獨當一麵 (已結業)

元朗的確係美食天堂，應有盡有，每次搭西鐵去元朗的話，必去的小店之一。 而我，最喜歡和難忘的必定是胡椒豬肚湯麵，奶白色的湯底，喝一口，胡椒味道濃郁而不辣，湯底的濃度適中，不會偏咸，每條麵條都沾滿濃湯，好吃！ 配料雖算不上有什麼特別，因為我只是被他的胡椒湯吸引，小店雖然細小，亦沒有裝潢，但吃得出廚師的心機，絕不像其他店鋪，用味精湯包制成上湯，如此堅持真材實料的湯底，實屬可貴！

點了一份胡椒豬肚豬骨雞腳湯米線湯底超重胡椒味, 非常濃湯, 食完之後真係飲埋碗湯嫁!至於豬肚都好爽口, 唔會係淋到爆, 爛晒咁! 反而雞腳唔知係咪浸得耐, 多數都解體晒啦豬骨就真係好大舊嫁, 入面都有肉食, 唔會只係得骨既~鋪仔細細都可以做到咁多野, 係正既另外再叫左個菜肉餃子! 睇住佢地親手包, 冰鮮住, 之後再煮熟感覺真係好有家庭溫暖, 好過食果D灣X碼頭啦, 肯定唔會食到蟲先呀嘛每一隻餃子都大粒既, 入面既料都好足  

白胡椒原產自南印度，宜於熱帶地方生長。少於5毫米的胡椒子，散發出香濃芬芳的氣味，它是世上最被廣泛利中的香料之一。在元朗竟可找著一家以胡椒為主角的食店，富有自家特色，沒並集團式經營、或被一窩蜂的食潮所掩沒，感到實在難能可貴！「獨當一麵」面前放有一部電動的磨胡椒，還有一個石盅，現在是講求效益的世代，大概人手磨碎胡椒的機會不大吧！雖是街坊小店，但亦不乏捧場客，我們只好坐到門口第一張檯。點餐紙詳列每一項明細，不過對於第一次到訪的我倆，顯得有點混亂和胡塗，幸得對面的女食客指點，我們終於明白了。首先先選擇湯底，一款是秘製豬骨湯、另一款是胡椒豬肚雞腳豬骨湯。後者可選擇胡椒四種不同的辣度層次，亦可隨喜好選擇剔除豬骨、豬肚或雞腳的跟湯餸料；跟著可選擇麵條款式，例如推介的上海粗麵或菠菜麵、瑤柱麵等； 第三可選餸料或小食，如蔬菜、墨魚丸、蘿白、豬扒各春卷等；最後當然是飲品。所以這張小小的點餐紙齊備一切所需！相對主食，飲品的選擇只有罐裝汽水和膠樽飲品，老公要了夏枯草，而我則支持本地生產的黑豆漿。黑豆漿質感厚身暢滑，最喜歡其低甜的健康水平，不過豆味未算有驚喜！在等吃期間，細讀一下店方貼於每張檯面的白胡椒簡介，順

點解要做壞自已個招牌呢?豬骨湯冇味了是這樣的,本來睡醒左見肚餓了,望望個11點,就起身梳洗完之後就去食下飯堂之一既「獨當一麵」今日自已一個人唔駛等位,直接入得,見到煮個位老闆in charge ,質素應該有保証,點知????????等一碗用左二十分鐘,再加上當時舖頭根本唔多人,依家時間有D接受唔到!!!!!!麫終於來了,一上枱,我就有問號點解會好似水,再飲飲無味既,再睇睇碗麫有齊羅白,豬骨,但豬骨湯消失了「獨當一麵」將會正式告別我的飯堂名單,值得一提衛生情况都有待改善,比較蒼蠅到處飛行!

今晚約咗朋友交收奶茶，我拜託朋友幇我買野,朋友要去活動，我同她交收完成之後，我坐回西鐵，我去了元朗揾下野食，我又上來openrice看下有咩推介，見到這間好兩極評價，我信自己味覺多Ｄ,我行到去這間獨當一麵，我不吃辣野,我見到不少人有叫胡椒豬肚冇吃到，我叫了淸淡為主配料,車仔麵凍幼麵，湯底揀豬骨湯,真的有豬骨,配料揀芝土腸/九菜餃/蘿蔔，我覺得不如某些食評講到咁差 ,我覺得豬骨湯十分清甜,蘿蔔煮得太淋唔夠爽口，蘿蔔需然好大,味道麻麻,九菜餃十分好吃，兩隻包到好大隻,芝土腸又幾好味,幼麵份量好多，我覺得十分足料,這間都幾好吃，地方就細咗些小，座位不算太迫，我覺得整體幾好食物水準蘿蔔，需然份量大,煮得太淋不太好吃九菜餃，整得好好味芝土腸，我覺得幾好吃，份量較小幼麵，我覺得都好好吃，份量夠多湯底，豬骨湯用原隻豬骨,十分清甜服務這裡都OK環境地方就較小，座位之間不會太迫價錢40元番吃下次會再來

