無肉食 (洗衣街)

营业中

休息中

間唔時都要食得清淡D既，今日同朋友二人去食素食自助餐，星期六lunch都係78蚊免加一，價錢相當吸引呀，好彩有book位，多人到嘔呀，店員話初一，十五都會比較多人食素，今日仲要係星期六既初一店算大，但全場爆滿，雖然話限時75min，但現場唔見有計時，好自助，食完請自己收拾餐具Round 1Round 2Round 3其實主要係菜，菜，菜同菜，不同款色既菜炒埋一碟，仲有瓜類，菌類，豆品，炒麵，沙律，湯，粥⋯⋯⋯我地食到4點，人都走得7788，食物都清到所剩冇幾，仲想食生果，冇晒。本身期待食齋雞齋叉燒個D，當日唔見有，可能呢D比較貴既食物，所以冇推出，不過78蚊比你任食仲想點

為咗唔浪費，我好少會選擇去食自助餐，好怕出面display琳琅滿目討好大家嘅食物最後淪為垃圾，又怕自己眼闊肚窄！朋友話上次book唔到呢間餐廳full左，今次再book過，今次我哋一行五人 ,去到第一round 攞食物嘅自感覺好奇怪，第一個感覺覺得自己去咗佛堂排齋，第二次覺得自己係囚犯食飯🤣，但係食食吓我覺得好開心，欣賞素食可以有咁多不同款式選擇，又冇味精，而佢嘅炸物係出乎出乎意外地好好食，但係最後令我想寫這篇食評嘅原因係有人將所有嘅剩食用環保餐盒pack 好，我相信係送出去比有需要的人！食一個令自己減少內疚咁嘅自助餐，又唔收加一，我覺得係旺角$118係物有所值！

今日出旺角做嘢,就約朋友食晚飯,佢提議黎尼間「無肉食」因為即興所以都冇訂位,7點10分上到去已經坐滿晒人,環境幾整潔,我問門口帶位個女仔,冇book位要唔要等好耐,跟住佢話如果8點半可以交返張檯出黎,依家有兩個位...大概食75分鐘,正常係食90分鐘...當時我諗素食冇乜選擇一個鐘應該都可以食飽走人啦,所以就入左去,兜左食物區一圈,原來佢食物都好多款式,有湯有粥有糖水有涼茶...有涼拌,沙律,炸物,生果...同新鮮熱炒出黎的蔬菜...而且味道都唔錯,啱我個人口味,$118一位唔加一真心覺得值得一試👍

因為BOOK了位, 11點半到唔洗等就可以入坐了, 埸內已經八成FULL了.用現金付了錢後,便可以開始開餐喇, 餐廳設計是L形, 食物都集中在中間位, 有一邊長形比較迫, 拎野食個時要小心, 費事撞到老婆婆.食客有老中青幼, 估唔到咁多人鍾意食素!款式都算多, 有中式湯, 甜品, 飯, 薑茶, 檸檬水, 炒麵, 炒介蘭, 炒雜菜(翠肉瓜,紅蘿蔔,木耳, 雜姑,甜豆....), 炸物有春卷, 炸南瓜片,炸蕃薯粒, 炸云吞皮, 沙律吧款式多, 紅菜頭, 栗米粒, 沙律醬拌薯仔, 年藕片, 秋葵, KALE 菜, 洋西生菜, 等等. 甜品有蘿蔔糕, 芋頭糕, 仲有一隻甜甜地啡色嘅唔知係乜糕, 有兩款蛋糕, 試咗一小舊, 口感一般. 因為冇乜素肉, 所有食材都係平時係街市買到的, 食物質素一般, 對我黎講鹹咗啲同油咗啲, 食物冇標示名稱, 令人唔知係乜野黎, 我同朋友都係靠估,

之前同老公約o左男友人JT同佢太太MY今日(10-3-2018 Sat)o黎呢o度食晏,我o地book o左11:30am,我o地去到都已經有好多人,俾完錢就入座,繁忙時間限坐75分鐘,我o地第一時間去攞o野食喇.我o地食o左:1.-3.  泡芙,炸腐皮卷,春卷其實食唔出裡面o既係咩o黎,只係腍,冇乜味,但外面口感正常.4. 炸雲吞呢個好啲,知道裡面係咩餡.5. 蛋散口感亦正常.6. 蘿蔔糕冇添加其他配料,真係純蘿蔔糕,味道好清.7. 豆腐正常冇問題.8. 青紅蘿蔔湯睇見顏色唔深,應該唔夠味.但唔係,味道竟然好濃好甜,好好味,要飲多碗. 9. 油麥菜帶少少蒜香,唔錯.10.-12. 茄子, 馬蹄糕,黃糖糕正常冇問題.13. 燒汁牛蒡燒汁好甜,牛蒡腍,唔錯.14. 木薯粉正常冇問題.15. 粟米夠甜.16. 粟米糕清甜,唔錯. 17. 醃蘿蔔有少少澀味.18. 木耳調味有少少問題,但口感爽.19. 炸番薯切得好薄,但仍食到佢o既甜.20. -21. 兩種素蛋糕鬆軟同微甜,唔錯.22. 渣咋唔太甜亦唔係好杰身,OK.23. 炸豆腐熱騰騰,亦正常冇問題.重有好多o野冇食到.味道係3.45分

