烏蠅館 (永榮樓) (裝修中)

平時都lunch time 經過尖沙咀分店，都會食佢嘅冒菜午餐。最近見到紅磡都開咗分店，夜晚一於落去試吓晚餐，呢度嘅烤魚好正！我哋兩個女仔點咗一條清江魚，你都揀咗招牌香辣。由於唔太食得辣，只係揀咗小辣。等咗8分鐘左右，烤魚就到啦！超大一盤，條魚勁大隻，材料好香噴噴，鍋內仲有好多配料。估唔到魚肉係咁滑，而且唔多骨，啖啖肉，好容易食。魚肉仲吸盡湯底嘅醬汁，勁惹味！鍋內都有唔少配料，木耳同菇都有啲，辣辣地好香好好味。我哋仲另外單點左啲火鍋料，食完條魚可以打邊爐。無得輸鴨血都幾滑，黑柏葉好爽口，同平時漂過嘅真係口感好食好多！蘿蔔片最湯底嘅醬汁，夠晒入味，好好食。再叫咗碟四川土豆粉，食到最尾已經好飽食唔哂。呢到嘅份量都好大份，勁抵食！爆醬紅糖糍粑甜品係另一個胃，好脆，中間好軟糯，值得一試！飲品方面，呢度仲有啲台式飲品選擇，我哋點咗白桃寒天綠茶、黑糖冰粉鮮奶。兩款都唔會太甜，食住烤魚飲佢解辣一流！

#風味啖啖肉烤清江魚喺紅磡民泰街揾嘢食 發現烏蠅館開咗分店 之前食過尖沙咀店嘅冒菜 好得☺️ 今晚決定試烤魚-🐟泡椒烤清江魚 $348🍢風琴豆腐串 $36🍢 滷豬大腸 $58🍡鮮蝦滑 $88平時食爐魚 貪佢冇細魚骨 今次轉口味 清江魚好大條 魚肉鮮甜肥美 啖啖嫩滑冇腥味 泡椒放喺魚湯裏面 酸中有辣勁🌶️ 趁湯滾飲咗啖 即時嘴唇👄發麻 口腔㷫烚烚 風琴豆腐勁吸汁 味道濃郁香麻 蝦滑有粒粒蝦肉 好啱餸飯-🍹藍天白雲🍹檸檬雪梨紅茶凍飲唔少得😉 再隨意追加寒天/椰果/桃膠之類 解辣解膩兼解渴 檸檬🍋雪梨味清爽潤喉-🥠炸魚皮 $38一邊等湯滾 食酥脆小食過口癮-📍烏蠅館紅磡民泰街27-47號黃埔新邨J-L座地下B2號舖

越熱越想食辣以毒攻毒😂😂是晚揀咗在港有幾間分店嘅呢間四川菜過吓口癮！環境幾乾淨！店員服務亦勤快！QR code落柯打後火速就送上食物🍴. ✨招牌香辣烤魚 $298揀咗海鱸魚🐟細骨較少！口感結實爽滑👍🏻👍🏻招牌香辣湯底揀咗小辣🌶️使用超過30種材料味道香濃！是日配料包有蘿蔔, 金菇, 雲耳！.🌟火鍋配料：✨滷牛筋 $58煮過後嘅牛筋變得Q軟又彈牙！啖啖食得出膠原蛋白充足🐮✨海膽丸 $48竟然有成十粒！！一咬爆汁！正常發揮！✨四川蕃薯粉 $28吸收哂辣辣精華嘅蕃薯粉呈半透明狀！彈性十足！.🌟小食：✨香芋地瓜丸 $26外層炸得香脆！內層嘅餡料香甜！外脆內軟糯👏🏻👏🏻✨青椒皮蛋 $28配埋辣汁非常惹味👍🏻值得一試！✨蒜泥白肉 $32滿滿蒜泥+辣椒碎😆大大片白肉放入口好有罪惡感😆經典涼拌前菜！✨四川酥魷 $38熱辣辣上枱🐙魷魚有口感！如果炸粉薄身啲會更好食！. ✨黑糖珍珠鮮奶 $28(+$5 珍珠 ＆ +$5 雙倍奶蓋) 加咗double奶蓋好邪惡！芝士味加倍濃郁🧀🧀加埋黑糖滋味&香滑鮮奶！啱哂鍾意甜甜味道嘅朋友😍. ✨檸檬百香果QQ $28最正係QQ可以自選三款😘要咗雪燕+寒天+珍珠！飲落有清新

