用心廚房 (已結業)

這只是我個人單次的飲食經驗。 在網上看到多人在用心廚房的不快經歷，自己在訂位時亦遇到不少的困難，可說是一肚氣，但透過團購網的幫助，終於找到負責人，還可安排在到期日後的晚上享用那填鴨早餐，道歉的誠意是在的，但還有點憂慮，怕食物不夠水準，不夠份量.....到涉遲了十五分鐘，葉經理的電話已到，我們被安排在門口的卡位就坐。 旁邊就是自助食品區，只有炸雞軟骨和蒜茸青瓜，雞軟骨有孜然香味，青瓜亦恰到好處，算是一個好的開始。接下來是填鴨，鴨片比較少，不太夠配京葱、薄餅，且並不是新鮮烤製的；小籠包皮較厚，肉汁較小，只算合格；咕噜肉味道適中，有鑊氣,肥肉多了一點； 川辣翠肉瓜炒猪肉的肉質應屬“肉青”之類，爽口彈牙，味道又是對版，可見廚師的炒菜功力不差； 可借那碗粟米羹太重漿粉了，又何來是京式羹？！侍應態度友好，葉經理還送上九折咭一張，雖然我未必再光顧，但這份誠意我是接受的。 因不想影响其評分，我這次不打分了，大家接受與否請自行決定吧!

上個星期同老婆和幾個朋友去SOGO感謝週買野,行完就過左去金百利吃野,去到老婆話想吃中餐,緊就去左呢間用心廚房.一坐底四個人叫左五個送.首先講講個黃金蝦-炸得剛剛好,蝦肉十分彈牙,蛋黃味香.櫻花蝦炒飯-口感不錯,飯粒炒得少油爽身,叉燒粒味香.胡椒雞煲雞肉-雞肉十分嫩口也充分地吸收了胡椒,洋蔥,蒜等配料的香,味道十分濃鬱芥末牛柳粒-這道菜味道就平平, 芥末醬可能太多,不過牛柳就大大粒!最後叫多左個菜,開左一支紅酒.吃完大家都覺得味道不錯,座位同環境都幾舒服(之後上網睇返食評,好彩當日老細招呼尚算周道)

勁怒！怒氣難消！本人從未寫过食評,但惠顧过用心廚房後,不惜花費自己的時間,也要讓大家知道这間食店的悪行,記得不要幫襯,以免後悔！食午歺撹到要報警！本人買了Bee Crazy 的团購,打了多天电話才有人接听。今天惠顧時,一名年青伙計幫我们落单,叫我們选食物,我们选了食物後年青伙計叫我们选湯,我們問他説选湯不用加錢嗎？因看到歺牌上寫了选湯要加35元,年青伙計説我們買了團購,不用加錢,於是我們便点了湯。过了一會我們仍是放心不下,於是又再召來年青伙計,問他説：要湯真的不用加錢嗎？伙計再重覆説,是団購不用加錢。午歺後我們召一名貌似经理的埋單,他説団購不用埋单。我們去到电梯口,那名经理追出來,説要收35元湯費,我們説已問过伙計,是他説不用錢,我們才选湯的。在旁的伙計也承認是他説不用加錢的,经理説他不理会自己的伙計説了什麽,縂之飲了湯便要给錢,還瞪眼呼喝説：不给錢就是吃覇王歺,他要報警。我们説不是不願给錢,但你的態度有問題,你要報警隨便你。结果他真的致电報警,警察來到,听了整个故事,問了年青伙計的口供,再加上旁边其他食客作証,也覺得是該经理不对,但該经理死不認錯,警察叫我們先付那35元,之後再到消委

