牛大人台灣火鍋吃到飽 (鱷魚恤中心)

营业中

休息中

牛大人台灣火鍋吃到飽 人氣台式火鍋放題天氣開始涼，又係打邊爐既時候，每隔一段時間就會黎牛大人打邊爐，觀塘分店真係幾時都咁多人，星期五大概6:30已經full晒依家牛大人仲有台灣手工啤《酉鬼啤酒》「撥雲霧見蓬萊仙島Hazy IPA🏖️」提供，呢款啤酒係《2022 AIBA 澳洲國際啤酒大賽》仲有獲獎，鐘意飲酒既可以試下今次係食極上和牛吃到飽套餐，食到晒全部配料同牛肉想食少少辣但麻辣鍋🌶對我哋來講太辣，最後揀咗醍醐蕃茄酸辣湯🍅，都係可以揀辣度。湯底係酸酸辣辣，蕃茄味都幾濃，入面有唔少番茄、蔥、花椒八角肉類都係必食安格斯牛小排🥩、澳洲和牛M5牛肩卷🥩、手切封門柳🥩。牛小排肉質最軟嫩可以去外面自助區攞醬料同火鍋配料、蔬菜🥬，選擇真係好多。不過和牛牛丸就只係每人送兩粒，好彈牙又多汁。QR code入邊都有唔少配料、前菜。好鍾意食呢度嘅皮蛋豆腐，加咗肉鬆同醬汁會甜甜地。仲有每次打邊爐都一定要食嘅麻辣鴨血，好滑嫩。最後甜品我哋要咗一個雪糕同一個仙草。仙草好Q彈，有椰果、珍珠同紅豆🫘，係幾好食嘅甜品📍牛大人台灣火鍋吃到飽 @masterbeef.hk 觀塘開源道79號鱷魚恤中心5樓

牛大人開張多年 食左好多次，因為一直都覺得幾好而且火鍋料 湯底 選擇好多～ 所以都有keep住食。今次去食 發現加左價，不過都明白 疫情慢慢緩和 之前生意難做 捱左好耐，不過 食物都差左好多。佢地而架既肉真係薄到透 都好明顯見到，而家魚漿 各類滑 味道都變了，沒有以前咁好食😥😥我個人比較推薦食物：台式香腸，香芋貢丸，萵筍

屋企人想食牛大人，即刻book黎同佢地食，一食就要食最好，揀左澳洲極上和牛吃到飽🥳 瘋狂落單，即叫即上，完全唔會拖單，而且啲牛切得勁靚，薄切用木板上，一淥幾秒就食得，入口即溶，非常高質！一坐低要揀左湯底先，有成10款，之前食過養生濃湯鍋都幾清甜，可以選雙鍋/單鍋，自己今次揀左牛骨湯，完全唔辣，好岩大眾既口味，用黎配王子麵超好食的。餐廳有分自助吧/飲料區/調味料區，最令我印象深刻大慨係佢地既秘制醬汁，幾特別。飲品方面就一定要拎牛大人蜜桃烏龍茶，桂花茶，aloha荔枝梳打水等等，好多選擇食物方面用手機下單，亦都可以喺出邊嘅自助吧到拎，有各類丸/菜系列。但自己覺得下單比較新鮮，由其丸類，入座送左一碟手打牛丸係出面任拎自助吧沒有的，超正！下單仲可以叫台式小食，有台腸/鹽酥雞等等，呢排佢地仲做緊期間限定，$68就可以加杯台灣手工啤酒，叫西鬼啤酒，個名幾特別，聽說拎好多獎，果然係清甜爽口到爆炸，平時不好啤酒的我都很喜歡👍而最後甜品方面都係超台灣，係台式涼粉配上芋圓，花生，紅豆，椰果，味道好夾好好食！唔知可以係邊到食返，食完念念不忘😂其實老老實實，人均$4xx，可以食到咁高質新鮮既靚牛真係好抵食。由