👩🏻‍🍳烏蠅館🧑🏻‍🍳👣值得科勞指數：🏃🏻🏃🏻‍♂️🏃🏻🏃🏻‍♀️究竟點解天氣咁熱，都去食打邊爐呢😂究竟有幾鍾意打邊爐吖？😂今日嚟到美食密集區黃埔，見到舖頭名好得意，「烏蠅」？有無人知點解，可摸以話我知點解係the fly?😂🍽重慶牛油麻辣火鍋未加湯之前，砌到盆火鍋湯底料好靚😝忍唔住留左幾下倩影。整體來講，材料份量好足，而且新鮮，環境企理。如果下次想再挑戰牛油麻辣火鍋，不妨過嚟呢度試吓😉🥢萵荀片🥢拼盤🥢金針菇、雲耳雙拼🥢響鈴🥢芝心丸🥢墨汁墨魚丸雙拼🥢牛肉🥢黑毛豬🥢滑雞件🥢鮮蝦滑、墨魚滑雙拼📍地點：紅磡民泰街27-47號黃埔新邨J,K,L座地下B2號舖#hkfood #hkfoodblogger #hkblogger #hkfoodblog #hklifestyle #foodstagram #instafood #foodoftheday #hkiger #hkeat#hkig #foodie #hkfoodpic #hkrestaurant #相機食先 #香港美食 #followme #followmetasting #烏蠅館 #打邊爐 #火鍋 #紅磡探店 #紅磡

位於紅磡距離黃埔地鐵站8分鐘步程，店舖闊落有獨立卡位，主打冒菜及川式小食，晚市提供自家秘制火鍋及二峽烤魚，今次嚟試吓呢度嘅烤魚，可以先選擇烤魚種類，再選擇口味，我同朋友今次試結合肥美結實肥美於一身嘅青江魚，再另外點咗一啲涼菜同炸物，佢哋仲有賣台式珍珠奶茶可以一齊享用🫶🏻🤭青江魚 我哋選擇咗泡椒口味，泡菜經半年發酵，酸辣味道撲鼻，而且足700-800g份量，以長身火鍋爐盛裝，非常大盤的青江魚，入口香酸帶椒香勁，就連配菜嘅金菇菜同黑木耳都入哂味！不過因為火候好夠，食到咁上下要加下水，如果唔係會有啲鹹🫶🏻羊肉片 烤魚可以另外加配火鍋配料，雖然一碟只有10片，但呢份羊肉真係超正超香滑，帶微微嘅羊肉脂肪質感，香而不膻，配埋湯底入口肉質爆發！蒜泥白肉 白肉帶微軟骨的狀態，感覺是比較豪邁的蒜泥白肉，蒜蓉辣椒好足料，感覺更加惹味！四川傳統酥肉 有少少似台式嘅鹽酥雞，而呈現粉紅色的酥肉，外脆內軟，略帶脂肪爽口感，配合埋胡椒，十分香口。青椒皮蛋 非常傳統嘅川式風味，見到皮蛋開哂花，呈現半透明嘅狀態係高水平嘅皮蛋！配合秘製醬汁香辣軟滑彈牙，令人齒頰留香💕白茶奶皇球 外脆內軟的奶黃球，呈現微微淡紫色的Q彈外皮

🐟三峽烤魚-海鱸魚 $298有3款魚同4個味揀，揀左海鱸魚同傳奇麻辣味，海鱸魚多肉少骨😋岩晒唔識損魚骨嘅朋友，條魚好大條，真係啖啖都係肉😳肉質比較結實爽滑唔會一夾就爛晒，麻辣湯底辛香味十足，食完魚用嚟打邊爐fit 晒😌🥚青椒皮蛋(小食) $28唔會好辣，怕辣嘅朋友都食到🥟川式芫茜蠔仔紅油水餃（4隻）$32有驚喜嘅水餃，入面包滿芫茜，仲見到一隻隻蠔仔🦪好鮮甜，不過唔可以點咁多個紅油，紅油唔辣但太咸就會冚咗隻餃原本個味🍡爆醬紅糖糍耙 $26即叫即炸，熱辣辣煙煙韌韌，糯米味香，中間爆漿但唔會太甜，小心食先唔會辣親條👅🐖黑豚肉 $88唔會好肥，肥瘦適中🍢丸類雙併 $58揀咗魚腐、墨汁墨魚丸，魚腐索晒個麻辣湯一齊食好正🤭 墨汁墨魚丸比普通白色嘅墨魚丸更鮮味🥠濕炸枝竹 $28份量好多，每塊都好大塊厚身，兩個人食唔晒，早啲落去個鍋到滾都唔怕好快滾爛🥒萵筍片 $28唔老無筋無渣，爽甜🧋黑糖珍珠鮮奶 $28🥤檸檬雪梨紅茶 $28同外面手搖店一樣好飲，仲可以自己揀甜度冰度同埋加唔同嘅配料，唔飲手搖仲有一般汽水☕️茶記嘅飲品都有齊