約咗人係金百利等. 專登自動傳單睇下有乜好食. 見有間叫開心廚房晚市D餐幾抵, $68或$88有湯, 有前菜, 有主菜有飯或甜品. 打算試下.上去之前已經專登來開飯網搵下料, 但見開心廚房已經執笠. 就無再深究. 上到去先知原來叫用心廚房...如果用呢個名再八下, 見到咁多喊樣一定唔上來.....入到去見成間野得2檯人, 各自坐了一個外國人, 已經有D不妙....算啦都上到來就....明明勁多位, 我地想坐開D, 個男經理竟然叫我地坐正係近窗的外國人隔離 我即時黑面. 佢見我咁即改口串我"哦咁你坐番呢到啦, 不過之後你地都咪又係要轉位" 聽見真係火都來埋. 你咁吉點會忽然間勁多客先! 我地得兩個人食得有幾耐佔你個位呢?好喇心情已經唔多好.....睇餐牌睇來睇去唔見街招講果個晚餐....感覺唔多老實專登要人問先肯比個MENU出來的下等招數....我攞了2張傳單問, 一張話晚餐$88, 另一張又話$68或88, 內容唔同, 究竟邊張先真阿叔侍應都攪唔清, 要問其他人先知. $68/88果張先真. $68個湯是栗米羹, $88是燉湯. 我地叫$88 SET. 但家陣個SET唔送甜品. 算了.

我朋友買咗兩個佢七十幾蚊嘅團購餐我地兩個一齊去食，燒鵝餐，小籠包任食，suppose係一將coupon係足夠一個人食嘅餐，但一坐落個waiter已經話佢地走咗個燒鵝師父所以個燒鵝嘅份量會少，話我地會唔夠食，叫我地喺menu單點啲餸，我朋友話本身覺得個餐係足夠食先會買，個waiter就係咁話我知我知，如果係佢地自己嘅問題而引至個餐唔夠食係咪應該免費用其他食物去補償而非叫客人比extra錢去嗌其他野呢？1）粟米羹：好明顯係罐頭，因為有啲一pat pat未開稀嘅漿2)小籠包：每次嚟得嗰4件，蒸好鬼耐，皮唔掂，一夾即穿，，味道尚可3)雞軟骨同拍青瓜：放咗成日，食唔食都罷4)重點嘅燒鴨，兩張coupon加埋得四份一隻鴨，皮唔脆，肉乾，基本上肉為主5)跟鴨嘅薄皮：乾爭爭得8塊多謝晒，唔夠要加嘅話剩惠＄16連點小籠包嘅醬同鴨嘅海鮮醬都要自己走去裝，海鮮醬重要比幾cm嘅油浸住

是次因團購光顧團購要3天前訂位, 不過個電話就打十世都唔通, 一係就無人聽當日去到, 人唔算多, 我地2 個人, 一早訂左佢都俾張路邊位我. 問佢可唔可以坐其他佢又話唔得, 除非我叫多兩個friend 上黎, 真係有夠funny到走個陣, D 比較大的枱都係無人座過, 而近門口的一張卡位就一路都放左少少雜物同招呼D自己人, 真係唔該哂食物方面, 3樣野任食: 青瓜, 雞軟骨, 小籠包青瓜, 雞軟骨 就自己在出面攞本身一出去兩樣都未有, 要同職員講再等厨房整好處就係雞軟骨新鮮D 攞我諗小籠包就要佢攞俾你, D 皮就真係幾厚下 用碟上令個皮爛的機會更高 (雖然已經係厚皮)主菜: 北京鴨其實個鴨係OK ge不過用黎包住鴨個個皮就比平時食開的細塊, 又有D硬咁囉 我以為佢唔小心上左雲吞皮俾我ja, hahaD 醬同配料又係出面自己攞不過我想攞個陣又係無, 又要同佢D staff 講...坐低個陣水都唔俾杯, 問先有..服務黎講, 3 個staff, 得一個比較知道咩叫service好彩我係團購如果俾正價, 就真係OMG 了

