王家沙．花樣年華 (金朝陽中心) (已結業)

這裏新開第一次來食，裝潢很西式的而且很漂亮😍😍，感覺像在吃西餐的感覺😊😊。點了好幾款很想食的，有小籠包、生煎包、蘿蔔絲酥餅、上海擔擔麵、上海粗炒、還有一個高力豆沙。這裡坐得很舒適，而且食得很滿足，店員服務態度亦很好很周到。

見到花樣年華，想起那套戲，讓我認識Nat King Cole的沙士、沙士，及周璇有首花樣的年華歌，還有其它音樂。其實想來好久，但朋友來過說一般，就忘記，但今次我在銅鑼灣，想食上海菜，要有新意，我揀此處，在openrice看過環境，非上海菜館形式，帶點西式，跟該電影無些微關係。到達時，接待處擠滿人，怪不得15分鐘打電話確實訂枱。食物水準雖中規中矩，勝在賣相，碗碟顏色，枱燈纸巾，燈光，併湊視覺另一番吸引。生煎包$42，有汁，及格。薰蛋$48，灑少少淮盐在面，蛋黃的流心及煙薰程度不及中環蘇浙滬的流及深層煙薰。薰魚$72，用薄粉炸，加甜醬油撈，鯇魚肉實，一般，當然有腥味。蒜泥白肉$72，切長片，蒜辣汁另上，夠辣多油，我想yan多些，管家不盡，生蒼，肉欠肉甜味，肉薄，肥廋均勻。鮮雞湯陽春麵$48，湯清，不太咸，麵軟軟。杭式葱油伴麵$48，喜歡佢真係只有葱油，好多其他店要加蝦米，不喜歡；看似少，撈起就多，其用花生油（其實最好用猪油）炸葱，都香，撈埋少少醬油一齊食簡單就是美

今日同朋友慶祝生日，朋友鐘情於中菜，所以揀左黎位於燈籠街嘅王家沙，餐廳好闊落，裝修設計好時尚，好舒服，適合一班朋友眾會！我地叫左都幾多野食，好彩佢份量唔多(除左個飯)，大部分食物都有水準，小菜叫左醉雞，燻鴨，糖醋魚，xo醬蘿蔔糕，賽螃蟹，小籠包同素菜餃。小菜我最鐘意食醉雞，上菜嘅時候覺得佢細得過份，其實原來都唔少，酒味剛剛好，雞亦好滑！而糖醋魚有驚喜，我平時唔食魚都試左一舊，個汁真係好好味！小籠包皮薄餡靚，好多湯汁，正！而主食就叫左擔擔麵同炒飯。因為慶生特別叫左壽包，但同時又想食流心奶黃包，所以兩樣都叫左，奶黃包好味超流心，食嗰時真係小心辣嘴！特別推薦醉雞、糖醋魚、小籠包、擔擔麵、炒飯同奶黃包！

是日要比手信最好既朋友，所以約出黎食飯。叫左好多野食。。 。。。好滿足！蟲草花燉雞湯 - 已經係第二次飲。。因為勁好味，唔似有味精，又足料，燉湯黎講唔算貴~黃金軟殼蟹 - 好脆， 每個位都沾滿咸蛋黃， 食完一舊又一舊連豆都有咸蛋黃，條條都沾滿咸蛋黃，正蝦膠釀茄子 - 好似同出面食煎釀三寶差唔多咁，不過呢度係用蝦膠同埋有好多芝麻，令到佢好香口，有滿滿既蝦膠，都算足料。凍豆腐 - 沒太特別，如果再去食，我會想試其他。通菜 - 沒太特別，但一餐飯始終都要叫少少菜。。。。。最後，咸蛋黃軟殼蟹真係令我再三回味

銅鑼灣已經是一個我個人比較少去既地方因為依家係九龍番工, 不過為左就朋友就約銅鑼灣明明一早訂左, 都要等20分鐘最奇怪係入座安排Walkin既客人可以即刻入座但Book既客則要繼續等甘我做咩要訂位?!四喜烤麩 ($48) 擔擔麵 ($56)四喜烤麩曷平時食上海菜必食味道幾好擔擔麵少辣都幾辣但有花生香,唔錯蘇式鮮肉小籠包 ($48)即叫即整, 幾Juicy三絲粉皮 ($58)有點失望,三絲為青瓜, 火腿, 雞絲火腿有D搶走其他食材的味道口感味道亦不夾

