王家沙．花樣年華 (又一城)

营业中

休息中

茶涼不熱，用餐後請店員要一壺較熱的茶，多番找店員不果，沖茶後，戴黑膠框眼鏡女店員把茶壺大力放在枱上。用餐期間，枱面已非常細，多番請店員把空碟拿走走不果，三催四請，態度極差，店員都不抬頭望望舉手多時的客人。高力豆沙不新鮮，紅豆酸，基本上沒有一道菜稱得上熱。小籠包正常，但上枱時像漏氣一樣，小小顆的。唯一正常發揮便是雪係雪櫃嘅鎮江餚肉。賽磅蟹同樣不熱，非常普通。本想叫大路菜色，以為風險較低，但似乎基本也談不上，主要係服務態度差。

2年前經常幫襯的，當時味道很好，算一間不錯的飯店。但昨晚再食晚飯，感到質素下滑得頗厲害。部分食物(小籠包、鍋貼)到枱時涼了， 鍋貼皮厚及韌，小籠包皮厚味道欠佳。醉雞沒有酒味。蝦唔新鮮。甜品有紅豆沙餡的都有燒焦味，感覺失望。但有部分食品還是可以，如炒年糕，蔥油餅，白肉 都不錯。

今晚試了一間非常難食，價錢又貴的店舖，就係九龍塘又一城果間「王家沙-花樣年華」。今晚order 左一碗招牌擔擔麵售HK$78, 一碗黑毛豬擔擔麵售賣$128， 前菜係上海烤夫及煎鍋貼，全部都好難食，價錢又貴。例子 擔擔面嘅湯又唔熱又冇味，好似清水一樣完全冇味道，烤夫質感非常之硬及乾爭爭，煎鍋貼只有三隻，又唔熱，硬骨骨，塊皮非常之厚。另外佢哋話要時間整豬扒，所以先做好擔擔面給我，佢哋話塊豬扒遲啲會有，但係等咗好耐都未有，最後我哋食完碗麵，塊豬扒先至到，好好彩塊豬扒都叫做過得去，識得入口。最後計埋加一服務費，埋單 HK$380。又貴又唔好食。請各位不要去食。

同朋友嚟九龍塘行街，甘啱想食上海菜，見到呢度有間裝修唔錯，而且菜式種類幾多嘅店鋪，所以決定試吓！招牌蟹粉小籠包（$78）食上海野一定要叫小籠包😋味道唔錯，一咬落去好多肉汁，但食唔出蟹粉味，似普通小籠包😢四川麻辣水煮鮮魷湯麵（$98）上菜的時候聞到好大陣酸味，有別於平時的水煮湯底味道，好感不大...但食的時候就沒有太酸，反而幾香麻辣味，適合重口味嘅人食。魷魚份量偏少，而且魷魚係細條，味道也很一般😢不太建議呢道菜上海粗炒（$98）上海粗炒有上海菜風味，味道也不錯，唯獨是偏油，食到底見到一堆油不太開胃😣😣芝麻豆沙餅（$48）最後叫咗個甜點，豆沙餡好好食，好香豆沙味！外皮口感一般，如果外皮改用酥皮，口感會更豐富。

話說我約咗自己屋企人同女朋友屋企2家人食餐飯，幾日前已經喺OpenRice訂定位，去之前仲打去check過確認有booking...咁當日稔住同女朋友早少少去攞位（訂咗7:30，7:15左右去攞位）去到同reception講訂咗位，咁佢double confirm咗就叫我哋等陣，點知等到7:30都未有人叫我哋入去...於是就去問佢可以入去未，點知佢竟然話我哋係第二張枱...我就即刻同佢講我幾日前訂咗枱，佢竟然話訂咗枱只係優先安排，唔代表去到就有位...咁我就問佢點解要俾人訂枱？如果訂咗枱，夠鐘都唔俾位人咁我唔駛幾日前訂定...點知佢竟然大條道理咁指住後面果班人話：”人哋都book咗，早過你到，佢哋都仲等緊，無理由人哋早到咗要排你後面。”其實人哋都係book咗枱，但係到時間又係唔俾枱人，而係叫我哋喺度排隊等枱，仲要同其他人互相比較，鬥唔俾枱人...仲講有booking都係唔會留枱，嚟到就照排隊...咁我就話呢D叫walk in, 你無枱就唔好俾人book, 全部做walk in。佢就堅持呢D叫booking。去到7:40左右都仲叫我哋等多半個鐘....結果我哋過咗隔離果間問有無枱，等咗5