睇左Openrice咁耐, 從來未諗過寫食評, 但今次真係忍唔住喇!!!受唔住氣,即刻註冊,....誓要話俾各位Openrice既兄弟姊妹知,,故事由買左團購$78片皮鴨餐, 首先從訂位開始講起....打佢個booking電話足足打左幾日, 都無人聽, 驚佢執左, 所以就直接踩上門book, 點知去到個女仔話負責booking既同事未返, 要我坐係度等, 問佢要等幾耐, 佢竟然答'' 唔知wo, 起碼30分鐘啦''.....已經即刻火都黎, 最後要搞一大倫野先book到位....!!!去到餐廳,一 睇個menu, 即刻O哂咀!!!....明明團購個時寫住任食小籠包, 但menu被改成每一小時每人限叫小籠包三粒.....!!!咁叫任食小籠包??????唔係呀ma!!!!! 分明係欺騙人啦!!!! 仲有.....明明寫住可叫一碗白飯或薄餅, 但店員話叫左 片皮鴨就一定要選擇薄餅, 如叫白飯就要加錢.....又係呃人!!!由於身邊既食客都係買左團購$78片皮鴨餐, 大家都呢間廚房好不滿, 其中一名男食客去左同經理理論, 個經理竟然用粗口責罵男食客, 個經理仲話同個男食客講 ''一見到你已經

都係團購78蚊,結果亦係一肚氣打咗幾日電話終於有人聽可以book到最後1日.1200去到唔駛等位,但係入到去冇嘢比你食.伙記話遲d出面有嘢食喎. 我哋應該係第一枱客,明顯咁見到之前嗰晚嘅食物殘渣. 即係尋晚冇執嘢,未抹枱, 恐怖 青瓜 - "超"入味. 都唔知係青瓜定泡茶小籠包 - 明明話任食, 個伙記剩係話準食1 round(6粒)湯 - 冇出現過,問都話冇5選1菜 - 原全冇得揀, 得所謂燒鴨一樣嘅片皮鴨. 問佢仲有咩就話四季豆任食, 結果又係未見過開始唔耐煩咁再問多幾次又隊過第二個餐牌出嚟話一張飛揀1個小菜.真係剩係小菜, 白飯/薄餅又冇出現.最後嘅餐飲亦都冇出現 78蚊1肚氣, 食肯基基嘅北京烤鴨卷好過佢

這是我百忙之中亦要寫的食評，從未見過如此差的服務態度:，我是買了4張團購$78北京填鴨套餐，任食小籠包及中式小菜。8月初打電話去訂位，聽電話的小姐說訂位最快要到8月尾，真的那麼受歡迎嗎? 當時不能作出決定，沒有訂位，8月中的一個星期六打電話去試訂2點半2位，相信可以有位吧，聽電話的男士說2點半的時間不用訂位，直接上去便可，到達之後，接待我們的小姐說它們是必定要訂位的，為何一時一樣? 結果我們都能入內，還以為內裡高朋滿座，結果鋪內客人只得5，6位，不明白那位小姐為何這般招待客人。點菜時那位小姐自己對著餐牌說了一大堆菜式，我只聽到了一部份，最後終於都點了菜，說到食物質素呢，酸辣湯，任食的拍青瓜都還可以，炸雞軟骨就非常油，北京填鴨很乾，薄餅又很濕引致幾塊貼在一起，小籠包皮很厚又沒有肉汁，當時很想知道還有什麼可以任食，自己走去隔離枱諗住攞個餐牌睇下，那位小姐即時反應很大，態度不友善咁問＂有Mud野幫到你，如果你要睇餐牌，頭先已經讀晒俾你聽＂，小姐呀，頭先你諗書式講的一大堆，我想自己睇清楚啫! 2位$156真是可以享受到又貴，又唔好食，服務態度差劣的一間食店。之後還有2張打算10月去食，(沒有