呢間野d嘢食好普通，最主要係呢間店好冇同情心，話說今晚同男友去呢度食晚餐，而我旁邊就坐咗一對男女，男的行動不便要用拐杖，女的是坐輪椅，當他們打算結帳時，有一位肥女士跟我旁邊的客人説：你哋食完野就將食剩的放埋一碟，同埋要自己去放好d碟，因為我哋係搵洗碗公司來收來洗既，因為要節省人手....之類！結果係要由兩位傷殘人仕自己去執d碟，個路程差不多有8張枱既距離。

香港人愈來愈著重健康，今晚去左呢間旺角分店食晚餐既自助餐，性價比很高喔. 我地六點左右入去，都已經唔少人，七點半後已經要排長龍，建議大家最好打電話訂左位先。呢間素餐廳近黎愈開愈多分店，北角、佐敦都有. 晚餐大人只需$118，唔使加一，自助形式，九十分鐘用餐時間。沙律吧有superfood羽衣甘藍同藜麥，仲有三款沙拉醬揀。有多款涼菜，根本上每款都唔錯，推介涼拌麵同木耳，仲有秋葵同紅菜頭，開左個胃繼續食！有飯，有粥，有老火湯、冬瓜盅.亦有炒粉麵飯.主菜相對普通，主要係炒雜菜，不過腐皮卷都唔錯. 仲有素蘿蔔糕、芋頭糕同馬蹄糕.甜品有純素蛋糕，味道同一般蛋糕無異，蛋糕鬆軟，仲有馬拉糕添！店員好細心，會係食物旁邊寫有蛋、奶等字眼，讓全素人士留意。最最喜歡餐廳既芝士撻. 每次新鮮出爐都好搶手，撻皮脆，芝士餡半溶，熱辣辣，正吖，黎到一定要試下！

之前夜晚黎過一次 假日夜晚比午市貴一倍 所以無食到今次走堂黎食 平日lunch果然係68無加一上到去原本牆上既海報係寫先俾錢不過可能人太多 所以佢係俾左碟指左位比你 最後食完先買單熱食有10幾款 仲有沙律 4/5款炸物 同埋兩款蛋糕 豆沙 涼粉做甜品熱食唔會沖膩 無齋肉 係用菜蛋奶豆腐煮既素菜 好啱食飲品方面 最鍾意佢既薑茶 特別個一排天氣好凍 飲返一杯即刻暖哂佢既湯都唔錯 聽隔離枱姨姨既評價 應該係真材實料 唔係靠味精間鋪因為人手少 所以食完係要自己執返啲碗筷 不過可能因為啲告示唔顯眼 好多人都食完就走

做節屋企人選了去食新興起的素食自助餐，選了這間新開的無肉食！1) 先講環境，地方算簡潔，講究環保沒有太多餘的粉飾，清爽，有啲似學校飯堂的感覺，自己食完，自已放返啲廚餘，用過的餐具自己放返去收集處，很好很有文化的行為２) 食品選擇多，味道算係咁，因為佢又唔係酒店式的自助餐，晚市$138食90分鐘，仲想點，有湯，有沙律類，有前菜類，有熱食類，有炸物類，有蛋糕甜點生果，咪講少，佢地啲蛋糕一出就好快比人搶晒，想食完手上果碟返轉頭攞就已經無得再食，由期是佢地個朱古力蛋糕3) 廁所！係唯一要扣分嘅地方，太少格數，得果一格

真係接受唔到囉Book左8點半 等到差不多九點先入場食下食下 話最後一輪啦 叫我地快啲去拿一次啦 嚇 九點半就收 唔該你啲 唔好寫10點鐘啦 9點半 全部嘢收曬 我啲都算好 剛剛9點兩個字 有兩個女仔來 食左一輪 就話 最後一輪 嚇到佢啲爆火真係離譜 好心你啲啦 差不多收就講聲啦10點鐘收 9點半就收曬全部嘢 啲嘢真係好普通 果盤炒河粉 面 （簡稱三色炒粉） 啲河粉爛到 真係唔想講 有七成都係炸野 唉 真心 不會來第二次 如果大家鍾意食炸齋都可以去食下 帶老人家就唔好啦

北角個間就去過3次。今次黎波鞋街睇鞋，就係旺角呢間試下。入到去，咪睇佢buffet食物位細細，種類真係好多。同埋佢有時都會換少少新款嘅。入到去先比錢再坐低。先攞嘢食。前菜多不勝數。湯沙律又係前菜之一，都係一般細buffet有嘅種類。炸物加熱葷。炸物出色，有炸餃子，炸蕃薯，炸春卷，炸子鮮竹卷。。。。。。近新年會有糕點。基本炒麵有2款。好味嘅，總要encore一下。甜品方面，其實有蛋糕 但個肚已無位裝 所以食左涼粉，蕃薯雪耳糖水，同埋一出即搶晒嘅蜜絲紫薯，正到無論。唯一要批評，位置比北角迫，無坐得咁舒服。另一要提，走時，記住收拾返晒所以餐具呀！自己餐具自己執

