狐狸食堂

营业中

休息中

在尖沙咀既狐狸食堂價錢都幾親民，即叫即燒用心製作！非常有heart既！啤酒亦有特價，串燒配啤酒係無得輸呢。鹽燒免治雞肉棒，味道鹹香，肉質鮮嫩，口感彈牙。芝士免治雞肉棒味道濃郁，充滿芝士的香氣，口感酥脆外層，內層帶柔軟感。檸檬鹽免治雞肉棒味道清新，帶有檸檬的酸甜風味，口感嫩滑多汁。明太子免治雞肉味道濃厚，帶有明太子的鹹辣味道，口感柔軟細緻。牛油燒醬油飯團味道香濃，帶有牛油和燒醬油的香氣，口感軟糯，飯粒帶焦香感。蒜蓉燒虎蝦味道濃郁，帶有蒜蓉的香氣，口感鮮嫩彈牙，蝦肉鮮甜多汁。

這家餐廳以燒烤料理為主打，提供了許多美味的料理選擇1. 牛舌：這道牛舌燒非常出色。牛舌肉質鮮嫩多汁，經過燒烤後，表面呈現出誘人的焦香。搭配上醬汁，口感更加豐富，令人回味無窮。2. 翠玉瓜：這道燒烤翠玉瓜有著清脆的口感和獨特的香氣。瓜肉經過烤制後，保持了一定的脆度，並且吸收了炭火的風味，讓人驚艷。3. 鰻魚：這裡的燒烤鰻魚非常美味。鰻魚肉質鮮嫩，入口即化，搭配上鰻魚特有的醬汁，香氣四溢。每一口都讓人感受到鰻魚的鮮美。4. 明太子玉子燒：這道明太子玉子燒是一個絕佳的小點心選擇。玉子燒外層鬆軟，內部鮮嫩，配上濃郁的明太子醬汁，帶來了一種獨特的風味體驗。5. 金菇牛肉卷：這道金菇牛肉卷是一道創意料理。金菇的香氣和牛肉的鮮美完美結合，卷成卷，經過烤制後，口感鮮嫩多汁，帶有微妙的焦香味，非常美味。6. 雞皮：這道燒烤雞皮是一個經典的美食選擇。雞皮經過烤制後，變得酥脆可口，外層微焦，內部多汁。搭配上醬汁，增添了風味層次，是一個不容錯過的美味。

位於柯士甸路嘅狐狸食堂，係一家日式串燒居酒屋小店！小店以木系作主調，可招待十數名客人！食物即叫即做，調味同埋火喉控制均具水準，同時兼備港式同埋日式嘅優點，誠意滿滿！Asahi $68日本生啤，係日本串燒標配！第二杯仲要有半價，係必點嘅item！四味雞肉棒 $158採用日本德島阿波醋橘雞，雞肉風味清爽而獨特！四味包括original嘅濃厚醬燒、芝香四溢嘅芝士、酸酸哋嘅檸檬鹽、同埋鹹香惹味嘅明太子！燒厚切牛舌 $78醬油燒白鱔 $78牛舌又香又嫩！白鱔為是日推介，新鮮嘅白鱔特別爽甜！炸牛可樂餅 $38/2個炸到外脆內嫩，有肉香又有肉汁！明太子玉子燒 $58蛋夠嫩，又有大量明太子、紫菜、木魚碎、蔥碎增香增味，good！燒醬油迷你飯團 $38/2個脆身而且充滿醬香！

