牛気 (希慎廣場)

营业中

休息中

可能因為打風緣故，今日只提供$298或以上的餐，而呢個餐入面仲有兩款牛都未能供應，基本上只有4樣嘢食：牛小排、豚、雞，水魷。熟食麻麻，甜品難食，咬左啖真係唔想再食😣肉類正常，其他配菜都正路，壽司啲飯硬到呢，仲要無三文魚壽司，只有再貴啲嘅餐先有三文魚刺身，不過都唔會再試了。落單可以更加電子化，全部落嘢都要叫店員，連壽司都係，加上人手又唔多，變相有啲麻煩。11pm關門，10:15pm收機，唔知道算唔算早，不過就食唔切雪糕🥲🥲

话說前幾日係銅鑼灣行街，臨近飯點於是係附近既希慎廣場搵野食，無意中發現係十四樓既这間牛氣放題，覺得幾抵食。我叫左個SRF美國極黑牛套餐，入面有SRF牛，牛肩，豬肉，雞肉同墨魚滑可以任叫，另外加錢叫咗個壽喜燒湯底，人均大約二百五十蚊左右。我主要食距地 D牛肉，SRF牛肉賣相唔錯，肥瘦相間，頗為平均，吃落唔會太難咬，牛肉味都幾濃，個人認為唔錯。至於牛肩，各方面都稍遜一些，賣相較差同埋有D難咬，不過都算係不過不失，都係推薦番 SRF。而壽喜燒湯底個人認為不錯，味道比其他舖頭濃郁，比較入味。雞，豬等等就屬於正常水平，無嘢特別。自取區方面，款式數目適中，該有既都有，但勝在夠乾淨衛生，令人放心。甜品方面，種類頗多，最令我驚喜既係有綿花糖機俾人 DIY綿花糖(可能我大鄉里，未見識過)。大致上認為做得唔错，二百幾蚊有gum多嘢真係幾抵食。下次食多兩碟牛，應該回到本。

琴晚臨時無訂位直接去左食，安排坐2人枱。當時6點有頗多空位，見其他2個人嘅都坐緊4人枱，所以有問有冇其他位，但話其他都俾人訂哂。兩個人，朋友鍾意壽喜燒湯所以就揀左，要加$10。一開始食牛同食左舊響鈴，個湯濃（甜）到係食咩都幾乎食唔到食材嘅味，淨係食到壽喜燒嘅味，仲要食完即刻飲野沖番啖個口。朋友有用生蛋汁配黎食，所以佢尚接受到。個湯一黎係好滿下嘅，唯有諗住等佢滾下少啲水再叫人加湯個陣加熱水算。我叫加湯個陣，個侍應都自動問確認係咪加水唔係加湯，話會太濃，姐係其實根本佢哋都知食客一般都覺得壽喜燒個湯太濃，咁點解佢哋唔同廚房溝通下呢？唔通想食客一坐低一食就叫你拎番入去倒走部分湯然後加水拎番出黎？以前間唔中都有去食，可能幾個月一次，都係叫壽喜燒湯，之前一路都正正常常。除開食成400蚊一個人，但因為個湯根本無食到啲乜，好sad。

