牛知己 (已結業)

今日約咗一班朋友喺元朗度食晚飯。 一早book咗間喺近朗屏西鐵站世宙地下嘅餐廳叫牛知己。 晚市時段168蚊任食90分鐘放題！間餐廳其實開了不久，裝修都十分乾淨，寬敞，坐位得好舒服！ 啲餐具都好有韓式風味。 湯底方面就選咗兩款：韓牛牛骨湯和韓式泡菜湯！ 湯底其實都好入味，而且食唔出有任何味精！其他火鍋配料系自助形式， 丸類和蔬菜！ 另外海鮮同牛肉方面就可以透過電子落單。舊地重另外叫咗安格斯牛小排同炸雞。 個牛小排唔太肥，入口即溶，好味！飲料區有各式各樣飲品！

Happy Friday 颱風山竹就打到來，決定不開煱，外出食飯，未來三日應該都要在家不出門。看到這家新開的牛知已火鍋店很大很大呢，而且是任食形式，正合我們這班牛魔王😆這家是以韓式加中式的火鍋店，前菜有煎餃子，我最愛的泡菜👍 煎餃子很香裏面的是粉絲和肉，而且熱熱的，這裏的飲料是韓式飲品為主，有質素！這裏餐具很乾淨，全部用上韓色的餐具cool ，連醬料都是韓式的，還有新鮮沙律，是羅馬生菜呢👍😌湯底選擇也很多，我們為配合這裏韓式嘅主題就點了一鍋泡菜湯底，要加$20，果然不負眾望，很特别呢，味道辣到啱啱好，牛刷一刷，很入味很match👍湯底選擇也很多，我們為配合這裏韓式嘅主題就點了一鍋泡菜湯底，要加$20，果然不負眾望，很特别呢，味道辣到啱啱好，牛刷一刷，很入味很match👍另外豚肉也是一定要食的，外面的豚肉實在比不上，真是高成本之作！這店follow FB還有三碟不同口味的炸雞送，比得上韓式炸雞店，晚上已經吸引住我們了.配菜方面選擇也非常多，這裏就是較為特別有蟲草花，羽衣甘藍，大蒜，菇類蔬菜類全都有，丸類腸類一應俱全，還有鮮雞件呢😋我們真是明智之選，就算買材料在家裏打邊爐相信價錢也差不多，

朗屏西鐵附近有韓式火鍋，新店開張不久，一於去試試 地方乾淨光猛，座位寬敞舒服，食物種類唔算多，勝在新鮮好味。而且湯底濃郁唔駛醮醬料都夠味，仲唔覺口喝!入座後被安排一張爐頭有問題嘅枱半小時火窩都未滾😟 侍應檢查後，道歉還幫我們轉枱，仲主動重新計時，期間不斷來打點一切我們離場時再表示歉意一次，豁免加一，消費百幾蚊有咁好服務態度👍🏼少少問題，勞煩幾位侍應檢查，轉枱，執位，顧客至上，值得表揚和讚賞長洲魚蛋，大粒彈牙個人至愛，韓式海帶現代化點菜醒神海鮮

最近發現朗屏站附近幾多食肆，今次就試試呢間名字趣緻既牛知己。餐廳主打韓風火鍋，二百蚊樓下已經有牛肉海鮮放題，睇落都幾抵。套餐分了兩種牛肉：澳洲和牛/特級美國牛肉。兩者價錢相差數十蚊，今次先試價錢更為親民既特級美國牛肉套餐。湯底的話，本身既價錢包左一個普通湯底，但如果想要特色湯底既話就需要額外加20蚊。價錢不貴，所以就加左一個韓式大醬湯底。餐具都係標準韓式擺設。點完湯底就可以點食材啦，呢到落order係全電子化，用部平板點幾個制就得，非常方便！所有肉類、海鮮等要冷藏保持新鮮既材料，都會放係平板入面，至於蔬菜、小食等就可以自己去自助bar到攞。加牛、豬、海鮮等等都唔洗加錢，正！坐坐下，突然有個黑色盒「咻」一下黎到我地檯隔離。原來係我地order既肉類！呢個design省卻好多人手，可以令侍應專注留意食客既需求，幾smart!西班牙豚肉特級美國牛肉肉類黎到後，經理好細心咁逐樣介紹各款肉類既特色、煮幾耐等等。而無論牛肉或者豬肉都非常新鮮，顏色鮮紅。薄薄一片，淥兩淥就食得。食落後好鮮嫩，肉味濃郁。如果驚d肉太少，食完可以再order(但其實我同fd兩個人食到個肚勁漲，都食唔完）韓式大醬湯個大醬湯

