牛牛台式鴛鴦火鍋

营业中

休息中

熱愛食火鍋的我，這是第二次光顧了，因為.....一來餐廳企理整潔光猛，座位闊落舒適，全部都係卡位，有別酒樓的圓枱二來食物/飲料/甜品種類多，除了紙仔落單肉類、魚類、蝦、蜆、小章魚等，還可以出去四個大雪櫃任揀配料，如丸類、台式食物、響鈴、生根、菜蔬等等；飲料不只汽水啤酒等罐裝飲品，亦有支裝及沙冰任飲；甜品有雪糕雪條蛋糕等等。值得一提，就算去到晚上9:30後仍有餐廳職員不停補充食物/飲料/甜品，唔使擔心因為較晏而冇哂甜品三來餐廳服務很讚，基本上每次舉手搵侍應都好快手，上菜及收碟的速度都很有效率，亦有不停咁補充大雪櫃的配料食物及調味架最重要再光顧的原因就是要帶食得辣的高手一嚐麻辣鍋，果然高手都食到一額汗

剛岩情人節,老公話想食火鍋,撞岩經過旺角創興,看見大大個新招牌牛牛火鍋,固去一試,因早兩個月都未見有呢間火鍋店,我食時間雖則已晚上十點但全場已爆滿,等了5張枱先有位,基本好多任食地方,環境都好擠迫,坐得不舒服,但呢間環境👍👍👍坐位寬敞舒服。開始叫食物時間,一般要落單先上食物,但意想不到就係這火鍋店,落單食物只係重點牛肉,而場內係自取的各式各樣火鍋食物,甚至還有小朋友喜歡不同種類凍品。固可邊等重點牛肉,同時也可到自取食物,不致浪費時間地大快朵頤。牛肉源源不絕供應,品質也不錯。二人埋單都不用310元。今次又發現又平又好火鍋放題好去處。

早幾日先同朋友傾開好耐都冇試過10度樓下…點知唔夠幾日就寒冷警告！ 既然係咁當然順住個勢打個邊爐！之前見有網友介紹過呢間台式火鍋！就打個電話book位先！730準時到達不過未能順利入閘，因為當時場面好似賓墟咁！一出lift口應該有6,70人等位！好彩有訂位！我地一行6個人，被安排左坐兩張2人檯人拍埋一齊！唔算太窄！幸運既係有兩個爐頭！先點左兩個鴛鴦湯底！臭臭鍋加海底撈麻辣，沙爹加胡椒豬肚臭臭鍋感係臭豆腐鍋咁！一般咁啦！麻辣就唔錯！個辣係有d後勁！胡椒豬肚同沙爹都不過不失啦！點野食先！張落單紙比較唏噓！得3款牛肉(牛梅花，牛小排同安格斯)！仲有豬，羊！再加少量海鮮！蝦，魚，蜆同八爪魚仔(烚完縮到好迷你)！其實出面有仲兩部雪櫃放左不同火鍋配料！有丸，餃，花膠仔，牛筋，菜，幾都幾十款野揀！ 除此之外仲有肉躁鹵蛋飯！甜品就有雪糕，幾款cake！野飲選擇都有10款左右！野食到啦！落單紙d野食好企理下！d肉一早切好用盒分開一份份再冰好！黎到都未解凍！不過切得好薄！一放落湯就好快熟！係一份既份量比較小！所以”渣”一聲成檯都係吉盒！亦都發現有人手不足問題！牛肉其實個盒有顏色分開唔到款牛肉，不過太肚餓！

今日去咗食但係好多人😅之前都去過一次 真係勁抵食👍🏿第一次同五位朋友去食大概7點幾到 一入即刻有位 坐低之後啲職員就叫我地揀野食佢地啲態度都好好 好熱情好有禮貌揀好湯底之後差唔多十分鐘就到 唔使等好耐😁試完我覺得嗰度嘅火鍋真係好有台式風味好多台灣食物 差唔多全部都係 有台式奶茶仲有滷肉飯😻餐廳環境都好好 天花板掛住好多天燈造型嘅燈 俾人一種台灣感覺野食好食不單止 店員都好有禮貌 再加上價錢又實惠 繁忙時間食兩個鐘先每人$158 再晏啲食宵夜仲平😍😍真係值得一試👍🏿👍🏿雖然今日好多人 塞到lift口滿曬 八點半到兩個人食等咗半個鐘先有位 但係好平❤️野食又新鮮 多樣化多款式😍兩個鐘真係食到好飽😂打完邊爐仲可以食飯後甜品😁💕但係因為今日係星期五所以要$168 但係依然抵😯❤️依家好似仲做緊優惠 五人同行一人免費 而且仲冇加一服務費 真係超級抵食 未食過真係要試一次💜以後一定會再去😋😋去旺角行街想打火鍋不妨試下呢間🤗

