燒鳥亭 (已結業)

經過天后，發現呢到有好多小鋪，平時行得cwb多，黎到天后真係完全唔同環境非常新鮮！天后有好多串燒店，經過呢間日式串燒店，見到好多人食緊，友人非常有興趣想試下，由於他話要請食飯，咁我就唔洗考慮價錢問題，入去試下啦呢間鋪頭好細間，入到黎，服務員都非常有禮貌，叫完野都等左好一陣子先到， 佢呢度即叫即燒 ，師傅就係你嘅面前燒 我朋友話呢d等待叫做新鮮 （ 檯面放咗 鹽同 類似bbq醬咁嘅嘢）（ 呢到每樣串燒起碼要order2串起！ 我覺得咁樣好唔抵，每串平均都$60，有d平d,有d貴d）呢個 蕃茄沙律我非常中意，佢加左 蒜蓉茉，蔥，芝麻，仲有一d 醬料汁，非常開胃，唔係絕對清新的沙律但係一道刺激味蕾的沙律呢個年糕完全超出我既想像，我本身以為係普通年糕， 韓式年糕或者係上海年糕咁串起來燒的！點知佢係咁可愛， 用咗脆脆嘅海苔 包住呢個軟綿綿圓碌碌 軟淋淋既 年糕， 又脆又軟， 有啲鹹又有啲甜，咬開入面原來仲 包咗芝士好驚喜高潮就咁黎左燒玉子，我個外國fd勁中意， 我食咗一嚿就畀曬佢食囉佢食得勁開心雞軟骨好味， 我個個friend係第一次食雞軟骨佢超級鍾意食 雞翼冇咩味老闆話雞皮好似薯片咁脆卜卜，幾

本身好鍾意食串燒,特別宵夜時間😍呢間環境算可以,台同台之間有點擠逼,但食物好味就唔會介意呢點美中不足🙈必叫👇🏻燒雞翼,外皮脆卜卜,咬落好鮮嫩👍🏻煙肉車厘茄,煙肉燒到香脆,車厘茄新鮮又多汁,記得趁熱食其他仲有奄春蛋,秋葵....大家可以親自去試試👍🏻

朋友黎到香港，就打算請佢食餐好嘅！前一晚先用openrice book位，好彩仲有位！Book左7點半，7點3黎到已經可以入座。上一次黎要等，今次黎反而無咩人。坐低睇左陣餐牌就點菜啦，要注意大部份串燒都要點2串，所以人多黎會比較容易點，又可以試到多啲種類。今次黎有某啲串燒晚市有8折，咁啱有我地想食嘅嘢叫左芝麻豆腐，雞翼，鹽燒豬頸肉，鹽燒牛肉，秋葵牛肉卷等等。。鹽燒牛肉秋葵牛肉卷只係影左呢2種串燒就掛住食無再影相luuu..雖然係串燒，不過食落其實都好飽。其中印象最深刻係鹽燒豬頸肉，雖然我食嗰陣已經凍左，不過食落一啲都唔油膩，仲好好味另外，鹽燒牛肉都好味，牛肉好嫩，雖然咬落都幾紅但食落口唔會覺得好生。可能因為客唔算多，所以啲waiter都好好服務，keep住換碟同加水。如果價錢更親民同埋唔一定要最少點2串，一定會去多啲。

今日同我女朋友睇完戲，去天后搵野食話晒美食坊，見到有唔少又收左，行行去就諗住去返之前早兩星期朋友帶我黎食既,話好似呢日係openrice訂既話就有折唔記得星期幾啦,不過果次食OK,同埋無個黑面神,黑面神一陣下面再講我岩岩黎到天后10點幾左右行左兩個ROUND,好似無乜好食,好多又收左,我咪提議話去返呢間(上次女朋友無黎)佢又無所謂,去到門口同女友睇下餐牌,佢都OK就入去(11點)我係門口都見佢收12點,我地都係諗住食少少咸野就去對面食糖水點知一入門口,個黑面神就望住隻錶講,我地搭三last order,咁我都知阻人收工好似殺人父母咁我地都諗住速食嫁啦,果陣女朋友仲係出面睇緊,我咪同我女友講話ok點知呢個黑面神又同我講多次,又係望多次錶講我地搭三last order,12點要走咁我都覺得唔使下嘛,我都識做既,後尾我11點搭半我都問你拎外賣盒走啦好啦廢話太多,之後到食物方面點左六-七樣野好食,juicy得黎又好脆,8.5/10分牛舌,佢有厚切同薄切上次同朋友食,食左個厚切,兩樣都好食,厚切有口感今次食薄切,薄切味強D(兩樣都8/10分)安格斯(4/10分)其實燒得算剛剛好不過無乜牛味師傅又