元朗又開咗間打邊爐店這間店嘅特色其實都幾得意😂一來標榜韓式，所以有炸雞同韓國調味醬二來係用平板電腦叫嘢食，用運輸帶送上所以都好環保和方便顧客👍🏻✨餐廳都幾大大部份都係卡位非常闊落，坐得勁舒服！有四種套餐其實每種套餐都已經包括肉同海鮮份量都已經食到好飽😂😂😂特別係有韓國式嘅湯底鍾意辣嘅朋友真係可以試吓我哋最後叫咗特級美國牛肉放題同埋海膽海帶湯！😆叫餸就係用平板電腦，隨時追加用運輸帶送出亦都好快職員都會再講解一次點樣入單！👍🏻食材都好新鮮牛肉豬肉都好滑！最欣賞係雞同蝦都冇骨冇蝦殼真係好啱懶嘅人食👍🏻✨☝🏻韓式炸雞拼盤都好香口，味道好濃！☝🏻黑糖水正果職員介紹，有下火之用飲落都甘甜，打邊爐就最啱最後當然係乳酪雪糕好濃奶味，意料之外好味🤣最後好欣賞餐廳服務態度，每位職員都好有禮貌有笑容，招呼殷勤，食得都開心啲😍

今日原本諗住去世宙佳寶買嘢打邊爐，好耐無行開呢邊，原來入面開咗好多餐廳，見到有一間牛知已係食火鍋放題，計下數，其實仲平過自己買料，就試一試佢啦！呢到地方好大，座位闊落有四款湯底，今次揀咗一個韓式泡菜鍋，湯底味道類似部隊鍋，有少少辣。每台有部平板電腦用來落單，追加食物吧枱有十幾款蔬菜，麵，腸仔，芝士腸另外丸類和肉類係用平板追加，唔係放喺吧枱嘅，會比較新鮮。丸類有少見嘅長洲魚蛋。安格斯牛肉，紋靚，但薄切，可以食多幾碟海鮮有玻璃蝦，青口，墨魚仔，青口好大隻熱食方面有炸餃子,番薯仔，番薯仔好甜Follow Facebook專頁仲會送一份炸雞，炸雞反而有驚喜，炸到外脆內軟飲品有好多選擇，除咗一般韓式罐裝飲品外，最抵讚係有茶包俾你沖熱茶飲甜品係雪糕機，乳酪軟雪糕好滑，個人認為比雪糕杯好！汁醬係用上韓式醬油，上面仲會有建議配搭，不過我認為加埋新鮮蒜蓉，紅辣椒，蔥花會更加嘢未

突然興起想打邊爐朋友話朗屏站開咗一間新既火鍋店牛知己（聽錯牛歡喜😂😂😂）好抵食咁話 一於去試下！我哋揀咗美國牛肉黃金時間$168，另外加$48叫多碟牛小排好老實跟餐嘅兩碟牛肉有點鞋但加錢叫嘅牛小排就非常好食！值得推介雖然牛肉唔係全部好食，但唔緊要佢哋其他火鍋配料質素都好高！最鍾意海鮮小墨魚同埋蝦蔬菜麵線等等嘅食物自己出去夾另外仲有熟食供應，例如泡菜壽司炸餃子等等炸餃子意想不到咁好味，係泡菜豬肉餡！食咗三四隻食到飽晒😂新店乾淨企理，算係環境非常好嘅火鍋店令人坐得好舒服！火鍋配料唔算十分多種類，我覺得唔緊要 都唔會食得晒。最重要夠衛生，質素高上枱亦擺得好靚，令人食得放心！宵夜時段更抵食，住附近一定要黎試吓！

元朗新開嘅火鍋鋪，近朗屏西鐵站，世宙地下，地店方便☺同普通火鍋店唔同，呢間係主打韓式火鍋，價錢仲要同平時嘅任食火鍋差不多！！餐廳仲係試業階段，但裝修十分漂亮乾淨，地方寬敞，同朋友都坐得好舒服。湯底都睇得出著重韓式，我地揀左海膽海帶湯。所有餐具都好韓式，別有一番風味。湯底夠香濃，海膽粒隨處可見，火鍋配料可以出去自己夾，丸類、海鮮同追加牛的話可以透過pad落餐！我地仲額外叫左安格斯牛小排、炸雞同黑糖水正果，特別推介安格斯牛小排，油脂均勻又大塊，食落亦充滿牛香味，好快就比我地清晒。👍🏻👍🏻👍🏻雖然係主打邊爐，但炸雞絕不可睇小！佢有一條電動送餐嘅軌道，送炸雞過黎特別吸睛。炸雞表面炸得金黃色，而且有幾種味道，個人喜歡原味炸雞，香脆可口。最後埋單大概每人$200多d，食到飽晒非常滿足。