食牛大人真係會令到人念念不忘🥺 所以今日又帶咗屋企人嚟食！一如以往我哋都係叫咗最貴嘅澳洲極上和牛吃到飽🤣 如果你問我啲牛有咩分別？我只能說澳洲和牛肩肉係真係會入口即溶的，唔係話其他好唔好食😋只係唔同牛嘅部位會有唔同嘅口感，有啲會感覺牛味重啲，有啲會覺得食落去會煙靭啲，但係澳洲嘅和牛就會油脂重少少入口即溶個人覺得係最好食的🥳所以我哋食牛大人都會有個攻略就係主要食最貴果個牛，但我哋都會叫其他性價比高嘅嘢食，例如最近海鮮貴咗我哋就瘋狂叫海蝦同埋個人認為台式嘅手打墨魚丸、章魚丸等等都比較特別，仲有得食一個叫做美人花膠既小食，都好滋補。另外我哋今次湯底叫咗牛骨鍋，有一個食法，係非常之好食，可以推薦比大家，就係餐廳出邊可以拎王子麵煮，王子麵配牛骨湯個感覺非常夾同非常好食！滿滿嘅牛骨濃湯味，配上王子公仔麵嘅嫩滑，我次次黎都係咁食的😝飲品方面，牛大人嘅選擇都非常之多，個人最記得最特別嘅係有蜜桃烏龍茶，荔枝梳打水，蜜桃梳打水等等而且最近仲有一個拎咗獎嘅台式手工啤酒$68蚊杯，飲落個感覺好清甜 果然係得獎嘅手工啤🤣跟住最後係最令我印象深刻嘅台式甜品，台式芋圓涼粉配上花生，涼果，不同既配料好甜好好食👍而且食

天氣開始轉涼， 最岩就係同屋企人一齊去打邊爐拾下拾下🌬️ 火鍋湯底方面，叫左佢地其中一個招牌-台灣鳳梨雞鍋， 非常鮮甜同有好香既鳳梨味，平時打邊爐都唔會見到有呢個組合， 配上菌類同菜都好夾！🍲 餐廳設有極大自助配菜區同埋自助飲料區！大約目測都有大約30款不同配料選擇🥟🥩🍗🥓 〰️〰️〰️〰️〰️〰️〰️〰️〰️〰️〰️〰️〰️ 🌟飲品推介🌟 桂花烏龍🥤 清香得黎又會少少回甘， 打邊爐一流，清到油膩感 🌟火鍋配料 - 專員特別推薦🌟 澳洲M9和牛牛丸🐂 入口勁多汁噴出黎！而且無論質感定牛肉味都極佳！ 🌟澳洲和牛M5 牛肩卷🐃 牛肩既油脂均衡，牛味非常突出，而且入口即溶，極度推介！ 🌟章魚珍珠漿/蟹籽墨汁漿🦑🦀 呢兩個海鮮肉滑都勁出色，非常彈牙同食到絕對係真材實料，推介！ 〰️〰️〰️〰️〰️〰️〰️〰️〰️〰️〰️〰️〰️ 今次我哋單點嘅食品有以下： 烏梅汁 ; 酸梅汁 ; 金桔椰果🥤 真味牛肉漿🐃 士林豬血糕🐖 梅甘酥脆薯🥔 鬼馬老油條🥖 爽脆炸魚皮🐟 安格斯一口牛肉粒🐂 澳洲和牛M5 牛肩卷🐃 章魚珍珠漿🦑 蟹籽墨汁漿🐙 私房鴨血🦆 美人花膠🐠 魚香皮蛋豆腐🥚 真豬小香腸🌭 脆肉鯇魚腩🐟 新鮮沙白🐡 脆肉鯇魚片🐠 鮮甜海蝦🦐 即炸午餐肉

行山行左大半日喺大澳流連一陣再出返嚟已經成4點幾5點啱啱好可以食個5點半牛大人早場🐮🍲Encore 左好多碟澳洲和牛m5牛肩卷其他美國牛點樣入口都及不上呢個m5牛肩卷牛味濃厚軟滑淨係點呢款牛已經抵番哂～今日試個清清地台灣鳳梨雞鍋，大大份半邊雞加鳳梨拗出湯底，雞肥瘦剛好，好清香鮮甜～牛大人有成十幾款湯底，每款湯底有自己獨家配方，用料充足，成個湯鍋味道香又濃。星期日晚市早場，平均$328一個人，已連加一，真心抵食。食完呢餐，白費左今日所付出運動量🤣

