珍寶王國 (已結業)

若你到南區一遊，我想珍寶海鮮舫是值得一到的，因世界上可能沒有任何地方有相近規模的海鮮舫。當然，晚飯時段消費不會太低，但中午在此海上龍宫喝茶吃點心，就大部分人也可負擔得起。乘中式古雅專船從香港仔或深灣到珍寶本身就是一種體驗，不一會，你會見到及讚嘆矗立在海中央的瑰麗輝煌的龍宫，拾級而上，你會欣賞到仿宮廷的裝修及巨形壁畫，到達三樓金鑾殿就是飲茶的地方。這兒在星期天特別熱鬧，有即製小食攤位，煎薄餅，煎魚肉尖椒，豬腳薑醋，牛什煲，豬紅韮菜，咸菜豬肚湯，鮑汁雞腳等等，故上桌時特別夠熱夠香，又有極罕見的點心車仔在你的身邊遊走，看到想吃的，便隨心而叫。墨西哥叉燒包，表皮乾身，略嫌中心餡料不夠熱和濕潤，見到叉燒粒，味道尚可。蝦餃皇頗碩大，蝦仁大只，肉質爽脆度仍有待提升。蜆蚧鯪魚球就有驚喜，魚肉鮮甜彈牙，不比羅富記遜色。牛肉腸粉足料味鮮，腸粉皮則略厚，不夠滑，但富米香。牛仔骨份量也不少，肋骨肉比例算高，不會只有肥膏，黑椒香辣惹味，不耆辣者也能品嚐。最精彩的是牛什煲，外面街邊小食舖，二十元也可能得一小碗，但這兒份量極多，而且包羅萬有，牛肚，牛筋，牛蒡，牛腩，牛腸，牛肺及蘿蔔，入味香濃，跟潮式辣椒油簡直是絕配

細細個聽到<珍寶王國> <珍寶海鮮舫>，印象中一直都未去過。每次都只是遠望呢隻"船"。某日，男友問:你去過珍寶王國未? 未呀 (吓? 未去過?)(好! 我地而家就去!)珍寶王國有免費接駁小輪往返香港仔碼頭同深灣碼頭一上船就FEEL到自己變左一個遊客~哈哈~好似去左旅行咁嘩!大鄉里既我一落船既第一反應: 嘩~好金碧輝煌呀原來上網睇下資料，珍寶王國由珍寶海鮮舫及太白海鮮舫組成，周星馳食神就係呢到拍攝，亦有世界上最大的海上食府之稱。裝修是傳統中國皇宮特色除了點心同中菜海鮮外，亦分了不同場合既宴會廳。今次我地去左金鑾殿食點心。好怕餐廳成為遊客區，食物質素會變。但試過後點心水準不錯，價錢亦都合理。雖然在場有不少遊客和旅行團，但兩個人坐得夠鬆動，食物上枱都快。走前不坊到大廳中間坐一坐皇帝椅，扮一扮皇帝

If you're coming here, you're probably a tourist, or someone like me who lives here but is committed to during all the touristy things. I was finally motivated to come here after "Hong Kong Island Magazine" (don't ask) compared it to Haw Par Village, which I had the pleasure of seeing when I was in Singapore recently. Unfortunately, it's got none of the earnest charm of Haw Par, but it is tacky as all get-out, so there you go.Do make sure to figure out exactly where you're going and how you're g

陽光普照的星期天, 沒有遊船河的邀請, 倒是周圍逛逛, 也可以在船上用餐, 由碼頭坐著珍寶的船, 吹著海風不消10分鐘就到珍寶王國, 環境更是一流的舒適, 很富中國的色彩, 可能已經2時多, 室內用餐的人不多, 反而很多顧客選擇坐在室外 原以為是專門為外國人而設的鬼佬點心, 但一試就覺得都是用心做的點心, 提供的點心選擇並不多, 但都在水準之上,豉汁鳳爪, 很鬆化入味香芒海鮮春卷, 新鮮脆炸, 有juicy芒果肉, 酸甜可口鮮蝦腸粉, 皮薄, 但餡料略少蜜汁叉燒飽, 一般酒樓的水準, 不是很突出, 但面對著環境優美, 服務也很周到, 假期多了一個好去處

記得細細個跟住屋企人去海鮮舫飲茶和晚飯通常都係有飲宴或跟外地回來的親戚見面才會去，每次去都必定在龍鳳大禮堂和龍椅上拍照，係童年回憶既一部份。隨住年紀大左，新既地標多左，都忘記左香港僅存其中一間特色食店。八號風球和七一的影響，兩天都躲在家裡，適逢公眾假期兼陽光普照，決定跟太陽伯伯見個面。想找個好地方食個午餐後再入赤柱逛逛，路經南區忽然想起呢個地標，立即決定到海鮮舫飲茶。把車停泊於附近停車場，凡惠顧可享兩小時免費泊車。(停車場外檣有珍寶標誌, 旁邊有樓梯落去碼頭） 有兩個碼頭可往海鮮舫，一個位於深灣遊艇會旁，另一個位於香港仔海旁，費用全免。小船和碼頭設計和佈置都富有中國色彩，手工精巧。難怪可吸引世界各地遊客光臨。因未有訂位，只好耐心等候，期間見很多旅行團來吃團體餐，酒樓也特別預留一邊位置做團餐。另一邊做散客，也有大型大牌檔提供多款小食讓客人揀選，現今很難得搵倒這樣大型兼款式多元化既酒樓大排檔了。二人叫了六款點心醫肚，很開心除左X X 皇宮外，這裡也能找到點心車，而且款式很多，有傳統懷舊也有新式點心。六款點心包括: 灌湯餃、蒸魚雲、千層糕、鮮蝦粉果、花雕蒸雞和煙鴨胸酥等等。下次一定再和親朋戚

