熾工房 (已結業)

熾工房WoWLAB（西營盤）📍西營盤高街111號地舖🍾用餐體驗平時行過都見佢主打食雞😢而唔食得雞嘅自己一直都以為自己同呢間餐廳無緣，點知最近見佢出左新menu😍👏🏻當然要嚟試下啦！支持支持🫶🏻🤍WOW STYLE PAELLA $108西班牙海鮮炒飯呢個海鮮炒飯好有鑊氣，而且辣辣地好惹味🤗個人覺得比起risotto更加吸引，因為唔會太膩，份量岩岩好海鮮都好足料，有驚喜👏🏻🤍WOW PORK CHOP BURGER $78WOW豬扒包竹炭麵包皮本身就好吸睛好岩打卡，點知食落口真係有驚豔到！😳😍😍豬扒油脂分布好好，又煎得好香鎖住d肉汁😙但因為佢個醬汁同配菜（紅白蘿蔔、青瓜）酸酸辣辣咁完全唔會覺得油膩，簡直係絕配，係超級推薦的一款😘🍺Orion $28Chill下飲返枝日本啤酒，呢個價錢好抵飲呀，唔錯唔錯😝/味道 🌟🌟🌟🌟🌟環境 🌟🌟🌟🌟🌟服務 🌟🌟🌟🌟🌟衛生 🌟🌟🌟🌟🌟抵食 🌟🌟🌟🌟🌟

Always in mood for crispy 餐廳其中一個特色係有幾多幅以雞為主題嘅牆畫，色彩繽紛畫得仔細，很有隱小店風格原味烤雞套餐Wow Roast Chicken Set 2件原味烤雞 配芫茜檸檬醬/Roast Chicken 2pcs牛油粟米/Sweet Corn with Butter精選沙律(+追加)/Seasonal Salad奧利恩啤酒/Orion Draft Beer> 烤雞皮香脆肉嫩滑調味唔重口味、雞肉入口juicy仲要係中間位都熟晒，點芫茜檸檬醬幾清香解膩。其實兩件係唔夠喉，下次一定要追加多幾件雞。沙律菜和牛油粟米質素正常。啤酒有淡淡的的麥香幾順口*自助取餐和收盤

WOW 焗豬扒飯 $88呢度嘅有好多款式既飯，如果唔想食飯都有漢堡包食😋我揀咗焗豬扒飯，豬扒都大塊，醃得好入味好淋！蕃茄醬汁就好似你見到相咁多，鍾意番茄醬嘅人一定啱晒！呢個豬扒飯嘅份量對我來講都啱啱好，起碼佢豬扒都算大件先 🤣焗白汁牛脷飯 $88🐮白汁好多同埋芝士鋪係飯面，牛脷分量都幾多下👍🏻同埋入面嘅飯都幾多，牛脷啱啱好夠滑，整體上都好好 如果飯淋啲就Perfect✌🏻滋味雞翼套餐 $68🐤雞翼都炸得幾好食，係單一枝骨，炸得好脆🤟🏻薯條份量適中，食落外脆既，嗰醬甜甜地，都唔錯！

西環多coffee shop相信大家都知，但系你又知唔知哩度有間高質嘅專賣炸雞漢堡嘅熾工房，價錢抵得嚟味道吾錯，絕對可以當長期飯堂～小店分為室內同室外兩部分，室外氣氛夠chill，室內樓底高，日間來還有充沛自然光，輕鬆relax，岩曬同朋友嚟個速食！而食物新鮮製作，水準一D都吾馬虎！▶️招牌脆雞漢堡餐($78)第一眼已經被個黑色漢堡吸引咗，竹炭麵包入口脆脆地，中間夾住塊厚切炸雞，外脆內嫩，juicy到爆汁，咬咬下，有塊口感酥脆，味道竟然有D似燒腩仔皮嘅野嘅？好好味啊，吃多兩啖，原來系炸芝士嚟，好驚喜，卜卜脆，非常特別！其次，醬汁亦非常出色，酸甜度剛剛好，令炸雞吾會乾柴，而個包又吾會因醬汁而林曬～另外跟餐嘅牛油粟米soooo buttery，大愛~▶️炸洋蔥圈($24)個人覺得個外皮稍硬咗D，但系個蜜糖芥末醬救返佢，食完一啖又一啖～▶️青檸菠蘿梳打($24)哩杯梳打要推介，真・青檸，加上清新嘅菠蘿汁，入口清涼refreshing，好岩盛夏天氣～不得不提店內牆身有色彩鮮豔嘅塗鴉，睇得出店主用心，打卡真系好靚！