出咗消費券梗係去食餐好㗎啦～今次好豪氣咁食咗牛大人最貴嘅極上和牛吃到飽餐😍 可以試晒所有牛仲有海鮮都先至$328🥳呢個套餐仲送澳洲和牛牛丸，牛丸牛脂味豐富超有肉汁同彈牙，勁想再俾錢encore😂 不過我哋選擇咗加錢叫啤酒😍 撥開雲霧蓬萊仙島手工啤 $68啤油幾易入口有「撥開雲霧見青天」嘅感覺😂 想知係咩感覺嘅朋友推薦試吓🤣🤣講返啲牛，澳洲M5和牛雪花均勻，輕輕一淥就食得，一樣油脂滿滿勁香🤤 鍾意牛味濃嘅牛板腱同封門柳都係好選擇👍🏻其他餃類漿類都仲保持到水準，仲有熟食，真係飽都痴線😂不過點飽都要食埋碗仙草先夠滿足🥳 最後差啲飽到嘔🤣

牛大人不嬲就好hit，雖然食過好多次，但一直都覺得佢好食☺️今日叫咗最貴嗰個極上和牛set☺️啲肉類款式真心包羅萬有，個人最鍾意極級肩里肌同埋黑牛後腿肉，肉質鮮嫩，而且牛味濃郁，啖啖都係味蕾嘅享受😚湯底就叫咗眷村白玉酸菜鍋，係平時喺街外少見嘅湯底，今日一試果然好驚艷，酸菜鍋飲落微微酸好醒胃，但一啲都唔會過火，配搭不同火鍋底料都好惹味，係個唔錯嘅湯底🥰火鍋配料方面叫咗脆肉鯇魚腩、鮮甜海蝦、美人花膠、台灣燕餃、王子麵、和牛牛丸等等，個人最鍾意台灣燕餃同埋蟹柳，燕餃嘅肉餡好香，越食越上癮，蟹柳就真心高質，好索湯好味道🥰飲品方面次次黎都會攞佢嘅白桃烏龍，但今次見到佢有得獎嘅手工啤—酉鬼啤酒，特登加配咗，飲落幾順滑，而且充滿微微果香，好特別，值得一試😍 甜品方面叫咗movenpick 雪糕，簡直係一個超滿足嘅飯後甜點 💯今日嚟嘅係觀塘分店，地方都幾闊落，而且衛生都唔錯，更值得一讚係上菜都快，食物質素保持一貫高水準❤️

牛大人愈開愈多分店，今次我喺觀塘分店食，覺得佢哋嘅座位好寬敞，空間夠粥同埋自取區位置都夠闊落，唔使大家喺度打蛇餅🤣作為牛魔王叫我梗係要試吓佢哋嘅澳洲極上和牛套餐啦，呢個套餐最多選擇😝😝鍾意食牛嘅可以瘋狂嗌澳洲和牛M五牛肩卷等等高質嘅和牛，我哋都encore左無數次😝😝，牛肉質素好好，油花好靚、牛肉味濃郁🥰套餐仲會附贈牛丸，呢款牛丸勁爆汁入口彈牙又Juice，真係好好味😋除咗食牛仲有好多其他選擇，仲有好多海鮮🦞、女士養花膠🤭，花膠超級厚身，女士們一定要食返夠本🫣🤫另外仲有好多肉類選擇，例如安格斯牛小排、手切封門柳、安格斯口牛肉粒、豬雪花肉片等等仲有好多台灣小食，例如梅甘脆酥薯、士林鹽酥雞、真滷牛肉飯同埋小香腸等等另外套餐加$68有一杯台灣手工啤，個名超誇張😂叫撥雲霧見蓬萊仙島 400ml ＄68呢杯手工啤係《2022 AIBA澳洲國際啤酒大賽》係獲得獎項㗎，友人本身唔係好鍾意飲啤酒🍻，但呢杯果香味重啲，入口回甘，最後友人都飲咗半杯😝食到最後仲有甜品選擇，可以選擇 Movenpick雪糕或者仙草凍，我同有人一人揀咗一款，食完超滿足😋😋溫馨提示：我平日去到見到有好多人Walk in等位🥹，所