最近去黃埔經過見到呢間烏蠅館都會聞到好香烤魚味🤩今晚就約朋友黎食晚飯😊餐廳主打烤魚仲有四川火鍋及小食等等😉我地點左招牌香辣烤海鱸魚小辣🐟師傅用左超過30種香料秘製而成🤩上枱已經聞到香噴噴🤤海鱸魚煎過後再放上醬汁炆煮😬魚肉結實又無咩骨🙌鍋中配菜有金菇、木耳及萵筍真係越食越過癮🤗🌟火鍋配料🌟四川貢菜唔係度度有得食😬口感爽脆有點似梅菜味道🤗好食萵筍煮幾分鐘就食得口感爽脆清甜🥰🐷滷豬大腸滷得相當好食🤪加入香辣鍋中令味道更加滋味😋鍾意食內臟的不要錯過啦🤗🐷黑毛豬卷薄薄地軟身淋滑🤤焯熟之後咬落食到好香嘅肉香同油花甘香😋墨魚滑拼蝦滑新鮮即打🐙墨魚滑及蝦滑🦐兩款手打滑食落啖啖肉都藏有墨魚粒及鮮蝦肉😍食得出真材實料粉漿唔多👍食落爽滑彈牙🥰

烏蠅館嘅招牌海鱸魚烤魚好正啊，香辣又唔辣，啖啖都係鮮味。而且佢哋嘅魚真係新鮮，恰到好處，唔會好硬又唔會太腍，好好食啊！而家講返啲配菜，佢哋嘅四川寬粉真係一級棒，加埋下便啲湯一齊煮，入味之餘，亦都好順滑入口。另外，佢哋嘅雙併滑都十分出色，墨魚滑同鮮蝦濁都好鮮甜，口感爽口，好好味啊！飲品方面，我哋試咗百香果寒天綠茶同雪梨玫瑰檸蜜，兩款都好好味。我哋要求少甜少冰凍飲，啱啱好，兩杯飲品都係好涼好爽，味道都唔會太甜。呢間烤魚餐廳嘅環境都好舒適，唔會太吵！最重要嘅係佢哋嘅服務真係好好，啲人好有禮貌，服務態度好好，令人感受到好舒服嘅感覺。

今晚返娘家吃飯，紅磡真是個好地方，黃埔新邨附近非常多新菜館，屋企人話想試吓烏蠅館，我覺得個名好搞笑，主力係食 烤魚，也有 冒菜，感覺新奇有創意。清江魚店家簡介說明遵循長江三峽地區傳統烤魚製作方法，對我來說十分新奇，以秘制香料炒制，醃製烘烤慢炖，果然香氣撲鼻，回味奇絕，性價比高。招牌烤魚香辣風味，小辣清江魚風味鮮美無比，肉質嫩滑，口感細膩，味道不會腥，烤魚湯底不油膩，有一種獨特麻辣清香，口感比較清爽。烤清江魚保留了其鮮甜風味，配料突顯傳統川菜濃郁味道，土豆、萵苣、豆芽等以及各種調料和辣椒搭配，麻辣鮮香。四川寬粉四川寬粉寬而平，沉浸在惹味的湯底，湯汁濃郁的調料充分吸收，透明堅韌而滑嫩，口感有嚼勁。保持彈性，咬在嘴裡彈牙的感覺，特別好吃。黑柏葉黑色的牛柏葉，沒有經過漂白加工，更加能夠吃得出原汁原味的口感和味道，吸收湯底精華好香濃，少辣食得好滋味，口感爽脆，勁入味。無得輸鴨血滑嫩調味也不錯，不少香料的味道。魷魚翼每一口都充滿着湯底嘅味道，食落有嚼勁， 口感嫩滑，味道新鮮， 值得推介！藍天白雲、暮色戀人 食到熱辣辣，最後飲兩杯冰凍的特色手搖飲品，非常冰爽！幾好飲，味道清香微甜，清熱滋潤。

紅磡向來都多唔同餐廳😜今次見到有新開既餐廳緊係要去試下新野。「烏蠅館」個名好得意🐞原來係食川菜, 又可以食烤魚或者冒菜, 好似車仔麵咁自己揀配菜🤩冒菜A餐 (任選6款配菜) $50冒菜可以揀既款式好多🥺真係揀到有選擇困難症咁。最後揀左肥牛、鵪鶉蛋、牛筋、腩肉、豬大腸、魚皮餃, 而主食+$5揀左火鍋粉, 湯底揀藤椒湯🤩藤椒唔辣但有辣椒既香味, 仲會有輕微既麻痺感🌶️唔似麻辣既麻咁強, 仲加上生蒜蓉很惹味🧄個湯底望落清清地, 估唔到會有呢種味蕾既沖擊🤗肥牛: 肥瘦適中牛筋: 口感淡嫩唔膩腩肉: 唔柴, 厚薄均勻豬大腸: 口感有嚼勁，但不硬四川傳統酥肉 $36酥肉炸得外酥內嫩, 炸粉唔厚, 肉質又唔會炸到乾柴👍🏼一口咬落有少少麻味, 刺激舌尖既同時又留有餘韻👏🏻