坐低後，等15分鐘都冇人畀茶，嗌極冇人嚟，聽見附近幾枱都同樣表示不滿食物味道可能，不過以咁嘅服務質素，相信要客人回頭真係好難起碼我到定唔會返去再食，希望貴公司見到呢個食評後真係要畀返足夠人手

疫情下，差不多兩年沒有和家姐慶祝生日，近期政府大力推動全民接種疫苗，開始見到效果，食市餐廳開始多番客人出嚟用膳，咁啱見open rice 有得訂D類食市=即係可以12人一檯。我哋8人完全符合要求。點知來到，迎面招呼的男店員說8人圓枱中間會有一透明膠板隔開啲，我們即刻O嘴，我們這麼一行八人有大有細為免麻煩四處搵位只有無奈接受啦！我們用了10分鐘點菜，廚房卻不消10分鐘上菜，我們叫男店員過來反映一下，這麼快的上菜速度，枱面根本沒位置，能否調控一下上菜的速度，男店員回答：廚房見單就煮不能控制。那麼枱放不下12道菜，能否先分成八份分給我們，男店員回答：這個我沒有辦法可以幫到你！之後一走了之！咁我哋唯有盡快吃啦，上海熏魚、鎮江肴肉、脆皮素鵝、係冷盤凍嘅我明白！🤔但係點解鮮肉鍋貼丶生煎包丶上海話梅骨都係又凍又硬。😰😰小籠包上檯只係微暖完全冇蒸氣，小朋友可以一啖擺落口，完全唔覺熱。🥶🥶🥶連個招牌炒飯丶京蔥爆牛肉、乾煸四季豆丶都只係微暖⋯⋯完全唔似現整，好似煮定再用微波爐翻叮出嚟咁！🤯🤯🤯🤯最後終有現煮嘅熱出現啦⋯⋯就係清炒芥蘭和砂礓鹽焗雞啦，可惜鹽焗雞完全冇味，只配上一碟鹽焗醬油。總結全餐飯最好食係

今次去的王家沙花樣年華是九龍塘又一城的分店，以食上海菜出名。未通關又想食正宗上海菜，這間也算是一個不錯的選擇。價錢中上。環境與服務幾好。在OpenRice訂位吃滿指定價錢還有優惠。這次叫了幾款招牌菜，包括金網燒鴨包、招牌蟹粉小籠包、上海擔擔麵。上海擔擔面可選擇辣與不辣，非常照顧香港人的口味，今次叫的是不辣的，有很香的花生味，亦真的一點也不辣。金網燒鴨包雖然吃不出特別的燒鴨味，不過金網造型相當吸睛，影相打卡相信也很吸引。

同行9個大人，2個小朋友一早打電話去同職員講，打針人數唔夠，要分6個5個坐，無問題。我話openrice最多揀8人，點book位，職員叫我分兩個人book，另外再幫我mark低兩張訂枱係同一批人。已係電話再三確認，係咪兩張痴埋，因為啲野食要分黎食，傳來傳去，電話中職員都話會mark低。點知10月16日晚上7點去到，完全無留位俾我地，係咁逼我地坐啲隔好遠嘅枱。我問等兩張6人痴埋枱要幾耐，肥女人職員話有排，又話你唔坐就算，後面大把客等緊，態度十分惡劣。(我地坐低無耐已經有兩張6人枱痴埋！！)最後逼咗我地坐8人圓枱，中間有隔板，再額外加張老遠4人枱。即係4個，4個，3個咁坐。是最基本的B類坐法！咁我洗咩揀你間餐廳，揀你就係因為人多，見你係C類先揀你，諗住可以分兩張6個，5個坐。最後都係4，4，3咁坐！職員態度又差，唔明點解book咗位都無位坐。係有人等緊位，但唔該唔好一副唔休做嘅樣，ok?除咗職員服務態度十分惡劣，啲野食都好難食，未食過咁咸嘅擔擔麵！價錢又唔係平，真係不可一不可再！

