牡丹咖啡

营业中

休息中

畀人撩起咗食蛋糕條癮，見得閒即去朋友推薦的小店首先食件推介的"朱古力雲石芝士蛋糕"，好彩無叫特濃，，少少的朱古力味，少少的芝士味，因為少少所以味道剛剛好，不多不少食完味淡就食件味濃的，"瑞士朱古力脆莎"，表面脆脆配濃烈朱古力無得輸啦，阿姐忍唔住同我講，你都好鍾意食蛋糕喎，哈哈其實我最欣賞係杯"玫瑰鮮奶咖啡"，因為我本身好鍾意玫瑰味，玫瑰花茶我會自己沖黎飲，點解鐘意foam bar都係因為有玫瑰味的啤酒"花露水"，飲落成杯花茶咁香，好鍾意😍最後好似差咁少少野，決定食件少少酸的"芒果黃梅凍餅"，今日的蛋糕三部曲好完美，淡-濃-酸最後食完埋單，發覺好多人出出入入，但係得我一個男性存在😋俾錢個陣，阿姐都再講，你真係好鍾意食甜品呀，利害

住咗東區有三十年了，未發現過在這區有間小小咖啡店在西灣河當約一位好友諗下呢區有咩好食嘅時候在openrice發現咗佢，見每位對呢間小店都，好奇下就决定試一試。門面小小的，入面約有十多個位置，早上十多時入内位置都是滿滿的人，呢間小店好得各位支持Mean有很多選擇，我選擇早餐B，早餐時間到早上十一時半，而友人選擇食意粉簡單早餐，最欣賞雙蛋，唔會太油，兩面煎過蛋黃是流心的好茄汁豆，加咗杯尼斯咖啡，加五蚊。咖啡香淡淡的，奶味較多。

今日行完太古城又想食tea，商場呢人又多，突然比我醒起西灣河Peony Cafe,唔洗諗即行。雖然佢係小店，但因為人氣好高，基本上任何時間都會多人。我真好彩，啱啱有張高枱坐。米睇佢舖仔細細，飲品同野食選擇出奇地多。咖啡丶花茶丶小食丶三文治丶飛碟丶蛋糕都有好多款。先泥杯薑汁咖啡。好香咖啡豆味又滑，薑汁好濃但又唔會搶走咖啡味。由於杯咖啡已經有甜味，店員姐姐會溫馨提你試飲左先至考慮加唔加糖。野菌批。餅皮鬆化牛油味香但唔漏，野菌饀一啲都唔孤寒係滿嘅，厚切有囗感加上淡淡忌廉汁，真係選擇。舖頭雖然細但有家嘅感覺。我見人來人往，個個都同店員打招呼閒聊幾句，可想而知好多都係街坊熟客。P.S呢餐盛惠$46 ，兩個姐姐仲好親切咁同我講bye bye添

到左下午茶時間，想坐低嘆返杯咖啡，食件cake，呢度絕對係一個好好嘅選擇。雖然呢度唔算好大，但係都可以接受，坐落都幾舒服。呢度嘅咖啡有好多款，有來自好多唔同地方嘅咖啡豆，亦都有好多唔同味道嘅。仲有，呢度有好多特色蛋糕選擇，好多都喺出面未見過。今次叫左招牌咖啡、玫瑰咖啡同特濃雲石芝士蛋糕。招牌咖啡係用蘇門答臘、哥倫比亞、墨西哥3個地方嘅豆， 聞落好夠香，飲落夠味亦都唔苦澀，唔落糖都得，咁先可以飲到真正咖啡味道。而玫瑰咖啡就好重玫瑰花味，不過都仲可以飲到咖啡味。至於雲石芝士蛋糕係屬於硬身嘅芝士蛋糕，味濃，啱晒芝士愛好者，不過就比較細件。