根據老闆推介的牌子，該店的招牌菜為蝦子撈麵與胡椒豬肚湯，當作午餐，我點了個蝦子撈麵。等了不足五分鐘，麵就來了。數片生菜是意料之外（因曾在其他食肆點過撈麵,卻只有忠實的麵條，沒有多餘的配料），配上一小碗湯水，興許今日胃口不佳，覺得他份量頗多。老實說，驟眼一看的確認為蝦子多，但第一次在街外吃蝦子撈麵，沒得比較。未沾湯水時嚐了一口，蝦子味確實濃旭，濃旭得不能再嚐第二口，但加了湯水，整個味道清新了許多。就我看來，整個麵最值得讚美的地方不是蝦子，而是爽滑彈牙的麵條，只是一定要快吃，待久了就不好吃了。整體來說，該麵值得初嚐，酷愛蝦子麵的或有更深體會，但我這種平凡人就不會再試。

本來看見好像很好，誰不知係一個局，最少都做得有心，但我完全感覺唔到食店係有心經營，應該有既味道我食唔出，叫左胡椒麵，個湯麻麻，出面塊板寫到幾好幾正，原來是同碗車仔麵一樣，叫炸豬扒塊野完全唔似炸，同佳寶野味道一樣完全無心整食物，仲要收人13蚊一塊，完全為左賺錢而開既店，完全唔好食，附近有一間真係特色食店，人地有心做，又好食，飲品連甜品都係四十幾，我這碗無心麵都要四十幾，食完覺得比人欺騙左，我覺得唔會再去一d無心製作食物既食店，可能我講既呢段野會有人唔岩聽，但食完真係好火，希望有心人見諒

兩星期前去元朗友人家作客，友人推介此店，這一吃，同行3人全部上癮推介胡椒豬肚湯底，内有一舊豬骨2隻雞腳，仲有啲咸菜同肚絲，我叫中辣，即係胡椒湯同豬骨湯各50%本身至愛飲湯，個人認為好味過鴻x啲湯，不過佢不是奶白色的，同出面平日飲開的有分別另外炸豬扒都幾好，夠熱夠淋

飲飽食醉，才是晚上六點，即又係晚飯時間。有些朋友另有節目，先行離場，其餘的就繼續食食食。按主人家龍哥建議，到附近的「獨當一麵」晚餐。顧名思義，這裡是以麵食為主打，據聞胡椒豬肚湯麵很馳名，便各自先來一碗。然而，呷口湯後，發覺不出胡椒的辛香，換來卻是頗味精的味道。反而沙薑雞仲好，至少是皮爽肉香，有點雞味。麻甩的我，自然就更愛雞腎。而炸雞翼，看不出有炸過的痕跡，大概是拉一拉油就上碟，不過都算得上入味。不知從何時開始，大家用豬扒去嘲笑身材圓潤的女士，似乎對兩者都有點不敬。我查實是蠻愛吃豬扒的哦！這裡有秘製豬扒，夠味而不會太韌，雖及不上旁邊爽爽麵店的出品，但仍不致失禮。意猶未盡，Oli提議下場。

繼續boxing day的食記，當日雖然美食眾多又豐富，但大家竟然最愛吃老公煮的麵! 夜晚，半數朋友離開後，餘下半數還未滿足夠麵癮，決定在樓下的獨當一麵吃晚餐。先來多支豆漿／黑豆漿 ($9@)後，大家紛紛選點自己的心水麵；自問已經半飽的我，只與老公一起分享了一碗少辣的胡椒豬手菠菜麵。這裡的辣度是以胡椒湯與豬骨湯的比例來計的，少辣的是25%，中辣大概是50%，大辣就是80%，如此類推。其實個人對胡椒湯、雞腳及豬手的興趣都一般，不過老公選點這款菠菜麵的確又清爽可口，很能索湯，挺好吃，結果也吃了不少。不過相比麵食，其實我更加力攻這裡不同的小食，因為實在幾有水準的! 首先菜芯($10)是異常的嫩甜好味，由於份量不多，我們前後點了兩碟？三碟？都不記得了。沙薑雞($22/例)也不錯，雞件鮮滑肉嫩，襯以香口的沙薑醬調味，很是吸引，是晚也來了兩份。還有皮脆肉香的煎雞翼，點了兩份剛好每人分到一隻，其實還有點不夠喉呢。最後還有三件秘製豬扒，成品香口又夠入味，也是好吃的，個人尤愛近骨位置，啜食一流!第一次這樣吃麵做Boxing day晚餐，很特別呢~  而飯後還去了吃糖水，飽足不得了。上半場的麵食晚餐，埋單