心思思今日又去左食串燒🙉🍢小小嘅鋪仔 充滿日本風 衛生企理🤗🍗雞肉串set🐣懶人嘅選擇唸都唔使諗就可以食晒呢間舖頭嘅手本名菜上菜淨係見到蛋黃已經流晒口水🤪🤪🍗醬燒免治雞肉棒🍗檸檬岩鹽雞肉棒🍗明太子雞肉棒🍗芝士雞肉棒醬燒即係原味，可以食到來自🇯🇵日本德島縣阿波醋橘雞嘅鮮肉味道，雞肉棒好有口感，好林，加埋蛋黃豉油醬非常好味跟住就到檸檬岩鹽，呢個幾特別有少少檸檬嘅酸味又有啲鹹味跟住就到明太子同埋芝士，呢兩款口味都比較濃味，唔使再點蛋黃醬已經好惹味🤗除咗雞棒既set, 呢到仲有一個豬腩卷set盡地叫埋佢先，呢到總共有四款🍗醬燒年糕豬腩卷，年糕好軟綿綿有拉絲嘅效果，豬腩燒到脆卜卜，完全唔覺得自己食緊豬腩，好搞笑🍗燒野菜豬腩卷，呢個係一個大圓形，係用豬腩包圍住啲菜～都真係幾有口感，食到烚烚聲🍗燒肉桂蘋果豬腩卷，呢個係用藍卷住一條條好甜嘅玉桂蘋果，從來都未試過咁樣嘅食法🍗燒煙肉蕃茄另外再叫咗唔同款式嘅串燒同埋海鮮燒雞皮，之前喺另外啲舖頭食過炸到脆卜卜嘅雞皮覺得口感麻麻哋，但呢間嘅雞皮就係好軟熟，食緊雞皮又唔覺得自己食緊雞皮🤣冇乜油膩感，好好味醬油燒白鱔，好彈牙嘅魚肉，再配上脆卜卜嘅魚皮即開燒播磨蠔🦪

過咗一個月艱辛嘅working week終於到星期六 又去左食串燒不過今次係日本居酒屋 揸車關係今次乖乖地唔飲酒首先叫咗一個雞肉串嘅set好正呀一次過可以食晒呢一間舖頭嘅名物首先係有個月見，淨係見到蛋黃已經流晒口水🍗醬燒免治雞肉棒🍗檸檬岩鹽雞肉棒🍗明太子雞肉棒🍗芝士雞肉棒四隻口味由最淡既口味，醬燒同埋檸檬岩鹽味都係建議加埋啲蛋黃豉油食嘅，來自日本德島縣阿波醋橘雞，好嫩滑，雞肉棒好有口感我自己就最鍾意食明太子嗰隻跟住就叫咗一個豬腩卷set其實我平時都唔食豬腩 但係呢間舖頭嘅串燒好驚喜 一啲都冇肥膩嘅感覺🐷醬燒年糕豬腩卷：呢個係店員推介，啲年糕有拉絲，勁好味，一定要試🐷燒野菜豬腩卷：呢個就好特別，用豬腩包圍住啲菜，一咬落口，就嚟咬唔晒，好有口感🐷燒肉桂蘋果豬腩卷：呢個入邊有一絲絲嘅蘋果，甜甜地，真幾特別🐷燒煙肉蕃茄：蕃茄汁配合豬腩，不敗嘅選擇跟住我哋就叫咗一系列嘅串燒燒雞皮醬油燒白鱔日本燒蠔 即開燒播磨蠔🦪呢個等咗一段時間先有，果然慢功出細貨，生蠔好甜好大隻，淡淡新鮮嘅味道👅咬落口好鮮甜醬油燒茄子吉列天婦羅生蠔🦪呢個天婦羅嘅生蠔都好新鮮，唔係一般嘅雪藏生蠔，呢個價錢實在對得住良心果肉白桃汁

有時喺尖沙咀想找一間可以坐得舒服，慢慢傾下偈的餐廳的確有點難度。上星期和朋友即興晚飯見面，朋友提議到一間新開而且坐得舒服的日本串燒居酒屋， 我當然立刻應承啦。呢一間《狐狸食堂》 位於佐敦同尖沙咀嘅交界，沿住尖沙咀金巴利道行入去， 再到達盡頭就能夠搵到。呢間居酒屋嘅價格非常之大眾化，有唔同種類嘅串燒同熱食。仲有各款啤酒同清酒。餐廳最推介嘅就係《四款口味的免治雞肉棒串燒》， 有齊4款口味： 明太子、 檸檬鹽、芝士、醬燒， 各有風味。 【檸檬鹽口味】帶點檸檬清香， 非常清新。【芝士口味】經過火炙的芝士非常之香口，和免治雞肉串非常匹配。【明太子口味】帶點鹹香、微辣，加上青蔥，味道最濃郁，送啤酒最適合。另外我最鍾意嘅就係【醬燒味雞肉棒】，日式醬油帶點微甜，混入生蛋黃之後，用作沾點免治雞肉棒，令到口感更加滑溜juicy。【山葵醬燒雞柳】 用上嫩滑的雞柳， 食落冇渣，上邊擦上wasabi 山葵醬， 帶一點點攻鼻感覺，刺激。【炸雞軟骨餃子】 口感爽脆， 食到粒粒的雞軟骨， 非常過癮。【燒墨魚咀串燒】，墨魚咀煙韌得來亦帶一點軟骨， 食落除咗有QQ煙韌的口感， 亦非常有嚼頭。不得不介紹【山椒燒牛柳串】，