天氣凍左🌀打邊爐暖暖身先😌 想食牛大人好耐 但次次排長龍🥲趁放早就去踫下運氣 好彩無咩人😍好快有位✌🏻120分鐘任食 坐低先嗌左個台灣麻辣湯底（🌶🌶辣）再揀食邊個套餐 點完湯底可以出自助區揀鍾意既醬料🥣蔬菜🥬麵食🍜同飲品🥤🧃 🇦🇺澳洲極上和牛套餐🐮 $328 揀呢個餐係因為有澳洲M5 牛肩卷😍😍😍油脂分布平均 牛肉味勁重👍🏻👍🏻食多幾碟回本🤣🤣 🌟SRF 美國黑牛後腿肉係期間限定🌟 相比牛肩卷 後腿肉脂肪較少 口感軟嫩🤩💛值得一提係北海道十勝豚🐷 肉同🐷雪花肉片味濃之餘仲好爽👍🏻👍🏻必食推介‼️🧡推介「冰豆腐」 冰豆腐吸晒麻辣湯既精華🤩一咬爆汁💦正👍🏻👍🏻👍🏻👍🏻👍🏻另外仲有🦐海鮮 🍤炸物 🍡小食 🇹🇼必食之選等可選擇🤗🤗🤗🤗只要Scan QR code 就見到哂 好方便🤪🤪今次見到新推出”撥雲霧見蓬萊仙島Hazy IPA”台灣手工啤（$68）🍺叫返杯試下😍 果味重無苦味👍🏻👍🏻好岩女士們飲🍻 食飽飲醉仲有甜品🤤🤤🤤🤤可以揀🍦或者仙草凍 💕💕💕💕一定會Encore 牛大人👏🏼👏🏼食物高質之外 服務一流 每次點完餐 好快就送到👍🏻💕溫馨提示 如果唔想等太耐就預先book 定枱 咁就確

牛大人食物嘅質素就一向都非常之好，今次係第一次午餐嚟食牛大人嘅放題，竟然有位置，非常幸運，但由於時間嘅關係只係嗌咗60分鐘嘅定食，正式嚟講嘅話即係代表肉類係固定嘅，但係配料就可以任加。買單都只不過係一百幾蚊，真係非常之抵呀。今次嗌咗嘅套餐係豬牛套餐，牛大人嘅牛肉真係非常之香牛味，豬肉亦都同樣非常之肥美，至於湯底方面一定要揀佢哋個麻辣鍋，越食越辣得來亦都好入味同埋好香，再加埋一粒爆汁嘅豬肉丸入去真係非常之正呀

吃火鍋自然想起牛大人，我覺得牛大人的肉質是放題之中最高質。星期五在觀塘吃飯，牛大人依然客似雲來。⭐️台灣鳳梨雞鍋我們點了台灣鳳梨雞鍋，鍋底有苦瓜、白菜、雞等，很足料，可以清熱下火，不過打邊爐久，會慢慢滲出苦瓜的味道。我們吃澳洲極上和牛餐，任食最美味的澳洲和牛M5 牛肩卷，安格斯牛小排也很好吃，油花多一些，更美味。火鍋配料有很多，例如風琴豆腐、支竹、海膽包、南瓜、冬瓜、麻辣丸子、魚腐、黑木耳、炸芋頭肉、海秀珍菇、芋絲、龍口粉絲、蓮藕、鮮淮山、蘿蔔等。飲品區也有各式飲品，例如牛大人自家茶，也有不少台式飲品，例如烏龍燒仙草和汽水等。這裡的小吃質素也不錯，梅甘酥脆薯、真豬小香腸、士林鹽酥雞等。最後有一款甜品，涼粉不錯，有花生、紅豆等配料。

一直都知這間任飲任食火鍋，近日天氣開始有涼意，一於帶家人一齊去食呢間出名的火鍋。座位闊落，空間足夠。用QR code下單，沒有漏單。餐廳入面仲有唔同既自助區。分別可以拎醬料、滷肉飯、麵類。火鍋配料同埋不同種類的既飲品，選擇非常多。♟澳州極上和牛吃到飽♟.......... 成人$328 ............➰鍋底➰台灣鳳梨雞鍋鳳梨,老姜,苦瓜,乾香菇,土雞腿肉,小漁乾,蛤蜊是最經典古早湯。湯底酥厚滑順帶着豐富多變的口感，清熱解毒的苦瓜與止渴開胃的鳳梨相輔相成。➰小食➰台灣的小食款式多，有齊的最喜愛的小食。梅甘酥脆薯、鬼馬老油條、爽脆炸魚皮、魚香皮蛋豆腐、真豬小香腸、牛媽秘製滷牛肚和牛媽秘製滷牛筋。➰肉類➰肉類方面選擇亦不少。有安格斯一口牛肉粒、澳洲和牛M5 牛肩卷、手切封門柳、安格斯牛小排、北海道十勝豚、SRF美國里牛後眼肉、SRF美國黑牛後腿肉、安格斯特選牛板腱和花雕酒雞件。特別推介澳洲和牛M5牛肩卷，最嫩且牛味濃，我地不停追加。另外，一坐低店員會送上每人2粒的和牛牛丸，入口牛味突出，非常彈牙。➰海鮮➰海鮮方面，我地叫左美人花膠、新鮮的脆肉鯇魚腩、新鮮沙白、脆肉鯇魚片和鮮甜海蝦。