次次返親尖沙咀，都好想食烏蠅館知道黃埔有分店，再一次經過都唔放過🤭🤭🤭今次想食烤魚同老公❤️兩條友食一條大大條清江魚，非常之滿足🤭重點係要叫埋佢個招牌香辣（小辣）唔使好似平時打邊爐咁樣要加好多醬料，湯底個味道都非常之香濃 🤤🤤重點係條魚，🐟肉好滑身，肉質結實肥美，口感到非常唔錯👍🏻然後必要叫嘅係無得輸鴨血＄78超級滑溜嘅鴨血🫢吸收咗香辣湯嘅味道，簡直食到停唔到口🫣同埋可以試埋佢嘅脆脆午餐肉 ＄48即叫即炸，可以即刻食又或者加入個湯度浸一浸先🤗四川火鍋麵 ＄28平時食開烤魚都係鍾意食寬粉，今次試咗個火鍋麵，咦～有驚喜喎🤭個麵質都幾特別，而且份量好多非常飽肚雪花肥牛＄128牛肉，當然唔少得啦，叫咗個最平嘅牛肉🤗但係都非常之高質，脂肪分布比例適中，薄薄地口感都唔錯

今日收工同同事去咗烏蠅館（紅磡店），諗住食下烤魚。我地叫左個招牌香辣清江烤魚同小小配菜。蒜泥白肉，豬肉肥瘦適中，配上濃郁嘅蒜泥同微辣醬汁，味道十分鮮美🤩食完就開始嘆佢既招牌香辣烤清江魚，魚肉鮮嫩又夠肥美，十分鮮甜，加埋香辣湯底令到魚肉更為可口，令人回味無窮。😋除咗以上兩款招牌菜，佢哋嘅"冇得輸鴨血"，都係一流！鴨血口感滑嫩，配上香辣嘅湯汁，實在令人欲罷不能😍四川寬粉，粉條Q彈有咬口👍🏻 魷魚翼外脆內嫩，又吸盡湯汁精華，值得一試😙蘿蔔片同蓮藕片都唔錯，口感鮮甜爽口。烏蠅館（紅磡店）內裝簡約清新，氣氛舒適，適合與家人、朋友一同享受美食。整個餐廳亦非常整潔，環境舒適，服務亦十分周到，係紅磡絕對值得推介既餐廳！

一入到去坐低(原先安排大少少嘅枱，以為會叫烤魚)，知道唔揀烤魚就要轉枱，冇問題，問兩次先答坐邊。仲要俾個疑似店長嘅阿伯用眼神同言語挑釁，真係好驚呀。如果咁嘅態度，姑勿論食物好唔好食，都不用選擇了。講到要排晒隊先食到，就想試吓啦，不過咁嘅態度，冇酒牌又唔删除酒水嗰欄，又係一個敗筆之作。唔清楚嘅指示，唔清楚嘅餐牌，兇狠嘅店長，以為自己入咗龍門客棧。最後，希望店長阿伯繼續keep住團火，繼續趕客。恭喜。(結局: 走人唔食，唔會俾機會呢間嘢)

開張頭幾日去食晚餐，個烤魚等左45分鐘先上，不停要問幾時上，火鍋配料又要不停追，最好笑個阿叔經理同你講冧哂檔呀入面，都幫你唔到😨身為一個經理，同個客講冧哂檔係咩一回事，冧哂檔即係你管理個場有問題。真係好笑，食物遲上，到最後仲要催埋單….呢個經理真係好好笑, 大家去感受下

地址：黃埔區民泰街39號店名：烏蠅館烏蠅館自家製的四川烤魚是其招牌菜之一，深受食客喜愛。這道烤魚不僅外皮焦香，肉質嫩滑，而且口味濃郁，值得回味。清江烤魚是必點的套餐之一，其中可選的三種魚分別為珍珠魚、海鱸魚和清江魚。此外，還有四種辣味可供選擇，包括秘製辣味、酸泡椒和麻辣味。推薦嘗試秘製辣味，這種烤魚先經過烤焗，表皮焦香，肉質鮮美，不會有腥味。烤魚汁也是不能錯過的美味，可以加入湯底，打造出獨特的火鍋口味。由於烤魚份量較大，兩個人分享可能已經足夠，因此我們只點了幾樣火鍋料，包括鮮炸響鈴、皇帝菜、肥牛、嫩滑雞肉和西洋菜餃。其中，鮮炸響鈴吸收了烤魚汁和辣椒味，味道更為獨特。如果你是烤魚愛好者，烏蠅館的四川烤魚絕對是值得一試的美食之一。