王家沙．花樣年華 (金朝陽中心) (已結業)

星期五晚放工之後約左朋友去銅鑼灣shopping, 諗住shopping前食D野，朋友提議不如去王家沙，估唔到星期五晚冇book枱，唔駛等就有位。呢度嘅裝修都好trendy,環境都好舒服，服務質素亦都十分之好，侍應會不停為你加水。見到雜菌松露天鵝酥個樣咁得意，就 order 咗嚟試吓，可惜比我想像中冇咁好食，天鵝條頸偏硬，完全冇乜鬆脆嘅感覺。除左碟腸粉油左少少之外，整體食物質素算是不錯，價錢亦都算是合理。

#王家沙大家食得多 銅鑼灣呢間#王家沙花樣年華 食高檔路線食埋裝修 座位闊落冇限時 不過野食就.....😅Part 1 前菜篇#醉嘉美雞 $88 用個酒酲上 雖然細細個但入面都好多舊 酒味濃 肉質唔鞋 唔錯#無錫脆鱔 $88 呢個好好味 脆鱔炸得好香口 連埋甜甜既醬汁好開胃 忍唔住啖接一啖 不過咁少份量黎講定價太進取#陳醋海蜇頭 $78 呢味餸始終係尖東九龍富豪酒店富豪軒 最好食 沒有之一#糖心燻蛋 $36 魯過既蛋蛋黃係流心狀 上面有啲胡椒粉 幾好食 賣相都精緻#陳醋木耳 $48 木耳爽脆 正正常常啦#四喜烤麩 $48 醬汁調得幾好 軟綿綿口感唔錯Part 2 主食篇#雜菌松露天鵝酥 $42 呢個其實有啲似舊式酒樓既炸芋角 不過入面係黑松露 松露味係有既 一咬開俾熱辣辣既煙呃左 原來個外皮超。級。硬！刀都拮唔入 完全冇酥脆既口感 dor對新鮮出爐既野不嬲都好有allowance 但呢個真心唔掂 臨走見到隔離枱淨係食哂入面 成個殼冇食 失望#松子鱸魚 $198 條魚好細條 炸到連魚肉都消失埋 每一啖都只係食到炸粉 又係硬既 $198喎su唔sure!??#蘇式鮮肉小籠包 $48 都皮薄

今日放工約咗媽媽去食下午茶，訂了3；30pm王家沙（銅鑼灣）環境好大，地方都方便舒服。設計好靚好型好有中國式感覺！開放式廚房！我們選擇了3個點心一個飯。好豐富滿足的下午茶！上海炒腸粉：見餐牌有推介,所以選擇試一試。 賣相好靚，有微微辣味，有芽菜、紅綠椒，口感野味、好香，但都有少少油！蘿蔔絲酥：好大隻，有3隻，好靚的蘿蔔型上碟！酥好香，不會太厚；蘿蔔絲滿滿的，內中有少少芹菜及肉碎，有少少破壞了蘿蔔的清甜度！雜菇松露天鵝酥：又係美麗可愛得舒不得吃，入面有好濃的松露味道，有芋頭紅蘿蔔雜菇，口感一流！好味道！薰魚菜飯：我們喜歡魚，這個飯唔太油，菜粒可以多一點；魚香有口感，不過骨多了點

今天和朋友吃了早晚餐，我們早 訂位有優惠所以早點吃也沒關係，當作可以早點去逛街。餐廳空間很大，枱與枱間隔開一定的距離私人度還不錯，而且燈光柔和還挺舒服。我們點了4道菜一道甜點，吃得有點多先上口水雞雞雪得有點硬，不咸不辣，像點了醬的白切雞賽旁蟹用了靚温泉蛋，有誠意。王家沙招牌話梅骨，酸酸甜甜很開胃，不知不覺間吃了很多，今天最好吃的菜。小小塊的排骨很方便。椒絲腐乳通菜竟然有道大排檔菜式，不太咸，普通的炒菜高力豆沙不很甜，不太有蛋香的麵團基本的菜式不咸不甜是還好吧，話梅骨挽回分數環境是不錯服務也不錯，不停加水收碟

