出係心機之作。三文魚腩 ($68) 新鮮厚切，如果可以再肥d就更好。銀鱈魚乾 ($38)一直係我心入面既排名都比雞泡魚乾低，但一食之下改變左我既睇法。 銀鱈魚乾有咁上下厚度，雙層口感特別香脆，唔會有乾

炎鳥羽可以話係我人生食過最多次嘅餐廳，大大話話起碼有三十幾次，咁揀飲擇食嘅年紀都做到熟客，證明有返咁上下料到。兵庫縣生蠔 ($58)買三送一有驚喜，首先比一般日本蠔大隻厚身，味道都好濃郁，唔係得個甜字或者淡口嗰種，係有層次嘅鮮甜蠔味，唔重海水或礦物金屬味，餘味好清，唔加酸汁都可以，媲美蠔吧外國蠔水準。海膽天婦羅 ($108)係我每次必點，完全唔怕太熟會嘥咗鮮甜嘅海膽，炸得香脆得黎火候啱啱好，只係比刺身紮實少少。 脆漿好薄，紫蘇葉超級香，但唔會太搶味，海膽嘅質感同鮮甜味依然好突出，比起就咁生食更高層次。火炙左口魚邊 ($128)份量多到食得好爽。 油脂甘香就不在話下，大量細蔥同酸汁、燒得尤其香口嘅左口魚邊，真係食到好感動。雞肉棒 ($48)正常發揮，雞肉燒得好香口，重點當然係蛋黃好濃郁有蛋味。芝士年糕 ($28)千萬唔好受到放題嘅陰影影響，雖然佢平又飽肚，但真係飽到想嘔都會想加返個。 年糕表面燒得好脆，夾心味道有啲似cream cheese，係好有深度嘅芝士味，配埋香口嘅紫菜好啱餸酒。紫菜魷魚鬚天婦羅 ($68)黑黑地望落唔算好開胃，但食落脆口好香紫菜味，每條都炸到直筆甩幾有心思，問店員

今日黎到厚福街食串燒，依間店舖比較細，不過座位都唔會好迫，坐得都算舒服，服務都好唔錯。同朋友叫左以下幾款串燒同埋小食，最後仲叫咗個飯團同埋烏冬，都好夠飽。識得一讚所有食物都係等你食左幾樣再送上，確保食既時候都熱辣辣。❤️前菜 HKD 20/head - 首先依個前菜係自動會上嘅，亦都會收費，不過同朋友都覺得味道唔錯，而且有三款，可以一開始有啲嘢食下都唔錯。❤️明太子雞翼 HKD 28 - 明太子係我嘅至愛，上枱熱辣辣，明太子釀入咗雞翼入邊，啖啖肉嘅感覺😆如果再大隻啲就更加好！❤️三文魚腩刺身 HKD 68 - 厚切三文魚腩，都算新鮮！❤️白鱔 HKD 72 - 略嫌份量有啲小，不過都幾厚，而且熱辣辣，冇得輸。❤️鹽燒雞翼 HKD 32 - 熱辣辣，夠香口。❤️日本冬菇 HKD 22 - 略嫌唔夠Juicy。❤️日本青椒仔 HKD 28 - 正常發揮。❤️海膽天婦羅 HKD 108 - 好特別嘅一款菜式，所以點咗試吓。佢應該係用紫蘇葉包住海膽來做天婦羅，紫蘇葉嘅香味加上海膽，味道好有層次，口感好特別，不過份量比較少，但我覺得值得試一次。❤️黑豚肉椰菜炒烏冬 HKD 98 - 熱辣辣上枱，烏冬炒得好夠獲氣，

避開了peak hour,還有買4送1優惠，所以帶了父母一齊去食lunch~好抵食呀！丼飯刺身好鮮，三色丼但有5款刺身，仲有海膽，唔錯唔錯。仲有加$20有3款串燒，款款都好食😋最後埋單大約一百蚊位，開心🥳

係網上見過人推介依間位於尖沙咀厚福街既樓上居酒屋，好似唔錯就決定黎試下啦ＸＤ餐廳空間寬敞，有唔少長枱，岩晒一大班朋友／家庭聚會裝潢風格都好有日本地道居酒屋特色，望落優雅舒適。餐牌既選擇都非常豐富，有得叫１人套餐或者散叫，散叫既話選擇包羅萬有，刺身／串燒／炸物／酒肴／海鮮／主食都有一坐低廚師已經為我地送上前菜，前菜有３碟小物，分別係蒜頭，蘿蔔等等，精緻而美味。男朋友叫左杯Orion生啤, 氣泡既比例係完美，飲落清爽，黎居酒屋果然飲啤酒先夠味道劍魚腩刺身切得非常厚，食落鮮味十足，軟嫩卻依舊帶有口感。刺身既質素不錯餐廳做緊日本生蠔優惠，買三送一！咁抵當然唔可以錯過啦，由其我地咁鍾意食生蠔ＸＤ生蠔外觀已經好吸引，顏色鮮澤而且好大隻。食落真係無失望，生蠔肉質飽滿，鮮味十足，配合少少既蔥花＆蟹籽，以及餐廳獨特調配既醬汁，令味道及口感上更上一層樓！成隻手掌咁大隻呀！串燒方面分別叫左雞腎，荔枝豚肉卷，牛肋骨及白膳，每款串燒望落都十分吸引，帶點少少微焦。雞腎口感十分爽口彈牙；荔枝豚肉卷好香，荔枝汁及肉汁係口腔內同時爆發，十分享受！；牛肋骨口感嫩滑唔會un，肉汁豐富，牛味香濃；白膳十分好味，外皮煎得香脆，

今日約左朋友，去左間我地好想食好耐既餐廳前菜淺漬蔬菜三味，有菠菜、青瓜蘿蔔同牛蒡。全部都係好開胃既菜，牛蒡同青瓜好脆，而且蘿蔔同青瓜點個味增醬好夾，菠菜配麻醬都好食！三文魚刺身食到明顯油脂味，而且肉質肥美，食材新鮮勝過一切。雞肉棒係餐廳自家製既免治雞肉棒，超級正，texture好淋，配埋生蛋食簡直係享受。明太子雞翼燒得好令，而且明太子味突出每食一啖都食到呢個味。牛舌厚切佢好肥美，食落去有明顯油脂味，而且好淋，同埋佢係日式牛舌唔係我地平時食比較中式既牛脷，會有口感D！津輕蘋果汁我覺得佢算係好飲既蘋果汁，無咩水而且係果甜突出，不過市面呢家都有好多類似日本製造蘋果汁，所以無話特別驚喜。螢光魷魚韓國既生醃魷魚通常係辣d就比較濃味，呢個就比較靠近本身魷魚既鮮味～芝士年糕呢個好好味！裡面好煙un，而且芝士味突出！係出面好少食到既味道，好推薦大家叫作為甜點