無麵不歡 - 中華私房粉麵 (已結業)

❣️原創胡椒豬肚雞麵湯底非常濃郁滿滿的胡椒味道豬肚和雞件份量也不少麵底是彈牙的上海麵整體感覺就是既清爽又濃醇❣️麻辣手撕雞份量比想像中少味道尚算正常❣️柳州螺螄粉味道酸酸辣辣的份量很多辣度也可以自行挑選

之前睇過佢介紹個條片，一直都想搵機會試，前幾日終於都同男友去食喇。舖頭位置好搞笑，係個窿入面，舖面比較細，7點幾去到個時未洗等位。本身猶豫左好耐食螺獅粉定花甲粉絲，最後好似花甲粉絲特別d,都係揀左花甲粉絲。另外叫左一份蛋餃同排骨，男友就叫左個原創胡椒豬肚雞麵。本身想試埋三味爽脆魚皮，但估唔到咁快無晒，想叫王老吉，又無王老吉，想話要杯水，又唔記得拎黎，無奈下叫左罐雪碧算。講返d食物先，因為肚餓排骨唔記得影，但味道ok既，肉質還好的。蛋餃一份有5件，都算幾香口，要趁熱食因為凍左會標油，餡料食到有馬蹄，口感不錯。花甲粉絲個人覺得好一般，湯頭唔係特別鮮甜，粟米唔算好甜，花甲同蜆正常，粉絲質感一般，不太爽口。叫左加辣，原來係一碟剁椒豉油，其實同普通豉油無咩分別。而男友叫既胡椒豬肚雞麵，胡椒味唔出，湯頭偏淡，上海麵還可以，食左舊豬肚唔un算係咁。一路食出面開始排緊隊，睇黎宣傳既功效明顯，食到一半我地都掉左一次枱，就一就其他食客，其實唔係話介意，但客觀黎講覺得舖頭擺位差d,變左要成日要客人調動座位。總體都好普通，唯一欣賞佢個辣椒油幾香。

一去到呢間餐廳 同果店員講三位 佢就話入面有檯 叫我地入去坐 話一陣嚟幫我地執檯 咁我地就入去坐 畫好哂食啲咩野之後 就比店員順便叫佢地執檯 佢地態度差 好似我地去佢到乞食咁 過咗一陣就有果女店員走過嚟話我地無排隊 趕我地出去 我想同大家講 如果都係想食桂林菜 去尖沙咀嘅柳園餐會好佢好多 我都係顧客 先唔講餐廳環境好過佢 服務態度絕對好過佢100倍 呢間野絕對唔會再去 大家如果想去受氣 不仿一試！

店鋪雖然好細坐位不多，但好快就有位。叫左個卜卜蜆花甲粉，有好多卜卜蜆花甲，亦有金姑同栗米，好足料，非常好味，好多粉絲，非常飽肚。唯一不足就係無哂天地一號，希望下次食會有貨😭

無麵不歡開咗分店啦係正旺角道橋底下面(人和豆品隔離)分店大d, 坐得舒服好多, 位置超方便, 唔難揾必食推介😋蛋餃$18/5隻蛋餃皮係用雞蛋去做, 加上豬肉, 馬蹄, 真係正😋螺絲粉$48 其實我麻麻地好酸辣, 但呢碗嘢我食下食下就食曬😂香酥排骨$30, 真係幾惹味, 但可惜真係得骨冇乜肉, 淨係面頭嗰陣皮, 如果多啲肉就好了卜卜蜆花甲粉絲$68, 花甲都算大隻, 味道比較淡若然濃味啲會好食D, 整體都算不錯, 會翻兜

個日行旺角忽然想食辣嘅面食，咁岩係女人街小巷見到呢間野就一於試下。我同朋友本身好食得辣，食麵都會叫中辣，聽到係湖南菜就十分興奮，準備要開花。我點嘅柳州螺絲粉，因為本身唔中意筍味所以走左酸辣筍。第一次食螺螄粉，個樣似米線但口感比較QQ，如果中意食薯粉嘅朋友應該會中意。不過就完全唔夠辣，所以呢點有dd失望。宜賓燃麵個麵會比較硬dd，乾撈都唔夠辣而且偏咸，而且柳州螺絲粉配菜多d，我會推介湯類別多d。不過還是推介比食BB辣嘅朋友，好辣者可能要失望啦。