1664，撲鼻嘅花香每次只係淨飲都已經係一種享受，令人十分期待一陣同各種美食嘅繾綣。醬油燒白鱔，估唔到首先嚟到嘅係我最期待嘅燒白鱔，鱔肉非常肥美，一咬落去個彈牙口感就感覺到係新鮮嘅貨式，白鱔豐富嘅油脂喺燒製後傾刻爆發，簡單以醬油調味經已不之得了。燒墨魚咀，口感脆彈，會令人想叫多一串。炸軟骨餃子，餃子外皮炸得香脆，連同內裏嘅軟骨肉餡，外脆，內更脆。4種口味免治雞肉棒set，一份四串，由右至左分別係醬燒、檸檬鹽、明太子同埋芝士味，打匀隻日本蛋就開始大快朵頤，同個蛋味最夾係醬燒，其他嗰三種味道各具特色，一定要試匀四種。山葵醬燒雞柳，山葵味道同燒雞柳嘅結合非常清新，特別鍾意佢上面嘅洋蔥同埋海量嘅蔥花，令到整個食味層次更加豐富。炸雞軟骨，香酥嘅雞軟骨作為壓軸嘅佐酒小食實屬最好不過，食下食下香口嘢又嗌多杯啤酒，第二杯啤酒仲要係半價，認真佛心。

呢間細細地既居酒屋，位置就係佐敦，地點方便，但環境好舒服，好岩同幾個朋友來一邊飲下食下，一邊傾下連計。免治雞肉捧，可以一次試晒4款味道。其中原味和檸檬鹽可以沾蛋黃醬汁，蛋黃醬汁令雞肉捧更加惹味。而明太子同醬燒2款味道已經好濃郁。四式串燒豬肉卷，分別醬燒年糕、燒野菜、蘋果玉桂同燒煙肉蕃茄豬腩燒。最喜歡蘋果玉桂加上豬腩肉真係好夾，酸甜蘋果中和豬腩肉既油膩。炸雞軟骨，燒鰻魚，燒雞皮同燒雞腎送酒一流，不可錯過~最後當然要食番些少碳水啦，明太子烏龍麵，每條烏龍麵都掛汁，食落好滿足。鰻魚茶漬飯，柴魚高湯，香口既飯團，加上軟滑鰻魚，暖胃又飽肚。真係好滿足。❤狐狸食堂 佐敦柯士甸路14號僑豐大廈地下西號舖

細細間居酒屋卻充滿日本風味入面餐廳 雖然落大但坐得舒服！當然要揀居酒屋必食啦~一套4 串唔同口味日本黑豚肉五花腩：醬燒年糕豬腩卷： 口感煙煙韌韌，個人最鐘意呢串☺燒野菜豬腩卷燒：口感爽脆蘋果玉桂豬腩卷：玉桂味其實唔太勁，最岩我呢啲唔太鐘意玉桂味，蘋果味減咗啲油膩感燒煙肉番茄卷：煙肉咸咸配鮮味蕃茄仔，清新味另外，叫咗免治雞肉棒 一套4 款，醬燒免治雞肉棒、芝士免治雞肉棒、檸檬鹽免治雞肉棒、明太子免治雞肉棒，呢4 款有改變我對雞肉棒嘅觀感，4款都好好食，特別係芝士免治雞肉棒同檸檬鹽免治雞肉棒，芝士濃而檸檬咪清新去油膩感。另外必食仲有炸雞軟骨，香口爽脆，下酒一流！☺明太子烏龍麵同 鰻魚茶漬飯，明太子烏龍麵就唔會太咸，條條麵掛滿汁，而鰻魚茶漬飯煎香過味道好香口~