朋友新居入伙，本打算去BBQ慶祝下，奈何天雨關係，只好取消。正當煩惱緊要食咩既時候，屋主就醒起樓下新開左間火鍋店，正好可以解決我地呢班擦得之人。自助飲品區除左有罐裝野飲之外仲有自助汽水機，緊有一款岩你心水蔬菜區亦有不少選擇：豆卜、大蔥、玉米、秋葵...可算應有盡有呢度既特別之處係用上韓式湯底，於是我地就揀左呢個韓式大醬湯，味道濃郁，唔會太咸。安格斯牛小排，切記唔好灼太耐，十秒就好，入口即溶，牛味勁濃貌美如花黑豚肉👍🏼去骨雞腿，啖啖肉，油脂極少海鮮拼盤有青口、魷魚、蝦，食唔出半點雪藏味除左一般既海膽丸、芝士丸、蟹籽同貢丸之外，仲有大大粒魚旦，彈牙到傻最後不得不提以下呢個香芋乳酪雪糕，奶味激濃，仲可以加自己喜愛既配料，如果唔係已經飽到上心口，我肯肯定會食到杯，讚讚讚

朋友遷居世宙已一年多，一直未有機會試試附近的食肆，得知世宙樓下有火鍋放題，咀嚵的我必定要來吃一次！甫坐下店員已經很有禮貌地詢問我們要哪款湯底，我們選了海膽海帶和韓式大醬湯底，兩款都很清甜！未進餐廳前已被它以花的姿態堆砌成的花之豚所吸引，這個當然要點！另外火鍋店罕見的炸雞也可以選，還有三種口味：原味，醬油和辣味，三款都很香脆！吃過以上的重點菜式，就要試試它的海鮮，玻璃蝦，墨魚仔和青口都很新鮮，令我們吃個不停！隨之就是一大堆不同種類的肉，有韓牛韓豚韓雞，美國牛和雞腿，西班牙豚肉和五花肉……不同種類的肉令人大開“食”戒！這還未完，還有火鍋的基本材料如不同的丸和魚蛋，菜和午餐肉………很多很多……媽唷……胃部要爆破了！雖然熟食繁多，但飲品甜品也是不可或缺，最後來個軟雪糕🍨果真是個完美的句號唷！

近日天氣稍涼，見朋友屋企附近新開了間韓湯火鍋放題，價錢公道，放工便約幾個朋友入內一試！揀選特級美國牛肉海鮮放題，加$20點了海膽海帶湯底。餐廳用tablet 加單，方便無比！餐具一絲不苟，用上韓式餐具，未食先加分！加錢叫了安格斯牛小排及西班牙100%杜洛狄克黑豚。店員將黑豚排成玫瑰花上碟，即時心心眼😍牛小排肉同脂肪比例均勻，口感嫩滑，黑豚肉沒有豬臊味，肉果鮮甜。至於任食的美國牛肉亦沒有比下去，有牛味，不過脂脂較少，不可淥太久。除了肉類，還可任吃青口，墨魚仔，蝦及丸類。其餘蔬菜類則可在外面自己揀選。不得不提竟然有長洲大魚蛋，口感彈牙，一粒等於三粒普通丸咁大！至於飲品，除了有汽水機外，還有韓式及港式罐裝飲品任君選擇，不喜歡有汽飲料的朋友，還備有茶包可沖熱茶，非常貼心！原來而家like facebook專頁，即送韓式三色炸雞，三款味道包括原味，醬油味及辣味，金黃香脆的外皮，鮮嫩的雞肉，香脆不油膩，正！

屋企附近近來多了一間充滿韓式風味火鍋放題店，碰巧朋友都有興趣，即興一試！可能新開關係，裝修十分新淨精緻，亦很闊落，讚先叫鍋底，有幾款選擇，唔食辣朋友揀選了大醬湯底，味道十分濃郁，與肉類十分配合安格斯牛小排十分有水準，紋理分明，滾熟後仍有彈性，不會像其他放題店般一滾即林，難得的高質素西班牙黑豚亦係另一水準之作，店方十分有心，將肉砌成花形，未食已經成為打卡道具！食落豬味濃郁，肉質滑溜，以此價位能有如此質素，難得除肉類亦有其他大路海鮮及丸類選擇，不怕吃得單調最驚喜之處係最後會有韓式炸雞送上！有原味、醬油及辣味3款，質素亦不欺場，炸得香口，雙重享受甜品可以自製乳酪雪糕，想不到奶味十分濃，極好味！十分推介大家一試！