下午茶時間最岩食件蛋糕，飲杯咖啡。牡丹咖啡屬於迷你小店，只有十幾張櫈，大家都坐得好親近😂雖然呢度細左啲，但咖啡，輕食，甚至蛋糕選擇花多繚亂，要慢慢諗下食啲乜好。我就幾鐘意呢個組合，☕玫瑰鮮奶咖啡🌹&日本柚子芝士蛋糕。 Rose latte清香玫傳入鼻中，而且咖啡冇多餘糖份，淡淡既咖啡，完全滿足我呢個咖啡癮發作而又病緊中既病人🙊始終病😷唔好飲太濃烈咖啡會好啲。柚子芝士蛋糕微酸清甜，芝士不膩，每層分佈平均，而且柚子味濃，入口清新，如何可以不愛它?😍比利時香橙朱古力蛋糕用左75%黑朱古力整，所以比一般朱古力蛋糕冇咁甜，帶少少朱古力本身既苦澀，而香橙，冧酒等既調味令蛋糕更加香滑，唔會偏重朱古力味。三款蛋糕之中，英式蜜糖薑蛋糕望落最平凡，但平凡裡有靈氣，蛋糕除左鬆軟之前外，而且絲絲薑蓉唔令人討厭，令我諗起以前阿媽買比我食既薑糖味道。呢種薑當然唔係辣到飛起果種，類似平時食糖水果種薑絲味。混合蜜糖後，薑絲無比清新，令人心曠神怡。下午茶少少既享受，來個鵝肝醬多士。輕輕搽上鵝肝醬係多士上面，平均咁掃勻，慢慢品嘗。鵝肝醬食落有啲似中秋節月餅中既蛋黃味，滑溜但唔似蛋黃咁油，濃郁既鵝肝既脂肪，食完會想再食。

其實年幾前已經有去買過嘢食，食物唔差，但真係完全感受唔到半分人情味囉 但睇到新假期嗰篇「唐樓優雅私房菜-西灣河12間隱世街坊小店」形容「街坊心靈咖啡館」我真係忍唔住 嗰時係冬天，好似11,12度左右，我同小朋友一齊去買外賣(當時小朋友2歲左右)，店內有位，但因為係HIGH CHAIR，怕小朋友坐唔穩，所以決定外賣，我抱住小朋友坐係一角等外賣，但店內幾位女士態度非常差？ 一句就同我講「小姐，你出去等喇，呢度無位呀」 問題係外面超大風！又叫我等15分鐘左右！我抱住個小朋友！你哋又未有客！借問聲人情味喺邊呢？ 我避陣風都得呀  我好聲好氣問佢「因為外面都好大風，我可唔可以坐喺度等個外賣？」佢答我「你會住我哋入客」 我都有幫襯呀？如果我堂食咪一樣坐喺度，仲耐D走，你哋一樣入唔到客，更何況除咗我坐緊個位，仲有2至3個空位。。。你哋至於嗎？我一個大人抱住一個小朋友，你哋都可以咁嘅，我真係O哂嘴。。。之後，我無再去過，無特式，只係因為西灣河，筲箕灣呢頭無呢D小店COFFEE SHOP，唔代表其他地方無嘛 但係我豬 上兩個月，因為小朋友放學，我趕時間去同佢學畫

仲記得我小學每逢星期六喺西灣河補完習，媽咪都會來帶我去吃下午茶，次次都好開心後來上左中學就無補，慢慢就好少去西灣河原來都好多好多年無來翻來過 （我一直都想翻去吃但次次都唔會經過西灣河）記憶中間店雖然幾細但係幾個老闆娘好親切，有時會同客人吹水間店真係好溫馨今日禁啱見巴士經過附近就突然間好想去一入到店見到有幾個空位，唔洗等位兩個老闆娘完全無變過，好次以前咁一入到去就好親切同我打招呼，問我想吃咩 (:我坐底睇餐牌，叫左杯凍巧克力（以前補完習都係叫朱古力）本來想叫多個芝士火腿飛餅，但係因為今日遲吃午餐，仲好飽 （一定會翻泥!!）間店氣氛好好，同以前一樣會播舊英文名歌，間唔中會聽到老闆娘跟住唱我個位附近坐左一對母女，好似我細個同媽咪一齊咁，唔自覺微笑左(:杯凍巧克力五分鐘內就沖完，同我細細個個味一樣咁好飲後來又叫左個蛋糕，個朱古力味好夠濃，唔會太甜/假真心推介Peony Cafe (: 雖然細，但給人嘅感覺真係好溫馨，係我好珍貴嘅回憶（唔記得影相 )