男朋友返酒店，所以打風都要返工，佢地前日就被迫要係酒店訓，驚佢地返唔到工。。。。所以星期六收工後同佢食個飯先再返去，佢話好似放監咁🙈係 mk 行左陣見到有間新餐廳，係之前見到大同話好食既餐廳分店，就入去試下。一入去就係撲鼻既酸香味，睇黎 d 人話螺絲粉好正宗都信得過 😏睇完 menu 心大心細，螺絲粉一定要叫啦，佢有胡椒豬肚雞湯麵同卜卜蜆花甲粉絲又無理由唔叫架，最後加多個蛋餃。螺絲粉 $48 真係好食，以我平時唔好酸辣(我好麻辣多d)黎講都會為左佢返黎，好開胃啊食下食下就食哂😂 但我至愛都係卜卜蜆花甲粉絲 $62！辣辣地，蜆同花甲都鮮甜，粉絲爽滑，轉頭就 KO 哂🙈 胡椒豬肚雞 $68 相比之下就失色左 d，個湯底夠味，不過麵身比較硬，可能改其他粉食好好多。雞件斬得比較細同唔夠嫩滑。蛋餃 $18 好出色👍🏻 皮好薄但好香蛋味，少可男友會爭食😏 最後叫多個香酥排骨 $30都好香口，係少 d 肉食咁囉😅 食食下突然發現隔離枱就係話好食既大同！喂有無咁岩啊🤣 佢話食過返尋味，咁我食完都覺得係既。大家仲交換左好多飲食情報😆 下次一齊揾食啦！

一個人食飯食乜好呢？ 食麵係一個唔錯嘅選擇 平時食港式嘅雲吞麵 車仔麵或者雲南米線會比較多 皆因開到成行成市 梗有一間喺你左緊今日為自己帶來一點新衝擊 決定食中華麵而家無麵不歡有兩間分店 一間喺旺角女人街入面， 另外一間就喺旺角金魚街附近(24小時 通宵營業)原創胡椒豬肚麵$68(上海幼麵)呢排天氣開始轉涼 食番碗熱辣辣嘅麵就最好一個充滿特色嘅湯底 材料包括豬肚，三黃雞，紅棗，杞子唔好講咁多飲返啖湯先 超夠味 胡椒粉兩十足 越飲越辣 飲完之後成個人暖笠笠三黃雞件同埋豬肚嘅份量夠曬多 豬肚爽脆彈牙有口感 三黃雞件嫩滑多汁 脂肪較少 塊雞皮勁好食 又滑又香職員仲好細心奉上辣椒豉油 要嚟點雞同點豬肚食採用上海幼麵 麵條軟硬度適中 即使下面有個火爐一邊滾著 麵條也不會變成糊狀 每條麵都吸收咗湯底嘅精華 實在太美味了配料方面 香辣烤豆皮$6豆皮透薄 有烤過既味道 帶點微辣特色風味小食 香酥排骨$30又鬆又脆嘅外皮入口即化 排骨依然保持肉汁 是一道惹味的小吃蒜蓉香煎干負豆腐$26未食已經聞到好香嘅蒜蓉味 豆腐質地好得意 口感係同炸魚片一模一樣嘅 平時嘅豆腐一夾就散 呢個係充滿彈性 推介