今次試下觀塘呢間分店，環境好寬敞，二人座位都好舒適🤗Qr code落單，主要for order肉類、海鮮類、丸類、小食類及特飲等等！自助區就提供蔬菜🥬、飲品🥤、麵食🍝及醬料等等!🐮極上和牛吃到飽 120分鐘🍲湯底：9款湯底中任選1款，我就選咗比較健康嘅「阿嫲養生濃湯鍋」湯底以大骨原湯為主，再加入娃娃菜、桃膠、蟲草花、桂圓、枸杞及紅棗等材料，清甜甘香帶有些少嘅藥材味，喜歡❤️🍡澳洲M9和牛牛丸呢個餐，每人送2粒！入口彈牙又Juice，而且牛味好香濃😋好正👍🏻⭐️重點推介⭐️🐮澳洲和牛M5 牛肩卷：呢個餐主打，當然係必點啦❗️脂肪好平均，肉味香濃，肉質嫩滑，口感細緻！真係食完一碟又一碟🤤🐮SRF美國黑牛後腿肉：期間限定❗️脂肪少啲，但牛味更香濃👍🏻🐮安格斯牛小排：脂肪平均，肉質嫩滑，口感一流😋✅3款牛都好正，牛魔王表示好滿意😝抵讚嘅係每一碟都keep到個質素，呢樣好重要❤️🐠爽脆炸魚皮：超脆，口感非常好😍正！ 🥟台式蝦餃：皮薄彈牙，每次必食🫶🏻🍠台灣小食：必食梅甘脆酥薯、士林鹽酥雞、真滷牛肉飯同埋小香腸，瞬間令你好似去咗台灣夜市咁😝🦐海鮮：海蝦，彈牙又鮮甜！沙白，飽滿鮮甜又冇沙🥬蔬菜：自助區自取，種類

成班人一齊約打邊爐，任食嘅話第一時間一定係諗起「牛大人」，好彩有提早預約，如果去到等要等起碼一個鐘！極上和牛吃到飽呢款有好多靚靚牛可以揀，牛大人紅燒牛骨鍋就最match，非常香甜入味。北海道十勝豚、安格斯牛小排、澳洲和牛M5 牛肩卷、SRF美國黑牛後腿肉都各有各特色，好少放題食到咁爽彈嘅豬肉，牛有啲就牛味重啲，有啲就脂肪多啲，所以建議每人嗌少少，鍾意食啲咩再encore。仲有和牛牛丸～ 正！！冬瓜茶好正，可以落單，少甜幾好飲，出面仲有好多無糖茶同埋特別飲品如OOHA，台灣麥仔茶等，選擇豐富。 出去仲可以攞埋各款蔬菜同埋醬料，滷肉飯都有！豬雪花肉片、手切封門柳、花雕酒雞件、呢啲就厚身少少，各有各特色，豬好爽口，牛就好香嘅牛味，醉雞都好香。水蓮、鴨血、鹽酥雞、台灣香腸、魚香皮蛋豆腐基本上都係台灣必食，叫完又叫，鹽酥雞同香腸熱辣辣，具有台灣風味。水蓮及鴨血一款爽口一款鹹香彈牙。當然仲有唔同嘅漿同水餃，都真係唔錯，章魚珍珠漿~澎湖花枝漿~福建燕餃~瓜仔雞水餃~都好特別！再食下蝦同沙白, 海鮮, 幾鮮味！食埋雪糕就飽到不得了。走先見到台灣手工啤，朋友話試過好正，我下次再升級試下。