很少踏足西灣河, 今次由友人帶路, 三人行嘆完下午茶, 再行去太古樓再掃街.其實都不難尋路, 因為真的很近港鐵站, 一出轉灣就到啦.店子細細, 坐位少少, 但食物種類頗多. 四十幾款咖啡, 蛋糕也有廿十多款. 還有飛碟, 三文治, 其他飲品. 真的真的超難選擇.最後三人決定每人一個蛋糕飲品, 再多叫一個鵝肝醬多士來分享.比利時香橙朱古力凍餅 $31/餐$48 :75% 比利時朱古力, 甜度低卻有特濃朱古力味, 帶微微橙香. 蛋糕質感比較札實, 因為朱古力成份多, 所以沒有蛋糕鬆軟綿感. 食完都有點膩.日本柚子蜜芝士蛋糕 $33/餐$50 :特別喜歡這一款, 除了柚子蜜好突出, 連芝士蛋糕味也很濃郁, 兩者味道都夠濃而不搶味.還有蛋糕軟綿綿質感, 入口即溶, 味道清新唔膩. 英式蜜糖薑蛋糕 $28/餐$46 :好有HOMEMADE 味道, 超鬆軟蛋糕, 焗得好好. 微微甜味, 蜜糖味好香帶微微甜味, 薑味唔刺喉, 好似薑糖溫和的味道.玫瑰朱古力$23, 跟餐 套餐價再 +$2 :玫瑰味好重, 相反只有淡淡朱古力味. 不過兩種口味都沒搶過對方. 微微暖, 都幾甜.薑汁咖啡$23, 跟

傷風睇醫生，冇乜食野，但係好想飲咖啡，次次都爆多人，4:30行過見有位，即入叫番個下午茶。出名嘅磨菇批賣晒，店員介紹磨菇飛碟，即叫即做，熱辣辣上碟，一咬係爆醬流心磨菇，真材實料絕無欺場，吾係澱粉溝水扮磨菇蓉，見到一塊塊堅磨菇，食一個堅飽肚，可能我傷風口啖啖，若可加小小胡椒粉就更完美。招牌咖啡，不用加糖，咖啡豆店主入貨很好，溫度及奶的份量拿捏很精準，可以細味到咖啡豆的香濃，有奶的潤滑卻不會蓋過咖啡豆的香味，咖啡豆沒有over roasted, 故小小的奶己能提昇咖啡豆的香氣，又不用加糖去平衡豆的過剩苦澀味，而且咖啡夠熱，不保留的揮發咖啡香，完完全全可以滿足愛咖啡的我，若可以換個靚小小的杯，再拉個花就完美，做到色香味俱全，現在欠小小色。

西灣河之行主要目的並不是太安樓的一眾小食,反而是不遠處的這家牡丹咖啡。店子門面小小的幾乎錯過,玻璃門後似乎已坐滿客人,不如在太安樓消磨一下時間後再來看看,剛好有個孤獨位容納月巴人,食神庇佑!!狹長店子只有大約十個面壁座位,每個客人也坐得親親密密的,雖則如此客人仍絡繹不絕,可見牡丹咖啡實在很受歡迎。餐牌中密麻麻的飲品蛋糕好多也讓我感到興趣,只是一早已鎖定目標而自己一向沒有選擇困難症,很快跟開放式廚房裡的姨姨點了蛋糕SET($48)。點菜後再用老花近視眼看清楚才知道有玫瑰咖啡和玫瑰鮮奶咖啡之分,自己點的玫瑰咖啡是沒牛奶的前者;店方採如家用的小咖啡杯,柄上粉紅色圓點剛好托著姆指,杯子拿得極舒服,看似簡單其實有設計的!以喱士蛋糕紙當杯墊將本來簡單的咖啡杯襯托得優雅起來,整體感覺更女兒家了。姨姨細心叮囑咖啡已有甜度,試味後才加糖較好,用上玫瑰糖漿調味的咖啡滲出淡淡玫瑰香甜,在我而言便不需要再加糖了,小店的咖啡香氣蠻強,重口味的我相當喜歡。為其而來的英式蜜糖薑蛋糕,曾吃過銅鑼灣 EOS的同類型蛋糕,這款也是跟EOS一樣是沒花巧的純樸型焗蛋糕。灑上薑粉的蛋糕面及底部食感較厚脆,中間則偏鬆散,來自薑粉

因早上要去西灣河聽講座，所以就上openrice搵下付近有乜好食啦，點知就見到呢間牡丹咖啡，有很多自制蛋糕及曲奇餅，不過係西灣河橫街既呢間咖啡店真係唔多覺眼架，店舖細細只有十個位，以為只有三文治、蛋糕、曲奇餅、飛碟和飲品，正在頭痕唔知食乜好，就見到隔離檯食緊早餐，原來有A、B、C早餐選擇，我叫左個A餐，火腿奄列配油包及熱檸水，滑滑的蛋仲有埋茄汁豆添，買相好靚呀，熱檸水有4片檸檬所以好香好夠檸檬味！