今日即興同朋友去食雞煲上樓前收到傳單咁就去試下我同朋友分兩組一組等一間19:40上到去等中枱 5人雞煲 等 十幾張枱Li 間嘢 等 1張枱咁我地一直等小枱叫左十幾張等到20:30左右入左好多張booking 大 中枱又再等等等等等等到20:45左右問下呀姐呀姐話 要等人食完先望下個場 有之前入左book嘅人坐四人卡位加椅又有兩人坐四人卡位（一行五人）如事姐，再等又問再等再問9:05左右 等雞煲嘅朋友有位了當我地一離開佢就即刻叫我地嘅票號（但明明唔見有人出）最後我地當然無理佢總結 非常不好的等位經驗處理入座問題超差提議大家如果想去食book左位先但唔一定準時比你入不建議太多人去食 大枱唔多四個人以下好快有位PS。9:30又一個新時段，離開時眼見入面啲人無離開嘅意欲，咁我地又要等到9:30，等埋啲book食完先有等食

星期一我地合共6個人黎咗呢間牛牛台式火鍋， 雖然都係半自助式，但款式真係超多選擇， 如要手tick嘅肥牛都好幾款， 夠新鮮， 有牛肉味， 熱飲嘅仲有玫瑰花， 薰衣草比你自己加落杯茶 ！有多款甜品同 Dryers 雪糕， 今個月仲免加一， 我一定再黎多次囉！正 ！

今日約左朋友食飯,佢住旺角,我例牌就佢方便就出旺角覓食,佢話佢同事琴晚食完一間台式火鍋放題,話好滿足勁抵食,問我要唔要去試下,我見凍凍地打下邊爐都應該唔錯,結果就跟佢去左創興廣場15樓既一間叫牛牛台式鴛鴦火鍋既地方,一出lift見到幾張有d可愛造型既花花凳,冇乜人等位,環境好新...入到去個場都幾爆,個姐姐帶左我地去一張二人卡位,我第一時間就諗,尼度都幾適合情侶撐檯腳😂佢地菜單好簡單,幾款牛幾款豬同一d海鮮,湯底就有8樣,其他80幾種食物就要自己出去拎,我地叫左馬拉沙爹鍋同臭臭鍋,就急不及待出去睇下有咩食,環繞一周見到有甜品櫃,Dreyer's雪糕,仲有沙冰,熱飲都有...啱曬我尼d平時唔飲凍嘢既人,最令人心心眼既就係好驚喜地發現有我鍾意食既豬大腸,豬潤,豬紅...仲有只有係台灣見過既米血同好多平時打邊爐冇既嘢,例如芋頭,海帶...未食已經覺得冇去錯地方,因為可以一次滿足乜都想試下既我,臭臭鍋味道唔夠我係台灣食過既重口味,但我反而覺得尼個冇咁臭既臭臭鍋啱我口味多d,加上辣辣地,真係幾正唔係講笑,狂食之後我朋友話整返杯台式奶茶試下再食過,奶茶一飲就飲得出台味,但有少少偏甜,如果淡d就更正

身為在香港生活的台灣人，冬天打邊爐有時就很想念台式麻辣火鍋的味道，難得今晚在旺角看到台式火鍋當然要試試。現場擺設如同台灣的任食火鍋店，除了鍋料也有雪糕甜品飲品，店主若不是台灣人也算非常認真，尤其在香港難得有台灣的火鍋料蛋餃米血還有甜不辣，原以為可能只是外觀像，真正試了以後至少有九成以上的相似度，對我而言很難得。牛肉以任食及價格上來說ok, 整體質量也不錯。相比之前網傳許多來香港開店知名的台式料理，我覺得牛牛麻辣鍋非常推薦。

第一次到創興打邊爐朋友介紹到牛牛台式火鍋成人每位$158 一行六人, 五送一所以好抵😍😍😍湯底揀左胡椒咸菜豬肚，酸菜白肉我自己鍾意胡椒湯底，辣辣地又唔油膩麻辣湯底總是太油😕剔紙仔食物最回本之選係海鮮, 海蝦、蜆、小八爪魚👍🏻肉類就麻麻地，但咁既價錢可以接受出去拎既野食都有好多選擇有我最鍾意既南瓜、豬潤、醉雞👍🏻😛甜品有dryers雪糕、雪條、雪米滋等地方寬敞 野食選擇多質素不錯 價錢又平 👍🏻想打邊爐既好選擇 😊