一向都覺得珍寶王國係遊客食店，又貴又唔好食。難得我這新界人出省，所以就去試一試。呢度啲蝦餃好大隻，啲蝦好彈牙。我覺得佢既肉絲炒麵最正，啲麵脆卜卜，個汁唔會大杰，味道啱啱好可惜係佢地既奶黃包無得揀流心，但好香奶味其他點心都足料個帶子腸粉就淡味左少少。總括嚟講，呢度俾我想像中好，以呢度的環境及食物質素，價錢都算合理，下次有朋友嚟香港玩都可以介紹佢地

我嘅好友back to hk ，已經plan好去jumbo gathering~~我哋到咗JUMBO附近見好多旅遊巴泊係度，心想會否有旅行團包場呢.....不過見好多遊客係食完上旅遊巴，原本係去頂層TOP DECK，當我哋去到JUMBO等船位時，見到個燈箱位寫住(TOP DECK CLOSE TODAY).........呢個時候只好去到睇下1/F(龍軒) 定係選擇之前去過嘅2/F JUMBO........船到...見到有KOREA&CHINA 遊客(旅行團)，比上次嚟個次嘅外國ENGLEND&AMERICA.......自由行.....有所不同....當到達jumbo kingdom~~~同以往一樣有一位女侍應接待，我哋表示想去1/F睇下.....之後就乘電梯去1/F......係門口....亦有女接待員，我哋表示看看餐牌，但呢位接待員沒指示，我見餐牌係接待員後面枱上，便自己行去後面囉餐牌睇，當睇完餐牌(ok) fusion菜，見到入面個環境都ok...有點中西合壁.....裡面嘅男侍應生見我嘅望望下，便上前接待朋友表示想睇下周圍環境～^^熱情介紹GOOD SERVICE~~~10

在南區讀了很多年書,卻一次也沒有來過珍寶總覺得遺憾,總被夜晚那燈火通明的情景吸引因此終於決定要來吃一頓,用了母親節作理由明知會被人劏的,也明知劏得不合理點了精選4人海鮮餐,乳豬,啤酒罐,汽水真的是很難吃,所有菜都是沒有味道的,尤其是西芹而且D殼係完全冇清除乾淨,無論係飲緊粟米蟹肉湯定係西蘭花炒帶子都有好多虾殼或者蟹殼我唔食甜品的,但家人說全晚最好食的是個甜品環境其實都係一般,真係為左過癮先好黎黎一次就夠了,咁既價錢,咁既質素呢度真係做遊客生意算吧啦

都係新年先會去食.因為貴ma, 雖然算係高質素坐一程ship就去到去到叫左燒賣,,,必食豬腸粉, 肉絲炒面....真係唔錯水準一直都keep 到,如果大家去,. 記得坐近window 位.食境, 都值回票價我三個人去, $222.2 落樓~~^^無影太多相, 唔想甘鄉下~同埋都有泊車優惠

細佬考到車牌剛剛買了部7人車, 一早打來吵醒叫去香港仔飲茶, 要操下手車喔, 見其興致勃勃又不想掃興不愿起床都要爬起來, 天氣開始有點轉涼, 部5萬蚊stream 大大P字前面一個後面一個, 以新牌子來講手車技術算是不錯, 就是過綫我坐在中間排座位都有點擔心, 想想十幾年前我也差不多, 還好只是兜錯了一點點路很順利落到深灣遊艇會停車場, 這珍寶王國我還是第一次來, 一看格局就是招待遊客的, 中午時間可能周日也不少同胞遊客, 不想到三樓去等位, 我們直接進了二樓的貴賓室飲茶, 環境非常清靜, 摆設及侍應都很有水準, 和外面酒樓有天壤之別, 點心也很精致, 我們叫了六個點心一碟油菜一個炒飯, 菜沒什麼特別, 飯也沒什麼特別但價格好貴要成190大元一碟飯, 點心就很實惠, 幾乎都在30多的價位, 個人覺得還是很不錯的, 紫菜墨魚餅很爽口彈牙, 很香墨魚味, 問侍應(幾靚仔很有酒店boy feel)有無甜醬汁很殷勤的拿上來, 好味; 蟹籽篜燒賣是豬肉和魚肉攪混做成的吃落有點普通, 蟹籽不像坊間的細粒像是魚子, 雖然很香但沒有了脆卜卜的感覺有點失色; 鵝肝批很特別, 批皮焗到金黃色很脆咬落有幾層