一直都很喜歡燒鳥亭的串燒。剛巧知道12月逢星期三會有8折優惠，作為老顧客當然不能錯過，盡情享受一下。食物水準一如以往好味，個人特別推介燒牛舌，其他食物包括蘆筍豬肉卷、雞翼、牛肉、煙肉車厘茄、雞軟骨、蕃薯、雞皮、黃芥辣雞肉、燒飯團都很有水準，調味及燒烤的時間配合得恰當好處，充分保持到食材的原汁原味！！！天后區有很多串燒店，價錢也不平宜，但燒鳥亭是唯一我覺得食物質素和價錢是成正比的一家！值得一吃再吃！！！

之前同朋友食過（好味)，加上呢期經OpenRice book星期三有8折，於是book左帶媽咪去。叫左幾多野食，全部都好味，呢度記番邊樣最好味。厚燒牛舌、羊扒、燒雞軟骨、雞腎、雞翼、白鱔，仲有蕃茄沙律。前菜蔬菜點個醬都好味。另外叫左虎蝦同其他燒素菜服務態度幾好😊

鹽燒牛脷和燒淮山算是這間串燒店的代表作！ 但並不是在其他店裏找不到一樣的質素。鵝肝雞翼配搭未到有點怪，概念取自明太子雞翼， 但鵝肝的騷味未能將雞翼的鮮味提高至另一層次， 反而鵝肝的味道蓋過雞翼的鮮味從而影響整體的味道！牛脷及淮山乃水準之作 薄切牛脷較厚切為佳！ 鮮淮山處理過程非常好，咬下去並沒有潺滑之感值得一讚 雞皮是另一推介，但請記得一定要馬上吃，要不然其餘溫會將雞皮 弄至過熟！整體上來說沒有跌錢的感覺， 但如此價錢在香港實在不難找到其他一樣甚至更好的店！ 所以我的結論是……一試無妨！

本来想食壽司，一條間3間日本菜，頗難選擇，行行吓看見日本黑豚肉便入內試試 前菜：滑滑豆腐加芝麻酱。。美味。冷烏冬也很滑，夏天這前菜不錯，相比螺肉海带好 麵豉湯豆卜海带，若然加豆腐粒更好，咸了一點 冬蔬雞肉很惹味，熱一點份量多小小便好 半肥瘦黑豚肉。。火喉剛好。。皮脆內軟，冬菰不太乾配上芥辣，燒汁雪梨這店乾淨整齊，感覺不错，每樣食物熱腾腾，廚師用心制作，每店也要親身試過，有時食評好但中伏。有時普普通通但高水準。。食評只作参考用途

年幾前已幫襯呢度，通常都是週五週六晚先嚟，星期二食都是第一次！沒週末咁旺，9:30pm到，閒日，位都唔洗等。我地兩個人叫咗12樣嘢，分別是10點前正價和10點後宵夜價。注意返大部分order都是最少叫兩串的。是次order包括免治雞肉：唔彈牙，無雞味，鞋口雞翼：啲肉好乾牛舌：經典，話無渣就呃你嘅，不過勝在佢味道夠濃，有咬口，唔會入口一啖油本菇牛肉：好香姑味，但牛雪到乾晒，入口乾到散開雞軟骨：我自己覺得乾咗少少，可能有朋友會喜歡佢脆身燒秋葵：好味，惹味，追加咗一次！但我食到有一條有苦味，算啦燒山葯：即係淮山，夠爽脆，但有陣咩味？泥味？係咪正常架？ 同酒樓果種鮮味有啲唔一樣既？銀杏：如果濕潤啲會追加的！有甜有苦。露筍豬肉卷：ok 啦，不過啲筍頭尾有啲乾，好似比雪櫃抽乾咗水咁，豬油同筍兩樣撞埋係香嘅…雞肉蓮藕：一啲都唔好味，雞似豬味，蓮藕唔新鮮煙肉蕃茄：嘩！驚喜喎！估佢唔到！記得以前有位朋友嚟親，都一定要叫呢個，話用料雖然簡單但很美味喎，叫到無嘢好叫就試下！ 呵！豬油燒香咗有芝士既香氣，加咗啲香草仲有啲pizza薯片既香味可以講係幾滋味。最後是海蝦，一上枱真是有好大陣香氣，不過肉身太乾，近頭

星期六，約朋友到天后搵串燒食，行咗幾家串燒餐廳，都係依間比較吸引我，門口好有日本舊式居酒屋Feel。晚飯時間店內都比較多人。前菜有蟹膏蟹肉沙律蟹膏蟹肉沙律：蟹膏好香好濃口，加上蟹肉同西生菜一齊食又香又爽口。串燒首先先叫咗兩件羊扒，外面燒得香脆，咬落去好多肉汁，口感味度一流。厚切牛舌，雖然厚但一啲都唔硬，彈牙軟熟好有咬口，加上又肉汁濃口。淮山就第一次食到，一直以為淮山只係用嚟煲湯，估唔到用嚟做串燒係咁好食，淮山口感滑又脆，又加上少量黑椒帶出些少辣味，好特別。秋葵豚肉卷，之前係其他串燒店未食過，梗係Order埋佢。外面豬肉燒得好香口，豬肉緊緊包住秋葵，肉汁令秋葵唔會燒到乾身，保持秋葵獨特滑溜口味。翠肉瓜，炒就食得多，做串燒意想不到汁液豐富，一啲都唔乾身。帶子雞翼，手工製作，將雞翼去骨，再將帶子釀入去，一口咬入去首先食到雞翼嘅香脆，然後充滿雞汁同鮮味嘅帶子再令味道更加提升。日本黑豚肉，洋葱帶一點香，肉質鮮嫩入口即溶，好啱送白飯一齊食。食串燒就一定要送啲酒類，Sapporo生啤易入口，麥味唔太濃，唔怕會影响到食物味道。人均消費300蚊左右。