認識OpenRice兩年以來都只是上來參考食評，這次實在忍無可忍，在香港從未遇過這種食店，此店只應強國有，不應存在在香江！ 長話短說，我和朋友買了雅虎團購$78片皮鴨餐(這次是朋友買的，所以沒有先看食評)，大部份的不滿上面的朋友都已經寫過，所以只補充與大家不同的遭遇：1：拍青瓜有點怪味，顏色暗暗的，不知是否存放太久。2：小籠包叫第一次等了半小時左右，味道尚可，吃完馬上再叫，侍應却說今日太多客人所以賣完了 3：由於和朋友顧着上網，到最後走了才想起每人一碗粟米湯從來沒有出現過！4：中段時間有位說國語的女客人臨走前大聲說他們亂抬高價錢欺騙遊客，準備上報紙吧(本人不知來龍去脈，但願那位女士說到做到，不要讓這黑店再欺騙人)。5：埋單後有個應該是大家形容的高佬男人，有鄉音的，我認得聽我訂位的也是他(應該是職位比較高吧)，說送我們每人一張會員卡，只要充值一千元就有九五折，二千元有九折、三千元有八五折，我第一時間想起深圳的大型按摩埸，也是用同樣手法留客，實在太有大陸feel了！由於根本沒有打算有下次，就試下問佢，咁要入幾多錢先有半價？佢就好可憐咁話，我地呢度d租金好貴，冇辦法做到咁低折，但係我地會

小弟都買左團購飛，所以今日黎左呢間餐廳食晚飯睇過食評 之前見到又話D 服務唔好 上菜又話要等好耐 有點擔心都係快快走黎食先得 一上到去,今日即使係平日,係銅鑼灣晚上八時食晚飯,,真係好難搵位。好彩黎到後 又唔洗等位 太好啦今次同埋4個朋友死黨上黎食,一來到 就有位眼鏡哥哥招呼我地介紹之後跟住連老闆 都走來招呼 可能之前有好多話過 而家終於改返好傾傾下 問下有咩食 團購 有任食 雞軟骨 小龍包之前服務唔好?????? 而家 又唔覺得有咩唔好播由於團購 的份量太小所以呢 填鴨 之外如果可以 真係睇下有咩菜可以加 眼鏡哥哥介紹下廚師有新菜色 胡椒雞 金箔肉餅 花蟹蒸飯 水晶紫米粽 翡翠明珠 我諗哇有冇咁勁呀 好似好好食播 好啦 決定要3個 胡椒雞 花蟹蒸飯 金箔肉餅 試一下3出菜 係就慢小小 可能慢工出細貨今晚我地5個都食都到開開心心仲有 甜品 唔記得影相 幾好味 之前未食過 正 佢地話特別 製作 來到記住問下

預咗呢間係黑店，又因為睇番好多前人, 呢間野有前科, 已同友人講, 被偏啦, 但真係忍無可忍, 要通知大家：團購：$78銅鑼灣「用心廚房」北京填鴨套餐，任食小籠包及中式小菜，配京式羮、薄餅及飲品（共五項目），原價$432友人由中秋節打電話到今日，一係無開門，一係個蒸小籠包爐壞咗，最後今午終於有人聽，book位，今日full晒，下星期啦，下星期無咁full, 友人怕佢執粒，要今日去，對方話7：00無位，8：00啦，OK 就8：007:00到，原來只有三組人，吓好full?? 北京填鴨餐有：4粒片皮鴨，4塊硬過草紙既薄餅，（手拍青瓜同硬皮小籠包任食，但小籠包等好耐）2碗栗米湯，2杯飲品，咁就完成一個餐啦！吓，$78大元就係咁，問小姐，小姐話你叫咗北京填鴨就=中式小菜，吓吓吓， 一人2粒鴨片就係小菜啦，我終於忍唔住，唔係麻$78就係咁多，好多囉！我故意大聲講, 真係接受唔到囉, 痴線架, 咁都得既, 於是，小姐同2位男士講（可能係老細）最後比多一碟炒飯同2杯仔慕士甜品(係唔好食同唔似慕士)今次呢件事，我離奇地冷靜，仲覺得好好笑，竟然在銅鑼灣有間咁既野，唔知你想唔想試下呢