最近幾個朋友不約而同推薦呢間花樣年華，適逢約了好姊妹食聚，一於試試先！餐廳裝修走時尚路線，有別於一般的王家沙。每檯之間有一定的空間，令客人沒有侷促感，讚！餐牌的種類尚算多元化1. 醉嘉美雞 $88點醉雞基是指定動作。醉雞用「酒埕」送上來，的的式式。不過份量比想像中細，而且味道淡淡的，雞肉也似是冰鮮的。確實有點失望！2. 麻醬伴蕃茄 $36把蕃茄切片再把麻醬淋在面，沒有難度可言。這個價錢連一個蕃茄都沒有略嫌偏貴。 建議可在賣相著手，增加客人的食慾。3. 雜菌松露天鵝酥 $42這個賣相很吸晴！ 酥皮造得很鬆脆，上檯時點心還是暖暖的， 松露味濃，不錯！4. 翡翠苗 $78菜苗幼嫩爽口， 火喉剛好不會過老， 加上魚湯味道不錯。5. 雪菜肉絲炒年糕 $78這碟份量最大，雪菜肉絲味道濃，加上煙煙靱靭的年糕把味道中和一下。略提一下，洗手間只有兩個，還要和隔鄰的餐廳共用確是有點不便。 不過用餐區環境舒適，地方寬敞，是一個不錯的聚腳吹水地方。

王家沙充滿中學記憶，細個無咩錢出街約朋友食飯，晚餐會來食個簡單晚餐咖喱飯。大個咗有更多嘅選擇嘅時候，漸漸就會忘記簡單既幸福，今晚遇上久違嘅你，原來已經變得唔再似以前嘅純樸，歲月洗禮後走上型格路線。醉嘉美雞＄88🐔用上迷你酒酲，大到呢！個size有點失望，雞肉滑嫩，酒香香濃，呢隻醉雞真係令我哋醉啦三絲粉皮＄56第二道迷你菜式，呢個價錢就不太值得，分量太小，味道方面芝麻醬配上粉皮味道相當夾，係好食嘅。蘇式鮮肉小籠包$58本身係得五件，侍應見我哋有六個人，提議我哋可以加多一隻，皮薄多汁，沾上紅醋，一口放進去，肉汁爆開，湯汁清甜而不油膩，前後點左兩籠👍🏼👍🏼👍🏼鮮肉生煎包＄42生煎包當然係趁熱食最好味包底煎好脆，包身略嫌厚身，肉嘅份量都不是太多王家沙炒飯＄78飯底夠乾身，唔會太油，炒到飯粒上晒色，入面既配料豐富，有肉松，松子，口感不錯椒鹽排骨＄88分量依舊「的式」，每件都大舊，，但味道得一個字「咸」，食一舊便夠。

皆因早前喺Midtown用某信用咭消費獲贈左$150嘅coupon，故週末同屋企人第一次黎呢間王家沙食lunch，點知無論格局定食物都比想像中好太多！王家沙位於一樓全層，大到呢好開揚，雖然係食上海菜，但裝潢都好摩登，揉合左中西設計！樓底高，雖則好多枱亦唔會覺得焗促，好有壓迫感，相反，好有空間感至真！Zoom埋啲會見到窗附近掛住大大隻招牌，但我其實唔知同花樣年華有咩關係...黎到食物方面，醉雞，雞係嘉美雞，好重酒味，賣相同味道都不賴！到點心，全部新鮮滾熱辣，應記一功！蘿蔔絲蘇餅正！三件件件比平時食嘅大舊d！足料！反而生剪包包皮就過厚，入面嘅肉得細細舊！呢個梨造型嘅係咸水角，其實同一般咸水角係冇分別。本人至愛呢個年糕，好夠濃味，配排骨正！年糕夠咬口，必試！