上年見網友在這裏影相好似裝修好靚，今年報了個煙花團指明到這裏很晚飯。入到去諗住叫兩杯橙汁，點知放到枱面，然後放底張單話要收$33一杯，洗唔洗咁樣老屈? 係咪應該之前講明收錢，仲以為自己返左大陸添。貴都唔緊要，但唔好飲先覺得激氣，兩杯都是用爛橙渣的橙汁。成枱的食物質數屬低下，未食過一間酒樓咁難食，蝦同肉排都超咸，發覺全層十幾枱人有大部份都食剩好多餸，勁浪費!

帶個客遊淺水灣順便應其要求到珍寶船舫飲茶, 少到香港島開車兜了幾個灣才到深灣遊艇會停車場, 怕周日人多預先訂位直接到了2樓, 光綫很暗, 一看菜牌叫餸吃飯勁貴, 最便一個炒菜或一個炒飯最少都要190大元 , 兩個人點了5個點心, 上碟都很精致:豉汁蒸鳳爪 - 鳳爪燜得夠火喉很入味, 不太咸, 好吃北菰棉花雞 - 東菰很大塊啖啖鮮味, 魚肚煮得夠入味, 菘菘軟軟味道適中, 不錯帶子腸粉 - 帶子不是新鮮帶子有點失望, 腸粉很滑, ok紫菜墨魚餅 - 墨魚落得不夠多, 吃落像煎普通魚餅.奶黃包 - 外表和出邊酒樓無分別, 麵皮咬落有彈性, 里面的奶黃勁滑, 少少甜, 少少汁, 淡淡鮮奶味, 朋友勁贊有水準.走時發現3樓勁多人等位, 才知原來2樓係vip層收費比3樓貴很多.

　　多年相識的朋友早前於彼邦註冊，回港後到這裡大擺數十筵席。記憶中早年曾於這裡午餐用膳，點心類的質素不遜色，不知筵席的質素如何。主人家敬奉數十箱紅酒、啤酒，恐怕各人不能盡與而回。乳豬全體，附有薄包、醬汁一併享用，燒得薄脆而肉嫩，肥與肉的比例是三七之比，調味恰當，不俗；翡翠玉鴛鴦、炸蟹鉗、大蝦、鮑片的烹調功夫不俗，調味方面恰到好處，蒸青班魚的時間剛好，肉質嫩滑。近年很多喜宴如主人家般，將魚翅改至其他配料，值得加許，其餘的菜餚如飯麵類、甜品類還不俗。　　一群惡魔還未吃至炸龍崗雞時，已經舉杯暢飲，祝願一對新人快樂，也祝願眾人快樂。不過回程坐船時覺得有點不適，Did I get drunk?

http://hk.myblog.yahoo.com/naodai09/article?mid=239珍寶海鮮很久沒去香港仔，上星期六一家人去了珍寶海鮮舫，中午碼頭已經有五六十旅客，當然是我們的中國同胞，也有很多人在等小艇去觀光。三樓大廳太多人等位，去了二樓貴賓廳，等了五分鐘就有位，叫了幾個點心，沒有叫小菜或炒飯，因為太貴了，炒飯最低也兩百多，不值。點心真的做的不好味，只有飽類是比較好，可以一試，但是茶是蠻香的。另外，還是不要去貴賓廳，又貴又沒有海景。

細細個珍寶「陪著」我長大,隨著時代變遷,部份模式已轉型。NN年的今天重臨,確實不少片段空湧而至!未夠1:00,三樓的「大廳」需輪候一個鐘,唯有落二樓「龍軒」,不用等。「龍軒」空間闊落；枱上有轉盤；中國風味的餐具盛盤,實在太for遊客了。老實說,撇除價錢,我也寧願到三樓,回味惜日風味.......。Anyway點心好快到。跟序:-雷沙湯圓,好細粒,真係好湯圓口感(非軟de de的大粒雷沙糯米糍),芝麻餡不夠麻香,味道一般。-鮮蝦腐皮卷,平時食,只有蝦,同腐皮,但這個仲有蝦汁鎖著,好juicy!-干炒牛河,menu上廚師推介。炒得算乾身,好有鑊氣,但牛肉無乜牛味。-松茸雜菌粉果,餡唔夠多,所以被澄麵皮味搶左。其實個餡幾重松茸味架!-帶子腸粉,腸粉都係屬厚粉類。但帶子幾大粒吓!仲係鮮帶子,好甜呢!-山竹牛肉,無乜特別。-蛋黃雞包仔,皮厚,好多咸蛋黃,肉餡少,試唔真。-流沙奶黃包,唔流心,但好多咸蛋黃/咸蛋沙。皮唔鬆軟。如果包,可以俾番個籠佢,少少保溫,咪更有風味!改革後,以為價格高不可高攀。最後平均價又ok噃,而且大家仲夠飽架!p.s.茶位@$12