基於，近來減肥既原因，而且一向中意食沙律既我，減肥要減得開心，當然就係揾一個平靚正既沙律啦。住左係西灣河十幾年，都係依幾年先知西灣河有間咁有特色，細細間既咖啡店，係咖啡室真係細左啲，但係係一間蚊型既咖啡室同個老闆娘吹下水，朝早仲有班日日黎既客人，有時做下八婆仔聽下人講嘢，好輕鬆。我最愛就當然係依倒既雞肉沙律啦。可能有人覺得，搞錯，整沙律都唔用羅馬生菜，無啲誠意。但係人地收你五十蚊，有杯咖啡，有個沙律，仲有幾蚊可以俾係坐丁丁，只要係同是新鮮既西生菜就能夠接受啦，你仲想點？雞肉沙律 加 凍熱情果茉莉綠茶 $47兩日食同一樣嘢，都無走樣。當然唔只得我平日叫佢做雞沙既雞肉沙律架。黑椒牛肉沙律 依然好味，但我鐘情於雞沙。由於我成日去食我都試過佢好多蛋糕，有啲都好特別架。首推為，芒果黃梅，清新之選。其次，特濃朱古力，朱古力浪漫情迷。第三，所有cup cake ，大大舊十幾蚊，平靚正！芒果黃梅依個地拿米蘇，同出面既好唔同，但好味！酒味，咖啡味，應有盡有！可以一試！順帶一提，果度有個整野食既姨姨，好似卡通人物，有啲似花師奶班師奶friend既其中一個。 店就係咁蚊型一眼睇曬，坦白講，介意就唔好去。的確

是日，因要去九龍灣茶室試食，原打算獨個兒去日月星快餐享用早餐。奈何，天不從人願，下起大雨，九龍灣趴走被逼取消。約十點，在附近辦完私事，剛巧路過牡丹咖啡，門已開了，且尚有空凳，即躡入坐下。小店面積頗狹窄，只能勉強擺放十張凳，坐得頗為逼且不甚舒適。小店早上提供簡便早餐，以及數款自家製蛋糕。食客多為附近街坊，也有不少熟客來電叫外賣自取，生意超好的，兩位阿姐級老闆在開放式廚房內忙個不停。想點餐，稍等吧﹗小妹也不甚介意，自顧自舉機影相，四圍望……牡丹咖啡確實與別不同，雖自稱為「咖啡」，然小妹坐下至點餐的十多分鐘內，絲毫嗅不到丁點兒的咖啡香。堂食客人所點飲品五花八門，然點選咖啡者甚少；外賣的多是早餐及蛋糕，咖啡則少見。 此外，小店提供的食品也較為雜且多。除了咖啡、飲品、花茶、蛋糕和凍餅外，也有少見的水晶珠、椰果冰露、冰沙、雪香特飲、早餐、小食、三文治、精選套餐和飛碟等，包羅萬有，早午茶及晚四餐通殺。 Yeah....阿姐終於忙完手上工作，有空為小妹落單了，小妹要了香橙罌粟籽蛋糕配玫瑰鮮奶咖啡$50。玫瑰鮮奶咖啡單點要$27，試後，強烈建議大家不要點了。 想點飲品，還是點較為安全的好立克、阿華

星期五晚想在西灣河找些好吃的。openrice見這間評價不錯，蛋糕味道獨特吸引。在地鐵站開始Google map怎料走錯了方向，行了一半冤枉路啊之後經過文娛中心再行前少少，轉入一條小路終於給我找到了。一進到去一目了然，一間很小的cafe,cashier好像也擺得不太明顯，旁邊一些高椅座位。客人亦不多，反給人一種很cosy寫意的感覺看過餐牌很，我尤其被蛋糕部分吸引過去。真的很多選擇耶！ 好興奮！但對於我這些選擇困難症的人來說簡直是難上加難🙈本想點甘荀果仁蛋糕Carrot cake$25可惜原來有每日限定的款式，未有供應最後決定點了英式蜜糖薑蛋糕$25和野菌批$17加熱後，不消五分鐘，先來的英式蜜糖薑蛋糕比我想像中的大件，看上去很厚。細細咀嚼，淡淡的薑和蜜糖味在舌頭間散發岀來,很過癮呵呵！吃過整件蛋糕，亦不覺太甜或太漏，應該還是蠻健康的呢！接著嘗嘗放了一陣子的野菌批。可能是天氣冷放了一會的關係吧，聞起來沒想像中的氛香撲鼻。吃下去卻是很香的牛油香；餅面和餅底也做得不錯，很香很脆；涵料亦不小，滿滿的裝滿了各類雜菌。自己在家中也有焗過chicken and mushroom pie, 知道調配白

Inside the golden crunchy crust are some home-style chicken and mushroom, not too creamy and not overly seasoned. Love the guilt-free taste of it. The signature coffee was a superb complement to it.Absolutely worth a visit or two... or more!