雖然係食lunch但係間餐廳入面冇人食所以我地10幾人都唔洗等位我叫左個滑蛋鰻魚飯有洋蔥，蛋同鰻魚我唔敢講係滑蛋因為煮得太耐太老太鞋成個飯冇咩鰻魚味而且鰻魚粒極少最重要既係成個portion太細雖然係$68加一但係覺得唔抵食屋企人叫左個安格斯牛肉定食$98加一牛肉粒太鹹又少，成個portion又係太細我地全部都要去附近既餐廳再食野唔推介俾你地食

今日同事又肯跟我食日本, 今日試燒鳥亭沙律:今次沙律為蕃茄, 我覺得配芝麻唔係太好味, 而且有點酸, 但都算開到胃麵豉湯: 普通稻庭烏冬: 好好味! 冷烏冬汁好好味, 不咸, 而且好香, 烏冬幼幼的, 連紫菜食一流! 美國安格斯牛柳定食 (配冬菇雞肉碎飯):美國安格斯牛柳: 燒得剛剛好, 非常好味! 牛味非常重, 食得出真的是靚材料! 比外面西餐的美國安格斯牛柳好味燒冬菇: 普通, 覺得有點乾身, 唔算好味冬菇雞肉碎飯: 其實...不如不放冬菇雞肉碎好能更好, 飯上的紫菜下面, 有極少極少量的冬菇雞肉碎....完全無作用可言....汁燒鰻魚丼: 好味的是汁燒鰻魚, 真的燒得好好好好好味! 鰻魚好厚, 燒到微微向上彎, 而且個汁好惹味但好可惜得好少, 飯亦非常的少, 食完無食過一樣水果:  菠蘿食得出燒物真的好好味, 但午餐來說, 份量都頗少下...令我覺得有種好吝嗇的感覺兩個女仔, 食完仲要買東西再吃.....

係對面食完台灣蛋餅諗再食多少少野，見到呢間野有唔少正評心諗唔會差得去邊啦，點知中哂伏！！！都唔知d正評係咪買返黎！連我十年都唔寫食評都忍唔住要畀個負評佢免得其他再人畀佢搵笨！首先呢間餐廳絕對唔係＄101－＄200，所有串燒細細串都三十蚊起，想食得飽要每人＄300起。最攪笑係大部分串燒都係兩串起，可能我見識少啦，我真係未食過日式串燒唔係一串串點，咁即係逼我點少幾樣蟹籽沙律＄58－青瓜同紅蘿蔔唔係切絲，竟然係切條蒜香牛肉＄38x2－無牛肉味無蒜香味，又油淋淋仲要好實芝士牛肉卷＄32x2－一個字“蘇”，未食已經好勁既蘇味，唔講以為係羊肉露筍豬肉卷＄34x2－一般 no comment見唔對路食完4樣野埋單果時仲更加覺得中伏，一睇張單發覺收多左樣叫appitizer，問一問先知原來一坐低果碗我地掂都無掂過既無醬青瓜沙律要收差唔多三十大元？！跟手個waiter就指住個餐牌話餐牌寫到明要收錢。最興係佢地由頭到尾都無講過果碗野要收錢，佢講果果碗野係沙律我仲以為係要黎送酒。睇真d餐牌只係一細行英文'priced fresh salad will be served, 10% service charg

天后一向出名好野食，今次就試咗黎間燒鳥亭。成間鋪頭都好有日本特色。今晚都試咗好多野。所有都燒得岩岩好，再飲埋枝sake，大滿足！前菜：蕃茄沙律外脆內軟，入口即溶嘅鵝肝，不過自己食會好溜。每次串燒必食雞翼秋葵豚肉煙肉蕃茄，蕃茄仔略嫌有d酸。蘆筍牛肉雞皮脆卜卜廣島蠔一般般牛舌有分厚薄，個人喜歡厚帶子，一般啦～枝sake真係好好飲，香但又唔會有濃烈酒味，趁串燒一流！

燒飯糰超級無敵好食！！！！ 其他出品都大致 OK, 秋葵牛肉卷也有驚喜，蒜香燒牛肉和黒䐁肉香口得來不失 juicy，值得—試！唯必食 item 燒雞翅只能算是一般…… 會再幫襯