記得老妹也在香港的時候，我們來了次ooy聚在元朗路過這邊時友人說這家很不錯，這天boxing day 終於要一試了早早就來到只因人氣太旺場！！簡單的點餐紙！！要吃什麼都在上面畫好除了招牌外還點了小吃～麵食有4款辣度 同時也可以走辣我的是胡椒豬肚雞腳豬骨湯 (菠菜麵) 小辣那時候我選的上桌比較慢，吃了友人的半碗全蛋麵，吃到一半已經覺得有點不對勁味道不是香濃的豬骨湯味，而是重重的鹹，有吃到快要吐的感覺看起來不錯，湯有胡椒味但不是香而是非常的具厚重感菠菜麵清新爽爽彈彈的，可惜湯真係帶很重味精感吃完軟Q腍滑的豬手就放棄了轉投小食的懷抱！！炸雞翼 hkd$17/4隻，香脆可口但吃不過癮又再加點多4隻菜心 hkd$10喜歡這樣葉跟莖分開的，菜很清甜軟腍沒記錯的話它是沙薑雞，雞肉嫩滑且脂肪不會很多配著數量不少的腎片秘製炸豬扒 這個我最喜歡帶陣陣香茅味，肉質鬆化，但可能吃得太多上火東西喉嚨開始有點不適這一整晚都睡不著，口很乾涸怪怪的

心知獨當一麵前身是位於旺角的那間老店舖, 我在老店舖只光顧了一次, 再想回味的時候已經不在了~ 後來得知店舖在元朗重開, 心想實在太好了, 地方又近了點可以隨時想吃便吃, 今晚我們大約七點到達光顧, 小店沒有以往那麼多人流, 始終未必個個食客都知道已搬入元朗, 此時店內只得兩枱客人. 坐下來待應便奉上自助式的點餐紙和螢光筆. 由於只想吃胡椒豬肚雞腳湯, 連餐牌都不用看便立即點了.不用試味已心知不妙, 為何顏色會那麼奶白色的???還記得當年的老店舖不是這樣的, 再看看牆上的威水史, 我確實沒有入錯舖. 但為何..............................??先喝一口......濃豬骨味...加上待應問要什麼辣. 我說要中辣, 即是說湯可自由加辣度, 而不是原煲出來. 胡椒味是有但豬骨味太過重了, 根本不是這回事. 豬肚細少是切絲的, 咸菜味道適中可接受, 雞腳不太入味. 整體是失望豬骨味是有的, 但味精味更重. 不過白蘿蔔很腍十分入味. 油 + 乾 = 失敗!!!!完全不鬆化元朗小店有很多秘製豬扒, 但這店實在跟其他差之千里~一樣.......乾!!!..連雞腎都乾了~~~

行去元朗搵野食，行經呢間食麵店，睇下門口個牌寫住 ( 胡椒豬肚雞腳豬骨湯麵 )，嘩！我至愛既胡椒豬肚湯喎，咪入去試下囉。當時下午三點幾，店舖唔大，大約有十張八張台，無咩人。坐底第一時間望下胡椒豬肚雞腳豬骨湯麵價錢，$48！唔平喎，胡椒豬肚湯飲得多，但用來麵食就未試過，甚都要試架！先來一杯下午茶送既豆漿，有豆香味喎，好滑香，正呀！胡椒豬肚雞腳豬骨湯麵，我要左上海粗麵，但要加 $3 ，湯底有分４種辣，( o下！咩胡椒湯有得揀辣架咩？唔係一煲過架咩？）個伙記話，係豬骨湯底加上客人要求既胡椒辣度做既，一聽就立刻失望啦，我想要既係胡椒湯呀！唔係加上去果種！咁第一時間飲下個湯先啦，有胡椒味，但更有好重既豬骨湯味，麵彈牙，算唔錯，有兩隻煲到淋晒，滑滑的，都算新鮮，入口即溶既雞腳，有一舊豬骨，多條軟硬適中而有香味既豬肚，除左湯底令我失望之外，整體都唔算差！沙薑雞，雞肉都新鮮既，但無沙薑味，若然唔當係沙薑雞，當係普通蒸雞，都好好味既！重有下午茶送既一條春卷，內裏只有紅蘿白絲，棷菜絲，即係素春卷，只係脆口無咩香味！埋單 $51

先前雜誌介紹, 話呢間本身在mk 賣蝦子面~ 因為租貴被逼走到元朗~ 最睇唔眼呢d 業主~ 等我入元朗支持下!!去到lunch 時間, 都唔係太多人~ 唔駛等~ 叫左碗最出名既 "胡椒豬肚豬骨湯" 面~去到揀麵.....oh~ 太多款了~ 除左常見既米線, 幼麵, 仲有菠菜麵/ 全蛋麵/ 芝麻麵 ......實在太眼花暸亂, 試下推介既上海麵先~ 餸方面~ 因為佢寫明叫呢款湯底送豬骨+雞腳+豬肚~ 所以冇叫得太多~ 只叫左最吸湯既蘿白麵黎到---- 感覺上餸係多過麵的 簡直驚喜 豬骨同雞腳都比想像既大件~ (雞腳仲係2隻!!) 好入味~另一個驚喜係個湯~ 飲落係冇落味精、清新既胡椒味~ 我成碗飲哂~蘿白都very nice~ 林得黎唔係一夾散哂O個隻~反面推介既上海麵.....食唔出同出面有咩分別.... 但配埋胡椒湯食都OK~

終於有時間寫食評啦。店，雖然小了一點點，食物種類又唔係太多，但個湯底好胡椒味，好真材實料，隻雞腳又大隻，食材好入味。另一推介係個豬扒，真係無諗過一塊普通既豬扒都可以咁入味，肉質又嫩。