星期五的晚上入了元朗探朋友，為了賀一賀他新居入伙，選了剛開業不久的牛知己任食火鍋。牛知己跟其他放題火鍋如連鎖店牛陣、牛涮鍋賣點不同，這裏有韓牛及韓湯鍋底。每款鍋底都有不同功效，我們選了大醬湯，湯味道像辛辣麵走辣的湯底。韓牛砌成玫瑰花，朋友要狠心地把花放入湯肉，韓牛肉味也重，而且肉質鬆軟。餐廳還送了一客安格斯小牛排，牛的脂肪比例平均。吃下去果然不愧安格斯，每一口的質感豐富，滑嫩無比。食物包括特級美國穀飼牛肉、西班牙五花肉、雞肉、還有大量的丸類都可以無限添加。整體材料新鮮，上菜速度快。穀飼牛肉質感當然沒有安格斯的好，但也可謂中上的牛肉。五花腩的脂肪已經溶在湯內了，餘下的肉比想像中更好味，雞肉嫩滑。還要稱讚一下餐廳獨家製的醬汁，芥辣醬油，大醬醬油，配肉類來食特別美味。如果like 餐廳Facebook, 仲有炸雞送，我地就點選了大醬味，個汁甜甜地，韓式風味十足。當然仲有多款蔬菜自己選擇。火鍋當然要解渴，飲品選擇不多，有幾款韓式罐裝飲品。總體來說，韓湯火鍋，韓式醬汁夠特別，食物水準也不錯，還有炸雞食，豐富的晚餐。

今日約左幾位朋友去元朗晚餐，他們說在安寧街有間叫牛知己是新開，主打韓式邊爐，就過去看看多不多人，好彩落雨天關係不是太多人，不過我們就全身濕透，但換來不用排隊是值得的，這間主要是火鍋放題，有韓式湯底、炸雞，不過部份要另收費，晚上都不是很貴，$168 任飲任食。有四款韓式湯底落單是用平板電腦，落單環保♻️又方便肥牛紋理平均，不鞋口，夠滑。西班牙黑豚賣相已經100分有三款海鮮，青口夠肥多肉、墨魚仔夠大隻、蝦不要滾太久湯底點了韓式大醬湯我們點了三碟豚肉，每碟份量不少，要衡量一下食量才叫每碟有10片來吃韓菜都指定會點炸雞，我們點了兩款，味道還可以，不太差軟雪糕🍦非常好味，奶味很重總評：性價比高，會再來

聽朋友講起 朗屏西鐵站附近開咗一間新嘅火鍋 好似牛角牛陣嗰啲咁😛 坐得幾舒服 食物都OK 新開又唔使等位😙 所以今晚就帶我黎試吓😙原來叫 牛知己！主打韓式火鍋 有澳洲和牛同特級美國牛肉兩個set揀😝 我地就試個平啲嘅$168 特級美國牛肉啦 因為有其他額外野食想加😝我哋每款牛同豬肉都叫咗一款試吓 西班牙五花肉有驚喜！五花肉幾有豬味 有少少油脂但係又唔算好肥 食落幾好味😝 我哋仲加錢食咗個韓牛$68 同日本元貝$56 兩樣都好好味呀！😋韓牛一嚟到就知正 份量都唔少！ 花紋好靚 油脂分佈好平均🤤 輕輕淥兩淥 微微粉紅色嗰陣時食最正😋😋 日本元貝都算大隻 清洗得好乾淨 一啖食晒😋 淥3分鐘啱啱好又唔老！飲品都係一概韓式飲品 梳打奶昔 新款香蕉味梳打 烏龍茶等等間餐廳上菜嘅時候仲有得玩㗎 透過路軌運送食物過嚟 好似食日式壽司咁 哈哈🤣 小朋友一定好鍾意玩🤣 食飽飽仲有乳酪雪糕食 有原味 抹茶 香芋 每日有兩款☺️雖然食物嘅選擇就唔算好多 但係都有好多蔬菜 海鮮(青口墨魚仔) 同蟹子丸芝心丸咁 $168都幾抵！小童矮過140cm 仲有小童價🤣 下次帶埋侄女黎食🤣