牡丹咖啡

营业中

休息中

想食招呼小店要去但想要食物入得口，極度唔建議好後悔山長水遠去試😮‍💨食咁兩舊水無質素嘅下午茶🙈第一次食一件無味嘅cheese cake，食到懷疑人生，無芝士味已經接受唔到，仲要連甜味都無乜，😩！食完好後悔一次過叫埋其他野。第二樣伏嘅就係水牛城雞翼，營養不良咁瘦，好慘，又貴😞，旁邊篤沙律菜😮‍💨拿破崙以為係店內名物，OMG 🙈… 啲cream味道奇怪😳，大佬….全部食物得樣仲有一杯愛爾蘭咖啡 同mocha 。未至於飲唔落，但唔係好飲，絕對唔會返頭食嘅店舖。原本唔諗住post，但隔咗一晚都係唔想再有人長途跋涉而失望而回，最終都打吓。已手下留情了。

一直很喜歡到訪各種非連鎖式的小店，希望支持本地出品，而且間中會有驚喜～Orange chocolate cake - 不知道是否外賣的關係，我放了在冰箱，第二天早上才吃，所以 蛋糕比較乾身。朱古力味道很濃，帶一點橙香，但是橙的味道不夠濃。本來是有點期待中間有點橙皮，或是比較像club的那種香橙朱古力味，但是整體我覺得還不錯。另外買了yuzu cheesecake，比較像是韓式柚子茶的味道，偏清爽輕盈，空氣感較重，作為飯後甜品也不會膩，相對芝士味較淡。

店員同客人、街坊都好熟，店員好有禮貌，令人好有親切感🩷。每日都有唔同款嘅蛋糕，我試過一兩次都唔錯，另外仲有飛碟，仲幾香幾足料。啲人話咖啡唔錯，我試過不過不失🤭

偶然在網上看到這間「牡丹咖啡店」，格局和快餐店差不多，食物種類也不少：早餐、小吃、三文治、飛碟、意粉、蛋糕、曲奇、花茶、飲品、特飲及咖啡。而蛋糕及咖啡更有超多選擇，三四十元就有大大杯咖啡，都咪話唔抵；蛋糕更有二十多款供選擇，店內貼了很多蛋糕相片，甚為吸引；今次先試其中兩款，下次再試多幾款！😋飛碟套餐只可選招牌咖啡，如要其它品種，就要單買；而蛋糕套餐就可補差價。英式蜜糖薑蛋糕口感鬆軟，薑味超濃郁，甜中帶辣，不單只美味；更有特色。紅棗蛋糕同樣超濃香，維他命C尤其豐富，配咖啡也很適合，不妨一試！#招牌咖啡 #哥倫比亞咖啡 +$5#菠蘿芝士粟米飛碟 $38#菠蘿芝士吞拿魚飛碟 $63#英式蜜糖薑蛋糕 $67#紅棗蛋糕 $40#牡丹咖啡地址: 西灣河筲箕灣道117至119號地下G舖電話: 25137588

忙碌一天，要找一個隱敝一些的coffee shop 抖一抖。這Peony 就是最好的選擇！在西灣河文娛中心旁邊的小橫街。一間我諗只有不足100尺的小店，約有10個座位，不顯眼，而且有不少廣告，餐牌貼在店舖玻璃上，令這小小的咖啡店，靜雞雞的隱藏在鬧市之中。坐低，抖啖大氣。小店，職員主要係三個女士，態度親切各自在自己工作崗位上，有講有笑。叫了他們的招牌咖啡及蘋果金寶。所有的cake and pastry 都係自家製，這個蘋果金寶味道唔錯，我覺得個撻皮有一種特別的蛋味，而且感覺不太油膩。餡料有蘋果提子乾，當然仲有肉桂粉。甜味適中，蘋果餡料都夠熱。招牌咖啡，非常合我口味，有一定層次，只微微帶點酸，可以用醇去形容。下次想在鬧市中，搵一個綠洲，可以試吓這和藹親切的小店。