無肉食，但有好多瓜菜豆腐食！細妹邀請咗我好耐，今日終於答應去一次！我哋同Joey妹一行三人下午1：15到達，因細妹事前已book枱，一去到即刻有位，被帶去一張五人枱！細妹暗喜有多啲空間，我就話等陣實有人搭枱，佢話唔會！點知我哋三個拎哂嘢食，食咗第一啖時，一個疑似老闆娘走埋嚟要我哋換位！嗰刻有啲唔高興，但亦體諒佢哋想做多啲生意，所以我哋合作！不過，孭住袋之餘，又要拎住杯、碟、羮同筷子(當時我哋已斟咗檸檬水同夾滿嘢食)，喺人群中行去另一邊翼最尾嗰張枱真係好論盡！細妹叫我出去夾嘢食先，我就手機先食！出到去，因太多客，眼見四五碟熱盤都冇哂咁滯，我勉強夾埋剩返嗰少少，點知一分鐘後就有人refill, 仲推出咗我最喜歡嘅豆腐，即時剷咗一舊！真幸運！同樣係素食自助餐，但呢度啲款式同Red Mango完全唔同！呢度比較家常小菜feel, 好多瓜菜豆芽豆腐冬菇，而Red Mango啲食物就比較精緻同花巧！呢度客人多、refill快、食物味道唔錯，唔算太油膩，不過就冇得食素鴨、素肉(大豆纖維)嗰啲，全部都係天然蔬果類。菜方面都好多選擇，我食咗娃娃菜、芥蘭、菜心、白菜仔、菜心、疑似唐蒿等，全部新鮮爽脆翠綠冇

平時都好少特登去茹素，因為本身自己都好鍾意食肉，加上自己都好鍾意食菜，所以兩者好平均咁食。由於有個朋友佢係素食者，咁佢好高興要請食出pool飯，所以就揀咗呢一間啦！初初再有啲擔心諗住要食完再搵個公仔麵打底。點知一去到環境好舒服，除咗個入口出𨋢位有啲窄。其餘嘅都非常好👍🏻枱與枱之間非常寬敞，出入自如，buffet 好設計。食物方面，主要分開四個部份，第一個部份係炸物同甜品，佢個芝士撻係一定要食，係牛油皮，餡料方面真係好濃芝士味，但撻皮質素不穩定有時會焗焦了。香菇餃子都好好食！另外，仲有好好味嘅拔絲番薯🍠！三款食物都係非常非常值得食過返尋味！另外一部份會冷盤同埋沙律🥗，有辣同唔辣，例如辣蓮藕，麻辣拍青瓜。第三個部份是熟食，有不同類型的蔬菜，墩炒燴煮都有齊，通常配腐竹腐皮豆卜一碟來。最後一個部份是湯水和飲品以及白粥。有薑茶、去濕茶和赤小豆湯。味道真不錯，不像有味精的，應該不是用粉末沖開的。我們一早已訂座，由七點半坐到九點半，沒有趕客的現象。是一個聚友好地方，價錢亦相當可愛

 無肉食 (English name: Ahimsa Buffet) first opened in North Point, I gave it a try and really REALLY loved it. It was cheap with plenty of food. A buffet for vegetarians. What more can you ask for? Cheap vegetarian! Due to popularity, they have opened up two new locations. One in Jordan and one in Mong Kok. I decided to try the Mong Kok branch.The Mong Kok branch is easy to find. It's located in a new building that is right across the street from The Forest. So, if you don't want to pay an arm and

-🦄無肉食🙅🏻‍♀️🐷🐮🐔🙅🏻‍♀️-自助午餐HKD68Rating🌕🌕🌕🌕🌑-今日晏就來左呢間素食既自助餐店到食 $68一個人唔洗加一食晏 其實超級無敵趕 我食左30分鐘就要走🤷🏻‍♀️😛 但呢30分鐘就食到我超飽🤰🏻🤰🏻🤰🏻 菜式選擇都幾多 唔同既瓜菜都有 沙律bar我最愛 有炸物 甜品 有湯//紅米飯//粥//糖水etc❤️😆 最吸引係個紅菜頭 所以我都食左比較多😹湯都好清甜🥣仲有純素既蛋糕🍰糕點🥧甜既鹹既都有 味道唔差 啲菜都唔油都ok🥦🥒🌽🍅總而之係好趕但又好飽咁趕返去上堂🤥🤥下次唔趕會再來食😛😆🙃呢間compare with 走肉朋友會有更多選擇🤓但呢間就真係好多人 大家想食訂位會好啲 walk in就算2個人都難入🤗🤗🤗🤧🤧