王家沙之名配以「花樣年華」，以它的字體及室內設計來看，似想與王家衛的電影《花樣年華》拉上一點點關係，但個人則認為不大相似。室內環境舒適，可以慢慢坐。個人認為一些碎花佈置，紅綠交錯的配色，特別是青綠色的碗碟最有《花樣年華》的味道。小籠包，合符價格的水準，皮薄多汁。蒜泥白肉粉皮，醬汁是另上的，個人較喜歡醬汁直接在肉上拌好的，肉片肥瘦均勻，沒有油膩感。擔擔麵，合符水準，沒什麼特別。蕃茄萈菜，清淡解膩，但應該不算什麼上海菜式。總括而言，食物合符價格預期，個人認為餐廳的賣點在於環境舒適，想和朋友愜意用餐和享用中上水準的上海菜（不要預期有太大驚喜），這是一個選擇。

脆皮素鵝 ($62)裹面有多種蔬菜，紅蘿蔔雲耳等等腐皮煎至金黃色，焗到有煙燻味。而家已經無乜餐廳會煎炸再焗至有煙霧味，讚！雜菌松露天鵝酥 ($42)咬落好熱，證明即叫即做，食落有松露香，口感似竽角，唔會太油，推介！蘇式鮮肉小籠包 ($48)上到枱已經穿哂，漏哂湯了。椒鹽小黃魚 ($88)分量足，有三大條，呢個價錢算超值了。脆而不油，外層乾身，不失黃花魚的滑，再加上椒鹽同炸蒜，好快就清哂了。王家沙粢飯 ($38)暖身的痴飯加上香脆油炸鬼及肉鬆，就令到食咗一半先記得影相了。若果加上笮菜會更佳。杞子桂花榚 ($28)一行六人，感謝經理幫我地加底令到可以每人分到一件！食落唔太甜，加上淡淡的桂花香同杞子，適合老人家進食！豆沙鍋餅 ($48)香港餐廳平時嘅豆沙鍋餅一般都沒有加上芝麻，芝麻令王家沙嘅鍋餅更香口及令紅豆嘅膩減退！服務:無論樓面，經理都多次為我們斟茶，加上當日落大雨，經理都為我地遞上紙巾抺袋，又多次拖乾樓面，服務態度👍🏻

是日去銅鑼灣呢間王家沙花様年華食午餐，我哋7個人，點了好多嘢食鮮肉小籠包～叫了兩籠，皮簿，肉夠鲜加埋有湯汁鮮蝦特長煎餃~皮薄又有蝦肉，煎得又好味鍋貼🥟不過不失香葱咸薄餅～唔太咸又香😋菜肉雲吞~肉多過菜，但ok墨魚烤肉~有驚喜🦑彈牙、烤肉似扣肉夠淋酸菜桂魚~唔腥，小小辣，好開胃家鄉金腿炒飯～ok醬炒排骨年糕～醬多，甜，我覺得一般翡翠苗🌱~清清地，好嫩😚高力豆沙～正常豆沙鍋餅～皮脆香口桂花酒釀丸子～我哋叫咗兩碗，我冇食，因為太飽環境靚員工服務態度好，加茶又快埋單7個人合共1000 有找！（已計8折優惠）會再來，因為味道真的唔錯

好友外國返來聚餐，想食上海菜我諗起之前行過呢間王家沙裝修幾好就book咗檯食飯~叫咗好多菜式:個饅頭有花樣年華，蒸到熱熱地點煉奶都唔錯，朋友食咗兩個小籠包皮薄但唔易穿好多湯汁同難得湯汁唔油膩，餡唔算多但都唔係少，味道天然唔記得呢個係咩骨，酸酸甜甜好好味！賽旁蟹有水準我們encore多客炸八塊好食，外皮炸得好脆，雞肉唔錯可以再滑d同入味d~整體菜式水準都幾好，醺蛋同魚好好味~~~大家食得好滿意，服務超級好成日加茶，一定會再去

花樣年華比起其他王家沙不同之處係較西式，餐廳播著輕快的英語歌曲，酒杯替代了平常的茶杯，裝修也好華麗，牆上也貼了龍的畫像，整個感覺與別不同。待應們好有禮貌，沒有黑面，不停加茶，上菜時好小心翼翼地放上枱，沒有呯一聲的嘈音，與近來經常去的幾家上海菜，感受真的好好王家沙炒飯用了玉鬆蝦乾蝦仁粒等等炒，滿香口。紅油抄手抄手皮薄肉好大舊。整體來說，王家沙花樣年華的食物味道中規中矩，不過服務好一流，吃得好愉快啦。

從eatigo睇到有9折，又見成2000幾人book過，應該信得過，咁就book啦。佢同greyhound同一個入口，好彩門口個服務員都好有禮貌，指我地行入去先係王家沙。去比book嘅時間早咗20分鐘，侍應都比我地入座。先來個蟲草花燉雞湯，d蟲草好好好好味呀！係d雞肉un咗d, so far係勁好飲，同朋友飲到一滴不漏！素菜蒸餃都ok嘅，餡裡面d菜同菇好好味，咸得黎係開胃果種酸菜桂魚都勁正呀！係我最愛嘅薯粉呀，幼幼地ka, 正！d桂魚好好味好新鮮呀！個湯底好想飲埋去！賽螃蟹蒸餃，個透明皮好靚，但裡面少少硬，唔知係馬碲定乜。