這間小小的居酒屋，讓我食出驚喜,每款串燒都燒得剛好👍🏻 而且配搭都有特色「4支免治雞肉棒」4種不同口味，最令我欣賞是明太子👍🏻，而內裡的有口感有雞軟骨在內。「五花腩set」這款也是特別，五花腩卷上不同材料，最特別是有一款卷上蘋果絲，相當之fresh😍「燒雞皮」燒至剛好，脆口🙂「燒雞中翼」點少得雞中翼😍是我的最愛呀，燒得好好呀「燒味淋魚千」「鱈魚絲」時脆口那款，配酒一流👍🏻「牛蒡」是積物一種，開胃菜🤭「日式炸軟骨餃子」👍🏻餃子內的肉真的是有軟骨，令口感更佳🥰「油揚島龍麵」是烏冬麵，唔夠飽之選🤣😂「日本燒蠔」好大隻，正呀「醬油燒茄子」充滿水份😉「明太子玉子燒」明太子在外，有別於平時在玉子內備註🔺地方不大，適合幾口子聊天😌🔺沒有時間限制🤭🔺師父燒工水平好高🥰

咁啱呢排朋友約親我都係食串燒。。。今次輪到位於佐敦附近的串燒店【狐狸食堂】～ 餐廳個名好特別，係日本，原來狐狸是守護穀物農業稻荷神的差使，可以帶來豐收啊～日式木系的裝潢好親切，餐廳餐廳麻雀雖小，但五臟俱全，串燒、小食和食品都應有盡有～今餐非常豐富，我同朋友仔都喜歡食雞，所以點左四味雞肉棒set，包括: 明太子免治雞肉棒、檸檬鹽免治雞肉棒、芝士免治雞肉棒及醬燒免治雞肉棒，一次過可以試晒4種口味好正呀！最喜歡檸檬鹽口味好清新，免治雞肉棒又唔會好乾身，沾上蛋液更滑～另外，仲點左四式串燒豬肉卷，包括：燒煙肉蕃茄卷、燒蘋果肉桂豬腩卷、燒野菜豬腩卷及醬燒年糕豬腩卷，每一件入口都有好豐盈嘅肉汁，好香口～燒厚切牛舌香嫩爽口又夠淋～醬油燒白鱔好新鮮，肉質好彈牙！燒墨魚咀好咬口，用嚟送酒就一流喇！牛油醬油燒扇貝香甜新鮮，而且仲好滑～吉列天婦羅生蠔層炸粉厚薄適中，一咬就能品嚐到蠔肉嘅鮮甜～最後食埋碗油揚烏龍麵就超滿足喇～今晚我地選擇唔飲酒，飲番杯果肉白桃汁同樣高興～開心相聚！

近年興生酮飲食. 所以盡量食蛋白質食物, 串燒是必然包括. 因為可以增加咀嚼感. 又可以選多幾款. 朋友仔亦有興趣試下生酮飲食. 今晚就去食串燒. 放工後, 去佐敦餐廳細細, 但簡潔. 餐牌上都有不少串燒款式. 自己第一件事選豬肉套餐. 因為愛吃而且有4串不同味道。 已經不錯.朋友仔愛吃雞. 先ORDER 2 份套餐. 睇下味道.豬同雞不會等太耐，好快豬肉串燒餐先要食有年榚的豬肉串燒豬有4款先食年榚。因為放太久會好硬,淡口年榚被豬肉既醬汁混合食。比較易入口, 又軟又熱。之後有蕃茄用豬肉包著。幾特別一雞肉串燒餐用免治無骨雞肉。食時方便。我愛有芝士在面。因為我係芝士控。見燒物不錯. 當然繼續叫吉列生蠔必食.生蠔不是特大隻但外脆內嫩有水份. 不會炸得太乾身或太油膩醬油白鱔, 可能近根位.比較難咬如果可以慢燒.加醬油再慢燒令肉味更入味.牛舌, 朋友比較愛吃.燒墨魚咀. 比想像好.因為好淋. 不會咬不開最好醬汁加濃少少.令整體美道升級燒扇貝. 夠大隻, 口感剛好. 不會太過火.加個油揚烏冬, 同果肉桃汁不要睇少串燒. 食落都幾 飽肚下次食串燒, 一定要加杯日.本清酒