最近有一間人氣排隊食店突然冒起， 一個朋友傳一個朋友，成日都聽到無麵不歡呢間餐廳嘅名字…… 今日終於抽空來試試，傳統又正宗嘅中華粉麵太誇張喇…… 我已經唔係晚飯時間來光顧，門口已經大排長龍幸好門口有凳坐， 一邊等候嘅期間可以拎住張餐牌子望望有啲咩嘢食餐廳以麵食為主 例如土豆粉，螺絲粉，燃麵，蕨根粉…… 有部分聽都未聽過 感覺非常好奇柳州螺絲粉$48配料包括螺絲肉，肉末，酸豆角，脆花生，蔥花，酸辣筍，黑木耳，脆腐竹雖然聞起來味道臭臭的，但係出奇地好吃，味道酸酸辣辣非常開胃，很喜歡他的配料，尤其是係黑木耳及酸辣順口感脆脆的，味道非常正宗湖南五穀魚湯粉$56湯底可選原味湯，酸辣湯及麻辣湯我揀咗原味湯， 湯底奶白色，有香濃嘅魚味配料包括鯇魚片，豆腐，黃豆，蔥花，芫茜，酸菜鯇魚片肉質鮮嫩，而且鮮甜 但是比較多細骨，吃嘅時候要小心麵條滑捋捋，烹調時間拿捏得啱啱好，口感依然彈牙， 一啖湯一啖麵，夠曬滋味湖南經典黑臭豆腐$28黑色嘅臭豆腐都係第一次食， 雖然賣相不好看，味道亦不好聞， 但係食落一啲都唔臭， 配合特色風味醬汁，令平凡嘅豆腐變得不一樣麻辣手撕雞$28份量都幾多，啖啖肉， 麻辣醬汁配上嫩滑雞

早兩日見ig有人介紹呢間餐廳 見咁近就放飯個陣過去試一試 一入門口已經聞到有陣臭味 應該係因為有人叫左臭豆腐同螺絲粉 🤢 個人就唔係咁好d重口味野 所以就叫左個重慶拌麵 跟住再叫左個蛋餃同藤椒雞扒個麵有榨菜 肉碎 炸碗豆 同乾辣椒碎 食左幾啖已經覺得唔夠辣 見有樽寫住大辣既辣椒醬 就加左一小匙落去 點知就辣過龍 一路食一路流鼻水 🤧 頂唔順叫左罐椰汁解解辣 如果唔係真係食唔到落去呢個蛋餃幾好食 用雞蛋取代左傳統餃子皮 好香蛋香 18蚊有5隻雞排黎講就普普通通 唔算好香脆 塊扒本身都比較簿身 而且有d似超市買個d麥樂雞既味 佢個名叫藤椒雞扒 咁應該係辣既 但由於我加左個大辣辣醬落個麵 我都已經分唔到佢本身係咪辣 🤦🏻‍♂️

譚仔以外既另一好選擇「無麵不歡」以前叫做「甲天下正宗桂林米粉」，當時係塘尾道開，食左2次都好好味，想食第3次既時候竟然話結業，好唔開心。終於佢開番，改左名，改左位置，所以就去試下仲係唔係咁好味。係門口已經聞到佢既螺絲粉味，佢餐牌多左好多選擇，但之前係舊店食左個「湖南五殼漁湯粉」，一試即「嘩」一聲，所以今次都有叫，2個人叫左1碗漁粉同3份小食，分別係「湖南經典黑臭豆腐」、「麻辣手絲雞」、「椒鹽鍋巴土豆」。「湖南五殼漁湯粉」唔知係唔係上次叫左酸辣湯，今次係原味湯，無左上次「嘩」一聲既感覺，但個湯清清地，麵質好彈牙，都係好味既，只不過魚就多骨左d。「湖南經典黑臭豆腐」一上枱就聞到好臭，食落去又唔係好臭，炸得幾脆，只不過個汁唔夠香，如果有d好味d既醬就perfect。「麻辣手絲雞」手絲雞個汁唔錯，好快比我地清哂，略嫌唔夠辣。「椒鹽鍋巴土豆」土豆啫係薯仔，好鐘意係大陸食土豆加孜然粉、辣粉。佢無大陸既土豆咁好味（可能係因為無落咁多味精），但過口癮都唔錯。評分：8 / 10整體同舊店一樣好味，但可能因為搬左去旺角鋪租貴左，所以野食細碟左、貴左同要排隊，希望佢會繼續做落去啦。湖南五殼漁湯粉」唔知係唔係