繼上星期去左牛陣打邊爐，今日又去城中另一間日式火鍋放題試吓，就係位於希慎廣場嘅牛気。今日主攻自助吧，揀左最平嗰個午市精選套餐60分鐘放題，加埋一人均$100都唔洗，平過牛陣最平嘅餐，不過牛陣食牛，呢個食豬。特選豚肉 $88 一位 另加一特選豚肉一客7片左右，好瘦不過唔太韌，冇豬味，老實講唔太好食。肉類：牛陣勝日式牛骨濃湯 呢度唔似牛陣係一人一鍋，而係二人一鍋，只可以揀一款湯底。服務員好心提醒日式牛骨濃湯會有少少辣，牛骨真心冇乜。最慘係個爐等左好耐先滾。湯底：牛陣勝今日主攻自助吧，一入到去居然見到有唔少熟食，正喎，有啲喜出望外。香辣魚蛋：質感粉到爆黑金流沙包：賣相同味道都唔錯茶漬蛋：都可以壽喜燒汁炒牛肉：牛肉非常韌咖哩牛肉：可以白飯隔離有彩色芝麻同紫菜俾你加豆腐花：味道係可以，不過質感好差冬菇蟹肉素翅雪耳糖水熟食：牛気勝自助吧有丸類同肉類，包括：貢丸：勉强可以鱆魚燒：好多鱆魚碎，唔錯魚蛋：正常牛気板燒魚蛋：好粉餃子：塊皮可以，肉餡就麻麻芝士腸海膽丸午餐肉黑芝麻麻吉燒：其實係黑芝麻湯丸，唔錯，不過加埋鹹同辣既湯底就好奇怪丸類：牛陣勝自助吧當然有蔬菜，種類比牛陣略少，包括：油墨菜：有些少菜係

餐廳的規矩真系好奇怪到左未齊人唔比入 坐，等齊人遲左5分鐘 最終又當no show, 問題系佢入面坐左一半人都未有， 使唔使咁認真？下次真系要念清楚先好訂佢，都唔系系客人方面著想。

Happy Friday!!!下班後好想出去放鬆一下食好野，天氣涼，最啱啱拾下拾下。最後揀了間在希慎廣場14樓的牛氣，90分鐘放題打邊爐。選好套餐和湯底後就入座，所選套餐的肉類可以無限Encore，其他丸類、蔬菜 、飲品和麵食等都自助，推介手打烏冬，同時還提供數款熟食，甜品，仲有壽司Bar，基本上入到去總可以找到你想吃的。

已經幫襯過好多次。每次黎食 最中意食唔係佢啲肉 （肉故然都好食）而係食佢個豉油！ 個豉油真係好出色！唔同外面既豉油係咸！ 點好味真係唔識形容 自己去試下就知！ 再配埋啲生蒜同蔥 更正！肉方面 我唔係食佢最貴個款 而係食平個款但係平都唔代表佢差！ 牛味都幾重！ 都好好味😌😌每次起碼都會叫番6-7 round 既牛食！配菜方面 都冇乜點特別！ 大家唔駛擔心 雖然冇乜特別 但都合格！ 每次都食到好滿足！ 👍🏻👍🏻👍🏻👍🏻下次再去食過 到時會影相😜

原本OpenRice 預約了八點，半小時前不停致電分店電話沒有人接聽(想打去改會遲15分鐘),加上商場找了很久lift 上14樓，遲了10分鐘到，門口職員話無留枱，重新拎飛(態度有少少串), 咁再拎飛，一行5人,需要等到8:45才有位問我哋等唔等。一場嚟到就等。入去後發現原來其實有很多位，只是可能人手不足他們沒有開放。一坐下先去熟食區，但很多食物已經沒有，諗住等一陣會refill,點知一等再等，仍然沒有搵職員查詢。他們就不停清潔執嘢準備收舖善後工作，我哋的離座時間寫是10點，但是9:15開始他們已經不停在清潔收拾食物。追問幾次想攞熟食食物他們都說沒有，火鍋材料佢亦有同樣情況。要菜無。如果餐廳係唔想接我哋呢台客覺得會阻住佢收工咁你不如唔好接，唔好又要做生意錢又收足，價錢和正價時段一樣絕對沒有特價，但嘢食要乜冇乜。沖熱飲的咖啡機，九點半未夠已經成個拆開嚟清潔，姐點？已經食90分鐘，我8:45入座，嘢食又唔加仲要不定清潔飲品機結帳時跟經理反映意見，只係意見接受沒有任何致歉或抱歉。