西營盤最近開左唔少新的食店，今日就去到一間主要食烤雞🐥既小店熾工房。小店空間非常廣闊，以工業風格設計為主，聖誕🎄臨近店內仲有聖誕裝飾。小店的主店位於長洲，西營盤係分店，全部出品以人手制作，即叫即制和自家調味，中午時段座無虛席，套餐性價比好高，要預番15-20分鐘先有得食架！🐥原味烤雞套餐 $68套餐有兩件烤雞同埋栗米，再加一罐汽水。烤雞有一件雞鎚和一件雞上脾。烤雞熱辣辣，烤到外脆內嫩，肉質好juicy，用上香草醃制，非常惹味!栗米🌽係用杯上，栗米粒加上牛油，入口又香滑又鮮甜。🌭熱狗套餐 $58套餐配薯條同一罐汽水。熱狗好大隻，熱狗包烘到外皮好香脆，香腸大大條好juicy。熱狗配埋芥末和茄汁，好好食，超推介👍🏻薯條份量十足，係幼身薯條，炸到外脆內軟!

weekend放縱一下！食炸雞~~🐔滋味脆雞套餐配薯條招牌炸雞一定要試喇！外表脆皮狀態 食起少少辣！有d黑胡椒味！好香口！而且炸雞係即叫即炸 新鮮出爐！炸得好香脆之餘仲鎖住肉汁！📌薯條 係粗薯條 一啲都唔hea架！分量都唔少架！好有薯味🐔滋味雞翼套餐📌滋味單骨雞翼配士拉差醬 雖然單骨 都有成10件甘多！而且 單骨香脆好多！仲好岩小朋友食tim啊！📌升級至蘑菇飯（細）+$5高質蘑菇飯 菇份量都好多~入面係忌廉+菇煮嘅汁 好正啊🙌真材實料！唔係快餐店style！ 忌廉撈飯好入味👏📌套餐全部配汽水

難得嘅優閒假期 今日決定去西環chill下約咗好朋友喺西環見面 去完cafe傾完計見到有間美式快餐店#熾工房 裝修好似Cafe咁 可以坐喺出邊或者入邊入邊裝飾已經充滿聖誕節嘅氣氛 而又帶點文青氣息樓底好高增添左空間感 所以再落去都好舒服 冇壓迫感 又可以同朋友坐耐啲 傾耐啲計👍🏻 滋味雞翼套餐 $68🐤套餐有雞翼 薯條 同埋飲品汽水有幾種款你可以揀炸雞翼係單支骨 炸得夠脆口薯條都唔錯 但醬汁我就覺得怪怪地🤣都係鍾意配茄汁食多啲WOW 焗豬扒飯 $88🐷豬扒飯都幾好食 個飯係粒粒分明豬扒夠入味👏🏻焗白汁牛脷飯 $88🐮牛脷夠淋身 配埋白汁真係唔錯👍🏻

差唔多一年前嚟過，戈時主要做開炸雞同埋漢堡餐。今次嚟探朋友順路過嚟，見到menu加入左好多新菜式。見到飯類意粉都有。見到呢個西班牙炒飯價錢好吸引，得做即做！今次我就試下佢地嘅西班牙炒飯 $108，價錢相當抵食，同傳統西班牙菜一樣，都係用咗鐵鑊去盛戴，飯粒粒粒金黃色，煙煙韌韌咁，好有嚼勁。海鮮同樣豐富，有大蝦、蜆肉、同埋八爪魚，再配上紅腸、青椒同埋洋蔥，相當豐富，大蝦份量都幾多，食落幾惹味！都好唔錯！