我都受唔住氣,即時注冊, 即時講吓我食呢間"用心":因之前團購了2張在尖沙咀的食券,食物好!態度好! 所以就團購一口氣買了8張, 點知.... 太失望了.BOOK位: 同之前個位一樣, 打了好多次電話都沒有人聽, 怕佢執咗,所以入來睇下有沒有人寫食評(有即未執). 打通後原定的日子無位 FULL, 星期六,日,假期要到9月底先有位, 太長時間怕怕! 邊日有位就邊日去食, 以免執咗無得食.訂了7:00PM, 因為食評差,怕遲了去到又話無位, 所以未到齊人就先上去攞位, 入到去給了間房,(去到先開燈,好似貨倉咁)落單:8張飛只有4碟主菜? 單張唔系記明以位計? (原本計劃系4張半隻鴨, 其他4張系各4款, 即可以試晒的主菜)算! 以為系大碟, 點知.....細碟到好似小小食. 攞住個團購時的單張去門口問個小姐(因為都見有人), 問無理由, 張紙寫明系以每位計, 點會2人只有個小碟主菜? 佢既然俾張咭片叫我地: 你打電話問我老細, 唔好系到吵住我地的客!!任食的小龍包+青瓜+雞軟骨: 只系1.5小時內任食! 我地因人未齊, 所以問佢地可唔可以俾長少少時間. 佢地就話OK無問題一開始各給了2

時時話寫食評結果都懶得寫，今次終於搵到間餐廳令我非出手不可。Book位前已經時時留意住食評，因為都已經中過唔少團購既伏。然而團購券已入手，就算明知呢間嘢有好大機會中伏都已經無法子唔嚟領一領教。先講一講Book位，過程異常順利，煩少一樣已經好好。Book咗14/8 20:00兩位，未夠鐘已經到咗門口，不過接待處係長期無人既，所以我哋企咗一陣都無人理。之後搵到人喇，好彩未夠八點都俾我哋入去坐，坐晌對正門口嗰張檯，一坐底睇睇會唔會有啲咩花生呀餐前小食拎嚟先，好彩又無喎。跟手就俾咗團購張Menu我哋先。一路睇隔離企咗個疑似老細不停sell我哋加$20+去"Upgrade"個湯。又話個個都係揀北京填鴨你哋都係架啦..又話加$20就可以有個二食咁。為咗唔想佢一路企晌隔離騷擾我哋，所以叫咗佢幫我哋落咗小籠包雞軟骨青瓜各一，同埋酸辣湯豆腐肉碎湯各一先。點知佢轉頭連個Menu都收起埋唔俾我哋再睇，Um..咁即係咩意思呢?我哋都費事再煩再諗，就諗住叫咗北京填鴨+二食同埋一個咕嚕肉啦。點知原來揀咗北京填鴨就無得揀第二樣..咁個Menu又話一人可以揀一樣既?!都算..個伏唔中都中咗..咁就要北京填鴨+鴨鬆生菜

因為團購的關係，所以今日黎左呢間餐廳食晚飯。從未試過食過一間咁差的茶餐廳，令到我從來唔寫食評的人都要寫返篇來發洩自己的怒氣！！！6：45到達，高佬侍應哥哥猛叫我地出去出面等，但問題係去邊度等？？仲有，我已經一個星期前訂左枱，同埋入面係有位的！！入左去座，menu又唔比張，要叫個肥侍應攞過黎。6：50落左單，7：10咩都未上，等等等...終於上左第一道菜，唔係湯，唔係小食，唔係飲品，一黎就上涼瓜蝦仁炒蛋！我同愛人都呆左！就等於飲宴，一黎就上水果盤跟住又係等！！！D菜未上都已經等到飽晒！不斷舉手要侍應追單，兩杯檬茶要等成個鐘，仲要係追單先咁快有，唔追單就咩都無！等到都無晒胃口，連甜品同埋雞軟骨都唔追就走人，真係走人時，侍應哥哥們反應都快過人，佩服佩服=（可憐愛人要對住個黑面神食野~不過愛人想法樂觀，竟然覺得自己食緊法國大餐~如果唔想做生意，請＂用心＂繼續＂激心＂