今日又要推介一間居酒屋小店，位置唔係算熱鬧但絕對方便，而且門面細細，真係好易走漏眼。一入到店內，令人感覺溫馨舒適，偶爾會聽到店主同客人打成一片的交談，今次坐左係對牆既單邊枱，同朋友自成一角，飲啖梅酒輕輕詳談。印象最深刻係五花腩set：醬燒年糕豬腩肉-年糕係超軟綿煙靭，俾燒到香口既豬腩肉包住，口感特別。燒野菜豬腩卷-包住包心菜燒，有fresh既菜香。燒蘋果肉桂豬腩卷-玉桂香，配埋蘋果爽脆，第一次嚐試🤩大愛燒煙肉蕃茄卷-蕃茄比起平時食到既勁juicy，大大粒，又係外層香脆內裡多汁。再黎有免治雞肉棒set:有醬燒、芝士、明太子、檸檬鹽燒，雞肉口感，係比較腍，四款口味各有特色，醬燒甜甜地，明太子香，檸檬鹽燒較重味，芝士則濃郁。燒鱈魚條香脆好佐酒，而燒味淋魚干比較有口感，少少甜，食唔停。燒雞皮串，唔會燒到乾淨淨，有少少油脂但又香脆。炸雞軟骨餃子有咬口又唔油膩，香口好食。燒雞翼燒都啱啱好。炸雞軟骨，粒粒圓轆轆，外層香脆內裡有口，但真心熱氣。燒茄子串，配左木魚絲，增加香味。燒蕃薯仔，甘甜，一口一粒。招牌烏龍麵，份量都好大碗，烏龍麵彈牙，偏清啖。最後當然唔可以少左一杯酒，梅酒啱好甜酒的我，只有一款，入

店鋪細細地，有種家庭式經營模式。用心製作，多款串燒選擇，即叫即燒。餐廳每日新鮮燒海鮮、牛舌、主打自家製免治四味雞 肉棒、四式串燒豬肉卷等！狐狸食堂好適合大家係度同朋友飲返兩杯，傾下偈，enjoy返個生活𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 燒厚切牛舌✨ 味噌醬燒牛柳✨ 醬油燒白饍✨ 五花腩set四隻肥豬分別係 1. 醬燒年糕豬腩卷 2. 燒野菜豬腩卷 3. 燒蘋果肉桂豬腩卷 4. 燒煙肉蕃茄卷而我覺得最好食既係燒煙肉蕃茄卷 ❤️好有趣既口感，一啖咬落去就爆開成口都係蕃汁~✨ 免治雞肉棒set (4串) 1. 醬燒免治雞肉棒 2. 芝士免治雞肉棒 3. 檸檬鹽免治雞肉棒 4. 明太子免治雞肉棒仲配上一份月見汁用黎點雞肉棒✨ 明太子玉子燒✨ 牛油蒜蓉翠玉瓜✨ 醬油燒茄子✨ 狐狸炒鮮菌✨ 雞軟骨✨ 日式炸軟骨餃子🍸 果肉白桃汁🍻 生啤（Asahi）500ml𝐒𝐞𝐫𝐯𝐢𝐜𝐞⭐️ 地方淺窄，人手唔多，忙起上嚟需要俾啲耐性 ❤️

生活壓力大，食飯時間就更加應該鬆一鬆黎到尖沙咀狐狸食堂，慢慢享受下，食幾串串燒，飲杯野，放鬆一下心情啦狐狸食堂有兩款串燒set分別係免治雞肉棒4串同五花腩串4串以較低既價錢同時試晒唔同口味，係非常抵食既選擇免治雞肉棒(4串) $158四款口味分別有醬燒免治雞肉棒，芝士免治雞肉棒，檸檬鹽免治雞肉棒，明太子免治雞肉棒。免治雞肉棒配上月見汁呢d就基本野，再加上四款唔同口味，變化多而且唔單一，食自更開心五花腩串(4串) $168呢個五花腩串既買四款口味分別係醬燒年糕豬腩卷，燒野菜豬腩卷，燒蘋果肉桂豬腩卷 ，燒煙肉蕃茄卷唔鍾意肉桂既朋友可能比較難接受蘋果肉桂豬腩卷而食肉獸一定最愛燒野菜豬腩卷，基本上感覺就係啖啖肉除左呢兩個set之外，千奇唔好錯過佢地既燒鯖魚，非常好食而且好大條雞軟骨同軟骨餃子都係唔錯既選擇，香口脆口最啱就係配杯Asahi豚肉串set $168免治雞肉棒set $158燒厚切牛舌 $78味噌醬燒牛柳 $78醬油燒白鱔 $78明太子玉子燒 $58牛油蒜蓉翠玉瓜 $20醬油燒茄子 $28狐狸炒鮮菌 $45雞軟骨 $48日式炸軟骨餃子 $58燒鯖魚 $68白桃汁 $42日本柚子雪芭 $