諗食乜真係諗到頭都大，又唔要熱氣，唔煎炸，西餐又話唔好，酒樓又話悶，好在俾我地搵到呢間食上海野。前菜叫左呢個醉嘉美雞$88平時嘉美雞都唔平，諗住$88唔會有太多，食落又ok, 份量唔少，三個人食每人都食到5-6件架，當然唔係好大件啦，不過以無骨又滑嘟嘟黎講，加上少少酒味唔太濃，我覺得好好味小籠包，一上放左1-2分鐘就食，好好味個皮唔算好薄，但又唔叫厚，好實正，我夾起後唔小心跌返落個籠心諗爆硬點知無事裡面好多湯，成隻放入口熱辣辣好好味。三個人得5隻唔夠喉要encore食多籠呢個蟹籽豆腐又係無期望的覺得好味味道估唔到清清地，主要的調味來自面頭的蟹籽，唔太咸，唔錯唔錯通菜正路，so far so good另外叫左擔擔麵，無影相另外本身叫左松子鱸魚，晌漏單的清況下，我地又飽飽哋，所以cancel左，留返下次再試啦

我12人食晚飯， 訂咗位， 星期六都唔爆，只有七成左右客人， 我叫咗食物如下:1. 糖心燻蛋 - 唔錯2. 滬式燻魚 - 好多細骨3. 蒜泥白肉粉皮 - 可能我比較食得辣， 我覺得個汁唔夠辣4. 素菜蒸餃 - 普通5. 紅油抄手 - 普通6. 蟹粉小籠包 - 皮簿汁多， 但冇乜蟹粉味7. 酸辣湯 - 酸味比較重8. 京式炸醬麵 - 普通9. 鍋仔梅菜扣肉飯 - 幾好味唔會太鹹，有飯焦10. 脆皮茶皇雞 - 幾好味， 但唔夠茶味，似炸子雞多啲11. 螞蟻上樹 - 幾好味，抄得夠乾身12. 蔥爆牛肉 - 普通，牛肉分量比較少13. 黃金蝦 - 普通14. 松子鱸魚 - 唔錯15. 清炒翡翠苗 - 普通16. 賽螃蟹 - 幾好味17. 脆皮素鵝 - 普通18. 杞子蓮花糕 - 味道較淡19. 香蕉高力豆沙 - 算ok20. 豆沙鍋餅 - 網友推介菜式，幾好味茶水每位$8，小食(花生)比左三碟，每碟$10，12人食飯，埋單$2233

重新裝修過後的登龍街，在商廈臨立的銅鑼灣別有一番景象。今次來試試王家沙花樣年華，新潮的紅黑配色，裝潢摩登又時尚，確實吸睛！中式的滬菜結合了創新的設計成為既摩登又新潮的上海菜，當然吸引我地呢d年輕人的青睞。前菜糖心蛋，煙薰味道夠香，蛋亦夠滑陳醋海蜇頭，海蜇夠爽口，酸酸甜甜陳醋汁十分開胃小籠包皮薄多汁，不俗煎餃香脆可口，但餡料就一般上海排骨炒年糕略嫌醬汁太多，太咸，味道亦不見突出茶葉雞皮脆肉嫩，又夠香口，值得推介既然食得上海菜怎少得了上海甜點呢！必點豆沙鍋餅，甜度剛剛好香蕉高力豆沙，偏甜了點，吃多有點漏！整體來說菜色不俗又多選擇，下次想食上海菜值得一試！

之前我地兩公婆已經試過呢間位於銅鑼灣金潮陽中心二期嘅王家沙花樣年華, 但因為得兩個人試得唔多野🙈 一直想搵機會再試, 適逢外父牛一, 一於同外父外母4個人去叫多d, 食多d😋金朝陽中心二期都唔係開張好耐, 加上王家沙花樣年華嘅裝修好有格調, 環境認真唔錯👍流心包好流心, 不過真係要小心燙口😶必點甜品😍😍😍鮑魚飯鮑魚大大隻, 飯入面都有鮑粒👍👍👍普通小籠包, 都好味蟹粉小籠包相比下好味好多, 蟹味十足😋呢個唔夠辣🙈老婆最愛呢個, 豬肉同魷魚都好入味😋普通