收工約咗個auntie，大家咁啱都係銅鑼灣附近，就約係登龍街碰面順便食晚飯auntie提議食王家沙，一向喜歡滬菜既我就當然OK而且滬菜全部都細細碟，就算二人同行都仲可以點多少少款------涼菜---蒜泥肉皮粉皮------半肥瘦既白肉切得夠薄身，食多幾塊都唔會膩而且醬汁分開上，可因應個人喜好而點多啲汁或者少啲食到最尾都唔會因為啲肉或者粉皮浸住醬汁太耐而變得過濃味，係貼心安排對於唔太食辣既我嚟講，辣度足夠醬汁咸度適中，整體表現不錯------涼菜---滬式燻魚------即使係涼菜外皮仍然保持酥脆食到一塊魚腩部分，魚油香在口中爆發份量對於二人同行亦剛剛好唯獨美中不足係魚肉相當多骨------小菜---乾煸四季豆------四季豆炒得夠乾身，咬落都冇多餘水分口感爽爽脆脆而且配料不但有免治肉碎，仲加入乾蝦米相當惹味，好評------主菜---鮮肉小籠包------上枱時係熱辣辣冒煙，皮夠薄湯汁豐富而且充滿肉香係幾好既小籠包------主菜---嫩雞煨麵------呢度原來冇我鍾意食既黃魚煨麵，就唯有退而求其次選擇嫩雞煨麵上菜時麵明顯係太軟身而且發脹賣相已經唔多吸引，即使雞肉夠嫩亦冇辦法為碗

王家沙花樣年華同其他王家沙裝修好有分別，入口已經零舍不同，餐廳以紅色、黑色和金色做主調佈置，加上水泥牆，高樓底和寬大嘅落地玻璃窗口景，似一間西餐廳多過似一間傳統上海菜館，現場播放西方音樂，西式環境加中菜似乎係大勢所趨。呢度嘅食物同裝修一樣，都係傳統京川滬菜再包裝得好特色，食物分量一卻太「的骰」！服務方面相當殷勤，亦時常幫我哋斟茶。餐廳做嘅蒜泥白肉粉皮、紅油抄手和醬炒排骨年糕嘅豉油醬汁做得相當惹味，似乎豉油做汁係呢度嘅拿手好戲。如果你係5:30之後入座，餐廳嘅燈光會調暗，變成燭光晚餐，適合情侶撐枱腳。

今日黎到銅鑼灣搵食，見到呢間王家沙好有風味同平時商場嘅裝修都不同，係一啲高級餐廳嘅擺設，燈色都暗有一種浪漫嘅感覺，咁就一於去試下。今次叫左好多嘢食，紅油炒手　好香辣油味，但食落就唔係好辣。花雕醉雞   好香花雕味，食完個喉嚨有點熱，對我地唔飲酒嘅人黎講都能品嚐酒香佳肴。佢地仲用咁特色嘅酒埕去裝，好有風味。蟹粉炒年糕 年糕好煙韌， 蟹粉蟹黄味十分香濃， 食落又唔太漏，值得一試。蕃茄節瓜魚湯　食完之前較濃味嘅菜，飲個清魚湯可以中和一下，個湯飲到一滴都無哈哈。蟹粉小籠包 一口可以咬得哂，皮薄涵靚，湯汁充滿口腔裏面，蟹粉香味爆哂出黎！

今次已經係第二次黎喇因為上次黎嘅感覺好好 所以今次就帶屋企人黎試喇首先最抵讚嘅係服務，所有員工都好有禮貌👍👍如果見到你掛左件衫喺張櫈度，就即刻拎個椅套蓋住件衫👍另外就算無叫 都經常主動加茶水👍餐廳好寬闊 坐得好舒服餐具都好精緻😍食物質素都唔錯前菜叫左三絲粉皮 同 蔥油餅 葱油餅份量比預期中多啊，每人都食到兩塊😋鍋貼份量都好足 三隻都勁大隻主菜就叫左湯麵同炒年糕，呢兩樣就普通啦，無咩特別 甜品方面 就叫左奶黃包同高力豆沙唔知佢地係咪佢地見我地係四個人 所以籠奶黃包整左四個俾我地（因為我見其他post 一籠入面得三個😅當然三個嘅話 就每個會大件d 嘅）如果係嘅話，就更加要稱讚佢地好貼心😍（其實本來仲有叫小籠包，但唔知點解upload 唔到上黎😅）呢間餐廳 我絕對會再幫襯雖然價錢稱唔上好經濟實惠但環境同服務質素 絕對值回票價👍👍👍