睇完醫生，唻到閨密最愛的Cafe..推介左好耐都未試過。今日終於唻試啦。下午1點半左右，店內冇咩人，唔洗等，真好。地方細細，但嘢食選擇多。試左榛子咖啡＋雜菌批。。感覺唔錯，咖啡香滑，雜菌批雖然唔大特別，不過菇肉大塊，唔喊。閨密話芒果cheese cake , 買件外賣先。。

搬咗嚟咁耐終於黎朝聖一吓外賣番屋企兩個慢慢食~ 😬😬😬一熱一凍薑啡一般般啦~ 薑味好濃啡都幼滑嘅~ ☕☕☕香橙罂粟籽蛋糕味就唔錯~ 足料大件, 夠鬆軟, 橙味突出, 不過略嫌結構鬆散咗小小~ 🍞🍞🍞英式蜜糖薑蛋糕~ 薑味夠, 足料大件, 甜度夠, 但係覺得佢死實咗啲, 結構又太鬆散, 用叉基本上一叉就散開冇法叉得起, 有啲似蛋卷質哋~ 🤔🤔🤔比利時香橙朱古力凍餅~ 橙味夠出, 朱古力好濃, 甜味屬於重嗰種, 不過又係覺得結構實咗啲, 就好似叉緊一塊又厚大件嘅朱古力磚咁, 如果軟身番小小會好啲, 我行番屋企都要 10 分鐘應該解凍咗小小啦~ 🤔🤔🤔我個人覺得佢哋咁多特色口味已經好好食, 不過我個業餘烘焙師老婆就話蛋糕結構普遍唔得, 太鬆散喇~ 如果改善番會好好多~ 😂😂😂

今日有事朝早去咗西灣河，辦完事之後時候尚早，網上見到呢間有啲懷舊feel嘅coffee shop就去試一試啦。 入到餐廳坐低見到有好多款唔同口味同唔同產地嘅咖啡，仲有幾款homemade蛋糕同飛碟小食花多眼亂之下，我揀咗個唔係我成日見到嘅英國蜜糖薑蛋糕套餐配招牌咖啡試一試。蛋糕薑味比較重，蜜糖味相對無咁濃郁，可能比薑味蓋過，蛋糕質地鬆軟，咖啡味道甘香冇酸味。 小店由幾位姨姨主理，期間好多熟客過嚟食早餐，人情味滿滿

尋日同姊妹揾地方hea，黎左呢間小店。佢既招牌咖啡係少數我呢位好少飲咖啡既姊妹會飲同推介既咖啡。我叫左杯熱既招牌咖啡，姊妹叫左凍既。其實凍熱都好香好飲，不過我呢啲中女，已經習慣咗飲熱野養生🤣同埋本身都覺得咖啡真係熱既特別香。另外見呢度個menu除咗好多唔同既咖啡揀之外，重有好多款式既蛋糕，三文字，飛碟，小食，甚至意粉選擇。小店真係只得幾個坐位，完全想像唔到個menu可以有咁多野，佩服。最後揀左件瑞士朱古力脆沙，姊妹就照舊食返佢個野菌批。野菌批我試左一啖，味道幾好批皮幾香，不過就算唔上驚喜。我件脆沙個樣好homemade(事實上呢度啲野就係好homemade😂) 好濃朱古力味，中間重有粒粒脆脆既口感，成件事就無咁膩。呢度雖然細，但呢啲街坊小店feel真係買少見少，而且呢度做嘢嗰位姐姐重好有禮貌，令人感覺好好，Weekday既下午兩姊妹來飲杯咖啡傾陣計，係幾舒服既。

難得放假有起早梗係要搵間Cafe攝一攝時間，來一個『貴婦』既時光😎一於就依一間cafe，雖然啲姐仔驟眼睇平平無奇，但係沖得一手好咖啡成為我定期會去幫襯嘅一間小店室內裝修雖然坐位唔多，但係勝在拉近人與人之間距離，同三五知己、伴侶來食下野一流。望住街上面人來人往，自己置身休閒時光呢度仲會提供一啲是日蛋糕款式，每樣嘢都係限量供應，售完即止貴婦技能get！『絕對』推介烘底三文治、蘆筍雞翼、鵝肝醬多士、芒果拿破崙、咖啡，仲有米通