7點鐘去到，都幾多人食，餐牌都幾多餐可以選擇。7點10分落單，叫左兩個烤雞餐。過左半個鐘，前後問左職員2次仲要等幾耐，職員話烤雞要耐啲，而中途見佢地不停出餐比外賣。結果等到7點50分先有，足足等左40分鐘！再講食物質素，烤雞仲細隻過某連鎖炸雞快餐店，味淡、肉質還好唔太乾身。磨菇飯嘅飯比較硬，汁就係用罐頭湯煮出黎既味道。總結食物、服務都係差，一定唔會有下次！如果肚餓，唔建議黎，因為真係等好耐而CP值唔高，食物份量男仔未必夠飽。

優閒嘅星期日，約咗住喺西環嘅朋友見面，佢帶我去試下”熾工房”。呢間餐廳設有露天座位餐廳內設計簡潔同舒服，牆壁上仲有手繪畫裝飾餐廳非常細心，設有洗手設備，可以準備用手食燒雞自助counter 落order，先付款。收八達通、Visa同Master，都好方便。餐牌有飯類、意粉類、飽類、小食等，好多選擇。揀咗2個set lunch。1. 叫咗新出嘅$128 半隻去骨燒春雞，跟薯條、沙律、粟米同埋一杯特飲或熱檸利賓納，不用加錢。燒春雞肉嫩，外皮烤得香脆，加上無骨啖啖肉用手食確係一流。另外粟米同樣烤過夠香口，薯條即炸同樣香脆。2. 呢個係素食者餐，大蘑菇配沙律，仲有大大杯青檸菠蘿梳打 $68。大蘑好juice ，配埋沙律令到成個餐都好新鮮。整體來講，餐廳環境舒適，食物水準高上且價錢實惠，值得一試再試

西環啲路真係好斜好斜🤯🤯-小女見識少 未曾聽聞熾工房大名幸得港島好友極力推薦「最好吃的蘑菇飯」獲此殊榮又怎可不試？-滋味雞翼套餐 +5$轉蘑菇飯單骨雞翼微辣本人比較能吃辣辣度剛好令我覺得「惹味」但朋友覺得有點兒過辣即炸十分乾身脆身蘑菇飯沒有辜負我涉水攀坡的期望蘑菇汁十分充足 絕對可以每啖飯都有醬汁與其說表面是蘑菇汁 以蘑菇湯形容更為貼切無論味道 質感 用料 都與西餐蘑菇濃湯十分貼近所以+5$十分值得-香辣燒春雞從IG看到的新品～當日在店內未看見有相關餐牌膽粗粗打開IG post問店員幸好還有～不過等候時間的確會稍長燒春雞已經去骨 食用十分方便能理解等候時間偏長的原因燒春雞要熟而不柴 甚至保持肉汁時間確實無法讓步 香辣汁深得我心一開始覺得辣味還可但越食越有驚喜是可以累積的辣味～-青檸芫茜梳打芫茜的味道很難於飲品中表達若果期望濃烈的芫茜味直沖腦門你會對這杯失望整體是好喝的梳打芫茜味只有在最後才顯出微微餘韻相信大部分人都能接受-不能以貌定義的除了人 還有蘑菇飯。