之前係深圳食過之後念念不忘，難得朋友話旺角竟然有得食，當然拉男人去食。款式都不少，粉類和小食價錢都唔貴，怪不得差不多十點來都坐滿人啦。卜卜蜆花甲粉 ，嚟到時用鍋通都幾熱又大份..入面黃蜆和花甲都不少共有十多隻，湯底都鮮甜配上滑嘟嘟口感粉絲不錯，配菜仲有金菇和甜粟米。桂林米粉，沒想到咁大碗，入面材料不少，粉米粉都夠滑身仲有脆花生帶少少辣和微酸。之前未得過香煎蛋餃，見幾得意就試沒想到不錯，蛋味夠香又薄，肉味道都不錯。沒想到這裡的麻辣手撕雞有驚喜夠辣又香，雞肉撕得好細而且十分入味。麻辣豬爽肚，豬肚淋身而且好入味，醬汁類似豆瓣醬幾惹味。野山椒鳳爪十蚊都不用，鳳爪淋身勁入味，但沒想到咁辣。湖南經典黑臭豆腐口感特別，而醬汁幾辣好惹味。食得辣野當然叫返椰子汁和烏龍茶解渴最岩。

我係個種即使d野難食都唔會理由得佢最多下次唔去 呢間舖既員工成功令我寫出人生第一個差評要等位都預左 我同朋友兩個同另一對情侶搭檯 同時都遞左點餐紙 大家都等左半個鐘有多 好聲好氣問句：可唔可以幫我地睇下張單整成點？過左一陣佢出返黎 見佢拎住張揸皺左既單問我地：可唔可以再落多次單之後對面個客都忍唔住話：不如您check 下單先 係咪真係無落單然後再出返黎 同我地講 ：張單廚房”黎手”扔左呀 您地再落過單啦個店員全程無咩好態度好似我地無理取鬧搞事咁後尾埋單 因為佢將我地兩張單打埋一齊就叫佢分返單比我地埋單其實漏單都算喇唔緊要 但態度可唔可以好小小？唔係要求幾咁好服務 您出面咁多客等緊位 睇唔倒入面有一檯客張檯坐晒人但檯面空左好耐？就算您地唔幫手追單 個客問起個時都唔係咁既態度係咪？最尾埋單見倒個員工找錢比對面個對情侶係”劈”低d錢係檯比個客佢得罪左您d咩呢其實？都係想食個飯姐洗唔洗咁講真野食係唔差 嗌左卜卜蜆粉絲煲 食落好似食緊酒樓整既蒜蓉粉絲蒸元貝咁朋友叫左個重慶乾撈蛋麵 麵身都好好咬口嗌多左兩個小食 蛋餃同紫菜多春魚兩樣都好好食 多春魚整得夠脆但無必要食餐飯等左半個鐘原來比人扔左單 無

星期五TGIF 之前係facebook見到傳媒推介無麵不歡段片介紹個兩款麵1.柳州螺絲粉同2.順德卜卜蜆花甲粉 吸引到我想去試下 今日就去左食 btw搵間鋪既時候經過左兩次都見唔到因為個位係棟大廈入面可能係中午十二點去食 鋪頭得兩三枱唔洗排隊不過間鋪都唔大 夜晚應該都要排隊一入到去好大陣臭味其實係螺獅粉隻味好多人都頂唔順所以唔肯黎食其實食落一啲臭味都無 碗粉都好大 有好多配菜 正正正 小小辣覺得可以再辣啲同埋一碗都係48HKD 食壓左譚仔可以轉下口味試下呢個螺絲粉 個粉似米線但又唔似因為個口感硬好多！大家可以試下 其實仲有好多選擇俾埋個menu大家睇下！

一去到鋪頭門口聞到好濃既味唔知係咪因為有賣臭豆腐既原因，但入到去還好淨係叫左螺螄粉 $48 一碗粉量算大 配料好多同埋幾特別有酸辣筍 酸豆角 木耳 脆腐竹等等 值得一讚酸辣筍極好食 配埋粉同湯食一流！👍🏻👍🏻個粉口感幾新鮮 無米線咁林 又唔係賴粉咁難夾 有小小夾口但比酸辣粉易咬。本身無得揀辣度 食落極少辣 唔食辣人士都應該可以入口 但整體唔算好大驚喜 普普通通比雜誌介紹到要排晒隊食令到期望好高，雖然可以一試 但48唔算好扺食同未必會再食