一行4條麻甩佬食任食火鍋，叫$188最平牛肉，加$10要鴛鴦鍋，加$10要sukiyaki湯底。頭10碟牛肉好靚，真係有雪花👍🏻 但係去到屋d牛變到係一塊之中有半塊係肥(非雪花)，跌咗watt咁。至於出面就有salad bar, 生蛋，湯，咖哩飯，炸春卷，炸咖哩角，軟雪糕等等，飲品選擇都齊全既。我哋4個男人好彩獲分派比較大既卡位，係舒服既。不過我見到入口有d細卡位坐4人，嗰啲真心窄，會唔舒服。整體黎講$188任食，牛質素ok，出面選擇都多，我覺得性價比好高。埋單$212/位

我地一行11個人，4個人先到坐埋到齊，另外分開1個，2個同4個坐，所以我地11個人分左4張枱坐，我地8點半到，個場仲有4人枱，但個經理話吾開清潔緊，咁大間公司，都仲未收鋪點解吾可以俾客人坐？要我地有個朋友自己一個坐，原本大家可齊食開開心心，變左1人邊爐，安排失當，食緊途中，仲要有2個爐燒左，要安排朋友坐第2度，牛氣牛氣，真係食到一肚氣

They had a wide range of food options for the buffet. The meats were okay, but for the price - you can’t go wrong. Only thing is that there is only one person in the restaurant that can speak English, so if you need something you might have to wait a while until he’s available! They also have a time limit so when you’re about 5 minutes to the 90minute limit they really try to to push you to leave ASAP.

約左同事們放工去食飯，於是透過openrice 在附近book左呢間餐廳食打邊爐放題。牛肉的質素不錯，壽喜燒湯底我覺得比較淡。如果晚市可以食耐d就好了，吾洗咁趕。

銅鑼灣呢間分店食物質素真係嫲嫲，將軍澳有的食物，這間大部份都沒有，每位$280呢個價錢應該有更好的選擇呢！訂位必須準時，1分鐘都唔可以遲，否則會被取消booking,

事緣琴日開始細佬我就要去會展度幫手擺booth啦🧑‍💻咁晏晝唔想嘥咁多時間大老遠行出去食飯啦就喺會展嗰度買飯盒食結果如意料之內地又貴又唔好食仲要細份唔飽🤢🤢🤢🤢🤢🤢🤢🤢🤢🤢🤢🤢🤢🤮收工嬲嬲哋過返去老銅搵好西食搵返呢間老朋友我一野啪左9碟肉😂2兜餸一兜甜品一兜雪糕仲要食埋個綿花糖😂😂將身心靈嘅窿窿填返滿佢😂呢間野啲牛如果唔食太高價其實都ok因為本身個牛味都幾重豬肉個味我個人覺得唔錯，不過唔出奇地係會有啲雪味嘅雞都ok不過薄左些小失望位係甜品少左勁多🥲十萬個喊出嚟不過😂我愛牛気jengs👍🏻btw都話我鍾意單拖打邊爐嫁啦🤫

之前都有黎食過今次見到午市有減$40優惠，所以叫咗個澳洲和牛餐，加上朋友生日想食豪啲肉質一流👍🏻無論係頭一碟肉定再加單，都keep到同一水準，我同朋友都食得超開心最驚喜既係果到啲員工可能聽到我同朋友講生日快樂，之後佢地送咗個和牛蛋糕比我地，E個行為真係好warm🥰員工服務態度又好好，行過都會問洗唔洗加湯加肉，有種賓至如歸既感覺😊由於同朋友食得太開心，我地食到OVER咗90分鐘都唔知，但禮貌上我地都有問下經理係咪夠鐘，經理話可以比我地坐多陣，最後仲要加多句「慢慢食啦，我地唔急，你地都唔好急」，我朋友仲讚我冇介紹錯😬環境衛生都好好👍🏻（唯一缺點就係冷氣好似唔夠，可能我本身個人怕熱啦，食到中間覺得有啲熱，我有同員工反映，但員工話冷氣已經開到最大，之後個員工送咗個風扇仔比我，真係好開心😉）下次一定會再帶多啲朋友過黎食👍🏻👍🏻👍🏻