昨晚同一班同事一齊去（牛牛）消宵夜，本身想試好耐嫁啦！整個過程總算無失望到場一出𨋢，環境舒適，場外等候座位又寬闊，又多座位，最可愛的是花花組合椅，如果一班人一齊合照別有一番風味！而場內環境，設計簡單，空間十足，寬敞舒適，空調比一般食士流通，怕熱怕凍人士不必擔心過熱或過凍，場面已略介紹。除了食景之外，當然食物是大家最關注的焦點，（牛牛）湯底鮮而不過濃，清而不過淡，味道調得相當恰當不好味精人士，值得一試！回家不需飲過百杯水解喝！在食物方面最值得一讚的是種類多，話明是台式火鍋，亦不失台式火鍋食材，有火煱麻薯，蛋餃，台式腸.......等等新奇有趣！熟食方面記住試下肉燥飯，同肉燥蛋，講講下我又想去食朋友們我無誇大嫁，你地不如試試再評論下。還有一點（牛牛）重點之一海鮮，鮮肉，凍肉越食越鮮，保持水準，牛嘅脂肪分佈平均，比市面上火鍋店好過多多聲，點單三四碟以下肉類質素依然有水準！飯後甜點，當然逃不出有兩個胃嘅我，但我個人認為燉蛋偏甜，其餘一律好食！價廉物美！物有所值！食得滋味！200蚊還有得找邊到有得揾！？任飲任食，時刻充貨！工作深宵後，牛牛依然有好吃！

新開火鍋$168免加一，就去試下啦！整體都質素其實幾超值！食物種類亦算幾多，牛牛同豬都幾好，蝦亦都爽口，丸類除了芝心丸其他就唔多掂🤔🤔可以留位食多兩板牛牛。飲品亦好多選擇，仲有自助咖啡機同花茶，仲整個魯肉飯加珍珠米入面仲有好多滷水蛋👍🏻👍🏻湯底點左麻辣同胡椒豬肚湯，普通啦，同台式仲差一大截。其實仲有好多款D字頭雪糕同雀巢牛牛雪條雪米滋，但雪糕真係好硬，用9牛2虎之力我都（筆）唔到囉🤔🤔🤔甜品我比較要求高，佢唔及格囉

Sometimes boyfriend and I take a chance on something new with so little reviews for sometimes we are pleasantly surprised at how good it is.This is one such moment.We were thinking of eating something else but then we grabbed a flyer on our way there. Looking dow, it looked new and appealing so decided to give this one a try instead.Offering hot pot all you can eat, it was $158 for two hours of pigging out.Ordering of beef, pork, lamb and seafood is via a check off list. We decided to just get e

MK 創興廣場係打邊放題嘅集中地，$1xx-$200 有交易，但咁多間入面其實質素好壞參半，咁點揀呢？去到創興門口正值裝修 望下水牌見到一間自稱台式鴛鴦窩新開，龍難我雖然唔算係台式火鍋專家，但係都有少少心得。一終入去試試佢係龍定蟲！首先講講湯底，都叫多選擇，除左一般都有得點嘅沙嗲 、清湯外，仲有台灣好出名嘅酸菜白肉、嗅嗅窩同埋麻辣窩，呢度嘅麻辣窩係叫海底撈麻辣窩係舖頭推介必食（印象中海底撈好似係大陸出名火窩店及後開分店至日本、新加坡、台灣等地）。咁既然推介得就試一試佢+嗅嗅窩啦！呢度嘅麻辣湯底係夠味，夠香，由於海底撈嘅關係，佢唔會話太辣太麻（可惜龍難我鍾意較辣）另外一邊嘅嗅嗅窩就在水準以下了，味道不像台式的那樣，可能要顧及到客人未必抵受得到那種味道😂食物方面真係多選擇似足台式吃到飽火窩咁，牛羊豬同海鮮都寫紙外，其他食物都係自助形式。講講牛肉先，係有3款 ，prime,choice同cab , 食開台灣火窩或任食邊爐都知其實打邊爐要食靚牛就散叫啦！不過呢間都算係咁喇，跟足台灣有幾款比人揀，而其他配料嚟，講比較特別嘅有麻糬、豬血糕、年糕、墨汁豬肉丸...款式大概40零款啦！而我嘅推介係食麻

最近經常都搵d新鋪去試食，係openrice呢道見到呢間牛牛又幾平又係任食火鍋就黎試試啦，呢到見到個場好大，都幾多台既。不過唔知點解我見到呢道d食評一碟肉有4-5塊，但我叫既就得2-3塊肉，到底係咩回事呢？講湯底— 我叫左個海底撈同芫茜皮蛋，個人會中意個芫茜皮蛋多d，清得黎又帶點濃味。講服務— 不過不失既，樓面兩個人睇晒咁多台，我體諒既，個經理就真係經理黎既，就企係道望住。我去果陣係宵夜時段，但肉都要等15分鐘以上先比得果兩塊我？有d唔開心囉，廚房趕收工都唔係咁樣呀？都仲有成3個鐘你地先收鋪喔？甜品係好多選擇既，岩晒d旺角既朋友囝，但我唔係好岩食講食品— 雪櫃雪住d野樣子有d難看，所以冇影相，又唔太新鮮整體上滿意，但我覺得廚房出菜可以唔好咁hea

食材勁勁勁新鮮，湯底選擇多又勁勁勁好味，火鍋食物款式多，有不同味道雪糕，雪條，雪米滋選擇，又有多款甜品，值得一試台式燥肉蛋飯及胡椒咸菜豬肚鍋，豬潤新鮮又滑，環境坐得好舒服，服務態度一流，環境又清潔，食物補得快