響又一城，約了在城大工作的朋友吃午飯，有唔少選擇，但係往往都可能係名過於實，甚至乎價錢方面都唔係咁合理，但係因為實在響又一城方便兩個字贏晒。我今次特登check咗OpenRice，留意到呢間又一城王家沙，其實自己之前只係聽過人哋去食，開咗咁多年，自己真係冇去食過，奇怪吧！午飯時間，到到都一定係爆曬，而攞位，預咗Booking之後關係，一切順暢值得一讚。前菜陳醋木耳、三絲粉皮，中規中矩，有六7分嘅！小籠包，因為有人唔識高膽固醇所以冇叫蟹粉，但有驚喜皮薄，湯汁多，夠熱！樟茶鴨叫咗半隻，偏向乾身，但係茶煙燻味道OK嘅。以$188半隻計，唔夠南海1號咁出色，未免普通咗啲, 性價比唔高。特級醬油海中蝦，醬油好重，完全冇晒蝦味！其實用咁濃嘅醬油煎，隻蝦就一定唔可以太細，呢隻唔係中蝦，係中細隻，所以連頭一次過咬埋，都已無乜蝦味！　四川麻辣水煮牛肉湯麵，湯汁唔覺麻辣，只係偏鹹金網燒鴨包，個包下放了一個用米紙的金網，噱頭就夠，味道冇乜特別！都可以讚下啲服務員，雖然唔係好熟手甚至乎，問佢哋一啲碟菜嘅份量或者係件數，都係唔清楚，但係好有禮貌，會返轉頭搭客問。環境空間係可以接受的，尤其是佢係露天，就更加冇一種

今晚在又一城王家沙叫左鮮雞湯陽春麵做宵夜，打個電話落單，去到就有得拎了。番到屋企就立即打開食啦麵同湯係分隔開的，可能由整出黎到拎番屋企太耐了，放在上層既麵都乾到硬左了，再放湯，咁就正常番😆雞湯唔錯👍🏻👍🏻鮮雞湯陽春麵麵質都幾好，因為係淨陽春麵，都無乜餸，不過我唔介意，宵夜就簡單點啦😙。

今晚慶祝生日@又一城嘅王家沙•花樣年華, 多謝我嘅best fd就我帶阿仔去MTR沿線嘅mall食.晏晝打去book枱好彩都book到, 問埋bb high chair✅同埋切餅費✅$100, 6點45準時有枱yeah, 估唔我地咁早入座其實walk in已經要排隊.🥢由於阿仔扭計扭左成餐飯咁濟, 所以我都係倒d野食落肚: 蟹粉小籠包同原味小籠包擺左一陣先食都有爆肉汁👍🏻; 三絲粉皮夠薄夠掛汁; 楊州炒飯, 擔擔麵都好足料好味; 另外生炒骨都係好味之選.🥢雖然滿哂座, 但店員都好attentive仲好helpful拎highchair俾我呢, 真係不枉我自從上年食過店家嘅大閘蟹set dinner之後繼續幫襯🤪.🥢

其實不太好吃，也不抬划算price is over-priced.food aren't good at all.I won't go again, not recommendedsorry but not worth it

First of all,you can get much better food with less than that ridiculous price. (A beef noddle costed me for almost 100 as u can see, and it tasted super average,like to a point where my mom can cook it)Second of all, they charged me extra 10% for the tips while treating me like I’m eating in Mcdonald(Maybe a little bit better than that) But still a lot worse than the 10% should be offering. Don’t think I’ll be describing how bad it is in details, instead, an example is given for you guys to com

放工後同男朋友去附近食晚餐，咁啱嚟到九龍塘，決定食中菜😌由於我哋兩個都唔太肚餓嘅關係…我哋order咗一個小菜、一個炒飯，分別係：楊州炒飯（$98）、乳鴿一隻（忘記價錢）個楊州炒飯調味做得好好，鹹淡適中👏🏻材料亦都好豐富，有雞肉、蝦仁、菜心、冬菇、紅蘿蔔等，最鍾意就係佢個炒飯底！佢並唔係一般嘅白飯，而係蛋炒飯😍 加分！而乳鴿亦都炸得好好，外皮好脆，食落似係即叫即整👍🏻 我哋兩個人一人半隻，爭啲唔夠分🤣