只看地址以為這間牡丹在很遠的地方，但是原來他就在我上次吃過的犀牛咖啡附近的幾個舖位。看見芝士餅的賣相也不算太差，不過我沒有試。妻子給我買的是蘋果金寶，我都嚐過多款Apple Crumble的甜品，有些好像吃Pizza一般，即是一個大的餅，中間夾咗鮮蘋果，然之後拿過去焗的蘋果批、有些又像扭紋條、有些又麥當勞條狀、又些又上面是片狀蘋果。而這款小型的蘋果金寶，就用一個小小的撻底，上邊有一粒粒，有些碎的蘋果粒，好像麥當勞那種蘋果批所組成，不過可能吃到新鮮粒粒蘋果較少，味道甜中帶酸還是不俗

The shop was small so my expectation wasn’t high but I was hooked once I tried their clampasta, apple crumble and various toasties. Amazing quality and decently priced. Their Irish coffee is absolutely amazing as well. Ended up ordering from here at last 4 times a month. Must try.

經常行過但又冇試過入邊啲咖啡同餅，今日心血來潮經過，入邊居然冇人，平時真係塞滿晒人喺入邊架！想買一件餅同咖啡做下午茶，真係花多眼亂好多款口味可以揀，又想俾亞仔亞女試少少，所以就揀咗呢一件瑞士朱古力脆沙同latte每件蛋糕都獨立包裝，保証衛生一層層朱古力加脆沙，吾太甜又唔漏，食完一啖再想食第二啖，入口有D脆脆口感，好得意。Latte 跟蛋糕餐($57)另加$7, 大大杯好抵飲，奶味夠，反而咖啡味吾太濃，ok可以接受，下次又去試另外款式嘅蛋糕

尋日同老公去牡丹試蛋糕， 之前上網睇介紹lee間小店， 1間18年既小店， 但鋪位細細， 老闆好親民。1入門口問老闆有咩蛋糕， 佢話牌上面都有， 我數1數有成30款， 1間200呎左右既店可以整咁多蛋糕， 真係好西厲。掛住食又唔記得影相， 我地試左3款蛋糕。英式蜜糖薑蛋糕：雖然係signature, 但我個人就麻麻地， 因為真係好薑味重， 食得出老細落左好多薑汁， 鍾意薑味既人應該好愛。北海道牛奶凍餅：牛奶味唔算濃， 但係好light, 怕膩既朋友應該鍾意。香橙朱古力蛋糕：最愛lee個蛋糕，橙味濃， 食得出唔係人工既香料，朱古力同橙味係溶埋1齊好夾。我下次會再黎試咖啡同其他蛋糕， 希望可以試晒佢menu上面既蛋糕。

星期六起身懶得出門口，又想飲下咖啡嘆下，所以經網上外賣平台叫左外賣。一開始已經比個menu震撼到，因為外賣咖啡黎講，真係超多選擇。經過一段選擇困難症發作之後，終於叫左一個芝士火腿飛碟，一件特濃雲石芝士蛋糕，一杯炭燒榛子咖啡，一杯綠寶山咖啡。需要要耐少少時間去等，不過都OK。等左大約半個鐘後，終於送到黎，未打開個膠袋已經聞到好香咖啡味，一打開，見到店員好貼心咁貼左張 「請試味後加糖」嘅字條，已經比呢個貼心又人性化嘅舉動sweet到。跟住feel到個飛碟仲熱熱地，即刻打開試食，超好味，個芝士仲可以拉絲！完美地打開左一個美好的星期六☺️因為太好味，所以好快食曬，完全無諗到影相同埋寫review。再試飲咖啡，又一次比佢嘅咖啡震撼到！好飲到不得了！好滑，咖啡味道有層次，炭燒真係有炭燒味！好飲過好多大牌子連鎖店！咖啡比較似係日本咖啡嘅做法。好彩店員有提醒先試味後加糖，如果唔係真係會好衝動咁順手落左（基於過往飲過其他地方嘅咖啡真係都麻麻，所以已經慣左每次都落少少糖），今次係完全唔需要加糖，好好味嘅一杯咖啡。呢篇review係飲咖啡飲到一半停落黎寫嘅，因為咖啡實在太好飲，所以一定要支持同埋分享！我未試食