選址在前身是James Oliver 餐廳的金朝陽中心，加上王家衛電影花樣年華的名字，此間王家沙一直給我吸引但價錢高檔的感覺，這天襯是母親節，又在附近有活動便前來一試～餐廳裝修型格而且不用等位，接待的侍者見小儀肚中有little baby立刻安排沙化位置，而且態度有禮，感覺已不俗～看餐牌價錢也與一般上海菜館差不多或只是略貴，以此地段和裝修來說，定價合理～滷水牛展擔擔麵$58: 8.5/10雖然牛展份量不多但味道不俗，入口厚薄適中，口感柔軟有肉味；擔擔麵滑身有咬口，湯底也是濃淡適中，有花生香味而不會過俗，微辣且蔥花帶有新鮮蔥香桔仔造型流心奶皇包$38: 9.5/10因造型可愛而點選，味道卻十分對板，不單止流心度爆燈，包皮鬆軟熱度夠，有蛋黃香又不太甜，其實小儀本身不喜歡奶皇包，這個卻吃得很滿意鮮肉小籠包$58: 9/10應算是小儀吃過數一數二最好味的，皮薄得來有咬口，不會漏湯，還帶些甜味，內裏的湯汁清甜不俗，肉味鮮嫩口感軟滑，讓人有一吃再吃的衝動～嫩雞燴面$58: 7/10相對失色的一道，其實湯底丶麵質和菜也不俗，只是最初小儀找不到雞絲向侍者反映，他補回一小份雞肉，卻是沒什麼味道的雞丁粒，

呢排屋企好鍾意黎呢間新餐廳食飯 因為有大人鍾意嘅中式食物 又有年輕一輩鍾意嘅潮流元素.仲記得第一次光顧果陣 美麗嘅裝潢真係好吸引 即有中式典雅嘅味道 又不失時尚.隨左睇得 呢間上海菜食物質素亦唔錯.牛展擔擔麵 58蚊擔擔麵可以叫唔辣 啱曬唔鍾意刺激食物嘅朋友 花生醬味道好香 薄薄嘅牛戰係另上嘅 鹵水汁係好味不過如果放落湯就好似比湯底嘅味道蓋過 麵線偏淋身.滬式燻三文魚 68蚊即炸熱辣辣 炸至內外鬆脆 好似傳統上海前菜五香燻魚果種味道 不過由原本鯇魚變成三文魚 點知三文魚嘅油香同甜甜嘅醬汁又好襯 好鍾意呢道fusion菜.魚湯菜心 68蚊要健康菜必不可少 呢碟菜量唔少 魚湯好味道 清清地可以中和下.雜菌松露天鵝酥 42蚊顧名思義 呢個點心個樣真係幾似天鵝 討女孩子歡心 入面好多菇 松露味好香濃 係新穎特別嘅炸物 仲好鬆脆.上海鮮蝦炸餛吞 42蚊同天鵝酥一樣 炸得幾好 個皮好脆仲有餘溫 入面料都足不過就唔算特別

今日相約朋友食lunch, 好耐無食過上海野。呢度地方好大，人流唔多，坐得好舒服👍🏻傾計一流又無人趕😍侍應不停會幫你加茶。首先黎個三絲粉皮，份量都幾細。但係個麻醬真係好濃郁同較杰身d，好好味。小籠包皮薄多汁，唔錯啊粢飯，個饀好好味，有炸菜肉鬆，但無油炸鬼，不過入面有d 好脆口既野，唔知咩黎脆卜卜😙不過飯略嫌太多了擔擔面都好好味，唔會太辣，但花生味可以再濃d王家沙炒飯真係好食推介，飯夠乾身，入邊有肉鬆，松子，蝦仁，蝦米，咸蛋粒，味道好豐富有層次☺️正👍🏻最後食埋個流沙包，飽到頂上心口，夠晒流沙，非常好

耳熟能詳的店舖，在客人心中，無論價錢，或食品種類，似乎都已經有一定的固有想法，但有時候，如果再加一點創意，還是可以有所突破。午飯時候，並不太肚餓，只點了幾樣比較輕盈的食物，但已覺和之前所去過的王加沙有所不同。芋蓉，天鵝外型作點綴，十分細緻，而且餡料多又不蓋竽蓉的軟綿口感。本來還想點另外一個梨子狀的鹹水角點心，但還是決定留待下一次再來。醉雞，放在好像酒酲一樣的器皿内， 但裏邊份量依然十足，再細看一下，醉雞的脂肪都被浸透至透明，似乎花上在浸泡的時間比平時的王加沙為多， 但酒味不會過濃， 雞肉依然嫩滑。我們還點了牛肉麵，肉質，剛剛好，不太韌 但有嚼口。