今晚冇煮飯，就落去屋企附近嘅Wow Lab試吓佢嘅炸雞。店舖裝修簡潔帶有少許文青氣息，餐廳面積雖不大，但樓底夠高空間感十分一啲壓迫感都冇，整體都坐好舒服。Menu以炸雞為主，亦有少量其他食物如意粉、飯或burger。今次我哋就叫左份炸雞set，一個包，同一個雞亦拼盤。本來只係打算醫肚，但食完真係wow一聲😲，估唔到原來普普通通一間快餐店嘅食物原來可以咁出色👍🏻👍🏻 每樣食物都超出預期，樣樣都有質素誠意推介👌🏻👌🏻招牌雞翼拼盤 WoWLAB's Wings Platter $98拼盤有12隻單骨雞翼🍗，雞翼有醃過好入味，炸粉適中唔太厚，炸嘅時間都啱啱好，鬆脆得嚟冇overcook，肉質依然保持嫩滑，出色！雞翼有2款滋味，1款（應該）係士拉差醬，少少酸又帶點辣好惹味，另一款係原味，另有兩個醬汁可以點，一個係茄汁另一個係蜜糖芥茉醬，兩個都勁好味！拼盤仲有炸洋蔥圈🧅，我想講好耐冇食過咁好食嘅炸洋蔥圈，鬆脆唔在講， 炸粉下嘅洋蔥🧅係啖啖肉非常飽滿，原因係佢哋會切頭切尾同只選用洋蔥中心較厚肉嘅地方，可見店主對食物質素係有要求。另外薯條🍟都炸得好香脆，點埋啲dips又再度加乘🤤滋味脆雞套餐 WoW

熾工房 (西環)📍西環高街111號地舖高街自從地鐵通咗車之後越開越多唔同嘅食肆！呢個鋪位歷年來都轉換過唔同嘅菜式，而WoW Lab 嘅氛圍係最為年輕，炸雞漢堡日本啤，加埋打卡彩繪牆，絕對係可以吸引到附近一班大學生嚟幫襯！所以晚市時段亦都比較full！👩‍🍳WOW PORK CHOP BURGER 豬扒包 $78Order時職員已經同咗我哋講，大約要等15至20分鐘，係一款精心炮製嘅菜式！外表脆脆嘅黑炭漢堡加甜甜辣辣小許咖喱味嘅豬扒 （醬汁味有少少似辣魚蛋醬味，超惹味），配料仲有醃甘筍同青瓜絲，係一個出色韓風味濃嘅豬扒漢堡！有驚喜！伴碟仲有幾個洋蔥圈，香脆外皮入邊包住飽滿嘅洋蔥。洋蔥圈食得多，但係有誠意嘅洋蔥圈已經好耐冇遇過！👍🏻👍🏻👍🏻👍🏻👍🏻👩‍🍳 WoW Fried Chicken Set 滋味脆雞套餐 $66套餐包括原味滋味脆雞兩件，薯條/牛油粟米，同埋汽水一罐。炸雞熱辣辣，外脆內軟又多汁，絕對係高質炸雞！👩‍🍳 WoW LAB's Wings Platter 招牌雞翼拼盤 $98拼盤裏面有兩款單骨滋味雞翼、薯條、洋蔥圈，亦都包括兩個醬汁 （茄汁，蜜糖芥末）。單骨雞翼方便又容易食

餐廳空間感好大，沒有一般香港餐廳擁擠的感覺，更可預先在openrice訂座，非常方便。除了點菜，取餐和餐盤回收採用自助形式，不設加一服務費。🔺 招牌蘑菇飯套餐 ($68)Creamy的忌廉汁帶陣陣香草味，加上磨菇份量充足，令磨菇汁味道更香濃。雞翼外皮酥脆，味道鮮甜。份量約為1.5碗飯，整體飽腹感較低，喝完汽水只有8分飽，性價比較其他套餐低。回頭率：🌑🌑🌑🌑🌑如果再來吃還是點炸雞、漢堡包比較好，加購小蘑菇飯也行，不推介大蘑菇飯套餐。

話說前掛係西環做完野 搵下有咩好西食啦咁岩見到間小食店幾特別今次要為大家介紹既係 - 熾工房佢地係位終西環高街個邊餐廳個裝修好開揚 佢地主打食烤雞炸雞為住今次點左個烤雞套餐佢地個烤雞啲雞肉超嫩而且食落D肉汁咇哂出黎重點都係佢地個蘑菇飯 (呢個套餐加$5可以將薯條換左做蘑菇飯)佢地個醬係忌廉蘑菇醬食落勁creamy 而且仲有好重既菇味 超正@wowlab.hkLocation: Sai Ying PunPrice : $100/p.pEnvironment (10 is chill): 7/10Yummy (10 is delicious): 7/10